Música L’intercélticu d’Avilés cellebraráse del 21 al 31 de xunetu. by asturnet 17 de xunetu, 2006 El martes 18 de xunetu a les 19 hores nel Palaciu de Valdercazana faese la presentación del Intercélticu d’Avilés cola proyección de “Lluna Celta”, la presentación de los actos y novedaes y l’actuación del zanfoñeru Hector Braga Más de 1000 músicos van ufrir los sos sones peles cais d’Avilés y de la so comarca. La X edición del Intercélticu d’Avilés programa más de cien actos que fadrán de la villa l’epicentru internacional de la cultura y tradiciones céltiques durante los once díes de duración d’esti Festival. L’asociación cultural Esbardu, organizadora del Festival, va dedicar la nueche del sábadu, 22 de xunetu, un homenaxe a Igor y Carlos, músicos de Felpeyu fallecíos la pasada nueche de San Xuan, como yá informara Asturnews, cola actuación de Llan de Cubel y Mabon (País de Gales). El festival entama’l vienres 21 cola actuación de Xuacu Amieva y del grupu folk irlandés Gaolta. Amás de la música celta habrá amueses de deportes tradicionales, artesanía, gastronomía, teatru y un mercáu tradicional asturianu. Les nueches céltiques del F.I.A serán los actos centrales d’esti alcuentru. Per elles grupos y músicos del altor de los asturianos Llan de Cubel, los escoceses Cantterach, l’harpista gallegu Xavier Gómez o los irlandeses Scoil Rince Cualann ufrirán los sos sones y cantares d’esta X edición del mayor festival intercélticu del país. Les bandes de gaites serán tamién protagonistes d’esti alcuentru cola participación de bien d’agrupaciones de los diferentes países y con una destacable participación de delles bandes asturianes. El Festival Intercélticu d’Avilés desenvolveráse tamién dellos llugares de la comarca avilesina, d’esta forma non sólo la villa sinon tamién los conceyos más averaos, como Corvera o Castrillón sentirán la cultura celta. 17 de xunetu, 2006 0 FacebookTwitterPinterestEmail
Música Anabel Santiago en conciertu by asturnet 17 de xunetu, 2006 La voz más potente de la canción asturiana, presenta en Villaviciosa un espectáculu que tresciende l’homenaxe a Diamantina Rodríguez, voz histórica y tresgresora de la tonada. Anabel Santiago lleva la canción tradicional a una nueva tesitura musical, qu’amás consigue llegar al públicu mozu a un xéneru que paecía acabar. Acompañada por músicos del altor de Michael Lee Wolfe, los que conformen en sí mesmos un gran conciertu, conflúin nesta cita musical espectáculu y calidá, tradición y modernidá. Anabel Santiago, xunto col conciertu que va ofrecer KATIE GRAHAM & THE BLACK HERITAGE SINGERS el 11 d’agostu, constitúi la ambiciosa propuesta musical de branu nescenariu esterior que promuevel Conceyu de Villaviciosa. Dos grandes voces femenines de xéneros bien distintos, pero xuníes pola potente carga de tradición de les que dambes les dos son herederes y representantes, caúna na so disciplina. 17 de xunetu, 2006 0 FacebookTwitterPinterestEmail
Música Entamal V festival de Jazz dUviéu by asturnet 16 de xunetu, 2006 Dendel 17 hastal 23 de xunetu les cais dUviéu van sintir los sones de dalgunes de les figures más destacaes del jazz internacional. El festival uvieín ufrirá a los asistentes una bona amuesa de los estremaos estilos del xéneru. LAuditoriu Príncipe Felipe, el Claustro baxu de la Unversidá y la plaza dEl Fontán, asina como la Sala Tribeca, serán, como ye avezao, los escenarios del ciclo oficial. Salomón Burke, entama güeil Festival de Jazz dUviéu, ye conocíu comol rei del rock y del souly ta acabante asoleyar Don´t Give Up On Me, un trabayu con once cantares nuevos producíu por Joe Henry, y con un repertoriu preparáu dafechu pa elli por compositores como: Bob Dylan, Elvis Costello, Nick Lowe, Tom Waits, Dan Penn y Van Morrison. Pelos diferentes escenarios uvieinos habrá tamién la ocasión de sintir al ex-Rolling Stones Bill Wyman col so grupu The Rythm Kinas, esti xueves 20 de xunetu., o al Eddie Henderson Iberian Quartet, grupu del que forma partel pianista asturianu Isaac Turienzo, que tamién va actuar esti xueves 20 de xunetu. Amás de la programación oficial lasociación cultural NOSEPARA entama del 17 al 29 de xunetu les xornaes JazzConfusión conferencies, audiciones, proyecciones, actuaciones relacionaes col jazz que van ayudar a facer dUviéu la capital del jazz peninsular. 16 de xunetu, 2006 0 FacebookTwitterPinterestEmail
Música Anabel Santiago y Alberto Varillas estrenen l’Espectáculo Torner by asturnet 13 de xunetu, 2006 Anabel Santiago y Antonio Varillas estrenen l’Espectáculo Torner L’amiestu de suites de música asturiano n’homenaxe al investigador de los sones tradicionales estrénase nel Teatru Filarmónica esti vienres 14 a les 20.30. La obra del musicólogu y compositor Ismael Arias cunta cola participación d’Anabel Santiago, Alberto Varillas y Michael Lee Wolf ente otros músicos. L’espectáculu d’Arias ye una amuesa de “la belleza de la música asturiano al traviés de cuatro pieces”. Los músicos van tocar la suite de la Romería, la suite Filandón, la suite de Bodes y la suite de Vaqueires. 13 de xunetu, 2006 0 FacebookTwitterPinterestEmail
Música La Col.lá Propinde empieza la so xira de branu Güeria nel Carmín de La Pola Siero by asturnet 12 de xunetu, 2006 El grupu de folk l.lenizu, La Col.lá Propinde, va empezar la so xira de branu del so nuevu discu, el prósimu vienres día 14 de xunetu, nes fiestes del Carmín en La Pola Siero. Esti trabayu que lleva por títulu Güeria foi espublizáu a finales del añu pasáu cola presentación del mesmu nel Teatru Vital Aza de La Pola L.lena. El conciertu d’esti vienres va tar dedicáu a la memoria d’Irgor Medio y Carlos Redondo, miembros del grupu Felpeyu colos que La Col.lá diba compartir escenariu nesi mesmu día. El segundu discu de La Col.lá Propinde cuenta con abondes collaboraciones d’otros músicos asturianos, como ye’l casu d’Esther Fonseca, nel canciu que lleva por nome ‘Alcordances’. Precisamente nesti conciertu la banda l.leniza va convidar a Fonseca a xubir al escenariu con ellos. Otros de los collaboradores d’esti album son Delfo (de La Tarracha y K-Nalón), Lafu y Ramón de Los Berrones. La nueche folk de La Pola Siero va empezar sobre les once de la nueche y completa’l so cartel cola presencia de los grupos asturianos DRD, Los Llanzones y Los Gatos del Fornu, ente otros. 12 de xunetu, 2006 0 FacebookTwitterPinterestEmail
Música El Barucu celebra una jam session colos participantes del Taller d’Improvisación de la FMCEyUP by asturnet 12 de xunetu, 2006 El conocíu establecimientu xixones, El Barucu, local de la cai Almacenes del Barrio del Carmen en Xixón, acueye esta nueche, a partir de les diez, una jam session na que van participar los alumnos y profesores del Taller d’Improvisación organizaos pol Taller de Músicos de la FMCEyUP. Amás, va cuntase primero con un cuartetu de jazz asturianu formáu por Carlos Pizarro a la guitarra, Alejandro Gallego na batería, David Casillas al contrabaxu y la voz de Dudu Puente. Los participantes nesta jam session organizada pol Taller de Músicos de la FMCEyUP van ser el saxofonista Andreas Prittwitz, el pianista Pedro Sarmiento, el percusionista Juan Carlos Melián, el saxofonista Bob Sands, el trompetista Mathew Simon y el trombonistaJohn Dubuclet. 12 de xunetu, 2006 0 FacebookTwitterPinterestEmail
Música Joaquín Pixán canta a les poetes asturianes con música de Ramón Prada y Jorge Muñiz by asturnet 10 de xunetu, 2006 El cantante líriu Joaquín Pixán ta estos díes trabayando nun nuevu proyectu discográficu nel que pon voz a los poemes de seis poetes asturianes. Los versos de Nene Losada, Taresa Lorences, Lourdes Álvarez, Berta Piñán, Esther Prieto y Vanessa Gutierrez foron musicaos polos compositores Ramón Prada y Jorge Muñiz, nun trabayu pensáu pa voz y pianu, de la mano de Carmen Yepes. El discu tamien cuenta con dos obres pa cello y una pa la flauta con Jose Ángel Hevia. Joaquín Pixán, que yá punxere la so voz a los poemes d’Angel González, aseguró qu’esti ye ‘un proyectu d’asturianos p’asturianos’. El trabayu que saldrá a la lluz nos prósimos meses ta producíu y pensáu pol propiu Pixán. Pela so parte, Ramón Prada y Jorge Muñiz son dos compositores de prestixu internacional que s’encargaron nos últimos meses de trabayar sobre los testos de les poetes asturianes pa pone-yos música. Prada foi l’encargáu de componer pa les palabres de Berta Piñán, Lourdes Álvarez y Esther Prieto, mentes que Jorge Muñiz, que trabaya como catedráticu de composición nuna Universidá de los Estaos Uníos, fixo lo propio colos de Nene Losada, Lourdes Álvarez y Vanessa Gutierrez. 10 de xunetu, 2006 0 FacebookTwitterPinterestEmail
Música Los multiculturales Macaco presenten ‘Ingravito’ nel Fórum de la Fnac by asturnet 10 de xunetu, 2006 Depues de ganase a la crítica y al públicu de mediu mundu col album ‘Entre Raíces y Antenas’, Macaco regresa al panorama musical cola escena más pop. Cola collaboración de Muchachito Bombo Infierno, LaMari (Chambao) y grupos de hip hop italianos, como Caparezza, y Brasil, como B-Negâo, Naçau Zumbi, el so últimu discu que lleva por nome ‘Ingravito’ axunta catorce temes que van ser presentaos esti xueves a les seis y media nel Fórum de la Fnac de Parque Principado (Siero). Con esti nuevu discu, los catalanes Macaco, con el Mono Loco a la cabeza y la troupe multicultural que lu acompaña, sinteticen nueve años de busca nuna síntesis perfecta qu’incorpora la rumba catalana a les tres exas fundamentales de la urban music (roots, rap y reagge). 10 de xunetu, 2006 0 FacebookTwitterPinterestEmail
Música Dark la eMe lleva’l so ‘Chigre y Dragón’ a la carpa de la Selmana Negra by asturnet 10 de xunetu, 2006 L’asturianu Mario Fueyo, más conocíu como Dark la eMe, actúa esti vienres, a les once la nueche, nel escenariu principal de la Selmana Negra de Xixón . L’autor de “Un asturiano en Madrid” (versión autorizada de Englisman in N.Y. de Sting que se convirtió nel himnu oficial de los nuevos emigrantes asturianos) vuelve a la so tierra despues del esitu de “Chigre y dragón”. Nel discu que va presentar nel conciertu d’esti viernes a les once la nueche collaboren músicos y cantantes asturianos como Anabel Santiago, Hector Braga, Alberto Rionda (Avalanch) o Andreas Priwitz. 10 de xunetu, 2006 0 FacebookTwitterPinterestEmail
Música La Banda de Gaites de Corvera presenta ‘Al debalu’ by asturnet 9 de xunetu, 2006 La Banda de Gaites de Corvera, dirixida por Bras Rodrigo, presentó esta mañana na se de la Sociedá d’Autores d’España (SGAE) la so primer grabación que lleva por títulu ‘Al debalu’. Nel actu de presentación el director de la banda corverana tuvo acompañáu por Fernando Cuesta, de la productora Grabaciones Pola, y pol espertu en música folk y locutor de Radio Asturias, Aurelio Argel. Nesti primer álbum, la Banda de Gaites de Corvera recueye fundamentalmente temes tradiciones, anque tamien hai composiciones del so director, Bras Rodrigo, asina como una grabación del himnu d’Asturies y, per primer vez a la gaita, l’himnu de la Santina. La banda corverana actuó’l pasáu mes de mayu na Cueva de San Miguel, en Xibraltar, xunto a la Banda de Gaites del grupu scout Inmaculada de La Línia de la Concepción y la Gibraltar Sea Scouts Pipe Band nun conciertu que foi grabáu en Dvd y que dientro de poco tamien saldrá a la venta 9 de xunetu, 2006 0 FacebookTwitterPinterestEmail