Educación El Sindicatu d’Estudiantes d’Asturies denuncia una actuación policial a les puertes del IES Nº 5 d’Avilés by asturnet 25 de setiembre, 2013 El Sindicatu d’Estudiantes d’Asturies vieno de denunciar qu’esta mañana, a les puertes del IES Nº 5 d’Avilés, una pareya de la policía nacional identificó y amenació con llevase deteníu a un padre y collaborador del Sindicatu d’Estudiantes d’Asturies, cuando se topaba distribuyendo a dellos afiliaos de la nuesa organización la documentación necesaria pa realizar el Referéndum pola Escuela Pública, enmarcáu dientro del procesu de protestes convocaes pola Plataforma Estatal en Defensa de la Escuela Pública. Cuando esti collaborador del SEA atopábase falando con dellos estudiantes, un coche patrulla averose al llugar y pido-y les papeletes de votu sobre’l referéndum y el restu de materiales sobre la consulta y les movilizaciones previstes, pa darréu desplicar quien yera y lo que taba faciendo. Sigún denuncia’l Sindicatu d’Estudiantes, magar eso, unu de los axentes dio en identificalu, unviando los sos datos a la centralita y reteniéndolu xuntu al coche mentanto. Darréu, “al amosar el nuesu compañeru la so disconformidá cola actuación policial y pidir el numbero de placa al axente, esti reaccionó de forma chulesca y apavoriante, amenaciándolu primeru con llevalu deteníu a la comisaría” y depués con pone-y una multa que según les sos propies palabres a lo menos va ser de 300 , depende de lo que ponga yo equí. Magar finalmente la situación nun foi a mayores, dende’l Sindicatu d’Estudiantes “enforma nos tenemos qu’esti incidente nun sía casual, sinón que, a menos d’un mes de la fuelga xeneral educativa, dende la Delegación de Gobiernu diérense ordes pa controlar y hostigar a los nuesos activistes, a los nuesos padres y profesores nuna nueva vuelta de tuerca, col propósitu de siguir tarazando los nuesos derechos democráticos, daqué que , poques gracies, non nos va a estremar del oxetivu de lluchar pola Escuela Pública”. Dende’l Sindicatu d’Estudiantes consideren esti incidente, “cuandoquier, como un claru casu d’abusu d’autoridá, y nesi sentíu queremos denuncialo públicamente, al empar que faemos un llamamientu a tola comunidá educativa a doblar la llucha contra los ataques a la Educación Pública, secundando masivamente les movilizaciones convocaes pal mes d’ochobre, especialmente les fuelgues d’estudiantes del 22 y 23, y la fuelga xeneral de padres, profesores y estudiantes del 24 d’ochobre”. 25 de setiembre, 2013 0 FacebookTwitterPinterestEmail
Plástiques El XXXVII Salón Internacional del Cómic va desendolcase n’Ochobre en Xixón con Mariscal de protagonista by asturnet 24 de setiembre, 2013 El XXXVII Salón Internacional del Cómic del Principáu d’Asturies, va celebrase nel Centru de Cultura Antiguu Institutu (CCAI) dende’l día 2 al 5 d’ochobre,, con un programa nel que Mariscal va tener enforma protagonismu: va xubir al podiu entrando na nómina d’autores col Premiu John Buscema “pol so llabor incondicional a favor del mundu de la historieta y del so espardimientu”, va ser motivu d’una esposición, nel patiu central del CCAI, integrada pol material más representativu de la so hestoria y, finalmente, va ufiertar al públicu, el día de la clausura, una de los sos interesantes conferencies. Nel Salón, el so direutor, Faustino Rodríguez Arbesú, va presentar el segundu tomu de ‘La hestoria de la historieta n’Asturies’, y van compartise esperiencies y cómic en vivu col autor francés Frédéric Pumar, vieyu conocíu del certame; l’escritor estadounidense d’orixe checu Jan Strnad y l’italianu Ivo Milazzo. Otra de les presencies destacaes ye la de José Ortiz, reconocíu como unu de los más grandes autores españoles, y ente los invitaos asturianos, Geaspar Meana, ceador de la saga medieval ‘La Crónica de Leodegundo’, que va ser el motivu de la esposición más destacada de les que tán preparándose pal Salón. La obra, dacgechamente creada en llingua asturiana, foi editada pola Universidá de Palma de Mallorca y va poder ser contemplada na Sala 1 del CCAI, al traviés de 52 páxines, en color y en blancu y negru. Otros invitaos d’esta edición van ser Enrique Carballeira, Elvira Menéndez, Pau Rodríguez, Alberto Álvarez Peña, Marcos de les Heras, J. Antonio Marines, Neto, Noguera, José María Álvarez y Suso Mortimer. 24 de setiembre, 2013 0 FacebookTwitterPinterestEmail
Educación La enseñanza pública de Baleares apara pa defender el catalán de l’amenaza del PP col so modelu trillingüe by asturnet 24 de setiembre, 2013 Una fuelga inédita qu’entró esti llunes na so segunda selmana tien bloquiáu l’empiezu del cursu escolar en Baleares y les clases nun s’imparten con normalidá na mayor parte de los 300 centros públicos, magar que les aules abrieron el pasáu día 13 de setiembre. La comunidá educativa protesta contra’l modelu trillingüe impuestu pol Gobiernu de José Ramón Bauzá (PP) que resta pesu horariu al catalán en favor del inglés. El sofitu social a los profesores ye tan incontestable que ya se llograren xuntar más de 100.000 euros pa sofitar la fuelga y collaboraciones solidaries como la del pintor Miquel Barceló qu’apurrió un grabáu pa la so vienta en puya, nun actu cómpliz cola causa de los güelguistes. El paru representa un episodiu ensin precedentes pola resistencia de los docentes (magar la sangría nes sos nómines, de cásique 600 euro) y, tamién por esa complicidá ciudadana, anque hai tamién sectores disonantes, movimientos críticos de families pola duración del conflictu. N’Eivissa y Formentera el Gobiernu reconoz un impactu del 27% ente’l profesoráu ente que los sindicatos alzar al 90%. En Mallorca, l’Alministración fala del 9,5% y los güelguistes del 55%. En Menorca la protesta baxó la so intensidá. El paru nun tien visos de solución inmediata anque’l Gobiernu llamó a los sindicatos a una mesa de negociación colos mesmos puntos d’otres cites, pero nun plantega, primeramente, un diálogu concretu pa encarar el fin de la fuelga. Los padres nun van unviar a los sos fíos el vienres a la escuela y el domingu preparase una movilización ciudadana en Palma, Mahón, Eivissa y Formentera; esti martes ante’l Parlamentu los güelguistes quieren espresar, de nuevu, el so refugu al refrendo de normes llingüístiques y educatives aprobaes por decretu. El PP actuó por sorpresa nesti conflictu, xustamente en víspores del entamu del cursu pa tornar una sentencia adversa de los tribunales. El Tribunal Superior de Baleares paralizara cautelarmente la implantación del decretu de trillingüismu por defectos de forma a la espera de pronunciase sobre’l fondu del asuntu. 24 de setiembre, 2013 0 FacebookTwitterPinterestEmail
Educación Abrese’l plazu los cursos d’Asturianu de la UP de Xixón by asturnet 23 de setiembre, 2013 LAyuntamientu de Gijón/Xixón, al traviés del Departamentu de la Universidá Popular de la FMCEUP, ufierta cursos d’asturianu quentamarán en febreru, ente los que s’alcuentren los d¡’aniciu y de torna. El plazu de matrícula será del 19 de setiembre al 4 d’ochobre de 2013 Los dos cursos ufiertaos son los que vienen darréu: LLINGUA ASTURIANA: BÁSICU (códigu 162) LLINGUA ASTURIANA: TORNA (códigu 163) Dambos van dase dafechu nasturianu y pa matriculase nel de “Llingua Asturiana: Torna” faen falta conocimientos previos. Si queréis tener más información, podéis descargar el folletu completu con tolos cursos qu’ufierta’l Departamentu d’UP pa febreru 23 de setiembre, 2013 0 FacebookTwitterPinterestEmail
Educación IX pide esplicaciones na Xunta sobre l’alxudicación de los interinos by asturnet 23 de setiembre, 2013 El grupu parlamentariu d’IX na Xunta Xeneral va llevar esta selmana al plenu trés asuntos de plena actualidá: la solución al problema de l’axudicación de places de los interinos que se quedaron fora de les llistes de la Conseyería d’Educación, el pidimientu d’esplicaciones sobre la denominada Axenda contra la Esclusión social -qu’IX solo conoz polos periódicos y nun tenemos nenguna información per parte del Gobiernu asturianu- y una Proposición Non de Llei pa que’l Gobiernu Central tenga que consultar coles comunidaes autónomes cualquier cambéu de la planta xudicial n’Asturies y tamién cola participación de la sociedá civil, teniendo en cuenta les especiales característiques xeográfiques y demográfiques d’Asturies. Nun queremos enteranos pol BOE de posible retayos que son los qu’embaraxa’l PP, dixo Ángel González, voceru d’IX na Xunta Xeneral. El grupu d’IX va apellar de forma urxente al Conseyu de Gobiernu sobre l’Axenda contra la Esclusión social al considerar la aparente importancia estratéxica del anunciu realizáu pol Gobiernu de Javier Fernández que, según dizse va sirvir pa blindar l’Estáu de Bienestar frente a les agresiones que sufrió cola política de retayos del Executivu Central y les importantes repercusiones presupuestaries y d’otra naturaleza qu’implica asemeyada propuesta. De la mesma, IX propunxo un borrador de declaración institucional, que cunta col sofitu de tolos voceros, nel que s’amuesa la solidaridá y sofitu escontra los/el trabayadores de Tenneco Xixón y les sos families y detalla el absolutu refugo ante’l posible zarru de la factoría de Xixón, cuando nun paez esistir nenguna causa oxetiva que la xustifique. 23 de setiembre, 2013 0 FacebookTwitterPinterestEmail
Educación IX refuga la privatización de la xestión de la FICYT y reclama un impulsu a la conocencia by asturnet 20 de setiembre, 2013 El coordinador d’IX, Manuel González Orviz, refugó güei la privatización de la xestión de la Fundación pal Fomentu n’Asturies de la Investigación Científica Aplicada y la Tecnoloxía (FICYT) y pidió que se pare esta llocura de retayos y de baltadera del Estáu del Bienestar. Quieren llevanos al sieglu XIX y a esto del qu’inventen ellos. El máximu responsable d’Izquierda Xunida, recordó que l’oxetivu fundacional de la FICYT ye la promoción y la tresferencia de la conocencia daqué lóxicu yá que dixo, la conocencia ye en sí mesmu, desenvolvimientu de la riqueza y actividá económica, y repito, en sí mesmu y polo que ye capaz de xenerar. Pal líder de la formación, la privatización de la xestión d’esta fundación inscribese nun procesu xeneral yá empecipiáu pol Gobiernu Central y que, agora, secunda l’asturianu, que’l so fin últimu ye facer sumir del campu propio de les alministraciones públiques la investigación científica y técnica. Lo que se precisa, según el coordinador d’IX, ye un impulsu públicu a la conocencia y a l’actividá económica. Midíes como ésta, que van contra la investigación científico y técnico, contra la conocencia, aseguró, terminen emprobeciéndonos entá más. 20 de setiembre, 2013 0 FacebookTwitterPinterestEmail
Educación El PP critica la vergoñosa política d’innovación del Principáu by asturnet 20 de setiembre, 2013 La diputada del PP na Xunta Xeneral del Principáu d’Asturies Susana López Ares, criticó abondo esti xueves la qu’atalanta ye “vergoñosa política d’innovación y desenvolvimientu” del Gobiernu rexonal socialista, asina como’l descontrol del Executivu rexonal na xestión de la Fundación pal Fomentu n’Asturies de la Investigación Científica Aplicada y la Tecnoloxía (FICYT). Sigún la diputada entá nun hai plan d’investigación n’Asturies y la I+D+i ye fundamental pa crear emplegu. L’aprobación per parte del Conseyu de Gobiernu d’un documentu relativu a una estratexa d’impulsu a la investigación y l’innovación na comunidá nun paez, a xuiciu de López Ares, el documentu que precisa Asturies: Agora sálennos con un plan que fixo una empresa, con 200.000 euros de tolos asturianos, y pola información que nos llega creemos que, llueñe de ser positivu, va ser negativu”, dixo nmun comunicáu asoleyáu pol PP esti xueves. 20 de setiembre, 2013 0 FacebookTwitterPinterestEmail
Educación IX va esixir a la Conseyera d’Educación soluciones pa los profesores interinos by asturnet 20 de setiembre, 2013 Emilia Vázquez, diputada d’IX d’Asturies na Xunta Xeneral, rexistró esta mañana dos preguntes orales urxentes pal plenu de la próxima selmana a la Conseyera d’Educación y Cultura pola axudicación de places a profesores interinos. La diputada va demandar nel parlamentu asturianu una esplicación sobre ¿Cuáles son les causes que motivaron los problemes na axudicación de les places de profesores interinos? Y tamién ¿Qué soluciones ta apurriendo’l Conseyu de Gobiernu a los problemes na axudicación de les places de esti profesores interinos?. Emilia Vázque considera que’l Gobiernu hasta’l momentu demostró la so incapacidá p’apurrir soluciones al malestar creáu ente el profesores pola so perda de derechos llaborales. 20 de setiembre, 2013 0 FacebookTwitterPinterestEmail
Educación SUATEA denuncia que 14 centros queden ensin profesoráu de llingua o de Gallego-Asturiano por falta de previsión by asturnet 20 de setiembre, 2013 SUATEA denuncia que 14 centros queden ensin profesoráu de llingua o de Gallego-Asturiano por falta de previsión y darréu d’ello solicita la inmediata apertura de les bolses d’aspirantes a interinidá neses asignatures, ya que depués de la última axudicación de places al profesoráu interín quedaron en Primaria 12 escueles ensin docente en Llingua asturiana y dos en Gallego-asturianu. La causa ye la escandalosa falta de previsión de la Conseyería dEducación que nun convocó la criación de nueves bolses daspirantes a interinidá sabiendo dende mediaos del cursu pasáu que taben escosándose les llistes. Les característiques propies de les places que se tarden más en cubrir corresponden coles zones rurales de les ales dAsturies, toes elles a media xornada y munches, amás, itinerantes. Too ello muestra otra vez la precariedá nes condiciones llaborales del profesoráu con nefastes consecuencies pa la calidá de la enseñanza y pal desarrollu destes árees nos centros. Sigún SUATEA “tolos años vemos como la desidia y la falta dinterés por normalizar, recuperar y promocionar la llingua propia provoca un deterioru que sedrá revesosu diguar nun futuru inmediatu. Nun se cumple la llei dusu y promoción nin se faen realidá promeses como la criación de la especialidá prometida en delles ocasiones pola Conseyera dEducación”. Pal SUATEA,. “ye fundamental, nun procesu de normalización llingüística estabilizar lasignatura nel sistema educativu y qualgame lestatus quel restu dárees tienen. Pa ello consideramos quún de los encontos más importantes yel profesoráu y la so estabilización pa poder garantizar una continuidá de les enseñances nos centros educativos”. Nesti sen, dende SUATEA exixen a la Conseyería: Entamar darréul procesu dapertura de nueves bolses daspirantes a interinidá en Primaria, tanto pa Llingua Asturiana como pa Gallego-asturianu como condición indispensable pa poder atender a les necesidaees demandaes pol alumnáu nos centros educativos. Criar yá la especialidá destes árees y quello lleve a la equiparación col restu dasignatures cola correspondiente convocatoria doposiciones questabilice la plantiya. Que dende esta Conseyería de Cultura se tome la iniciativa de dignificar lasturianu promoviendo la so oficialidá. 20 de setiembre, 2013 0 FacebookTwitterPinterestEmail
Educación Iniciativa pol Asturianu acoyerá a universitarios en práctiques by asturnet 19 de setiembre, 2013 Iniciativa pol Asturianu y la Universidá d’Uviéu vienen acabante de roblar un Conveniu de Coperación Educativa ente dambes entidaes, col envís de qu’Iniciativa pol Asturianu acueya na so organización a alumnos en práctiques de cualesquiera de les titulaciones de la universidá asturiana. El conveniu, robláu por Luis J. Rodríguez Muñiz, Vicerrector d’Estudiantes, ya Inaciu Galán, presidente d’Iniciativa pol Asturianu, tien una duración indefinida y como oxetivu “fomentar la formación práctica de los estudiantes de la Universidá d’Uviéu n’Iniciativa pol Asturianu”. Con esti alcuerdu Iniciativa pol Asturianu busca cuntar cola collaboración d’alumnos de la Universidá d’Uviéu, al mesmu tiempu que-yos ufre una granible esperiencia nel campu de la xestión de la reivindicación llingüística. Los alumnos interesaos en facer el so periodu de práctiques n’Iniciativa pol Asturianu pueden ponese en contactu cola organización nel corréu contautu@iniciativapolasturianu.org o nes canales habituales de comunicación, en web y redes sociales. La organización busca persones de tolos perfiles académicos, pa implicase nes distintes xeres que se desenrrollen en cauna de les estayes: alministración, prensa, ayalguería, rellaciones internacionales, empresa, etc. La organización ta dispuesta tamién a la robla de convenios asemeyaos pa poder acoyer a alumnos que provengan d’otres universidaes o centros de formación profesional. 19 de setiembre, 2013 0 FacebookTwitterPinterestEmail