Música Fé de Ratas recueye nun CD-DVD el so meyor directu nel Derrame Rock by asturnet 8 de febreru, 2006 Fé de Ratas, la veterana banda asturiana de rock duru, recueye nun CD-DVD una esbilla del so repertoriu en directu y nun de los escenarios onde esti grupu vivió los sos meyores díes: el festival Derrame Rock. En “Al borde del abismo”, el conxuntu lideráu por Maxi Compán y Rafa Kas, recuperen una parte de la hestoria musical d’Asturies encesa d’enerxía y bravura. El trabayu discográficu y audiovisual publicáu embaxo’l sellu Santu Grial ufierta l’actuación de Fé de Ratas nel Derrame con un audio remasterizáu nos estudios Finnvox de Filandia. El cuartetu de músicos xixoneses y avilesinos presenta esti trabayu el prósimu sábadu 11 nel Forum de Fnac con una actuación en vivu y un coloquiu posterior abiertu a tolos sos fans. Fé de Ratas 8 de febreru, 2006 0 FacebookTwitterPinterestEmail
Música El norteamericanu Jackson Browne actúa nel Campoamor en marzu by asturnet 6 de febreru, 2006 El músicu norteamericanu Jackson Browne va ufiertar un conciertu nel Teatru Campoamor d’Uviéu el prósimu 11 de marzu acompañáu del guitarrista David Lindley. L’autor de cantares emblemáticos como “Take it Easy” y colaborador de músicos como’l gaiteru Carlos Núñez o la cantante mallorquina María del Mar Bonet llega a presentar el so últimu trabayu discográficu “Solo Acoustic”. La cita con Browne, lleenda viva de la música americana de los 70, ye’l prósimu 11 de marzu nel Campoamor a les 20.30 nuna actuación que tien puestes les entraes a la vienda a un preciu de 22 euros pa patio y entresuelu, 18 en principal y 12 euros n’anfiteatru y gallineru. 6 de febreru, 2006 0 FacebookTwitterPinterestEmail
Música La comunidá africana n’Asturies escueye a Dixebra y a Skama la Rede pa presentar la so asociación by asturnet 31 de xineru, 2006 La comunidá africana residente n’Asturies organiza el prósimu sábadu 4 n’Uviéu una folixa solidaria y de presentación de l’asociación na que se xunta esti colectivu. Los grupos Dixebra y Skama la Rede van ser los encargaos de poner música a esti alcuentru de los emigrantes africanos abiertu a tola xente que quiera sumase a él. La cita ye a les 22.00 hores nel Polideportivu Fozaneldi (C/El Mayorazu, e/n)de la ciudá carbayona y les entraes tan puestes a la vienda a un preciu de seis euros empobinaos a sofitar les actividaes de la nueva asociación. El nome del colectivu que se presenta el sábadu ye Comunidá d’Africanos Residentes n’Asturies. 31 de xineru, 2006 0 FacebookTwitterPinterestEmail
Música El Conceyu de Xixón descarta por caru el conciertu de Depeche Mode by asturnet 27 de xineru, 2006 Los responsables de programación del Teatru Xovellanos de Xixón desmintieron a diversos medios la información aparecía na web oficial del grupu británicu Depeche Mode, según la cuála la banda diba actuar el 22 de xunetu nel estadiu del Molinón. Fontes del departamentu municipal de Festeyos afirmen que si bien les negociaciones cola empresa de management de los británicos tuvieron mui avanzaes a la fin l’altu coste del conciertu echó p’atrás al Ayuntamientu. Los elevaos gastos de produción qu’implicaba entamar l’actuación de Depeche Mode nel Molinón ye la razón esgrimida dende’l Teatru Xovellanos, empresa organizadora del eventu, pa desplicar el fracasu de la negociación colos representantes de la mítica banda pop de los ochenta. Na páxina web oficial de Depeche Mode, sicasí, sigue figurando la fecha del 22 de xunetu como la fixada pal conciertu de Xixón, un día enantes de l’actuación de los británicos nel festival de Benicassim. Les mesmes fontes del Xovellanos -citaes ente otros medios pol diariu El Comercio- que desmintieron la información de la web oficial de Depeche Mode, nun descartaron qu’otru grupu estrella los sustituya nel que puede ser el gran conciertu del veranu. Feches de la xira The Angel 27 de xineru, 2006 0 FacebookTwitterPinterestEmail
Música Les Pandereteres de Nerbia actúen nos xueves musicales de Tierra Astur by asturnet 26 de xineru, 2006 Les Pandereteres de Nerbia actúen esti xueves 26 pela nueche dientro’l ciclu d’actuaciones musicales de Tierra Astur de Cualloto. El coru de cantadores y percusionistes va interpretar un repertoriu nel qu’elles mesmes trabayen al través de los sos llabores de campu y recopilación orales. El grupu qu’esta nueche actúa en Tierra Astur nació na seronda de 2004 como grupu de música tradicional y agora interpreten básicamente temes acompañaos con pandereta. Nerbia ta compuesu por cinco cantadores: Silvia Quesada, Laura Fernández, Verónica Fernández, Cristina González y Lorena Rodríguez. 26 de xineru, 2006 0 FacebookTwitterPinterestEmail
Música Depeche Mode confirma el so conciertu esti veranu en Xixón by asturnet 26 de xineru, 2006 Depeche Mode va actuar nel estadiu El Molinón de Xixón el prósimu 22 de xunetu, según anuncia la banda na so páxina web oficial. Ente les feches de la xira mundial The Angel 05/06 figura la ciudá playa dos díes después de l’actuación de los británicos en Nimes (Francia) y un día enantes de tocar nel festival de Benicassim (España). La célebre banda pop de los ochenta va averar la so xira mundial a la península nel prósimu mes de febreru con entrambos conciertos en Madrid (díes 6 y 7) y Barcelona (díes 10 y 11, con una visita pel mediu a Lisboa el día 8 de febreru. En xunetu vuelven pa tar en Xixón, Benicassim, Torrevieja y Graná. Venticinco años después de la edición del so primer discu “Speak & Spell” el míticu grupu británicu publicó l’añu pasáu un nuevu trabayu tituláu “Playing The Angel”, col que volvía de nuevu al primer planu de l’actualidá musical internacional. Ési ye’l discu col que se presenta la banda en Xixón el 22 de xunetu, acompañando’l so repertoriu de xuro de los temes más clásicos del grupu, una referencia imprescindible del pop de les últimes tres décades. The Angel Tour 26 de xineru, 2006 0 FacebookTwitterPinterestEmail
Música La Col.lá Propinde presenta’l so discu “Güeria” en directu by asturnet 26 de xineru, 2006 El grupu de folk La Col.lá Propinde presenta estos díes los temes del so discu “Güeria” n’entrambos conciertos en Xixón y Siero. Esti xueves 26 a les 21.00 hores la banda l.leniega actúa nel Café Trisquel de Xixón y mañana viernes 27 va facelo nel Forum de Fnac. La Col.lá Propinde va interpretar en directu les pieces conteníes nel so segundu trabayu discográficu, editáu pol sellu L’Aguañaz, ente elles les que valen de banda sonora al documental “Suena’l camín”. El grupu lideráu por Cai y Cano ye un de los conxuntos más anovadores y frescos del panorama folk asturianu, combinando sones tradicionales colos ritmos básicos del rock de la Cuenca. 26 de xineru, 2006 0 FacebookTwitterPinterestEmail
Música Manta Ray publica el so esperáu “Torres de electricidad” by asturnet 22 de xineru, 2006 Manta Ray saca’l prósimu 31 de xineru el so esperáu discu “Torres de electricidad”, una apuesta sonora pola rotundidá espansiva de la música avezada nesta banda qu’afonda nel so nuevu trabayu por afitar el so sitiu singular na escena independiente asturiana ya internacional. El vascu Kaki Arkarazo ye l’autor de la producción del discu de los xixoneses, editáu por Acuarela. Arkarazo (productor de músicos como Fermín Muguruza, Anari o Dixebra, ente otros) colabora por segunda vez na grabación d’un discu de Manta Ray y la masterización cuerre a cargu de Roger Seibel (colaborador avezáu de bandes como Calexico, Sun Ra o Tortoise). Los propios miembros de la banda asturiana definen los diez temes conteníos en “Torres de electricidad” como un “emocionante saltu hacia un rock crudu, orgánicu, físicu y enllenu d’aristes onde toa influencia se dilúi por mor de la so aplastante personalidá”. El prósimu 31 de xineru va salir a la vienda’l nuevu trabayu discográficu de Manta Ray. Manta Ray 22 de xineru, 2006 0 FacebookTwitterPinterestEmail
Música Paul Collins aporta a Xixón col bagaxe a recostines del últimu power pop by asturnet 21 de xineru, 2006 El músicu estadounidense Paul Collins actúa esti sábadu 21 en Xixón nun de los sos conciertos de la xira per tol estáu. La cita ye na Sala Parque del Piles a les 22,00 hores y el programa del conciertu va ser un repasu a más de tres décades na vanguardia musical, con una parada irrefugable na so etapa como cabezaleru de los míticos The Beat. Collins llega a Xixón con un nuevu discu publicáu de la so actual carrera en solitariu: “Flying hihg”, una recordanza viva de que’l músicu sigue dando puxu enforma a les sos canciones. El trabayu discográficu col que se presenta l’americanu ye’l primeru tres doce años ensin grabar y tres un periplu axitáu que lu llevó a embarcase en diferentes aventures artístiques y profesionales. Agora ye la ocasión de ver el resultáu d’esa llarga busca en directu. 21 de xineru, 2006 0 FacebookTwitterPinterestEmail
Música Xuacu Amieva, Melendi y El Sueño de Morfeo reciben los premios AMAS d’honor by asturnet 19 de xineru, 2006 El gaiteru Xuacu Amieva, el cantante Melendi y el grupu El Sueño de Morfeo, xunto al productor Manolo Díaz, son los destinatarios de los premios d’honor del Anuariu de la Música Asturiana (AMAS) correspondiente a 2005. Los premios a les diferentes categoríes van concedese y entregase el prósimu 24 de febreru nuna gala nel Teatru Filarmónica d’Uviéu. Los nominaos na categoría de meyor cantante de 2005 son Anabel Santiago, Fran Fernández (Australian Blonde, La Costa Brava), Héctor Tuya (Babylon Chat) y Ramón Lage (Avalanch). Como grupos revelación los candidatos a recibir el premiu AMAS son FMM, Stoned Atmosphere, Dogfight y Alto Volto. Nes categoríes a meyores discos, en folk concurren “Esnalar” de Llangres, “De Romandela”, de La Bandina, “Namái” de DRD y “Salia” de Corquieu; como meyor discu de pop-rock, los nominaos son Nacho Vegas por “Desaparezca aquí”, DIxebra por “Ensin novedá”, Avalanch por “El hijo pródigo” y Amon Ra por “Incarnatio”. Premios AMAS 19 de xineru, 2006 0 FacebookTwitterPinterestEmail