Música LAsociación Rebelgu convoca un concursu de maquetes by asturnet 26 de setiembre, 2007 La Xunta Cultural Rebelgu convocó un concursu de maquetes abiertu a toos aquellos grupos o solistes de tolos estilos y llugares que nun tengan contratu discográficu en vigor, almitiéndose a los grupos con trabayos discográficos pero autofinanciaos por ellos mesmos. El grupu o artista ha presentar un mínimu de dos temes orixinales en cuantes a composición, lletres y música, con fecha llímite d’almisión de trabayos nel día 5 d’ochobre de 2007. Coles maquetes tien d’axuntase una fueya col nome del grupu, miembros ya instrumentos que toquen, un rider, un breve currículum-hestoria del grupu y les sos señes de contactu. Los participantes seleccionaos van tener que tocar en directu poles Feries de L.lena, los díes 12 y 13 d’ochobre de 2007, d’onde saldrán los escoyíos pa la final del 14 d’ochobre de 2007. El concursu convócase col sofitu del Conceyu L.lena, al traviés de la Conceyalía de Cultura, Educación, Mocedá y Turismu y cola collaboración del Programa Enredar del Institutu Asturianu de la Mocedá del Gobiernu del Principáu d’Asturies. Bases completes 26 de setiembre, 2007 0 FacebookTwitterPinterestEmail
Música El grupu de folc lletrónicu Xera toca güei en Ponferrada by asturnet 4 de setiembre, 2007 Güei, 5 de setiembre, van poder sentise los sones del grupu asturianu Xera en Ponferrada. El grupu, quamiesta los soníos folc y la música lletrónica actua nesta llocalidá lleonesa dientro de los Circuitos Injuve quorganiza lInstitutu de la Mocedá dEspaña. Nesti conciertu van amosar los sones del so discu nuevu Lliendes, quamiesta a la tradición la música lletrónica. Una de les novedaes desti grupu ye la so renuncia a los drechos dautor económicos, asina los sos cantares son de llibre descarga y usu y baxo la llicencia Creative Commons. 4 de setiembre, 2007 0 FacebookTwitterPinterestEmail
Música Yá ta nes cais el númberu dos del fancín musical Fechu nAsturies by asturnet 2 de setiembre, 2007 El númberu dos del facín del panorama musical alternativu asturianu Fechu nAsturies yá lleva unes selmanes pelos chigres dAsturies y pue consiguise de baldre o descargándolu de la rede. Nesti segundu númberu de la revista dirixida por Xicu Ariza son temes destacaos la Folixa Asturiana nel Gaztexte dErromo, reportaxes como Represión nAsturies o Les táutiques de la SGAE y entrevistes a La Col.la Propinde y Astur Sound. Ente los conteníos apaecen tamién reseñes de los discos dSkama la Rede, Skanda, kallate, Konzienzia Intranquila y Astur Sound ente otros, noticies musicales y lAxenda de conciertos habitual. Amás, esti númberu inclúi la primer parte del reportaxe LA KUENKA SUENA (I): Música de la Cuencal Caudal. Na revista collaboren Arturo G. Serrano, David Tará, Felix Fernández, Miguel Fernandi Burilo, H. Torre, Alba A. Estrada, el Coleutivu Calecer y el Coleutivu musical Gomeru. Númberu 2 de ‘Fechu n’Asturies’ 2 de setiembre, 2007 0 FacebookTwitterPinterestEmail
Música El Salón del Llibru Asturianu de Xixón acueye lactuación de Mestura by asturnet 30 d'agostu, 2007 El V Salón del Llibru Asturianu de Xixón sigue estos díes con actividaes y mañana sábadu va recibir un recital del grupu Mestura a les seis de la tarde. La carpa del Salón ta asitiada na cai Tomás y Valiente de Xixón, xunto a la plazal parchís. Amás, Marisa López Diz, una de les componentes del dúu, va presentar a la una la tardel llibru de temática infantil Poemes de Carambelu, de la editorial Pintar pintar. El primer discu de Mestura preséntase con unes composiciones propies que beben destilos musicales pervariaos, tal comol pop, la canción d’autor, el fado y hasta la salsa y ta asoleyáu por Ámbitu. 30 d'agostu, 2007 0 FacebookTwitterPinterestEmail
Música Ediciones Trabe edita Cancioneru. Lírica dayeri y de güei de Vicente J. Sánchez by asturnet 29 d'agostu, 2007 La editorial Trabe sacó al mercáu estes selmanes un nuevu llibru dedicáu a la música y tituláu Cancioneru. Lírica dayeri y de güei, del que ye autor el director de coru Vicente J. Sánchez García. Nel llibru apaecen 30 nuevos cantares basaos notros tantos poemes de toles dómines de la lliteratura asturiana que van dende dende Pin de Pría o Tiadoro Cuesta a Manuel Asur o Humberto Gonzali. El llibru, diz lautor, busca siguir el camín de cancioneros clásicos como los de Martínez Torner, Víctor Sáenz o González del Valle y por eso quixi que la música tuviere lo más averao posible a la canción asturiana tradicional, con una melodía y un acompañamientu cenciellu pa la segunda voz. El llibru ufierta, amás, trés composiciones con una versión de coru pa cuatro voces mistes ya inclúi obres de, amás de los yá nomaos, Fernán Coronas, Enrique García-Rendueles, Xosé Manuel Valdés Costales, Lourdes Álvarez, Xuan Xosé Sánchez Vicente, Manuel Asur, Mª Elvira Castañón, Luis Aurelio y Pepe Campo ente otros. El Cancioneru. Lírica asturiana dayeri y güei va presentasel sábadu 15 de setiembre nos actos dArribada 2007, nel Antiguu Institutu de Xixón, a les once y media la mañana. 29 d'agostu, 2007 0 FacebookTwitterPinterestEmail
Música Celestino Rozada estrénase na grabación de discos con Cantares dende la mayada by asturnet 28 d'agostu, 2007 LAsociación Cultural Llacín, de Porrúa, y el sellu Ámbitu-LAguañaz tán acabante despubliza el primer discu del cantante de tonada Celestino Rozada Tamés, Cantares dende la mayada, un discu con catorce temes del repertoriu tradicional ente los que sinclúin La cabraliega, Baxaron cuatro ayeranos o Soi pastor. Lautor, ñacíu en Porrúa en 1972, ye, como munchos de los cantantes de tonada, de formación autodidacta y entama de bien mozu a dase a conocer pelos concursos dAsturies con más sonadía. Más tarde pasó un tiempu nel estranxeru y el gran ésitu diba vení-y dempués, nel añu 2006, al proclamase campeón del Certame de Tonada del conceyu dAmieva. Yá ta nes tiendes esti primer discu de Rozada, con cantares tan prestosos como Hai una llinia trazada y La carreteral Pedrosu. Dos razones más pa escuchar esti nuevu trabayu. 28 d'agostu, 2007 0 FacebookTwitterPinterestEmail
Música Un discu con versiones de venti grupos y artistes va homenaxear los venti años de Dixebra by asturnet 27 d'agostu, 2007 Dixebra cumplió apocayá venti años y va celebralo cola edición dun discu nel que van participar venti grupos y artistes faciendo versiones dotros tantos cantares de la banda. El discu va salir en payares y tien versiones que van dendel hip-hop a la música lletrónia. El discu va llamase Salú ya dixebra, 20 años en 20 canciones. Nel discu van participar artistes como Toli Morilla, que recuperará un cantar que compuso pal repertoriu del conxuntu avilesín El mineru, un tema tovía inéditu. Otros de los participantes van ser Skama la rede, Skanda, La Col.l.a Propinde, Fe de Ratas, Desakato, Mala reputación, Escuela de odio, Ciquitrinos, Skontra, Desorden, La Tarrancha, Dulcamara, Dj Stilo, Dark la eMe, La Bandina, K Nalón y Arma X ente otros. Nochobre van metese nel estudiu a grabar y la selección de temes yá ta fechar. Rapaza nacionaliega va versioneala Ciquitrinos, La danza será versionada por La Bandina y Dark la eMe interpretará El vieyu combatiente, mientres que Chalaneru Sound System va tocar Esto ye Asturies nuna versión reggae. Fuera del repertoriu queda El Merucu y otros cantares clásicos de la banda que por espaciu nun entraron nel discu. 27 d'agostu, 2007 0 FacebookTwitterPinterestEmail
Música Soncai System, el nuevu grupu de Xune Elipe, yá tien discu nel mercáu by asturnet 26 d'agostu, 2007 Apocayá estrenaren la descarga dun cantar de baldre del so nuevu discu y agora yá ye posible mercar el discu enteru nes tiendes del país. Tamos falando del primer discu del nuevu grupu de Xune Elipe y el productor Sergio Rodríguez, Clashturies. Nel discu apaecen artistes especializaos nestilos que van dende’l reggae al hip hop, pasando pel folk y la lletrónica. Xente como Delfo Valdés y Vito Álvarez de La Tarrancha, Mario Fueyo Dark la eMe, Aique de Chalaneru Sound System, Javier Tejedor, Rubén Bada de DRD, Eladio Díaz y Jorge Cambareli tamién de Dixebra, amás de los disc jokeys Dani Stylo y Dj pimp. Cola llingua asturiana como idioma principar del discu, colo que los miembros del grupu quieren amosar a les clares les sos posibilidaes espresives del asturianu y el so apueste dusalu como vehículu de comunicación modernu y amañosu pa la mocedá urbano. Descarga’l cantar de baldre 26 d'agostu, 2007 0 FacebookTwitterPinterestEmail
Música Morrison y Felpeyu animaron la Nueche Celta de Porcía by asturnet 26 d'agostu, 2007 Porcía, en conceyu d’El Franco, celebró esta fin de selmana una nueche folk que ye de les más nomaes y veteranes d’asturies y que cuntó con un perbonu programa col gaiteru escoces Fred Morrison y Felpeyu como artistes descataos. La nueche celta abriéronla dos grupos del conceyu: El Cabazo y la banda de gaites La Reina del Truébano y pela nueche actuaron los grupos Blima y Felpeyu, que presentó la so nueva formación col baxista Dubardu Puente. El gaiteru escocés Fred Morrison, que tamién tocaba la nueche enantes en Candás nos alcuentros cola cultura tradicional del grupu San Feñlix, cuayó una actuación mui amañosa, como fai davezu nes sos visites a Asturies, onde se siente como en casa. Morrison ya tuvo compartiendo colos músicos asturianos esti agostu en Lorient, dentro del Festival Intercélticu 2007 nel que particípara tamién. 26 d'agostu, 2007 0 FacebookTwitterPinterestEmail
Música El Rapigueiro celebra 10 años de xera nel III Ruxidoiro Ayandés by asturnet 22 d'agostu, 2007 L’Asociación Cultural Banda de Gaitas El Rapigueiro va celebrar el prósimu sábadu 1 de setiembre el III Ruxidoiro Ayandés nel que va a desendolcar delles actividaes nel Salón de Actos del Ayuntamientu d’Ayande, conmemorando la so primer década d’esistencia. La Banda tamién va a presentar nesti Ruxidoiro la so nueva páxina web. Los actos d’esti III Ruxidoiro Ayandés van entamar el sábadu dende les 18 hores, nel Salón de Actos del Ayuntamientu d’Ayande, Lauren García, autor del llibru Versos como Sangre hirviendo, dará una charla entitulada pertenencias al viento y ufiertará un recital de poemas inéditos del conceyu ayandés. Darréu, coincidiendo cola celebración de los 10 años d’esistencia de la Banda de Gaites El Rapigueiro, presentaráse la páxina web: WWW.ELRAPIGUEIRO.COM. Y a les 19:30 hores habrá un Pasacais ya ruta polos chigres colaboradores amenizáu poles bandines de tol país. A les 22:00 Hores un conciertu nel Klandestín a cargu de los grupos NOS (Ayande) y ÚLTIMO TREN (Cangas del Narcea), preludirá al actu que tendrá llugar a les 23:30 hores y nel que AIRES DEL PALO ya músicos de tola redoblada armarán folixa no Café Centro./p> Como se diz na convocatoria d’esti III Ruxidoiro “durante la nueite recuperaremos fuerzas con la famosa TARTA DE ABLANA moyada con chocolati………….. ya bailar hasta que cante´l gochu”. Nueva web de El Rapigueiro 22 d'agostu, 2007 0 FacebookTwitterPinterestEmail