Educación Suatea denuncia la imposible ellaboración d’Horarios by asturnet 4 de setiembre, 2014 Falten pocos díes pal empiezu de les clases nes escueles de Primaria y yá entamen los problemes de los centros pa poder cubrir toles sos necesidaes que’l sindicatu SUATEA nun comunicáu asoleyáu esti xueves denuncia que siguen ensin iguase: “nestos momentos vívense situaciones caótiques nes que la ellaboración d’horarios conviértese nun llaberintu ensin salida digna dende la perspectiva de la calidá educativa”. Col amenorgamientu de personal y l’implantación de la nueva Llei d’Educación la organización de les sesiones de les distintes asignatures sobrecarga al profesoráu como nunca lo tuvo enantes. En dellos casos queden periodos llectivos de 30 minutos que tán siendo autorizaos dende l’alministración entá a sabiendes que nesi periodu de tiempu nun puen impartise conteníos con criterios pedagóxicos: “too val pa esta Conseyería con tal de caltener amenorgada la plantiya al máximu posible. Falar de desdobles o apoyos ye falar d’utopíes imposibles de poner en práctica quedando reducíes a papel moyao nos documentos oficiales”. Como venía asocediendo dende fai dellos cursos, los alcuerdos de plantiyes siguen ensin cumplise pal sindicatu: “les tutoríes de Primaria cúbrense colos especialistes d’otres asignatures, los apoyos d’Infantil rellumen pola so ausencia y les ratios máximes -que tendríen de ser escepcionales- conviértense na norma xeneral”. Con esti compendiu de problemes ye otra vuelta- el profesoráu interín, “especialmente’l que ta a media xornada, quien sal más perxudicáu viendo cómo los sos horarios ellabórense rellenando los furacos que queden y acaben teniendo xornaes llaborales que riquen la presencia nel centru como si tuvieren a tiempu completu”. Dende SUATEA quieren facer público “que, pesie a la insistencia de l’Alministración en negar los conflictos, nos centros educativos súfrense los retayos, les direcciones nun ven cubiertos los sos pidimientos, faise evidente la falta de personal y too ello va tener por fuerza consecuencies educatives. Nun puen resalvase les responsabilidaes de la Conseyería d’Educación. La educación nun pue ser oxetu de retayos”. 4 de setiembre, 2014 0 FacebookTwitterPinterestEmail
Educación Vuelve la Campaña Recoyida de Llibros en “La Simiente” by asturnet 4 de setiembre, 2014 En puertes del cursu escolar 2014/2015, La Semiente retoma la 3ª Campaña de Recoyida de Llibros y Material escolar. Nesta segunda fase, el centru social “La Semiente” asitiáu na Calle Eladio G.Jove Nº6 de LEntregu, va proceder a entregar el material y los llibros pa los/les escolinos/escolines qu’asina lo reclamen, dende’l Martes día 9 de Setiembre fastal Vienres 19 del mesmu mes, n’horariu de 5 a 7 la tarde. Amás desto, esti llocal autoxestionáu sigue recibiendo llibros de testu desti añu y del añu pasáu, de tolos cursos, escueles, institutos y colexos, tol material escolar que la xente yos pueda apurrir y tamién donaciones de perres pa faer llotes de material escolar. Eso si, en “La Simiente” quieren facer alcordanza de que “nun ye obligatorio traer coses pa poder llevar, y que nun puen asegurar que tola xente tope lo que busca, asi cá ún/una quaporte lo que pueda y lleve lo que tope de lo que necesite”. Por últimu, La Semiente quier da-yos munchisimes gracies “a toles persones que contribuyeron echando perres nes huches que se distribuyeron pela Cuenca y a los comerciantes y chigreros que les pusieron nos sos establecimientos”. Amás recuerden queses perres “van revertir equí, ya que’l material escolar va comprase en pequeñes llibreríes y papeleríes de la zona, pequeñes por comparación colos grandes centros comerciales, pero mui grandes pola solidaridá y apoyu que nos van mostrando”. 4 de setiembre, 2014 0 FacebookTwitterPinterestEmail
Educación Suatea denuncia la imposible ellaboración d’Horarios by asturnet 3 de setiembre, 2014 Falten pocos díes pal empiezu de les clases nes escueles de Primaria y yá entamen los problemes de los centros pa poder cubrir toles sos necesidaes que’l sindicatu SUATEA nun comunicáu asoleyáu esti xueves denuncia que siguen ensin iguase: “nestos momentos vívense situaciones caótiques nes que la ellaboración d’horarios conviértese nun llaberintu ensin salida digna dende la perspectiva de la calidá educativa”. Col amenorgamientu de personal y l’implantación de la nueva Llei d’Educación la organización de les sesiones de les distintes asignatures sobrecarga al profesoráu como nunca lo tuvo enantes. En dellos casos queden periodos llectivos de 30 minutos que tán siendo autorizaos dende l’alministración entá a sabiendes que nesi periodu de tiempu nun puen impartise conteníos con criterios pedagóxicos: “too val pa esta Conseyería con tal de caltener amenorgada la plantiya al máximu posible. Falar de desdobles o apoyos ye falar d’utopíes imposibles de poner en práctica quedando reducíes a papel moyao nos documentos oficiales”. Como venía asocediendo dende fai dellos cursos, los alcuerdos de plantiyes siguen ensin cumplise pal sindicatu: “les tutoríes de Primaria cúbrense colos especialistes d’otres asignatures, los apoyos d’Infantil rellumen pola so ausencia y les ratios máximes -que tendríen de ser escepcionales- conviértense na norma xeneral”. Con esti compendiu de problemes ye otra vuelta- el profesoráu interín, “especialmente’l que ta a media xornada, quien sal más perxudicáu viendo cómo los sos horarios ellabórense rellenando los furacos que queden y acaben teniendo xornaes llaborales que riquen la presencia nel centru como si tuvieren a tiempu completu”. Dende SUATEA quieren facer público “que, pesie a la insistencia de l’Alministración en negar los conflictos, nos centros educativos súfrense los retayos, les direcciones nun ven cubiertos los sos pidimientos, faise evidente la falta de personal y too ello va tener por fuerza consecuencies educatives. Nun puen resalvase les responsabilidaes de la Conseyería d’Educación. La educación nun pue ser oxetu de retayos”. 3 de setiembre, 2014 0 FacebookTwitterPinterestEmail
Educación IX esixi al gobiernu que nun s’aplique al profesoráu de les universidaes públiques nenguna tasa de reposición by asturnet 29 d'agostu, 2014 Izquierda Xunida, al traviés de la so Área Federal d’Educación, esixe al Gobiernu del PP y asina lo va a defender na tramitación de los próximos Presupuestos Xenerales del Estáu (PGE) pa 2015, que nun s’aplique a les Universidaes Públiques nenguna tasa de reposición y déxese, poro, la renovación de les sos plantiyes y la promoción del so profesoráu.De la mesma forma, reclama al Executivu de Mariano Rajoy que dexe de considerar como nueves places docentes lo que nun ye otra cosa que la promoción d’un mesmu docente a otra escala. IX considera que tres los retayos efectuaos nos últimos años llegó’l momentu d’amontar el financiamientu de les universidaes públiques hasta algamar el 2% del PIB. Díez recuerda que no que va de llexislatura dende 2012 hasta güei- el Gobiernu del PP, al traviés de los PGE, retayó la plantiya de profesoráu universitariu nel 90% de les places de personal universitario que se xubiló o causó baxa. Esto supon, tal como denuncia la Conferencia de Rectores y Rectores de les Universidaes (CRUE) un amenorgamientu de la capacidá docente ya investigadora de les nueses universidaes, con graves consecuencies pa la educación cimera y, por tanto, pal presente y futuru de los nuesos mozos. 29 d'agostu, 2014 0 FacebookTwitterPinterestEmail
Educación Curso de Llingua y Cultura nel Navia-Eo by asturnet 29 d'agostu, 2014 La Fundación parque histórico del Navia, en collaboración cola Academia de la llingua asturiana y el Conceyo de Navia, amaña a las tardes de los martes y xoves entre el 14 doutubre y el 27 de novembre, la sexta edición del Curso de llingua y Cultura del Navia-Eo. Este curso forma parte del Plan dactuacióis de la Oficina Cultural y Llingüística del Parque Histórico del Navia en materia de normalización social del Gallego-Asturiano pa la anualidá de 2014, baxo la tutela de la Dirección Xeneral de Política Llingüística del Principao dAsturias. Neste curso -de 42 horas de duración xebradas en 14 sesióis- que sigue a las anteriores edicióis amañadas en los Conceyos del Franco, Tapia y Navia, han a darse diferentes materias desarrolladas por espertos de la zona, como la iniciación a la gramática del gallego-asturiano, la sociollingüística del gallego-asturiano, los oficios tradicionales, el gallego-asturiano y la música contemporánea, esperencias docentes col gallego-asturiano, el gallego-asturiano nas novas tecnoloxías, recursos naturales dEntrambasauguas, la Biblioteca Popular Circulante de Castripol y el Teatro Aldeano, y la música tradicional nel Navia-Eo. Xa ta aberto el prazo de matrícula hasta el prósimo 30 de setembre. Pa ello é preciso entregar cuberto na sede de la Fundación Parque Histórico del Navia el formulario dinscripción que pode descargarse, xunta col resto de la información, na web desta entidá www.parquehistorico.org, además de presentar el xustificante bancario del pago de la matrícula en concepto de matrícula curso llingua. 29 d'agostu, 2014 0 FacebookTwitterPinterestEmail
Educación IX critica “la torpeza y falta de sensibilidá del Rectoráu” al aplicar el réxime de permanencia de la Universidá d’Uviéu by asturnet 25 d'agostu, 2014 Nun comunicáu asoleyáu recién, les árees d’Educación y Mocedá d’Izquierda Xunida dAsturies amuesen “so más fondu refugu escontra la torpeza y falta de sensibilidá cola que’l Rectoráu de la Universidá d’Uviéu trató’l cambéu nel réxime de permanencia, no qu’afecta al númberu de creitos qu’han ser superaos pa poder matriculase nesti cursu” darréu dela noticia de qu’un númberu significativu del alumnáu va tener que treslladase de carrera o d’Universidá. Pa IX, “cuando s’acomete una reforma de tanta importancia (falamos nada menos de les condiciones qu’han de cumplir los estudiantes pa poder siguir cursando los sos estudios) l’afayadiza divulgación del cambéu realizáu ye un deber d’un bon gobiernu universitariu, espliquen dende estes dos árees de la coalición. Al so xuiciu, llamentablemente, constátase qu’esi llabor divulgativu nun foi realizáu, pos atopamos con alumnos que nun van poder matriculase (a pesar de tener aprobaes la mayoría de les asignatures de segundu y terceru) por tener delles asignatures de primeru suspenses”. Sigún les árees d’Educación y Mocedá de la coalición “si lo supieren con antelación, estos estudiantes dedicaríen el so tiempu a aprobar eses asignatures previes, en llugar d’estudiar y aprobar asignatures de terceru, que, paez ser, agora nun-yos van sirvir de nada, ya que van vese espulsaos de la Universidá. Les árees d’Educación y Mocedá d’IX esperen que la Universidá sía consciente del erru que cometió al nun anunciar perbien esta midida, y que conceda un periodu de prórroga a los estudiantes que s’atopen nesta situación”. Dende Izquierda Xunida dAsturies apuesten “pola conciliación de los estudios universitarios cola vida llaboral y les dificultaes personales y familiares de los estudiantes. Esto fai que, en determinaes ocasiones, sía imposible pal alumnáu aprobar les asignatures por cursos, ente que sí lo ye aprobar delles asignatures de distintos cursos. Poner una llende de creitos pa poder matriculase en cuartu, y afitar un númberu mínimu de creitos en primeru, va claramente contra l’espíritu de conciliar los estudios universitarios cola vida llaboral y les dificultaes personales, daqué que, a xuiciu de la nuesa formación, ye clave pa poder tener un sistema educativu superior *verdaderamente universal, esto ye, pa tol mundu, independientemente de si l’alumnáu precisa simultáneamente trabayar o curiar a un pariente”. Con too y con eso, creen qu’esta reforma podría tener una resultancia bien distinta, siquier, en cuanto al númberu d’alumnos escluyíos, si anunciárase afechiscamente, de forma que los alumnos de la Universidá d’Uviéu modificaren les sos prioridaes a la de preparar unes asignatures o otres, colo que dalgunos cumpliríen el requisitu de los 48 creitos de primeru, llogrando asina garantizar la so permanencia. 25 d'agostu, 2014 0 FacebookTwitterPinterestEmail
Educación Iniciativa pol Asturianu y la Casa d’Asturies en Valencia pondrán en marcha un cursu d’asturianu by asturnet 21 d'agostu, 2014 Tres un conceyu celebráu nos últimos díes en Xixón ente miembros de les direutives de la Casa d’Asturies en Valencia y d’Iniciativa pol Asturianu, llegóse al alcuerdu de poner en marcha un cursu d’asturianu de forma conxunta nel llar d’esti centru asturianu asitiáu en territoriu valencianu. Iniciativa pol Asturianu, que tien entamaes iniciatives formatives d’esti tipu en territoriu asturianu y en cursos a distancia, va echar un gabitu pa poner en marcha esti programa formativu, entregando materiales y guiando’l cursu, collaborando na so difusión y participando del procesu formativu. Dende Iniciativa pol Asturianu nun podemos tar más satisfechos por esta nueva iniciativa de la que se va dar anuncia con más detalle a lo llargo del mes de setiembre. Felicitamos a la Casa d’Asturies en Valencia pol usu que fai yá davezu y con normalidá de la nuesa llingua y por esta iniciativa qu’aguardamos seya l’entamu de más collaboraciones. Animamos a otros centro asturianos a collaborar con nós n’iniciatives asemeyaes a esta. 21 d'agostu, 2014 0 FacebookTwitterPinterestEmail
Educación IX entruga pola situación llaboral de los intérpretes de llingua de signos contrataos pola Conseyería by asturnet 19 d'agostu, 2014 Emilia Vázquez, diputada d’IX d’Asturies na Xunta Xeneral, vieno acabante entrugar esti día a la Conseyería d’Educación pola situación llaboral de los trabayadores que desenvuelven el serviciu d’intérpretes de llingua de signos por aciu una contratación esterna nos centros d’educación Primaria, Secundaria, Bachilleratu, y nos ciclos y Programes de cualificación profesional inicial. La diputada entruga si la Conseyería tien previstu abrir pa esti cursu o siguientes una bolsa de trabayu pa intérpretes de llingua de signos qu’empresten los sos servicios en centros educativos y en casu de nun ser asina, si considera que, a los efectos de la valoración de costos llaborales de la ufierta económica, ye d’aplicación el Conveniu Colectivu Xeneral de Centros y Servicios d’Atención a Persones con discapacidá; cómo garantiza l’órganu de contratación el cumplimientu de la ufierta en relación a los derechos retributivos de los trabayadores como’l derechu de subrogación, l’antigüedá y otros contemplaos na lexislación vixente, y, a lo último, si contempla en dalguna de les circulares o instrucciones de funcionamientu de la mesma Conseyería, les competencies y obligaciones d’estos profesionales, más allá de la mera traducción directa, no relativo a los llabores educativos de coordinación, preparación de materies y coordinación colos equipos d’orientación y los profesionales intervinientes nel procesu educativu de cada alumnu o alumna. La diputada esplicaba nuna información asoleyada ayeri qu’estes 12 persones, amás de los que realicen les sos sustituciones, ven perxudicaos los sos derechos llaborales y retributivos yá que al ser contrataos de forma esterna pa la prestación d’esti serviciu utilízase como criteriu básicu la ufierta económica más ventaxosa y les meyores del ofertante. Les baxes na llicitación repercuten nel amenorgamientu del salariu y derechos llaborales de los trabayadores. A manera d’exemplu, el salariu que se xenera per hores trabayaes d’un trabayador o trabayadora a xornada llaboral completa apenes supera los 700 euros. Amás, a estos trabayadores que cumplen pa con una función educativa, nun se-yos ta aplicando’l conveniu que análogamente sería-yos d’aplicación, al nuesu entender, el Conveniu Colectivu Xeneral de Centros y Servicios d’Atención a Persones con Discapacidá (BOE 243, de 9 d’ochobre de 2012). Ye ciertu qu’esclúi a l’alministración, pero nesti casu nun se trata de personal de l’alministración sinón qu’empresten servicios nésta. Na opinión dela diputada “ye obligación de l’alministración non solo velar pol aforru económicu na prestación del serviciu, innegable, sinón qu’hai de velar, tamién, porque les ufiertes presentaes cumplan cola llegalidá vixente. Ente otres, que los costos de personal afayense al conveniu, pos, de nun ser asina y nun xustificase esti estremu, la ufierta nun tuviera de ser considerada”. 19 d'agostu, 2014 0 FacebookTwitterPinterestEmail
Educación ¡Yá nun hai disculpes!: La escolarización del asturianu ye competencia esclusiva del Principáu según el Gobiernu by asturnet 29 de xunetu, 2014 Les rempuestes del Gobiernu español a les entrugues plantegaes por Andecha Astur al traviés del diputáu Rafael Larreina, tendentes a determinar si efeutivamente les dificultaes pa la escolarización de la nuesa llingua y la precariedá llaboral de los sos ensiñantes débese rialmente a la falta de collaboración del Ministeriu dEducación español, punxeron una vegada más nevidencia a la Conseyería de Cultura y a la so titular,Ana González Rodríguez, que recurrió a esta escusa pa xustificar la bien deficiente escolarización del asturianu. Concretamente, la rempuesta que diera el Gobiernu español nun almite duldes porque dizse testualmente: La Administración Educativa de la Comunidad Autónoma del Principado de Asturias será la encargada de poner en marcha los recursos necesarios, tanto personales como materiales o de cualquier otro tipo, para el estudio de dicha lengua en las aulas, incluido el profesorado que la impartirá Andecha denunciaba esti día que “con esta rempuesta queda claramente determinada que la responsabilidá ye del Principado, tantu no que se refier a la deficiente escolarización del asturianu como a la inxustificable situación de precariedá llaboral na que caltien al profesoráu de dicha llingua, quedando de manifiestu la so falta de voluntá política pa la nomalización llingüística nAsturies, y les sos llamentables artimañes pa evitar asumir responsabilidaes”. En cualisquier casu, dende Andecha Astur atalanten que “la situación na quel Principado caltien a la nuesa llingua ye antidemocrática ya inxustificable, y que denguna midía que nun parta de la reconocencia llegal de la oficialidá de la llingua asturiana nun ye más quuna chambonada y un entretener a la sociedá asturiana mientres se sigue conculcandol so drechu a utilizar la propia llingua nel propiu país”. 29 de xunetu, 2014 0 FacebookTwitterPinterestEmail
Educación Iniciativa pol Asturianu celebra un concursu “Pasopallabra” colos alumnos de la UABRA en Cangas del Narcea by asturnet 29 de xunetu, 2014 Iniciativa pol Asturianu va celebrar esti xueves 31 de xunetu un concursu “Pasopallabra” colos alumnos de la UABRA, según facía anuncia esti dia na so web. Basáu nel esitosu programa de televisión, el concursu va facese a partir de les 22,30 hores na Disco Zaycor, en Cangas del Narcea y bien cerca de les instalaciones de la Universidá Asturiana de Branu (UABRA), de l’Academia de la Llingua Asturiana, onde estos díes Iniciativa pol Asturianu tien amás instaláu un puestu informativu y de venta de productos. Los interesaos en participar nel concursu pueden apuntase nel puestu o al traviés de los miembros d’Iniciativa pol Asturianu que tán nos cursos. Animamos a participar nesta actividá lúdica pero tamién reivindicativa que va sirvir pa recaldar fondos pal trabayu de la entidá. Amás, el llunes 4 a lo llargo de tola xornada, un equipu del proyectu televisivu d’Iniciativa pol Asturianu, “Alderiques d’Asturies” va tar grabando un reportaxe sobre los cursos nes instalaciones de Cangas del Narcea. Facese sociu d’Iniciativa pol Asturianu demientres los cursos de la UABRA tien premiu, un llibru de regalu, que podrás pasar a buscar pel puestu de la organización. 29 de xunetu, 2014 0 FacebookTwitterPinterestEmail