Música La Banda de Gaites Villa de Mieres participa nos actos del Día d’Asturies en Bilbao by asturnet 3 de setiembre, 2006 El prósimu sábadu 9 de setiembre, la Banda de Gaites Villa de Mieres va tar presenta nos actos de celebración del Día d’Asturies en Bilbao. A les siete y media la tarde, Joaquín Rodríguez Coto va centrar la celebración de la festividá de La Santina na Casa d’Asturies en Bilbao cola llectura d’un pregón sobre ‘Asturies. Hestoria y Turismu’ nos salones del Carmen, n’Indautxu, tres del que tamien va haber una degustación de productos asturianos. Los festeyos de celebración que remembren a la patrona asturiana, Nuestra Señora de Cuadonga, van empezar el día 8 de setiembre con una fabada pa los que quieran, allargándose hasta’l domingu 10 cuando, pela mañana, va haber una misa de campaña pola memoria de los difuntos de la Sociedá que sedrá cantada pol Coru de la Residencia, actuando, de siguío, el grupu de gaites. Una paella, concursu d’arroz con llechi, empanada y tortiella de patata, de canción asturiana y habaneres, asina como d’escanciáu de sidra pa los socios, son otres de les actividaes que la entidá asturiana en Bilbao tien preparaes pa remembrar la festividá de La Santina. 3 de setiembre, 2006 0 FacebookTwitterPinterestEmail
Música Gran nueche del rock con Barricada, la Vargas Blues Band, el Mono Burgos, Alto Volto, Mala Reputación y Avalanch by asturnet 30 d'agostu, 2006 Les fiestes de San Mateu d’Uvieu van traer a les Pistes de San Llázaru, el próximu 22 de setiembre, a les diez de la nueche, una gran nueche de rock na que van actuar los míticos Barricada, la Vargas Blues Band acompañada del Mono Burgos, amás d’Alto Volto, Mala Reputación y Avalanch. Formaos nel barriu de Txantrea, en Pamplona, nel añu 1982 Barricada ye una de les principales bandes de rock españoles, autora d’exitos como ‘En blanco y negro’, ‘Ocupación’, ‘No hay tregua’, ‘Balas Blancas’ y ‘Contra la pared’. Con ellos, nos escenarios de les Pistes de San Llázaru van actuar la conocida Vargas Blues Band xunto al Mono Burgos. Los ganadores, xunto a Marienbad, del Concursu de Maquetes del Institutu Asturianu de la Mocedá y 40 Principales, Alto Volto, compartirán escenariu nesta ocasión tan especial colos tamien asturianos Mala Reputación y Avalanch. 30 d'agostu, 2006 0 FacebookTwitterPinterestEmail
Música Soto acueye esti sábadu la XI Nueche Celta Conceyu dAyer by asturnet 28 d'agostu, 2006 Soto dAyer va celebrar esti sábadu 2 de setiembre la so XI Nueche Celta coles actuaciones de Corquiéu, La Bandina xunto a Anabel Santiago, The Finlay Mcdonald Band y la Col.lá Propinde. Alredol del festival tamién se van organizar una serie dactividaes complementaries, ente les que destacal mercáu tradicional y la escenificación de Gorsedd de parte de la compañía Nun Tris. A les cinco la tarde del sábadu, va abrisel mercáu tradicional que va contar con talleres de cerámica, cestería, tornu y talla de madera, cuero, un ferreru, xoyes asina como con puestos de productos asturianos. Como actividaes complementaries, a lo llargo de la xornada van organizase xuegos tradicionales, una esposición dinstrumentos musicales y un taller de bailles tradicionales. El teatru va correr a cargu de la compañía Nun Tris, que va poner nescena Gorsedd, de les 24.30 a la 1.30 hores. Pero ensin duda lo más atractivo del programa ye la parte musical, questi añu llega a partir de les diez de la nueche de la mano de Corquiéu, La Bandina que va actuar xunto a Anabel Santiago, The Finlay Macdonald Band y La Col.lá Propinde. 28 d'agostu, 2006 0 FacebookTwitterPinterestEmail
Música Luz Casal llena esta nueche Avilés de la so ‘Sencilla alegría’ by asturnet 27 d'agostu, 2006 El Complexu Deportivu d’Aviles va acoyer esta nueche, a partir de les diez y media, un conciertu de Luz Casal que ta enmarcáu nos festeyos de San Agustín que yá lleguen a la fin. Coruñense de nacencia pero asturiana d’adopción, Casal va facer repasu de los temes que na decada de los ochenta la consagraron como una de les principales solistes de la epoca mesmo que de les nueves canciones del so últimu discu que lleva por títulu ‘Sencilla alegría’. Depues de grabar en 1980 el so primer single con Philips, el sellu Zafiro ufiertó-y a Luz Casal grabar un primer LP homónimu, llegándo-y l’esitu en 1985 con ‘Rufino’, un cantar incluyíu nel discu Luz III, nel que tamien había temes compuestos por Antonio Vega y los hermanos Auserón. Los boleros ‘Piensa en mí’ y ‘Un año de amor’ allegaron los sos rexistros más cercanos al pop y al rock a los del boleru, descubriendola como una artista d’abonda versatilidá, hasta llegar a anguaño, que sigue trunfando col so últimu trabayu que lleva por títulu ‘Sencilla alegría’. 27 d'agostu, 2006 0 FacebookTwitterPinterestEmail
Música Presentación d’ ‘Enxamás ye pa siempres’ de Niundes en Cualloto by asturnet 23 d'agostu, 2006 El grupu llaniscu Niundes, formáu nel añu 2001 por Isidro Suárez, Roberto Tárano, Omar Ceballos, Jonathan Ward, Ramonín González y la vocalista Belen Díaz, presenta esta nueche, a partir de les diez, nel restorán de Tierra Astur en Cualloto el primer discu de so que lleva por títulu ‘Enxamás ye pa siempres’. Dientro de los xueves musicales organizaos pola sidrería Tierra Astur de Cualloto, el grupu llaniscu Niundes va facer presentación del que ye’l primer discu de so: ‘Enxamás ye pa siempres’. Entemeciendo los sones tradicionales asturianos, esti grupu de música folk reconozse heriede del movimientu folk americanu de los 60, popularizáu por Bob Dylan, asina como del denomináu ‘soníu atlánticu’, representáu por figures como la Bothy Band, Tannahill Weavers, Planxty, Kornog, Altan y los asturianos Llan de Cubel. 23 d'agostu, 2006 0 FacebookTwitterPinterestEmail
Música El mexicanu Alejandro Fernández llega a Xixón na xira de ‘México-Madrid sin escales’ by asturnet 23 d'agostu, 2006 El mexicanu Alejandro Fernández aporta esti sábadu 26 a Xixón pa dar un conciertu a partir de les diez de la nueche nel Palaciu los Deportes de la villa, dientro de la so xira ‘Mexico-Madrid sin escales’. El discu que-y da nome al tour del mexicanu, grabáu en directu coles collaboraciones d’Amaia de La Oreja de Van Gogh, Malú y Diego el Cigala, ente otros, lleva vendíes más de doce millones de copies en tol mundu. Fíu del conocíu cantante mexicanu Vicente Fernández, Alejandro Fernández presentase como un artista consolidáu que-y dio un toque personal a la canción romántica mexicana, afitada na tradición de les rancheres, pero conciliándola cola modernidá y los ritmos más pop. Con varios discos a les sos espaldes, dos premios Grammys y dos Billboards, cientos de conciertos, y duetos con artistes tan estremaos ya prestixosos como Chayanne, Marc Anthony, Plácido Domingo, Jose Carreras, Gloria Estefan, Julio Iglesias, Miguel Bose, Amaia, Malú, Mario Frangoulis y Ednita Nazario, ente otros, Alejandro Fernández llega a Xixón con una amplia esperiencia y un gran repertoriu que va repasar les rancheres tradicionales mexicanes y les canciones más poperes que lu llevaron a la fama internacional. 23 d'agostu, 2006 0 FacebookTwitterPinterestEmail
Música Dixebra, Skanda, la Col.lá Propinde, Cahórnega y Héctor Braga, protagonistes de la nueche folk de Baíña by asturnet 22 d'agostu, 2006 La Conceyalía de Cultura del Ayuntamientu de Mieres, que preside Diana González, y el representante de la Hermandá de San Bartolome de Baíña, Jose Ignacio Iglesias, presentaron la setima edición del Festival + ó – Celta, una cita tradicional nel calendariu de branu d’Asturies y que s’enmarca dientro de les fiestes de la de Baíña. El festival, al que l’añu pasáu foron más de 3000 persones, tien nesta nueva edición como protagonistes a los cántabros Cahórnega, Dixebra, Skanda, la Col.lá Propiden y Hector Braga. Dixebra son yá historia de la música asturiana; los mierenses de Skanda son ún de los grupos asturianos con mayor proyección internacional ; los l.lenizos de la Col.lá Propinde tán acantes de sacar el so discu Güeria ; y Cahórnega son parte esencial de la música de raíz na comunidá vecina de Cantabria. Pela so parte, Hector Braga va ufiertar un espectáculu diferente al restu, basáu nos romanceros tradicionales asturianos y nel so últimu discu “Encoplando”. El Festival Celta, pal que se van poner autobuses nocherniegos especiales dende Mieres, marca l’empiezu de les fiestes de San Bartome, la nueche del vienres 25 d’agostu, a partir de les 22 hores. 22 d'agostu, 2006 0 FacebookTwitterPinterestEmail
Música Porcía, la decana de les nueches celtes asturianes, celebra esti sábadu una nueva edición by asturnet 21 d'agostu, 2006 La Banda de Gaites El Trasno, el Grupu de Baille El Cabazo, Cádava, Llan de Cubel, Breabach y Skama la Rede van ser los grupos qu’esti sábadu, día 26 d’agostu, a partir de les once la nueche animen na alameda d’El Franco la tradicional Noite Celta de Porcía, decana de les nueches dedicaes al folk n’Asturies. Nel añu 1983 los vecinos del pueblu d’El Franco garraron la iniciativa y decidieron organizar una romería en recuerdu de la festividá d”El domingín de los Remedios’, que llevaba ensin celebrar dende primeros de los años 60. D’esta manera nacía la Noite Celta de Porcía, na mesma Alameda na que se festeyaba nel sieglu XVII, cola intención d’axuntar les nuestres músiques tradicionales y folclóriques con otres que foren asomeyaes a la tradición folk asturiana. D’entós p’acá, esti tipu de festivales proliferaron y esapaecieron sobreviviendo dalgunos d’ellos y consolidándose como ye’l casu d’esta Noite Celta d’El Franco, pela que tienen pasao abondos grupos, como La Bandina, Brenga Astur, Os Castros, Tamalin, Citriquinos, Skitarna, Corquieu, Llume de Mar, Gatos del Fornu, Cigua, Xareu Folk, N’Arba, Cambaral, Oijboudjep, Guxán de Lluz, Felpeyu y Tud er Mor, ente otros. Nesta nueva edición de la Noite Celta de Porcía, pela tradicional Alameda van desfilar, a partir de les once la nueche, la Banda de Gaites El Trasno, el Grupu de Baille El Cabazo, Cádava, Llan de Cubel, Breabach y Skama la Rede. 21 d'agostu, 2006 0 FacebookTwitterPinterestEmail
Música Ana Torroja, Luz Casal y una Noite de Fados pal San Agustín d’Avilés by asturnet 21 d'agostu, 2006 La Selmana grande avilesina, con motivu de la celebración de les fiestes de San Agustín, va llevar mañana al Parque de Ferrera de la villa, a partir de les nueve de la nueche, una Noite de Fados colos fadistes Laurinda Fernández, Joao Soeiro y Cesáreo Rocha. Nel conciertu tamien van intervinir Edgar Alfredo a la viola y el guitarrista de fado Julio Madaleno. Per otra parte, los conciertos de les fiestes de San Agustín d’Aviles van traer tamien a conocíes cantantes de como Ana Torroja y Luz Casal. La nueche del sábadu, la que fuere vocalista de Mecano va presentar n’Aviles el so últimu discu en solitario, nel que fai diferentes versiones de los temes más populares del conxuntu que formó na decada de los ochenta colos hermanos Cano. Mentes que’l llunes, una de les grandes roqueres españoles, Luz Casal va repasar los grandes esitos de la so carrera xunto a los temes más nuevos del discu ‘Sencilla alegría’. Estos dos conciertos van ser a partir de les once la nueche nel Complexu Deportivu avilesín. 21 d'agostu, 2006 0 FacebookTwitterPinterestEmail
Música Mieres prepárase pal Festival + o – Celta de Baíña by asturnet 20 d'agostu, 2006 Con motivu de les fiestes de San Bartolome, la nueche del 25 d’agostu la localidá mierense de Baíña va celebrar el so festival de música + o – celta nel que nesta nueva edición van actuar los grupos Dixebra, Cahórnega y Skanda. L’ayuntamientu tien previsto poner autobuses Curuxa especiales dende Mieres hasta’l prau la fiesta va facilitar los tresportes. El folk cántabru de Cahórnega va ser el convidáu a esta nueva edición del Festival + o – Celta de Baíña nel que tamien van actuar los grupos asturianos Skontra, acabante de sacar nuevu discu, y la mítica banda avilesina Dixebra. El grupu, formáu por Lissy Nuñez (curdión sistema pianu y teclaos), Nico Toral (gaita, chistles y coros), Bruno Pasanisi (vos, bodhrán, bombarda y whistles), Laura González (percusiones), Jose Antonio Higuera (bouzouki, voz y baxu pedal), Joge Ibañez (guitarra y baxu pedal) y Gonzalo de Vallejo (vigulín) presentará en Mieres los cantares, mezcla de temes tradicionales cántabros y sones de les rexones celtes, del que va ser el so primer discu. 20 d'agostu, 2006 0 FacebookTwitterPinterestEmail