Música Entamól Festival de la Mazana de Villaviciosa by asturnet 10 d'ochobre, 2007 Esti vienres a les nueve la nueche entamó na Plazal Güevu de La Villa una nueche folk que chaba’l pieslle a la xornada inaugural del XXVI Festival de la Mazana. Unes fiestas que van celebrase hastal 14 dochobre nel conceyu maliayu. El conciertu desta nueche va entamar cola actuación de La Bandina la Curuxa y después van ser Los Gatos del Fornu, el grupu Corquiéu y los xixoneses Skontra quien pongan ritmo a la nueche. La nueche folk va pesllase cola participación dSkama la Rede, que va tocar temes del so segundu discu, «Echaos a la mar», nel que toquen ska, pero con toques punk, rock, reggae y folk. 10 d'ochobre, 2007 0 FacebookTwitterPinterestEmail
Música Digital Leather muestren n’Asturies la so propuesta de punk ellectrónicu by asturnet 10 d'ochobre, 2007 Los norneamericanos Digital Leather son el proyectu del enigmáticu músicu Shawn Foree y cuenten con tres trabayos nel mercáu nos que desgranen influencies del meyor punk de los 70 y 80 amestao con ellectronica y pop. Bandes como Joy Division, Ultravox, Stranglers, Blondie o Can componen el abanicu d’influencies de la banda orixinaria de Tucson, Arizona. La cita ye na Sala Nuevo Savoy de Xixón a les 22:00 hores con entraes al preciu de 10 euros. El vienres 12 la banda va actuar na sala Pile 43 d’Aviles a partir de les nueve y media de la nueche con entraes disponibles en taquilla tamiñen al preciu de 10 euros. 10 d'ochobre, 2007 0 FacebookTwitterPinterestEmail
Música El raperu asturianu Eduakapenn1 presenta’l so nuevu videoclip na FNAC de Siero by asturnet 10 d'ochobre, 2007 A partir de les 20:00 hores nel Forum de la FNAC del centru comnercial Parque Principáu de Siero el pruductor y MC xixones Eduakapenn1 va presentar el so nuevu videclip. Eduakapenn1, residente nel xixones barrio de Contrueces ye productor y cantante amás de miembru de los grupos CTS y Casa Bandido. Cunta nel so curriculum con delles collaboraciones con diferentes mc´s de Xixón y producciones pa grupos afincaos n’Asturies. Esta preparando’l so primer discu, “Magic Finish”, que va tar diponible prosimamente. 10 d'ochobre, 2007 0 FacebookTwitterPinterestEmail
Música La Orquesta Sinfónica Moza del Principáu toca en La Felguera y en Xixón by asturnet 9 d'ochobre, 2007 Obres de Rosaura, Debussy, Werner Thärichen componen la ufierta que trae la Orquesta Sinfónica Moza del Principáu d’Asturies pal conciertu que va dar esta nueche en Xixón. La cita va ser nel Teatru Xovellanos de Xixón a les 20:30 hores. Embaxo la dirección del ucraniu Yuri Nasushkin y xunto cola percusionista Eva Perez Díaz (marimba y timbales) van interpretar Prelude Nº 1, E minor de Rosaura; Dr. Gradus ad Parnassum de Debussy; Conciertu pa 5 timbales y orquesta, Op. 34 de Thärichen y Sinfonía Nº 6 Op. 74 de Tchaikowsky. La Orquesta Sinfónica Moza del Principáu d’Asturies tien por oxetivo el preparar a los xóvenes músicos afincaos n’Asturies pa favorecer la so entrada nel mercáu profesional. Hasta’ momentu más de 250 músicos completaron la so educación musical nesta formación. Durante siete años d’esistencia la orquesta participó en dellos festivales internacionales como lo de Valencia, Murcia, Segovia, Asturies, Rioja. Nel añu 2004 la Orquesta alagamó un notable esitu nel Festival “Young Euro Classic” en Berlín. 9 d'ochobre, 2007 0 FacebookTwitterPinterestEmail
Música La “buola” d’Ambás protagoniza un discu by asturnet 9 d'ochobre, 2007 Esti sábadu día 13 preséntase n’Ambás, Grau, l’octavu discu de la serie “Fontes sonores de la música tradicional asturiana” del archivu de la música tradicional del Muséu del Pueblu d’Asturies, que tien como protagonista a Celestina ca Sanchu d’Ambás, d’ochenta y cinco años, que ye la “buola” del conocíu músicu, etnógrafu y presentador televisivu XOsé Ambás. El discu preseta un repertoriu de 32 temes vocales au apaecen dances, la ronda, la jota, la muñeira, el cantar de boda, cantares de ñeños y un llargu ecétera de cancios de los que la mayoría son sones pa la danza. Ambás canta dellos estribillos y delles cuartetes chando-y un gavitu nel discu que va presentase’l sábadu qu’entra dia 13 a las 13 hores n’Ambás. Va ser un homenaxe a Celestina au nun va faltar “bon queisu, pan ya vinu’l País”. Tampocu va faltar la música tradicional de tolos convidaos que lleven l’instrumentu ya de xuru que Celestina tamién chará unas cantaruxadas. 9 d'ochobre, 2007 0 FacebookTwitterPinterestEmail
Música Mestura presenten el so debú discográficu en Xixón by asturnet 9 d'ochobre, 2007 A les 19:30 hores na sala Ámbitu Cultural de El Corte Ingles, nel centru comercial Cosrta Verde de Xixón, el duu Mestura presenta’l so discu de debó tituláu “Agua del Norte”. Mestura ye una pareya de músicos asturian formada por Marisa López, a la voz y Luis Suárez, a les guitarres y la voz. “Agua del Norte” ta compuestu por cancios en n’asturianu, gallego-asturianu, castellanu y portugues pero siempre de cantares orixinales compuestos por ellos menos tanto en música como en lletra. Pop, fado y canción d’autor son les influencies más apreciables na estrena del grupu asturianu. 9 d'ochobre, 2007 0 FacebookTwitterPinterestEmail
Música Fabio Miano trae’l so jazz al Centru de Cultura Antiguu Institutu by asturnet 9 d'ochobre, 2007 Temes del jazz más clasicu e influencies de Thelonius Monk o Duke Ellington xunxo con composiciones orixinales son les señes d’identidá de Fabio Miano Trío, proyectu del pianista valencianu Fabio Miano qu’esta nueche van poder disfrutar los asistentes a la so actuación nel Centru de Cultura Antiguu Institutu de Xixón a les 20:00 hores con entrada llibre. Miano ye un de los músicos de jazz más reputaos d’españa y un de los artistes nacionales del estilu que ta algamando mayor reconocimientu nel circuitu internacional. Va actuar en Xixón, con entrada llibre, acompañáu del baxista Luis Llarío bajo y Esteve Pi, a la batería. 9 d'ochobre, 2007 0 FacebookTwitterPinterestEmail
Música Darréu sacal discu Asturies nun escaez 1934-2007 by asturnet 8 d'ochobre, 2007 Ta acabante de salir a la venta un nuevu disco reivindicativu. La mocedá venceyada a la formación Andecha Astur presentó nel Día de la Mocedá Revolucionario el discu Asturies nun escaez. 1934-2007, quaxunta a tolos grupos que participaron hasta agora nos conciertos Asturies Nun Escaez, organizaos primero por Andecha Mocedá y dempués pol so continuador Darréu. Venti grupos enllenen los 80 minutos de musica con temes cedíos de 13 grupos asturianos que van dende Escuela de Odio, Mala Reputación, Skontra, Avientu, Narba, K-Nalón, Dixebra, Intolerante, Oi! NAst, Skama la Rede, Testimoniu la Viztima, Sendero Luminoso o La Tarrancha, a los que se sumen 7 grupos punteros dotros países, como Habeas Corpus, Betagarri, Skalariak, Koma, Etsaiak, Sociedad Alkholika y Obrint Pas. El discu Asturies nun escaez incluí un inéditu dEscuela de Odio quabrel compilatoriu Los de Siempre. Esti compilatoriu tien un preciu de 10. 8 d'ochobre, 2007 0 FacebookTwitterPinterestEmail
Música Xixón agospia una nuev edición del Festival de Tonada d’AICA by asturnet 7 d'ochobre, 2007 El Centru Municipal Integráu de Pumarín Xixón Sur va agospiar dende’l 8 d’ochobre una nueva edición del Festival de Tonada nel que van actuar Jose Manuel Robledo “Lolo” y Carmen Camporro Palicio, col acompañamientu a la gaita d’Óscar Fernández González. L’eventu ta organizáu pol Conceyu de Xixón y l’Asociación d’Interpretes de Canción Asturiana (AICA). L’actu de presentación del festival va entamar esta tarde a les 19:30 hores nel Centru Municipal Integráu de Pumarín Xixón Sur y va tar presentáu por Julio Cesar Baragaño. Amás de tonada. El programa va tar completáu por una representación a cargu del grupu Rosario Trabanco. A partir del xueves 11 continuen los actos cola actuación de Jose García “El Che de Cabaños”, Nori Redondo Sobero y Damián Blanco Carrio, con Jose Fernández “Pepe Peñanes” a la gaita. 7 d'ochobre, 2007 0 FacebookTwitterPinterestEmail
Música Los rockeros suecos Sewergrooves presenten el so nuevu discu en Xixón by asturnet 7 d'ochobre, 2007 La banda sueca Sewergrooves tan de xira por toda la península presentando’l so nuevu trabayu ” Rock n’Roll receiver” y la prósima parada van facela en Xixón esta nueche. El conciertu va entamar a les 22:00 hores na sala Nuevo Savoy Club (Pelayo, 2) con entraes a la venta al preciu de 10 euros. Sewergrooves nació na decada los años 90 en Suecia como proyectu alternativu de una de les formaciones de rock más famoses del país: Hellacopters. Con Rock ‘n’ roll receiver ya sumen cinco discos a les espaldes embaxo la mesma fórmula; rock and roll clásicu na llínia d’artistes como los Sonics, Radio Birdman o The Stooges. 7 d'ochobre, 2007 0 FacebookTwitterPinterestEmail