Lliteratura Jesús García presenta en L.lena los ‘Cuentos de güilu’ by asturnet 31 de mayu, 2006 El catedráticu de llingua y lliteratura, Jesús García (Samiguel del Río, L.lena, 1932) presenta esta mañana nel Centru de Persones Mayores de La Pola la so obra ‘Cuentos de güilu’, ún de los pocos llibros escritos na variante llingüística d’una parte del conceyu. Al actu, que se celebra a la una la tarde, ta previsto qu’asista l’alcalde de L.lena, Hugo Morán, y la conceyala de Cultura, Paz García, amás del catedráticu Jesús Neira y el responsable de Política Llingüística del Principáu, Ramón d’Andres. ‘Cuentos de güilu’, que cuntó cola collaboración del Ayuntamientu de L.lena y la Conseyería de Cultura, ta escritu na variante llingüística de la parte L.lena, lo que, dende’l Serviciu de Normalización, se valora especialmente, buscando recuperar esta variante propia de la zona na que l’Ayuntamientu lleva tiempu programando los anuncios de les sos actividaes, fiestes y folletos. 31 de mayu, 2006 0 FacebookTwitterPinterestEmail
Lliteratura Paul Auster gana’l Premiu Príncipe d’Asturies de les Lletres by asturnet 30 de mayu, 2006 L’escritor estadounidense Paul Auster (Newark, 1947), autor de noveles de prestixu como ‘El libro de las ilusiones’ o ‘La noche del oráculo’, ye l’autor reconocíu col Premiu Príncipe d’Asturies de les Lletres 2006, al ganar na última votación a Amos Oz y al so compatriota Philip Roth, siendo Auster el cuartu autor anglosaxón que se fai con esti galardón tres de Doris Lessing, Arthur Miller y Susan Sontag. El xuráu de los premios reconoció n’Auster “la renovación lliteraria que fixo al xuntar lo meyor de les tradiciones norteamericana y europea, innovar el relatu cinematográficu y meter na lliteratura dalgunes de les sos aportaciones”. L’acta del xuráu, lleíu por Victor García de la Concha, valoró la obra d’Auster por “allegar a los llectores mozos al dar un testimoniu esteticamente mui valiosu de los problemes individuales y colectivos del nuestru tiempu”. Auster ta casáu dende 1981 cola tamien escritora Siri Husvedt. 30 de mayu, 2006 0 FacebookTwitterPinterestEmail
Lliteratura Eva Vaz presenta ‘Metástasis’ na Llibrería Cervantes by asturnet 30 de mayu, 2006 La poeta onubense Eva Vaz presenta esta tarde, a les siete y media, el so últimu poemariu que lleva por títulu ‘Metástasis’ na llibrería Cervantes d’Uvieu. Nel actu de presentación van intervenir los tamien escritores Miguel Rojo, que fadrá presentación de la obra de Vaz, y Vanessa Gutierrez. L’actu va ser amenizáu pol cantautor Alfredo González. Eva Vaz (Huelva, 1972) ye llicenciada en Filosofía pola Universidá de Sevilla. Directora de la empresa de xestión cultural Ex Libris, ye autora de poemarios como ‘Ahora que los monos se comen las palomas’, ‘Leña’, ‘La otra mujer’ y ‘La ternura de los lobos’. 30 de mayu, 2006 0 FacebookTwitterPinterestEmail
Lliteratura L’Aula de les Metáfores de Grau presenta la revista Hesperya by asturnet 29 de mayu, 2006 El vienres día 2 de xunu, a les ocho la tarde, l’Aula de les Metáfores de Grau va presentar con un recital poeticu y musical la revista de los alumnos de Filoloxía que lleva por nome Hesperya. Hesperya naz con poesía, relatu, con artículos, con reportaxes, entrevistes y reseñes, cola vocación, en palabres de los sos autores, de «rescatar del anonimatu la emoción, el desasosiegu, les ilusiones, los desaciertos, l’ansiedá, l’infortuniu o la suerte que nos tocaron vivir». El recital organizáu polos estudiantes de Filoloxía de la Universidá d’Uvieu va axuntar les voces de los creadores mozos que participen na revista (Hector Gómez Navarro, Carlos Iglesias, Laura Casielles, Alba González Sanz, Jose Luis Sevillano y David Alonso) y les de poetes como Ángel González, Mario Benedetti, Aurelio González Ovies, Fernando Beltrán, Luis García Montero, Federico García Lorca, Antonio Machado, Pablo Neruda, Alejandra Pizarnik, Pelayo Fueyo o Francisco Álvarez Velasco, que tamien intervendrá nel actu. Coles imáxenes y la música de Víctor Jara a George Gershwin, pasando por Jacques Brel, Paco Ibáñez, Joan Manuel Serrat o Luz Casal, na voz de Nuria Clavero, los poetes quieren facer repasu del nuestru sieglu y de los sos nomes. 29 de mayu, 2006 0 FacebookTwitterPinterestEmail
Lliteratura Miguel Rojo y Carmen Gómez Ojea na edición del númberu 23 de la revista Lliteratura by asturnet 26 de mayu, 2006 La edición númberu 23 de la revista Lliteratura, editada pola Academia de la Llingua Asturiana, baxo la coordinación del escritor y críticu lliterariu Xose Bolado, estrena les sos páxines coles habituales secciones de narrativa que nesta ocasión correspuenden a Miguel Rojo, Carmen Gómez Ojea y Iris Díaz Trancho. La revista completase coles collaboraciones poetiques, d’ensayu, entrevistes y crítica lliteraria. Marisa López Diz, Xose Bolado y Lourdes Álvarez, participen colos sos poemes nesti númberu de Lliteratura, nel que Paz Fonticiella entrevista al músicu y compositor Ramón Prada. La estaya dedicada al ensayu ábrese con un testu de Vicente García Oliva que lleva por títulu ‘La playa del recuerdu’, asina como un analís de Francisco Álvarez Velasco ‘Pa una teoría del cuerpu na poesía de María Teresa González. Como ‘Cronistes de la sensibilidá’, Antonio Alonso de la Torre fai un estudiu comparativu y coincidente ente la poetica de Vanessa Gutierrez y l’artista plástica Natalia Pastor. Y rematando esti últimu númberu de Lliteratura, Ignaciu Llope fai crítica de tres testos: ‘L’inmoral’ de Xulio Vixil; ‘Cuantayá que Dios fuxó’, de Susana Rodríguez Sela; y ‘Parque temáticu’ de Xose Nel Riesgo. 26 de mayu, 2006 0 FacebookTwitterPinterestEmail
Lliteratura Xuan Santori presenta con ‘La heredá’ el so primer llibru de narrativa by asturnet 25 de mayu, 2006 L’escritor Xuan Santori (Turón, 1967), conocíu poeta, autor de poemarios como ‘Zunes’ o’l recien ‘Bis a bis’, fai la so primer incursión na narrativa con un llibru que lleva por títulu ‘La heredá’. Editáu por VTP, va presentase esta tarde, a les siete, nel Club de Prensa de la Nueva España n’Uvieu, cola presentación de Lluis Xabel Álvarez y la participación de Milio Rodríguez Cueto, como responsable de la editorial. 25 de mayu, 2006 0 FacebookTwitterPinterestEmail
Lliteratura Fermín Santos axunta n’Uviéu poesía y grabaos de 12 artistes asturianos by asturnet 22 de mayu, 2006 El Foru Abiertu de la llibrería Cervantes d’Uvieu expón estos díes una muestra formada por 48 obres d’artes d’una doce de grabadores y poetes nacíos n’Asturies ente los años sesenta y setenta. Coordinada por Fermín Santos, la muestra de carpetes axunta la obra gráfica de los grabadores María Cervero, Beatriz Corredoira, Jose Alvarez Cabrero, Isabel Cuadrado, Jorge Lorenzo, y el propiu Fermín Santos; y la petica de Jesús Santos, Silvia Ugidos, Martín López Vega, Pelayo Fueyo, Nazare Cuadrado y Javier Almuzara. La esposición va tar abierta al públicu hasta’l prósimu día 31 de mayu. 22 de mayu, 2006 0 FacebookTwitterPinterestEmail
Lliteratura La Selmana Negra de Xixón presenta una Guerra Civil diferente by asturnet 21 de mayu, 2006 Unes tropes franquistes perdedores de la guerra civil van ser les protagonistes de la tertulia lliteraria de ciencia ficción qu’abrirá les puertes esti añu a la Selmana Negra de Xixón. Javier Negrete, Juan Miguel Aguilera, Rafael Marín, Eduardo Vaquerizo, Pedro Pablo May, David Soriano, Jose del Valle, Ramón Muñoz, Santiago Eximeno y el frances Jerome Leroy van ser los encargaos d’estrenar una selmana dedicada a remembrar la Guerra Civil española fuxendo del ‘revisionismu mandanga, conservador y aristocratizante’ que, na opinión de los sos organizadores, centró’l recuerdu d’esta efemeride en tol estáu español. La tradicional esposición de cómic recoyerá obres de Víctor Mora, Annie Goetzinger, Antonio Parras, Alfonso Font, Vittorio Giardino, Jorge García, Marchante, Gallardo, Roger, Ameziane, Carlos Ezquerra, Felipe Hernández Cava, Beroy, Pepe Gálvez, Laura, Federico del Barrio, Warren Ellis y Hernández Palacio. Mentes que les meses redondes sobre narrativa contemporánea van acoyer a Juan Eslava Galán (Una historia de la guerra civil que no va a gustar a nadie), Fernando Marías (Cielo Abajo), Benjamín Prado (Mala gente que camina), Ramón Pernas (Del viento y la memoria), Ramón Chao (Las travesías de Luis Gontán), Jorge Martínez Reverte (La batalla del Ebro, La batalla de Madrid), Francisco Galván (Cuando el cielo se caiga) y Eduardo Pons Prades (Los republicanos españoles en la segunda guerra mundial). Ente los invitaos especiales d’esta edición de la Selmana Negra de Xixón va tar Tariq Alí, novelista pakistaní británicu qu’aporta una visión diferente de la historia dende una perspectiva árabe y antifundamentalista; Joe Haldeman, ún de los clásicos de la ciencia ficción del sieglu XX; Barry Eisler, autor de la serie ‘Sicario’; Jacques Tardi, creador del cómic frances más importante de los años 80; y el novelista italianu Carlo Lucarelli, ente otros. Documentales, fotoperiodismu y velades poetiques completen el programa d’una Selmana Negra que quier ver la Guerra Civil española d’una manera diferente. 21 de mayu, 2006 0 FacebookTwitterPinterestEmail
Lliteratura David González y Eva Vaz presenten poemarios en Xixón by asturnet 21 de mayu, 2006 El poeta xixones David González y la onubense Eva Vaz presenten esti sábadu día 27 de mayu, a les nueve y media la nueche, nel bar La Sal de Xixón los sos últimos poemarios, que lleven por títulu ‘Reza lo que sepas’ y ‘Metástasis’. Na presentación participarán los tamien escritores Jose Luis Piquero y Diego Medrano, amás del cantautor asturianu Toli Morilla. Eva Vaz (Huelva, 1972) ye llicenciada en Filosofía pola Universidá de Sevilla. Directora de la empresa de xestión cultural Ex Libris, ye autora de poemarios como ‘Ahora que los monos se comen las palomas’, ‘Leña’, ‘La otra mujer’ y ‘La ternura de los lobos’. Pela so parte, el poeta David González (Xixón, 1964) tien publicaos llibros como ‘Sparrings’, ‘Sembrando hogueras’, ‘La carretera roja’ y ‘El demonio de coma las orejas’. 21 de mayu, 2006 0 FacebookTwitterPinterestEmail
Lliteratura Xosé Nel Caldevilla presenta la so versión de Plautu na llibrería Ítaca de Xixón by asturnet 18 de mayu, 2006 L’escritor xixones Xose Nel Caldevilla (1963) va presentar güei a les ocho la tarde na llibrería Ítaca de Xixón la so traducción de la pieza teatral ‘El soldáu babayu’ de Plautu, autor llatín del sieglu III e.C., dientro de la colección ‘El Globu’, númberu 3, de la editorial VTP. L’entamu de la obra, un trabayu onde se recueyen datos mesmo del autor y de la obra, que del teatru romanu de la epoca, correspuende tamien a Caldevilla. La presentación d’esta tarde cuerre a cargu de Mael Caldevilla, hermanu del autor. Xose Nel Caldevilla trabaya como profesor de Llatín y de Griego nun institutu xixones. Como narrador, en 1994 ganó’l Premiu Xosefa Xovellanos cola novela ‘La Llosa’, una historia ambientada nuna comunidá rural del oriente asturianu que’l narrador va esgranando al filu de l’alcordanza: la propia y la de la xente que tien más cerca. 18 de mayu, 2006 0 FacebookTwitterPinterestEmail