Música Dark la eme presenta’l videu-clip Asturies ye Differente na Fnac by asturnet 15 d'avientu, 2006 El sábadu 16 d’avientu a partir de les 19,00 hores Dark la Eme va presentar el videu-clip “Asturies ye differente” nel forum de la FNAC. Depués del visionáu del clip ufrirá un mini conciertu nel que sonarán versiones jazzistiques de los temes de “Chigre y Dragón”. Dark la eme a los 14 años tocaba’l pianu con un grupu de blues y a los 17 yera una de les voces más conocíes de la radio asturiana. Foi’l pianista de lleendes como Elliot Murphy o Wilie Nile, tocó nel festival de Woodstock en 1999, o nel conciertu del venti aniversariu de Dixebra, tien fechos conciertos de techno y house en sales de tou’l continente. Tres el so primer single “Un asturianu en Madrid”, incluyíu nel so trabayu “Chigre y dragón”, onde’l hip-hop fusiónase con estilos bien distintos como’l swing, samaba o la tonada, presenta esti segundu single del so discu. 15 d'avientu, 2006 0 FacebookTwitterPinterestEmail
Música Les txalapartistes de Ttukunak en conciertu by asturnet 14 d'avientu, 2006 El grupu Ttukunak, compuestu por Sara y Maika, van dar la tarde del xueves 14 d’avientu un conciertu nel Centru Cultural Caxastur de la Colexata San Xuan Bautista de Xixón, a partir de les 20,00 hores. Les hermanes Sara y Maika, son dos ximielgues txalapartaris qu’entamaron a tocar a los doce años y yá recorrieron escenarios per tou’l mundu, dende’l Royal Festival Hall de Londrés hasta Brasil, Europa o Asia. Ttukunak tien collaborao con artistes como “Ojos de Brujo”, “Radio Tarifa”, Tomás San Miguel o “Mártires del Compás” ente otros. La so singular combinación de l’apariencia fráxil d’estes dos hermanes, cola dureza d’un instrumentu axatáu, como ye la txalaparta, faen de Ttukunak un espectáculu visual y sonoru únicu. La so fortaleza nel escenariu estremez al públicu que se sorprende ente la so capacidá p’arrancar infinidá de ritmos y sones a la madera, fierro y pizarra. 14 d'avientu, 2006 0 FacebookTwitterPinterestEmail
Música Fardaxu en conciertu na Universidá de les Madres de la Plaza de Mayo by asturnet 14 d'avientu, 2006 El grupu de música astur-arxentinu Fardaxu va dar un conciertu gratuitu’l 16 d’avientu, a partir de les 18 hores, nel Auditoriu de la Universidá Popular Madres de Plaza de Mayo. Fardaxu grabará ne directu parte del soníu y de les imáxenes de la película asturiana “La Carta de Bárbara”, que dirixe Ramón Lluís Bande, que tará nel conciertu. 14 d'avientu, 2006 0 FacebookTwitterPinterestEmail
Música Rockmeria repasa’l rock nes llingües minorizaes by asturnet 12 d'avientu, 2006 L’espaciu musical Rockmería, presentáu por Xune Elipe, y que s’emite na Radio del Principáu d’Asturies tolos miércoles de 15 a 16 hores y en redifusión de 23 a 24 hores, va dedicar la edición d’esti miércoles al rock que se fae nes llingües minorizaes europees. Dientro de los conteníos del programa que dirixe Xune Elipe falaráse sobre les rellaciones ente’l rock y les llingües minorizaes, la so historia, los primeros pasos, asina como’l momentu actual. Ente la música que se va poner nel programa fadráse una selección de grupos con cantares en catalán, gallegu., eusquera, aragonés, occitanu, sardu, bretón, galés, irlandés o friulés. La segunda parte d’esti programa va cuntar cola participación de Delfo Valdés, cantante de La Tarrancha, y Miguel Fernandi “Burilo” cantante de Skama la Rede, qu’entamarán un alderique sobre’l fechu de facer rock n’asturianu y sobre’l grau nel que inflúi la llingua nel conteníu de les lletres, asina como cuestiones como si l’asturianu ta preparáu pa ser un idioma del rock o si usar una llingua minorizada inflúi a la hora d’abrir o pesllar puertes nel mundu de la música. 12 d'avientu, 2006 0 FacebookTwitterPinterestEmail
Música Presentación del Anuariu de la Música Asturiana by asturnet 12 d'avientu, 2006 La discográfica L’Aguañaz presenta como tien avezao’l so anuariu de la Música Asturiana. La presentación fadráse en La Casa Posafuelles’l día 19 d’avientu a partir de les 20 hores. L’anuariu presentaránlu Xune Elipe, responsable de L’Aguañaz y dos de los collaboradores de la edición d’esti anuariu, l’escritor Inaciu Llope y l’historiador Rafael Rodríguez Valdés. La edición de 2006 del Anuariu de la Música Asturiana tendrá un tirada de 4000 exemplares y distribuyiráse xunta’l selmanariu Les Noticies. L’Anuariu vien acompañáu d’un cedé con catorce temes de dellos grupos que se presentará’l vienres 15 al mediudía na sé de la Sociedá Xeneral d’Autores. 12 d'avientu, 2006 0 FacebookTwitterPinterestEmail
Música Sean Keane nel Centru Cultural Caxastur d’Uviéu by asturnet 12 d'avientu, 2006 El cantante folk irlandés Sean Keane va presentar güei, martes 12 d’avientu, a partir de les 20,00 hores el so últimu trabayu, You’ve got gold” na sala del Centru Cultural Caxastur d’Uviéu. El nuevu trabayu que Keane va presentar n’Uviéu tien once cortes nos que s’axunta la música folk americana col folk irlandés, dexando un bon espaciu pal amuese de les capacidaes vocales de Keane. Sean Keane nació nuna familia vinculada a la música irlandesa nel Condáu de Galway. Los sos primeros antecedentes musicales remóntense a cuando yera bien neñu. Actualmente y con una década de trabayu en solitariu tien publicaos seyes discos con material que va dende canciones tradicionales ensin acompañamientu, pasando por temes de folk al country, con escales nel blues. Ente toes elles destaca ensin dulda’l so sellu personal que ye la so inconfundible voz, capaz d’axustase a los diferentes rexistros qu’esixen los estilos musicales de los sos temes. Del so últimu trabayu, “You’ve got gold”, destaquen ente otros “The penny falls” escrita ente Anth y Gerry Kaley, que ye una balada na que Sean Keane amuesa los perbonos rexistros de la so voz; o “Even heaven has to cry”, compuesta por Mary Greener, nel que se fai un mediu country. Ente les demás canciones del albúm alcuéntrense bien d’elles meciendo la tradición del folk americanu cola llírica irlandesa, como “The wining side” de Robby O’Connell, tema nel que se cuenta la historia de los 5 de Rossport, xente encarcelao n’Irlanda por negase a que les multinacionales estrozaren la natura del país y qu’a la fin algamron el so propósitu. 12 d'avientu, 2006 0 FacebookTwitterPinterestEmail
Música Tejedor presenta’l so tercer discu “Música na maleta” dedicáu a Ígor Medio y Carlos Redondo by asturnet 12 d'avientu, 2006 Los hermanos Tejedor presenten el so últimu trabayu musical tituláu “Música na Maleta” col que faen un homenaxe póstumu a Igor Medio y Carlos Redondo, fallecíos n’accidente de tráficu la nueche del 23 de xunu de 2006. “Música na maleta” ta producíu ente los hermanos Tejedor y César Ibarretxe. Con esti discu Tejedor tien por oxetivu amuesar la música tradicional del país y algamar la so mayor proyección internacional. Dende conceptos estéticos contemporáneos traten de reflexar l’espíritu actual del grupu asina como amuesar el so territoriu, Avilés. “Música na maleta” ye un viaxe nel que les emociones afloren dende la belleza a la tristeza y l’alcordanza dientro d’un viaxe nel s’abren les caxes de les esencies y s’alministren dalgunes de les víes de futuru pa la música folk que presenten dende Tejedor. Los doce cortes, cola escepción d’una xota asturiana, son composiciones feches por José Manuel y Javier Tejedor. Nesti trabayu apaecen 8 pieces musicales y cuatro cantares firmaos por Ruma Barbero y Lisardo Lombardía. Xunta los hermanos Tejedor participen nesti discu Ígor Medio, colos ses sos guitarres y el so bouzuki, Horacio García al contrabaxu, Ramón Morán al pianu, James Mackintosh a la batería y les collaboraciones de Faltriquera nes voces, asina como Ion Garmendia ya Iñalki Plaza na txalaparta, Hector Braga col cello, Nial Vallely na concertina, Mike McGoldrick na flauta travesara, John Joe Kelly col bodhram, Rubén Álvarez a la guitarra y Miguel Herrero a la trompeta y fiscorno. 12 d'avientu, 2006 0 FacebookTwitterPinterestEmail
Música Presentación n’Uviéu de L’asturianá d’Óscar Roces by asturnet 11 d'avientu, 2006 El xueves 14 d’avientu va presentase nel Salón d’Actos de la Biblioteca d’Asturies el llibru d’Óscar Roces Arboleya L’Asturianá: de la magia a la desolación. L’actu entamará a les 19,30 hores. Na presentación uvieina del trabayu participarán Gabino Busto Hevia, del Muséu de Belles Artes d’Asturies y l’escritor Pablo Rodríguez Medina. El llibru de Roces Arboleya fai un analís dende les lletres a la organización xeneracional de los interpretes, la so identificación coles escueles o tendencies d’esti tipu de cantar asturianu. Esti ensayu “irreverente y doliente” sobre l’actualidá de la cuestión musical asturiana considera que’l momentu que vive esta parte de la cultura asturiana vive anguaño un momentu “llaceriosu” 11 d'avientu, 2006 0 FacebookTwitterPinterestEmail
Música El discu Música Tradicional d’Ayande presentaráse en La Puela by asturnet 7 d'avientu, 2006 Esti vienres 8 d’avientu va presentase’l discu Música Tradicional d’Ayande nel Salón d’Actos del Ayuntamientu en La Puela. Nesta presentación participarán los creadores del discu que tocarán les 13 pieces incluyíes nesti trabayu, amás de dalguna otra non incluyía dientro del discu. Na presentación participarán los creadores del discu Xosé “Ambás”, Dolfu R. Fernández y Diego Pangua, cuntando cola collaboración especial d’Alberto Ablanedo. Na presentación del discu tarán, amás, presentes los informantes qu’enseñaron los sones qu’apaecen nel discu, “xente indispensable pa que se pudiere facer”, como Matutía de Regueira, Antón de Cova, Pilar d’Almoñu o Monolo de Valbona. Toos ellos “caltienen el calicor” de la cultura tradicional. El discu ta editáu pol Conceyu d’Ayande col apoyu del plan CEDER Valle del Ese-Entrecabos. web de Música Tradicional d’Ayande 7 d'avientu, 2006 0 FacebookTwitterPinterestEmail
Música Final del Festival nacional de música xoven de Mieres by asturnet 7 d'avientu, 2006 La final de la décima edición del Festival de música xoven de Mieres celebraráse con dos conciertos los díes 8 y 9 d’avientu nel Parque Xovellanos. Nesti certame más de cien grupos de tou l’estáu unviaron les sos maquetes pa poder participar nel X Certame Nacional Pop Rock Villa de Mieres. El vienres 8 d’avientu nel escenariu del Parque Xovellanos fadráse una gala especial de celebración de los 10 años d’esti Festival cola participación de grupos del conceyu de Mieres como Boghura Khan, Bogfight, Lakkra y The Buxoms. El xuráu escoyó como grupos finalistes a La Gallina verde, de Las Palmas de Gran Canaria; Provisional Rock Unit, d’Alacant; Elmo, de Tarragona; Universo acelerado, de El Prat de Llobregat; y White Noise, d’Uviéu. Durante’l tiempu de deliberación del xuráu, pa escoyer al grupu ganador d’esta X edición, el grupu Ermitaños del río tocarán como artistes invitaos. 7 d'avientu, 2006 0 FacebookTwitterPinterestEmail