Música Los mayestros gaiteros del sieglu XXI tocarán el 31 de Marzu en La Villa by asturnet 23 de marzu, 2007 Los meyores gaiteros del sieglu van ser los protagonistes principales de la Final de la Lliga Galega de Bandes de Gaites que va desendolcase esti domingu 1 d’abril en La Villa, nel conceyu maliayés. José Manuel Tejedor ( Asturies) Gaita Asturiana, Whistles Anxo Lorenzo ( Galicia) Gaita Gallega, Fred Morrison ( Escocia) Highland Pipes y Border Pipes, Jarlath Henderson ( Irlanda) Uillean Pipes y Patrick Molard ( Bretaña) Biniou Kozh y Bibiou Braz van ser los protagonistes d’un conciertu na nueche del 31 de marzu nel Parking El Pelambre, nel que tamién participarán como músicos convidaos Ruben Bada (Bouzouki, guitarra acústica) Javier Tejedor (Curdión de botonera, percusiones) y Oracio García (Contrabaxu) xunta’l grupu Corquiéu. La programación entamará ya’l vienres 30 de Marzu con un conciertu nel mesmu Parque, a partir de les 9 la nueche, con BLa andina Tradicional La Curuxa, Los Gatos del Fornu y Skama la Rede. Y la convocatoria pesllaráse cola final de la II Fase Liga Galega de Bandas de Gaitas a les 11,30 la mañana nel Parking El Pelambre, na que van participar 83 bandes de gaites de tola península y na que la Banda de La Villa, ganadora nes caberes ediciones, ye una de les que más posibilidaes pue tener. 23 de marzu, 2007 0 FacebookTwitterPinterestEmail
Música Preséntase’l Llaboratoriu d’Electrónica Visual de la Llaboral by asturnet 20 de marzu, 2007 La música electrónica y los vídeos van enllenar durante los próximos 23 y 24 de marzu la Universidá Llaboral de Xixón na presentación del Llaboratoriu d’Electrónica Visual. La propuesta musical tien como fin valir de presención pal LABoral Centru d’Arte y Creación Industrial un espaciu nel que se van desenvolver bien d’actividaes culturales. Ente les propuestes que se van ufrir nesta fin de selmana figura la participación de grupos y colectivos asturianos como Lego my Ego, Alejandro López, Tape y Normaa. Dientro del cartel internacional ente dalgunos de los grupos que van ufrir les sos músiques y animaciones ta xente como Mouse on Mars, Plaid, Rechenzentrum o Amanda López. Los precios de les entraes pa esti festival son de 15 pa la entrada d’un sólo día y de 20 l’abonu pa les dos xornaes. 20 de marzu, 2007 0 FacebookTwitterPinterestEmail
Música Gueta na Fonte actúa esta primavera ente Xixón y Madrid by asturnet 18 de marzu, 2007 El grupu de Folk “Gueta na Fonte” entamará en Xixón esti xueves 29 de Marzu una pequeña programación d’actuaciones que lu va llevar a otres localidaes asturianes como Avilés y a la capital del Reinu pala fin d’abril. Les actuaciones entamarales esti xueves que vien, día 29, nel Centru Cultural Xixón Sur, (Pumarín) a les 19,30 hores, pa siguir n’Avilés el Llunes del Bollu, 9 de Abril, na Plaza del Ayuntamientu, compartiendo escenariu con Tejedor. L’actuación en Madrid sedrá’l vienres 27 d’Abril na nueva Casa d’Asturies, na Plaza d’Argüelles, a les 20 hores. Será un placer veros a todos y compartir momentos musicales con todos vosotros en alguno de estos conciertos. Un saludo y un abrazo. Mento Hevia – Juan Povedano Gueta na Fonte Web de Gueta na Fonte 18 de marzu, 2007 0 FacebookTwitterPinterestEmail
Música Llacín ye declarada campeona nel Concursu de Bandes del Festival de San Patricio by asturnet 18 de marzu, 2007 La Banda Gaites El Llacín de Porrúa foi declarada Campeona del Concursu de Bandes del Festival de San Patricio 2007 celebráu na capital Irlandesa, Dublin, el pasáu sábadu 17 de marzu na que yera la so primer participación nesos actos de cellebración del Día de San Patricio. La banda asturiana actuó nel Gran Desfile de San Patricio’l día 17 de marzu y ufrió amás los sones de la gaita asturiana en dellos escenarios de la capital de la República d’Irlanda nel so día nacional. La banda llanisca quedó per delantre d’otres formaciones de países como Irlanda los Estaos Xuníos o Escocia llogrando un total de más de 74 puntos sobre 100. La Banda Gaites Llacín surde nel Conceyu Llanes nel añu 1998 pente los escolinos de la Escuela de Música Tradicional que pertenez a l’Asociación Cultural y Etnográfica Llacín de Porrúa. Esta asociación convirtiose pasu ente pasu nun referente como promotora d’iniciatives güei reconocíes, como’l Muséu Etnográficu del Oriente d’Asturies, el Mercáu de Porrúa y el Pueblu Cultural d’Europa, arriendes d’otres. Too ello fizo-y algamar un llugar cimeru nel desendolcu y nel estudiu de les manifestaciones culturales del conceyu llaniscu, y ser un puntu d’alcuentru pa tolos/es que tengan daqué enfotu nel conocimientu de los vezos y la hestoria d’Asturies . Dende los sos anicios , la Banda ta dirixida por Vítor Carbajal y Nuria Tarodo medrando a lo llargo’l tiempu de los 28 a los 87 componentes de los nuesos díes faciendo asina una de les bandes más numberoses d’Asturies. 18 de marzu, 2007 0 FacebookTwitterPinterestEmail
Música Esmussein actúa en Second Life by asturnet 15 de marzu, 2007 El grupu de rock asturianu Esmussein va dar un conciertu nel mundu virtual de Second Life. El conciertu va facese nel club Silver Tone Lounge a partir de les 20.00. Nesti conciertu la banda va presentar los sos temes nuevos. Second Life ye’l más conocíu de los mundos virtuales de la rede d’internet. Nesti espaciu los participantes creen unos avatares que pueden desenvolver toles aiciones del mundu cotidianu, menos les físiques, asina un bon númeru de grupos, directores de cine o incluso ponentes o profesores utilicen esti mediu como preséu pa facer les sos actividaes. 15 de marzu, 2007 0 FacebookTwitterPinterestEmail
Música Dark la eMe publica un nuevu discu by asturnet 14 de marzu, 2007 Mario Fueyo, Dark la eMe, acaba d’asoleyar un nuevu trabayu nel que recueye los temes del so primber discu y nueves aportaciones. El trabayu incorpora los vídeos “Mi compromiso” y “Un asturiano en Madrid”. La publicación d’esti trabayu nun quita pa la próxima apaición d’un nuevu discu del músicu de L.lena, siempre fiel a la música hip-hop. 14 de marzu, 2007 0 FacebookTwitterPinterestEmail
Música Alcuentros cola Tradición oral de l’asociación La Quintana by asturnet 13 de marzu, 2007 Xixón va acoyer la próxima fin de selmana los Alcuentros cola tradición oral de la Escuela de Música Tradicional La Quintana, que se fain col sofitu del taller de músicos de la Fundación Municipal de Cultura de Xixón y el Xardín Botánicu. Los Alcuentros céntrense na tradición oral como puntu de referencia del folclor y la necesidá de caltener viva la tresmisión oral de la cultura. Per estos alcuentos vanm participar espertos como Jesús López Suárez, investigador y responsable del Archivu de la Tradición Oral, que va presentar parte del so trabayu. Xosé “Ambás”, Dani García de la Cuesta y l’investigador aragonés Ángel Vergara Miravete. Asina mesmo los alumnos de la Escuela de Música tradicional La Quintana van presentar el vídeu “Xente de la Quintana”. El domingu 18 de marzu va cellebrase un conciertu nel Xardín Botánicu tituláu “Cuando suena la maera”, l’actividá tendrá como puntu final la participación, a partir de les 13.30, de los escolinos de la Escuela de Música Tradicional La Quintana que van presentar el discu “Xente de la Quintana” que ye un material de difusión del llabor didáuticu de l’actividá d’esta escuela. 13 de marzu, 2007 0 FacebookTwitterPinterestEmail
Música La Banda Gaites El Llacín nel Sant Patrick’s Day de Dublín by asturnet 13 de marzu, 2007 La Banda Gaites El Llacín de Porrúa va participar nos actos de cellebración del Día de San Patricio en Dublín. La banda asturiana va actuar nel Gran Desfile de San Patricio’l día 17 de marzu. Amás d’esta participación la Banda ufrirá los sones de la gaita asturiana en dellos escenarios de la capital de la República d’Irlanda nel so día nacional. 13 de marzu, 2007 0 FacebookTwitterPinterestEmail
Música El Festival de Lorient recibe’l premiu de la Fundación de la Sidra by asturnet 5 de marzu, 2007 El presidente del Festival Intercélticu de Lorient, Jacques Charles Morice; l’ex-Director y fundador del festival, Jean Pierre Richard; y el nuevu director del Intercélticu, Lisardo Lombardía recibieron, el xueves 2 de marzu, el Premiu añal de la Fundación de la Sidra pol so papel como promocionadores de la sidra nel Arcu Atlánticu. El premiu ta dotáu con 6.000 euros y una escultura de Pablo Maojo. 5 de marzu, 2007 0 FacebookTwitterPinterestEmail
Música Les cais y places d’Uviéu van enllenase de música asturiana by asturnet 28 de febreru, 2007 L’Ayuntamientu d’Uviéu va entamar un programa d’averamientu de la cultura musical asturiana a la ciudadanía coles actuaciones de dellos grupos de bandes de gaites y de baille nes cais y places de la capital asturiana. La coordinación d’esti proyectu va llevala Adolfo García, presidente de la Banda y Joven Banda de Gaites Ciudad de Oviedo. La propuesta tien como fin desestacionalizar les amueses de la cultura asturiana nel conceyu, qu’hasta esti momentu se centraben na Feria de l’Ascensión, l 28 de febreru, 2007 0 FacebookTwitterPinterestEmail