Lliteratura Mañana entamen los actos de la XXVIII Selmana de les Lletres Asturianes, dedicada a la narrativa by asturnet 22 d'abril, 2007 Redacción. La XXVIII Selmana de les Lletres Asturianes entama mañana martes a les seis de la tarde cola representación de la obra ‘De boca a oreya’, pola Compañía Nun tris na biblioteca ‘Escueles Dorado’ de Sama, nel conceyu de Llangreu. Anque la presentación oficial nun va ser hasta esti vienres a les doce la mañana nel patiu de la Conseyería de Cultura, Comunicación Social y Turismu. Como vien siendo habitual nos últimos años, la selmana de les lletres ta dedicada a un xeneru lliterariu. Si en 2005 fuera a la poesía y en 2006 al teatru, esti añu la Selmana va dedicase al xeneru narrativu. El títulu de la XXVIII Selmana de les Lletres Asturianes ye ‘Ello yera una vez… un tiempu de narraciones’. Na celebración de la Selmana van tener especial protagonismu los actos d’ociu y la presentación de publicaciones, tanto les oficiales de la Selmana como otres revistes y llibros que van presentase dientro de los actos. Amás, el vienres 4 de mayu, l’Academia de la Llingua celebra’l Día de les Lletres Asturianes con una xunta pública nel Teatru Campoamor. Programa de mañana: ● 18:00 hores │ Biblioteca “Escueles Dorado” (Sama, Llangreu) Representación de la obra De boca oreya. Compañía “Nun Tris”. 22 d'abril, 2007 0 FacebookTwitterPinterestEmail
Lliteratura Sal a la cai un númberu nuevu del fancín cultural El Espinete by asturnet 22 d'abril, 2007 Redacción. El fancín cultural ‘El Espinete’ llega al so númberu catorce dempues de cumplir cinco años espublizándose nel mes de marzu d’esti añu. Los exemplares puen recoyese de baldre nes biblioteques d’Ortigueira y Navia, amás d’en dalgunos otros llugares del occidente y del centru d’Asturies. Esti númberu nuevu ye’l de más páxines hasta’l momentu y nel collaboren dalgunos autores habituales de la revista como María Perez, Pedro Gilthoniel, Qino y Moises Cima, asina como dos nuevos autores que se sumen a les propuestes lliteraries d’El Espinete. Ye’l casu d’Erik de Cruz, músicu, cantante y escritor especializáu nel xeneru fantásticu ya Inaciu Galán, escritor, direutor de la revista lliteraria Formientu y anguaño presentador del espaciu ‘Xente de casa’ na TPA. ‘El Espinete’ edítase n’edición billingüe pa les partes comunes, mientres que los testos y obres presentaos respeten la llingua de los autores, fala, asturianu o castellán. El diseñu ye’l clásicu de los fancines y nel mesmu tienen collaborao escritores y artistes d’orixe mui estremáu. Páxina dEl Espinete 22 d'abril, 2007 0 FacebookTwitterPinterestEmail
Lliteratura El Club Social dAltos Vuelos, ye lúltimu llibru de Vicente García Oliva by asturnet 21 d'abril, 2007 Vicente García Oliva ta acabante espublizar una novela xuvenil El Club Social dAltos Vuelos cola editorial Trabe, un nuevu volume que se suma a la montonera de publicaciones, lo mesmo pal públicu mozu que padultos. Vicente García Oliva tien una llarga trayectoria como escritor y ye un destacáu activista na defensa del asturianu, dende que fuere unu de los miembros orixinarios del grupu xixonés de Conceyu Bable y ún de los pioneros en facer una lliteratura dirixida al públicu infantil o xuvenil. Ente les sos obres más conocíes tán Les aventures de Xicu y Ventolín, Diariu dEnol, El mercaderu de tormentes, ¡A la bin, bon, ban…!, Laire de les castañes, El Norte o lensayu Aventura humana y lliteraria al rodiu de don Enrique García Rendueles. 21 d'abril, 2007 0 FacebookTwitterPinterestEmail
Lliteratura El IV Festival de Poesía nAsturianu de Xixón celébrase esta tarde con una llectura acompañada de la música de Mus by asturnet 19 d'abril, 2007 Redacción. Como cada añu per estes feches, va celebrase’l Festival de Poesía n’Asturianu de Xixón nel Centru Municipal de L’Arena con una llectura musicada, esti añu pol grupu Mus. El Festival quier ser un momentu pa esparder el conocimientu de la nuesa poesía y de los autores asturianos. Esti añu los seleicionaos pa participar son Miguel Rojo, Humberto González, Chechu García y Ana Vanessa Gutierrez, axuntando asina a poetes con una llarga trayeutoria, como son Rojo y González con otros más mozos. El recital entama a les 19:30 hores nel Salón d’Actos del Centru Municipal de L’Arena. L’actu va tener continuidá mañana sábadu a les 11 la mañana na Playa L’Arbeyal, cuando estos y otros poetes van facer una suelta de globos con poemes, xunto a los rapazos del Grupu Scout d’El Natahoyo. La organización d’estes actividaes cuerre a cargu d’Aurora García Rivas, Armando Vega y Ricardo Candás. 19 d'abril, 2007 0 FacebookTwitterPinterestEmail
Lliteratura Sánchez Vicente esbilla lo meyor de la poesía del sieglu XIX by asturnet 16 d'abril, 2007 Redacción La Fundación Nueva Asturies y Trabe Ediciones coediten ‘Antoloxía de la poesía del sieglu XIX’, nuna edición de Xuan Xose Sánchez Vicente. L’antoloxía esbilla lo meyor de la poesía del sieglu XIX, que l’autor de la mesma califica como ‘el sieglu d’oru de la lliteratura asturiana’. L’antoloxía inclúi poemes de los tres autores fundamentales del sieglu XIX, Xose Caveda y Nava, Teodoro Cuesta y Xuan María Acebal, asina como una seleición d’otros d’autores como Benito Canella, Xuan Junquera, Manuel Fernández de Castro, Pepín Quevedo, etc. L’autor de la edición, Sánchez Vicente, ye ún de los estudiosos que más afondaron nes producciones clásiques de les lletres asturianes. L’añu pasáu espublizó ‘Les producciones clasicistes d’Antón de Marirreguera’ y yá nel añu 1979 espulizare una reedición crítica de l’antoloxía de Caveda y Nava ‘Esvilla de poesíes na nuesa llingua’. 16 d'abril, 2007 0 FacebookTwitterPinterestEmail
Lliteratura David Rivas presentó la obra d’Humberto González nos Alcuentros poéticos de Xixón by asturnet 15 d'abril, 2007 Redacción Los ‘Alcuentros poeticos’ que dende va años se celebren mensualmente nel Antiguu Institutu de Xixón coordinaos por Antonio Merayo, dedicaron la edición d’esti mes d’abril a la obra del poeta Humberto González, xestor cultural y miembru destacáu del Partíu Popular en Xixón. L’actu foi presentáu pol economista y miembru de l’Academia de la Llingua Asturiana, David Rivas, qu’apocayá s’estrenó nel tarren lliterariu col llibru de rellatos ‘Xente de perende’ y consistió nun repás pela obra del escritor de Figareo. Na presentación, Rivas destacó’l «bon facer poeticu del autor» y «l’usu cultu que l’autor fai del idioma nes sos composiciones». Na llectura que fizo González, l’autor recorrió la so obra espublizada nos venti últimos años, dende’l so primer poemariu del añu 1988 ‘Augua d’invocación’ hasta la última esbilla de testos poeticos ineditos editada l’añu pasáu ‘Decenariu’, xunto a dalgún poema inda ineditu. 15 d'abril, 2007 0 FacebookTwitterPinterestEmail
Lliteratura Humberto González protagoniza esti vienres los alcuentros poéticos del Antiguu Institutu by asturnet 9 d'abril, 2007 Lescritor asturianu Humberto González protagoniza los Encuentros poéticos en el Antiguo Instituto esti vientres 13 dabril. Lalcuentru poéticu celébrase a les 20 hores na sala de conferencies del Centru de Cultura Antiguu Institutu de Xixón. Los alcuentros poéticos tan coordinaos por Antonio Merayo y esti viernes van cuntar cola participación de David Rivas como presentador del actu que protagoniza Humberto González. Lautor, que nació en Figareo (Mieres) en 1.961, ye Xestor Cultural y foi profesor de llingua y lliteratura asturianes. Codirixó la revista Orbayando, promovió la IV Xunta dEscritores Asturianos cellebrada en Villaviciosa en 1.996 y coordinó la V Xunta dEscritores Asturianos que tuvo llugar en Lluanco en 1.998, y el congresu lliterariu Arribada que se fizo en Xixón en 2006. Ye presidente del Círculo de Pensamiento Liberal, y miembru de la Xunta local del Partido Popular de Xixón. 9 d'abril, 2007 0 FacebookTwitterPinterestEmail
Lliteratura Carlos suari y Berto García publiquen Treslallende by asturnet 27 de marzu, 2007 Esti poemariu conxuntu amuesa dos visiones de la emigración moza, dende lo más íntimo a lo social. Pal escritor Xulio Vixil la obra, publicada por Trabe, significa’l “dolor pa ellos pa dexar atrás l’alma qu’alluma los caminos, pa ganase la vida nel ermu ayenu”. Los autores:Berto García (31 años, Les Vegues, Corvera) ye autor dEnsin otra sida (Trabe, 2005) y de mui bien dobra publicao nes revistes de lliteratura del nuesu país: Entellunu, El Canciul Cuélebre, Lletres Asturianes y Reciella Malory. Mayestru de profesión, trabaya como interín anguaño nuna escuela de Castiella. Ye miembru de la Banda de Gaites de Corvera. Carlos Suari (24 años, La Xungarosa, Avilés) ye autor del poemariu El mio cachu tírolu, publicáu ninternet de forma llibre en 2005. Llicenciáu en Ciencies de lActividá Física y del Deporte, estudiante dAntropoloxía Social y Cultural y xuez y monitor de deportes tradicionales asturianos. Tien delles publicaciones científiques sobre laplicación educativa de la tradición física. 27 de marzu, 2007 0 FacebookTwitterPinterestEmail
Lliteratura Xosé Lluís Campal presenta “Les güelgues” by asturnet 25 de marzu, 2007 L’escritor Xosé Lluís Campal va presentar esti martes el so poemariu “Les güelgues” na Llibrería Asturiana de Trabe, na cai Buenaventura Paredes d’Uviéu. L’actu va entamar a partir de les 19:30 hores. La presentación del poemariu va correr a cargu d’Ánxel Álvarez Llano. Xosé Lluís Campañ nació en La Pola (Llaviana) ye llicenciáu en Filoloxía Hispánica. ye autor dabonda bibliografía menor, trabayos y artículos. Como autor de poesía nasturiano publicó les plaquetes Les fueyes perdíes (1990), A soles (1991) y Les cimuestres del párpagu (1997); en 1992 editósel so llibru de poemes Escarabayos. La so obra poética bebe nes fontes del vanguardismu irracionalista pa componer un tipu de poema nel qualcuandol mesmu llinguaxe queda desprovistu de cualquier significáu pa ser namás destellu sonoru. 25 de marzu, 2007 0 FacebookTwitterPinterestEmail
Lliteratura Recital de poesía mui moza by asturnet 23 de marzu, 2007 Formientu organiza pa esta tarde un recital de poesía na Llibrería Alborá de Xixón pa esti vienres a partir de les 19.00 hores. Nel recital van participar una bona parte de los y les escritores que participaron nel primber númberu d’esta publicación de la última xeneración de la lliteratura asturiana. La revista Formientu ta preparando’l so prósimu númberu que va dedicase a la narrativa más nueva de los y les autores en llingua asturiana del dominiu llingüísticu. 23 de marzu, 2007 0 FacebookTwitterPinterestEmail