Educación Les Universidaes reclamen la televisión sin fronteres en catalán, gellegu y euskera by asturnet 1 de marzu, 2010 La Conferencia de Rectores de les Universidades Españolas (CRUE) xuntóse esti día a la Iniciativa Llexislativa Popular (ILP) pa una televisión sin fronteres qu’esti añu ta en trámite nel Congresu y que busca la reconocencia del catalán, l’eusquera y el gallegu nos sos espacios de comunicación. L’asturianu queda otra vuelta fuera d’una reclamación que d’algamase supondría un puxu fonderu pala normalización llingüística de los idiomes que se contemplen. La propuesta partiera del Conseyu Xeneral de la Xarxa Vives, qu’axunta les universidaes catalanes, valencianes y baleares, y l’asamblea xeneral de la CRUE apautóse por unanimidá favoratible a la iniciativa. La rectora de la Universitat de les Isles Baleares, Monsterrat Casas, fizo declaraciones tres de la xunta nel sentíu de que la ILP va dexar garantizar la recepción directa de les emisiones de radio y televisión autonómiques en llingües minoritaries n’otres comunidaes autónomes coles que comparten idioma y va ufrir un 1 de marzu, 2010 0 FacebookTwitterPinterestEmail
Tecnoloxía La llingua asturiana tien yá una propuesta de Terminoloxía xurídica y alministrativa by asturnet 26 de febreru, 2010 LAcademia de la Llingua Asturiana ta acabante xubir a la páxina del so proyectu Termast, un vocabulariu, el segundu desta iniciativa, centráu na terminoloxía xurídica y alministrativa, del que ye autor el abogáu lleonés Nicolás Bartolomé Pérez. Termast ye un proyectu que surde en xineru del 2009 al traviés dun pactu firmáu ente tres entidaes asturianes: el colectivu Softastur, el Colexu dInxenieros nInformática del Principáu dAsturies y lAcademia de la Llingua Asturiana pa ellaborar propuestes terminolóxiques daplicación a los usos nuevos del asturianu. LAcademia quier que les aportaciones de Termast sían iniciatives individuales o grupales concretes que dean a la conocencia pública la so particular propuesta de solución a los problemes terminolóxicos del asturianu nos contestos comunicativos más variaos: ámbitu científicu, de les tenoloxíes nueves, económicu, sociolóxicu, humanísticu… Estes propuestes van tar al algame de los usuarios de la llingua asturiana, de manera que van ser éstos col so usu o refugu los que van dir dándo-yos normalidá, de manera que depués dello lAcademia pueda dir inxiriéndolos dientro de los sos calces normativos. Terminoloxía Xurídica y Alministrativa 26 de febreru, 2010 0 FacebookTwitterPinterestEmail
Educación El paru na enseñanza concertada algama’l 90 por cientu de participación pa los sindicatos y el 28 pal gobiernu by asturnet 25 de febreru, 2010 El Gobiernu del Principáu calcula nun 28 por cientu’l siguimientu de la güelga de la enseñanza acordada entamada polos sindicatos pa reivindicar principalmente un aumentu de les plantiyes docentes, mientres que los convocantes estimen la participación en cuasi’l 90 por cientu. Al traviés d’un comunicáu, el Gobiernu asturianu afirma que’l siguimientu de la güelga na rede d’enseñanza alcordada algamó un 28 por cientu del personal convocáu, constatándose que se desarrollara ensin incidentes nos centros, que secaltuvieron abiertos pa ufrir la necesaria atención al alumnáu. Poro, los sindicatos camienten que la participación foi más alta que na anterior xornada de güelga, celebrada’l pasáu 27 de xineru, y que contó con un 85 por cientu de siguimientu por parte de los profesores. 25 de febreru, 2010 0 FacebookTwitterPinterestEmail
Tecnoloxía Los blogueros asturianos axuntáronse pa entregar los sos premios añales y aldericar sobre la blogosfera by asturnet 22 de febreru, 2010 A les cinco la tarde la Banda de Gaites Escuela de Musica Tradicional de l’A.P.A. del Conservatoriu Valle del Nalón recibía a los blogueros nel parque nel que sasitial Centru de Referencia de la Cultura y la Llingua Asturiana Casa de los Alberti de Ciañu, en Llangréu. Pasu ente pasu, munchos de los creadores de blogues nasturianu, diben aportando a la sala onde diba tener llugar la segunda edición del Sidra&Blogues. La primer edición tuviere llugar en 2007, y munchos coses camudaron dende entós na blogosfera en llingua asturiana. Notábense les ganes de volver a vese. Lactu entamó col agradecimientu de la organización a los patrocinadores y collaboradores del eventu (Ayuntamientu de Llangréu, Softastur y Xareos! Xestión Cultural), y ceo entamaron les comunicaciones, abriendo les intervenciones David Guardado, Director Zona Atlántica Prensa Ibérica Dixital, que recordó la prehistoria de la rede nasturianu, que según comentó entamó de xente que nun taba averao al movimientu asturianista, pero que vía la importancia de tener conteníos nesta llingua dientro de la entós incipiente rede. Lautor recordó la fecha de 1996 como la clave dientro de tou esti procesu, yá que ye entós cuando apaecen los primeros númberos dAsturnews y del precedente dAsturies.com, el proyectu Espaciu y tiempu de la llingua asturiana. Guardado recordó tamién les primers llistes de corréu y foros nos que susaba la llingua asturiana y como too ello foi evolucionando hasta la situación actual. Darréu, el blogueru Mikel González improvisó una pequeña información sobre la nueva rede social nasturianu Ximiélgame, que según comentó va abrise a otres llingües y nos próximos díes va tar abierta a tolos usuarios que quieran facer usu de la mesma. Poli Mencía, Espertu en redes Sociales y diseñador de la campaña Doi la Cara pola oficialidá, dedicó la so intervención a comentar la rede de blogueros y usuarios dinternet en Galicia y la so evolución, faciendo comparanza cola asturiana, que según afirmó ta a una distancia considerable en cuantes a la so evolución y normalidá. Rematáronse les intervenciones con Escoyeta de Plataforma, comunicación de Marquinos, co-autor del blogue Ta pa Ponga y espertu en software llibre, que comentó les ventayes y desventayes de caún de les plataformes mayoritaries de creación de blogues, destacando como más interesantes, por poder funcionar con elles nasturianu, wordpress.org y nireblog. Hacia les seis y media entregáronse los premios entamando pel de meyor diseñu 2009, quentregól blogueru Chus Solís, en representación de la blogosfera n’asturinau, al autor dEl Xanul Caborniu. Darréu, Marquinos, de la organización Softastur, entregól tercer premiu al responsable de “La verdá ye mentira”. El redactor dAsturnews, Inaciu Galán, entregól segundu premiu como representante de Xareos! Xestión Cultural a González y González. El primer premiu entrególu a “El Xanu’l Caborniu” el responsable del Serviciu de Normalización Llingüística de Llangréu, Eloi Antuña. Los ganadores recibieron un llote cedíu por Softastur y el LoCo Team Asturianu consistenete en 4 CDs orixinales de la cabera versión dUbuntu 9.10, y dellos exemplares de la revista Formientu, cedíos por Xareos! Xestión Cultural. La xornada terminó darréu con un alcuentru informal nun chigre cercanu a la Casa de los Alberti, onde los blogueros y los asistentes aldericaron y pudieron conocer les identidaes quescuenden munchos de los blogues nasturianu más activos de la rede. 22 de febreru, 2010 0 FacebookTwitterPinterestEmail
Tecnoloxía Blackberry alvierte del futurible colapsu de les comunicaciones by asturnet 18 de febreru, 2010 El fabricante de Blackberry, RIM, asoleyó esti día que los creadores de teléfonos intelixentes deben entamar a desenrrollar productos que consuman menos anchu de banda si nun quieren que se colapsen les comunicaciones. Mentantu los usuarios abandonen los teléfonos móviles tradicionales y compren portátiles, modems inalámbricos y teléfonos intelixentes con munches ferramientes, como l’iPhone d’Apple, el tráficu de datos multiplícase. Mike Lazaridis, fundador de RIM, contempla esta situación como una amenaza de saturación de la capacidad de la rede. 18 de febreru, 2010 0 FacebookTwitterPinterestEmail
Tecnoloxía Llangréu acueye’l II Sidra&Blogues by asturnet 18 de febreru, 2010 El Centru de Referencia de la Cultura y la Llingua Asturiana Casa de los Alberti de Ciañu va acoyer esti sábadu, 20 de febreru, el II Sidra&Blogues. Nel trescursu lactu van ponese delles charres sobre internet y el desarrollu de redes sociales nasturianu amás de facese entrega de los premios al Meyor Blogue nasturianu del añu 2009, lactu rematará con alderiques sobrel tema alredor dunes botellines de sidra pelos chigres de Ciañu. El II Sidra&Blogues entámalu la Xunta de Blogues en llingua asturiana y collaboren nél lAyuntamientu de Llangréu, Softastur y Xareos. El Centru de Referencia de la Cultura y la Llingua Asturiana Casa de los Alberti de Ciañu acogerá este sábado, 20 de febrero, el II Sidra&Blogues. En el transcurso del acto se leerán varias ponencia sobre internet y el desarrollo de redes sociales en lengua asturiana, además de hacerse entrega de los premios al Meyor Blogue nasturianu del añu 2009, el acto concluirá con debates sobre el tema alrededor de unas botellas de sidra por los chigres de Ciañu. El II Sidra&Blogues lo organiza la Xunta de Blogues en llingua asturiana y colaboran en él el Ayuntamientu de Llangréu, Softastur y Xareos. Programa actos II Sidra&Blogues 17:00 hores Recepción Banda Gaites Escuela de Musica Tradicional de l’A.P.A. del Conservatoriu Valle del Nalón 17:15 hores Presentación Charres: 1996 por David Guardado (Espertu ninternet, Director Zona Atlántica Prensa Ibérica Dixital, cofundador dAsturies.com) Comunidá por Poli Mencía (Espertu en redes Sociales), diseñador de la campaña Doi la Cara del C.A.O) Escoyeta de Plataforma por Marquinos (Co-autor del blogue Ta pa Ponga, espertu en software llibre) 18:15 hores Entrega premios al Meyor Blogue nasturianu del añu 2009 18:45 hores Fin del actu y remate con alderique alredor de sidra pelos chigres de Ciañu 18 de febreru, 2010 0 FacebookTwitterPinterestEmail
Educación Cursos de Llingua en Conceyu Llangréu by asturnet 12 de febreru, 2010 LAyuntamientu de Llangréu, en collaboración cola Conseyería de Cultura, y Turismu, pon en marcha dos cursos de Llingua Asturiana, un dellos de nivel aniciu y lotru dafondamientu. Los cursos van ponese na Casa la Cultura Sama y tendrán llugar los llunes, xueves y vienres nhorariu de 18:30 a 20:30 hores. Trátase de dos cursos de 25 hores caún y son de baldre, les persones quasistan y superen los cursos recibirán el so correspondiente certificáu acreditativu. El plazu de matrícula yá ta abiertu y final mesmu día quempezarán los cursos, esto yel próximu martes 9 davientu a les 18:30 hores. Si quies apuntate pues facelo mandando los tos datos personales (nome, N.IF., señes y nu teléfonu) a la Casa la Cultura Sama (C/Escueles Dorado 6, en Sama), llamando al teléfonu 985678158 o mandando un corréu a llingua@ayto-langreo.es 12 de febreru, 2010 0 FacebookTwitterPinterestEmail
Tecnoloxía El Xanul Caborniu, ganador absolutu de los Premios al Meyor Blogue nasturianu 2009 by asturnet 4 de febreru, 2010 El blogue tituláu “El Xanu’l Caborniu” fízose coles dos reconocencies que taben en xuegu na segunda edición del meyor blogue en llingua asturiana, algamandol primer puestu nel blogue con meyores conteníos, con 59 puntos, y na votación a la meyor estética o meyor diseñu, con 8. En segundu y tercer puestu quedaron, respectivamente, “La verdá ye mentira”, con 45 apoyos; y González y González, con 36 votos. Los resultaos decidiéronse democráticamente por tolos blogueros nasturianu que quixeron mandar un corréu colos sos votos, dientro les bases de la convocatorial meyor blogue de 2009. Dientrol II Sidra&Blogues que se cellebrarál 20 de febreru na Casa los Alberti de Ciañu (Llangréu), de magar les 17 hores, habrá una entrega de premios pa reconocer el trabayu fechu polos blogueros seleccionaos. Los ganadores van recibir un llote cedíu por Softastur y el LoCo Team Asturianu consistenete en 4 CDs orixinales de la cabera versión dUbuntu 9.10, mientres que Xareos! Xestión Cultural va ceder tamién dellos exemplares del últimu númberu de la revista Formientu, el seis. La organización quixo dar les gracies a tola xente que nos sofitó, participando y espardiendo la idea, a los que vos pusisteis en contautu con nós pa ofrecenos la vuesa ayuda y a los que participasteis activamente. Les votaciones desti añu tuvieron entamaes polos blogueros de La Esfoyaza y TrayasgayA cola collaboración de marquinos y González y González. 4 de febreru, 2010 0 FacebookTwitterPinterestEmail
Tecnoloxía LALLA presenta Termast, un centru en llinia de terminoloxía llamáu a revolucionar esti campu del idioma by asturnet 3 de febreru, 2010 Mañana xueves, a les 12 hores, lHotel Principado, nUviéu, va acoyer lactu de presentación de Termast, un centru en llinia de terminoloxía en llingua asturiana que ta llamáu a revolucionar les posibilidaes terminolóxiques del asturianu. El centru TERMAST, del que surde esta iniciativa ye lencargáu de la coordinación xeneral de les xeres terminolóxiques nasturianu y surde en xineru de 2009 al traviés duna inciciativa de lALLA, el Colexu dInxenieros nInformática y el colectivu Softastur. Loxetivu de TERMAST ye proponer nuevos elementos terminolóxicos en llingua asturiana pa facer desti idioma una ferramienta afayadiza y útil nuna sociedá cada vegada más tecnificada ya interconectada. A lo llargo de la presentación fadráse una demostración práctica del funcionamientu desti nuevu centru de terminoloxía, que va tar disponible na rede. A la escontra dotros entamos y propuestes normatives de lAcademia, TERMAST quier que seyan iniciatives individuales o grupales concretes les que dean a la conocencia pública la so particular propuesta de solución a los problemes terminolóxicos del asturianu nos estremaos contestos comunicativos: ámbitu científicu, de les nueves tecnoloxíes, económicu, sociolóxicu, humanísticu… Estes propuestes tarán al algame de los usuarios de la llingua asturiana, de mou que sedrán éstos col so usu o refugu los que dirán dándo-yos calter de normalidá, de mou que llueu dello lAcademia pueda dir inxiriéndolos dientro de los sos calces normativos. La páxina web ta yá disponible y cunta cola primer propuesta, que cinca a Términos básicos d’Economía y Empresa y que ta presentada por Guillermo Ovidio Villa Balbona y Fernanda Valdés Rodríguez. Páxina web de la iniciativa TERMAST 3 de febreru, 2010 0 FacebookTwitterPinterestEmail
Educación Estrénase una páxina web dedica a los neños Los viaxes de Trassg by asturnet 3 de febreru, 2010 Xosé Ramón Martín Ardines y Anxan Martín Arango tán acabante estrena la web infantil son Los viaxes de Trassg, una páxina web n’asturianu pa neños. Como esplica la propia páxina, la historia de Trassg (un trasgu que paez un moñecu) principió nel momentu nel quna neña entró na tienda onde vivía y lu compró, entós entamó’l viaxe qu’él mesmu nos cuenta, y failo pente medies d’unos cómics, xuegos, nociones sobre mitoloxía asturiana y el resume de los talleres de tebeo en centros escolares que sorganizaron por cuenta desta iniciativa. Na mesma páxina recuéyese que Trassg tien un don especial pa detectar a los humanos y cuando nun tán cerca cobrar vida, ye nesi momentu cuando, ente otres coses, aprovecha pa escribir la so historia y publicala n’internet. Son siete los capítulos quhastal momentu tán publicaos, onde nos cuenta les aventures y los viaxes questi personaxe vivió hasta agora, y failo con un formatu quasonsaña les fotonoveles dotros tiempos. Amás, hai una sección dedicada a los sos oríxenes y a los compañeros y compañeres que Trassg tien fecho pel mundu. Consulta la páxina web 3 de febreru, 2010 0 FacebookTwitterPinterestEmail