Educación El Tribunal Superior de Xusticia acaba cola desixencia d’un mínimu d’escolinos pa dar clas d’asturianu en Secundaria by asturnet 18 d'ochobre, 2010 La resolución de 2008 de la Conseyería d’Educación qu’obligaba a la inscripción d’un númberu mínimu d’escolinos pa garantizar la clas d’asturianu na enseñanza obligatoria ye historia. El Tribunal Superior de Xusticia acaba poner sentíu común y llegalidá al pilancu más grave que se-y puinxere en democracia a la llibertá d’escoyeta de los pás no que cinca al asturianu. La Sala de lo Contencioso Alministrativu del Tribunal Superior de Xusticia d’Asturies falló esti día a favor de la demanda interpuesta polos servicios xurídicos de CC.OO contra la resolución del 16 de mayu del 2008, de la Conseyería d’Educación y Ciencia, pola que s’establecía la ufierta y les condiciones pa la elección de materies optatives y materies opcionales pa la Educación Secundaria Obligatoria. Na so sentencia, el Tribunal estima’l recursu interpuestu por CC.OO y declara nulu y ensin efectos por ser contrariu a drechu algún, l’artículu 5.1 de la resolución mentada qu’establecía un númberu mínimu d’ocho alumnos pa formar un grupu na asignatura de Llingua Asturiana na Educación Secundaria. Según CC.OO, trátase d’una “reclamación histórica” pa garantizar el drechu a cursar l’asignatura de forma voluntaria, sin depender del númberu d’alumnáu que lo pida. Nesta histórica sentencia, la Sala entiende que l’Alministración, al establecer un númberu mínimu pa formar un grupu, desvincúlase de la obligación que-y impón la Llei 1/1998 d’usu y promoción del bable-asturianu, de garantizar la so enseñanza en tolos niveles y graos. La sentencia tamién dexa claro que, por doctrina del Tribunal Supremu, nun pue desoyese’l mandatu llegal del artículu 10.1 de la Llei 1/1998 por razones presupuestaries. El sindicatu desixe agora el cumplimientu “inmediatu” de la sentencia en tolos institutos qu’haya alumnáu deriváu a otres materies por nun cumplir col requisitu del númberu mínimu d’alumnos. 18 d'ochobre, 2010 0 FacebookTwitterPinterestEmail
Educación El Conceyu de Colunga busca un Técnicu d’Educación Infantil by asturnet 13 d'ochobre, 2010 L’Ayuntamientu de Colunga convocó un procesu selectivu, pente medies de concursu-oposición, pa la contratación temporal d’un Técnicu d’Educación Infantil pal Aula d’Educación Infantil del Conceyu de Colunga. Les funciones del que resulte escoyíu van ser ellaborar y executar la programación, exercer los llabores docentes dientro de la so unidá y desenrrollar los programes curriculares, incluyendo les actividaes rellacionaes cola salú, hixene y alimen tación de los neños. Ye necesario tar en posesión del Títulu de Técnicu Superior n’Educación Infantil (Ciclu Formativo de Grau Superior), Técnicu Especialista en Xardín Infancia (FP II), Diplomáu n’EXB, Diplomáu en Maestru Especialista n’Educación Infantil o Maestru Especialista n’Educación Primaria, Personal habilitáu al amparu de la Orde de 11 de xineru de 1996, pola que se homologuen cursos d’especialización pal profesoráu d’educación infantil, educación primaria, educación especial y del primer ciclu d’educación infantil y personal acreditáu al amparu de la Resolución de 11 d’ochobre de 1994, de la Dirección Xeneral de Centros Docentes. El plazu de presentación de solicitúes remata’l día 25 de payares. Información nel BOPA d’11 d’ochobre. 13 d'ochobre, 2010 0 FacebookTwitterPinterestEmail
Educación Accem organiza un taller de didáctica de castellán pa inmigrantes by asturnet 13 d'ochobre, 2010 L’asociación Accem ufierta a toles persones interesaes un programa formativu empobináu a la participación voluntaria n’entidaes ensin ánimu de porgüeyu nel ámbitu de la intervención con persones inmigrantes. Accem pon a disposición de les persones interesaes un taller con una duración de 10 hores nel que s’inclúin los tema rellacionaos cola metodoloxía d’enseñanza de castellán con esta población, analís de materiales y actividaes, según les posibililidá de participación voluntaria nesti ámbitu. Pa les persones interesaes en participar, Accem Asturies ufierta esta formación nel so llar de Xixón, nes vinientes feches: del 26 al 28 d’ochobre de 16:00 a 19:30 hores. Les persones interesaes pueden ponese en contautu y realizar les inscripciones nel teléfonu 985 16 56 77. 13 d'ochobre, 2010 0 FacebookTwitterPinterestEmail
Comunicación UXT celebra una xornada alredor de les industries culturales nAsturies by asturnet 11 d'ochobre, 2010 La Unión Xeneral de Trabayadores dAsturies (UXT) celebra esti xueves 14, en La Llabora del Xixón, un foru embaxol títulu Les industries culturales nAsturies: fortalecimientu, cohexón y vertebración pa la creación dempléu. Lactu van inauguralu Mercedes Álvarez, Conseyera de Cultura y Turismu dAsturies; Paz Férnadez Felgueroso, Alcaldesa de Xixón y Justo Rodríguez Braga, Secretariu Xeneral dUXT Asturies. Amás, a les 10 de la mañana, les Juventudes Musicales van ufrir una actuación. A les 11 va celebrase una mesa redonda alredor de La Industria Cultural nEspaña. Tornando dempués d’una posa a les 12, con “Situación de los sectores qu’integren les Industries Culturales Asturianes”, por Jorge Fernández León, Vice Conseyeru de Promoción Cultural y Política Llingüística. La xinta va basase nuna preba de productos asturianos. A les trés y media la tarde, una mesa redonda va tratar los “Retos, propuestes ya internalización de la Empresa Cultural Asturiana”, con Fermín de Con Longo, de FES-UXT Asturies; José Luís García-Bericua, presidente de l’AEPA; José Antonio Rodríguez-Bron, presidente de l’Asociación de la Prensa d’Uviéu; Iván Fernández Lobo, Director de la Feria Internacional del Videoxuegu GAMELAB; Carmen Caballero, presidenta de la Fundación Cultural Asturias; y Miguel Álvarez Areces, presidente de l’Asociación INCUNA. A les seis va clausurase, faciendo una hora más tarde una visita guiada al edificiu de La Llaboral Ciudá de la Cultura. 11 d'ochobre, 2010 0 FacebookTwitterPinterestEmail
Educación SUATEA pide que se cumpla la Llei d’Usu na enseñanza del asturianu by asturnet 11 d'ochobre, 2010 El sindicatu SUATEA, dio anuncia de les irregularidaes que se tán produciendo nel sistema asturianu d’enseñaza. Según el sindicatu esti cursu ta “fuera de la llei” pola mor de los recortes nes plantilles d’asturianu y gallego-asturianu. Piden que se cumpla la llexislación vixente y que nos currículos “se recueya esplicitamente’l nuesu patrimoniu llingüísticu y mentes nun lo faigan s’atiendan toles demandes”. SUATEA denuncia qu'”Entamó’l cursu y la mayoría los centros nun ufiertaron al alumnáu dinfantil la enseñanza d’asturianu, munchos centros solicitaron ufiertar estes enseñances y dendel Serviciu Inspeición, cola supervisión del Conseyeru, denegóse esta pitición”. Según esplica’l sindicatu les places ufiertaes de llingua en Primaria mermaron en 16 y cerca del 50% son a media xornada, lo que supón “una merma de la calidá de la enseñanza coles ratios al máximu en Primaria y la eliminación de latención al alumnáu dInfantil en delles de les poquísimes escueles onde los y les escolines desta etapa recibíen enseñu de llingua, porque solol 12% del alumnáu dEducación Infantil recibíal cursu pasáu clases de Llingua o Gallego-Asturianu”, denuncien, Amás protesten tamién pola situación de la Educación Secundaria y Bachilleratu de “llaceriosa” al ser non solo voluntaria sinón tamién optativa, contraviniendo asina la Llei d’Usu. 11 d'ochobre, 2010 0 FacebookTwitterPinterestEmail
Educación La Oficina de la Llingua de Xixón presentó lAxenda 2010-2011 by asturnet 5 d'ochobre, 2010 La Oficina de la Llingua Asturiana de Xixón presentó esti llunes nel IES Fernández Vallín, lAxenda Escolar 2010-2011, dedicada a la diversidá llingüística, yá quési ye lAñu Internacional desta cuestión. Na presentación participaron el conceyal de Política Llingüística, Jesús Montes Estrada; la responsable de la Oficina Municipal de la Llingua, María Xosé Rodríguez López; la directora del IES Fernández Vallín Mercedes Morán Díaz; y lautora de los testos de l’axenda, María Ángeles González García. Les ilustraciones de laxenda son de Lupe Sabugo y va repartise ente los maestros del conceyu de Xixón y los cuasi 700 alumnos matriculaos en Llingua Asturiana en Secundaria y Bachilleratu nos centros escolares del Conceyu. 5 d'ochobre, 2010 0 FacebookTwitterPinterestEmail
Comunicación Camín de Cantares percorre Lleón, Zamora, Salamanca y Miranda del Douru by asturnet 4 d'ochobre, 2010 Esti sábadu pasáu entamó la octava temporada de Camín de Cantares, espaciu conducíu por Xosé Ambás na TPA, que dedicól primer programa a Isabel de Mieldes (nel partíu de Sierra del conceyu de Cangas del Narcea). La temporada presente, que secha los sábados pela mañana, va llevar a los televidentes asturianos a conocer patrimoniu llingüísticu y cultural común de Lleón, Zamora y Miranda del Douru, en Portugal. Seis programes van tar distribuyíos pela xeografía asturiana, trés van desplazase hasta Lleón, ún a Zamora, dos hasta Miranda del Douru (Portugal) y otru hasta Peñaparda (Salamanca). 4 d'ochobre, 2010 0 FacebookTwitterPinterestEmail
Comunicación Radio Narcea estrena programa nasturianu by asturnet 27 de setiembre, 2010 Esti llunes, 20 de setiembre, presentóse nel dial 107.5 de Radio Narcea, y tamién nInternet al traviés de Narceadigital.com, el programa radiofónicu Regudixu, un espaciu dactualidá cultural quaxunta anuncies varies, entrevistes a personaxes del conceyu de Cangas, música, lliteratura, etc. El programa va poder sentise nel dial 107.4 de Radio Narcea, tolos llunes y xueves a les 11 la mañana. Radio Narcea al traviés d’internet 27 de setiembre, 2010 0 FacebookTwitterPinterestEmail
Educación Convóquense les elecciones al Claustru de la Universidá dUviéu by asturnet 24 de setiembre, 2010 Lequipu de gobiernu de la Universidá dUviéu anunció yá la fecha de la celebración de les elecciones al Claustru, máximu órganu de la institución, que renueva representantes estudiantiles. Sedrál viniente 4 de payares y en total van escoyese 72 representantes ente los estudiantes de grau máster o de primeru y segundu ciclu, amás de trés más ente los de doctoráu o tecer ciclu. Nes elecciones caberes, celebraes en 2008, el Conceyu Universitariu pol Asturianu fízose con dos representantes, mientres Fai! consiguió unu. A estos representantes asturianistes súmense dellos profesores más, como Ramón dAndrés o Xosé Antón González Riaño, ente otros. Más información sobre la convocatoria d’elecciones 24 de setiembre, 2010 0 FacebookTwitterPinterestEmail
Educación Los concertaos siguen siendo una torga pal enseñu de la llingua asturiana by asturnet 21 de setiembre, 2010 Según informól Conseyeru dEducación y Ciencia dAsturies, Herminio Sastre, na enseñanza concertada, lasignatura de llingua asturiana namás tien un seguimientu del 6,8% sobrel total de matriculaos nesti cursu. El datu supón una xuba del 1,3 por ciertu con respectu al cursu 2008-09, pero sigue siendo una cifra bien baxa, teniendo en cuenta quel 56,6% de los alumnos de la pública, van dar asturianu esti añu, con un puntu más que lañu pasáu. Pocos son los exemplos de colexos concertaos comprometíos col enseñu del asturianu. Unu de los más destacaos yel colexu San Lorenzo de Xixón, primeru en dar asturianu ente los concertaos, y anguaño con un porcentaxe cercanu al 100% dalumnos matriculaos nasturianu. El Conseyeru refirióse tamién estos díes a la contratación de profesores nasturianu, que recordó, nun se pue facer con places permanente por nun esistir una titulación universitaria concreta. Esto va camuar a partir desti mesmu cursu, col entamu de les titulaciones oficiales dasturianu na Universidá dUviéu. Nun habrá yá escuses pa convocar les places con normalidá, dempués de más de 25 años dasturianu nes escueles. 21 de setiembre, 2010 0 FacebookTwitterPinterestEmail