Lliteratura LAcademia de la Llingua espubliza un númberu lliterariu nuevu de Lletres Asturianes by asturnet 7 de mayu, 2007 Redacción. Dende l’añu 1982 l’Academia de la Llingua Asturiana tien por vezu espublizar un númberu lliterariu del so boletín oficial, ‘Lletres Asturianes’ coincidiendo col Día de les Lletres Asturianes. Esti númberu 95 de la revista, el venticuatro ente los dedicaos namás a la lliteratura, ábrese col tradicional ‘Entamu’ nel que l’ALLA reconoz que “la lliteratura asturiana vive un momentu de gran altor” anque “les autoridaes polítiques siguen ensin dar los pasos necesarios pa que se reconozan los derechos de los asturfalantes”. Ilustrada esti añu con motivos mitolóxicos, esti ‘Lletres Asturianes’ recueye poemes de L.luis Fernández, Xose Bolado, Mª Esther García, Manuel Asur, Nene Losada, Lourdes Álvarez, Roberto González-Quevedo, Xurde Álvarez, Xicu Monteserín, Marisa Lopez Diz, Xaviel Vilareyo, Inaciu Galán, Xabel de Cea, Ignacio Rodríguez y Marta Mori d’Arriba, recien nomada academica de númberu, ente otros. Nel casu de les proses atópense les voces de Vicente García Oliva con ‘Un maraviosu sucedaneu’, Berto Cobreros con ‘La pexera’, Inaciu Galán con ‘La Samarincha’, Carme Martínez cola fábula moral ‘La vaqueira y la princesa’, Jorge Fernández García con ‘Ta llueu, güelín’, Xurde Fernández con ‘Final’, Esperanza Mariño con ‘Dos amigos’, Xuan Carlos Crespos con ‘La lleenda del triste pescallunes…’, Xuan Morís con ‘Optimu n’agua’, Ruth González con ‘Pablo’, Esther García con ‘G.R.’ y ‘En blanco’ y Jaime Álvarez con ‘Carta a una madre’. Na fala eonaviega apaez poesía de Manuel García ‘Galano’ y Belen Rico Prieto y un rellatu curtiu de Mª Jose Fraga. Na estaya de tornes apaecen poemes traducíos dende l’ingles de William Butle Yeats (1865-1939), Sara Teasdale (1884-1933), Conrad Potter Aiken (1889-1978), R.S. Thomas (1913-2000) y Archie Randolph (1926). Amás, un torna d’una de les ‘Nueve cartes portugueses de Mariana d’Alcoforado’. 7 de mayu, 2007 0 FacebookTwitterPinterestEmail
Lliteratura Aurora G. Rivas va presentar Contos, ducia e media deles en LlibrUviéu by asturnet 6 de mayu, 2007 Redacción. La editorial Trabe acaba d’espublizar un llibru nuevu de la escritora eonaviega Aurora García Rivas, un llibru qu’inclúi dieciocho cuentos curtios escritos n’eonaviegu que la propia autora define “de todos os xeitos: líricos, de medo, misteriosos, máxicos, de contido urbano e rural”. Amás, fai un recorríu pela tradición oral de la zona d’O Arcón, col que’l llibru llega a los diecinueve cuentos. Dalgunos de los cuentos yá fueren recoyíos en revistes como Lletres Asturianes, Lliteratura y en cartafueyos de fiestes llocales, otros fueron premiaos en distintos certámenes lliterarios nos últimos años. Aurora G. Rivas (San Tiso d’Abres, 1948) fundó la yá desapaecida Asociación Poegía y escribe n’eonaviegu y en castellán. Pola so obra n’eonaviegu algamó premios como’l “Xeira de narracióis curtias” en 2003. La presentación n’Uvieu va ser mañana, martes 8, a la una y media la tarde na carpa de LlibrUvieu, nel Paseu de los Álamos y cola presencia de l’autora y l’editor Antón García. 6 de mayu, 2007 0 FacebookTwitterPinterestEmail
Lliteratura Llangréu y la Comarca la Sidra celebren la Selmana de les Lletres esta fin de Selmana by asturnet 3 de mayu, 2007 Redacción. Dende va unos años, l’asociación ‘El Ronchel’ de Villaviciosa vien faciendo’l repartu de lletres de pan envueltes nun papel con un testu n’asturianu ente la población del so conceyu pa conmemorar el Día de les Lletres Asturianes. Esti añu, dende la Mancomunidá van esparder esa actividá a tola Comarca, faciendo’l repartu de 4000 d’estes lletres ente chigres, escueles, cases de conceyu y otres entidaes. El repartu va facese güei a lo llargo del día nos seis conceyos que componen la Comarca la Sidra (Bimenes, Cabranes, Colunga, Nava, Sariegu y Villaviciosa). A les 11, va facese un actu simbólicu d’entrega d’estes lletres a los alcaldes y autoridaes de la Mancomunidá Comarca de la Sidra. En Llangreu a les 20.15 hores del vienres, nel Nuevu Teatru La Felguera, va facese presentación del llibru ‘La Asturianá: de la magia a la desolación’, obra del escritor y estudiosu de l’Asturianá Oscar Roces Arboleya. L’actu “nun pue definise solo como una presentación sinón que va más allá y conviertese nun espectáculu variáu nel que se combinen cine, canción y poesía”, según los organizadores. La presentación del actu va correr a cargu de dos figures relevantes de la cultura asturiana, Gabino Busto Hevia y Pablo Rodríguez Medina, la canción y la música asturiana van ponela Bibiana Sánchez García, Hector Braga, Valentín Fuentes y Francisco Jose Fernández Fernández. 3 de mayu, 2007 0 FacebookTwitterPinterestEmail
Lliteratura La revista lliteraria Formientu va presentar güei un númberu especial de narrativa by asturnet 1 de mayu, 2007 Redacción. Güei miercoles a les 13:00 hores nel Salón d’actos de la Biblioteca del Campus del Milán (Uvieu), l’asociación H.a Xareos, editora de la revista de lliteratura moza Formientu va presentar el segundu numberu de la revista, un especial de narrativa “colo meyor que dan de si les lletres más moces”. La revista va presentase dientro de los actos oficiales de la XXVIII Selmana de les Lletres Asturianes, dedicada esti añu a la narrativa y va cuntar cola presencia de Ramón d’Andres (Xefe de Política Llingüística del Principáu d’Asturies), Xulio Viejo (Profesor titular de la Universidá d’Uvieu) y el direutor de la publicación, Inaciu Galán y González, escritor y presentador del espaciu ‘Xente de casa’ na TPA. La revista ñació l’añu pasáu “cola idea d’espublizar a los autores más mozos que taba dando de sí la lliteratura asturiana” y esti segundu númberu faise coincidiendo cola Selmana de les Lletres con un formatu especial. Cuasi 150 páxines onde apaecen cerca d’una ventena d’autores. La revista tien un prólogu institucional de Ramón d’Andres, otru del so direutor, Inaciu Galán y completase colos cuentos y biografíes de los autores y un álbum de fotos de presentaciones anteriores. Los autores qu’apaecen son: Ricardo Candás, Pablo Texón, Jose Ángel, Pablo Rodríguez Medina, Jorge Fernández García, Hector Perez Iglesias, Xabel Llano, Pablo Rodríguez Alonso, Elizabeth Felgueroso, Pablo X. Suárez, Iris Díaz, Diego Aldebarán, Xabel de Cea Gutierrez, Xaime Menendiz Llope, Sergio Gutierrez Camblor, Benxa Perez, Inaciu Galán y González, Nicolás V. Bardio y Mino Álvarez. Próximes presentaciones de Formientu: MIÉRCOLES 2 DE MAYU ● 13:00 hores │ Salón d’actos de la Biblioteca del Campus del Milán (Uvieu) XUEVES 3 DE MAYU ● 13:00 hores │ Carpa de Les Meanes (Aviles) MARTES 8 DE MAYU ● 20:00 hores │ Salón d’actos de La Pola Siero MIÉRCOLES 9 DE MAYU ● 18:30 hores │ Casa de la Xuventú de Sotrondio (Samartín del Rei Aurelio) VIENRES 18 DE MAYU ● 19:00 hores │ Salón d’actos de la Casa la Cultura “Teodoro Cuesta” (Mieres) 1 de mayu, 2007 0 FacebookTwitterPinterestEmail
Lliteratura Estrénense les esposiciones de la Selmana de les Lletres Asturianes by asturnet 1 de mayu, 2007 Redacción. Esti miércoles 2 de mayu,a les diez de la mañana, ábrense les esposiciones “La pallabra illustrao” na Casa la Mocedá de Sotrondio y “Hai una ringlera trazada: la narrativa en llingua asturiana de Samartín” en L’Entregu. La primera percuerre la obra gráfica del novelista y dibuxante Miguel Solís Santos, la segunda, nel Teatru de L’Entregu, ye una esposición de la obra gráfica na narrativa asturiana. Dambes dos van tar abiertes hasta’l 17 mayu n’horariu de 10:00 a 13:00 y 16:00 a 20:00 hores. En Xixón, nel Centru Cultura Antiguu Institutu y a les doce la mañana va abrise la esposición ‘Ello yera una vez… un tiempu de traducciones ( 1974- 2006 )’ Una esposición que va amosar la lliteratura traducida al asturianu dende otres llingües. L’horariu de la esposición ye de 10 a 21 hores de llunes a sábadu y de 10 a 13:30 los domingos y festivos. Estes esposiciones súmense a la yá inaugurada ‘La Comarca del Cómic’, na Casa la Cultura ‘Marta Portal’ en Nava, que va tar abierta al públicu hasta’l 17 de mayu, n’horariu de 9:30 a 21:30 hores. Cuatros esposiciones abiertes por mor de la XXVIII Selmana de les Lletres Asturianes. 1 de mayu, 2007 0 FacebookTwitterPinterestEmail
Lliteratura Siguen los actos de la Selmana de les Lletres Asturianes col Alcuentru coles narratives españoles by asturnet 1 de mayu, 2007 Redacción. Güei a les siete la tarde va celebrase l’Alcuentru cola narrativa peninsular, una mesa redonda con Xuan Bello, Ramiro Fonte (lliteratura gallega), Chuse Inazio Nabarro (lliteratura aragonesa), Rafael Reig (lliteratura castellana), Àlex Susana (lliteratura catalana) y Kirmen Uribe (Lliteratura vasca) embaxo la moderación de Luis Arias Argüelles-Meres. Va ser nel Aula Magna de la Universidá d’Uvieu. En Villaviciosa, va entregase’l Premiu Sonadía a Xulio Vixil, a les siete y media nel Centru Cultural de San Xuan de Capistrano, cola actuación del ‘Dúu Astur’. Esti galardón quier premiar el llabor pola cultura asturiana de personaxes de la Comarca la Sidra. Y Aviles va centrar otros actos importantes. Pela mañana la IV Xunta d’Escolinos d’Aviles y Comarca nuna carpa asitiada en Les Meanes. Yá de nueche, un conciertu a cargu de la Banda de gaites de Corvera, el grupu Ástura, el cantante Vicente Díaz y la interprete de tonada Anabel Alonso. Programa completu de la Selmana de les Lletres Asturianes 1 de mayu, 2007 0 FacebookTwitterPinterestEmail
Lliteratura La gran fiesta de la lliteratura asturiana entama esti vienres con una inauguración solemne by asturnet 25 d'abril, 2007 Redacción. Esti vienres va presentase la XXVIII Selmana de les Lletres Asturianes cola presencia de Ramón d’Andres, Xefe de Política Llingüística y otres autoridaes, amás de munchos de los participantes na Selmana. L’actu va tener llugar nel patiu de la Conseyería de Cultura a les doce del meudía. Nel actu van presentase les publicaciones oficiales d’esta Selmana 2007. Son ‘5 minutos. Narrativa asturiana nel cantu del mileniu’, coordinada por Ismael González Arias y ‘La emancipación de la lliteratura asturiana. Crónica y balance de la narrativa contemporánea’, coordinada por Xose Lluis Campal. Amás, a lo llargo del día de mañana va celebrase un alcuentru colos ganadores de les ventisiete ediciones del premiu de novela ‘Xosefa Xovellanos’ na Casa la Cultura ‘Teodoro Cuesta’ de Mieres, va ser a les siete la tarde. Nel actu van participar, amás de los autores, el cantautor Toli Morilla y l’actor Andres Presumido. Programa de güei: ● 18:00 hores │ Biblioteca de La Felguera (Llangreu) Representación de la obra De boca oreya. Compañía “Nun Tris”. Programa de mañana: ● 12:00 hores │ Patiu de la Conseyería de Cultura, Comunicación Social y Turismu (Uvieu) Presentación de la XXVIII Selmana de les Lletres Asturianes. Presentación de les ediciones conmemoratives de la Selmana de les Lletres: 5 minutos. Narrativa asturiana nel cantu del mileniu (coordinada por Ismael M.ª González Arias) y La emancipación de la lliteratura asturiana. Crónica y balance de la narrativa contemporánea (coordinada por Xose Lluis Campal). ● 17:30 hores │ Biblioteca de Santa Cruz (Mieres) ‘Aventures a esgaya’. Sesión de “Cuentacuentos”, pol grupu “Riss-Rass”. ● 18:00 hores │ Biblioteca “Federico García Lorca” (Riañu, Llangreu) Representación de la obra De boca oreya. Compañía “Nun Tris”. ● 19:00 hores │ Casa la Cultura”Teodoro Cuesta” (Mieres) “De Novela”. Alcuentru colos ganadores de les 27 ediciones del premiu “Xosefa Xovellanos”. Cola participación de Toli Morilla y Andres Presumido. ● 22:30 hores │ Biblioteca “El Llar” de Les Vegues (Corvera) Representación de la obra La criada de Tayuela. Pol grupu “El Garrapiellu”. Programa completu de la XXVIII Selmana de les Lletres Asturianes 25 d'abril, 2007 0 FacebookTwitterPinterestEmail
Lliteratura Turón anima al conocimientu de la lliteratura asturiana con un Club de llectura mensual by asturnet 25 d'abril, 2007 Redacción. L’Ateneu de Turón, en Mieres, organiza una actividá con calter regular y que consistir na llectura mensual d’una obra en llingua asturiana, que va comentase nuna sesión de puertes abiertes na que va participar l’autor. Esti actividá d’animación a la llectura va facese nel propiu Ateneu de Turón. Yá ta abierta la inscripción pa les dos primeres feches del alcuentru colos autores, que nesti casu van ser Jose Luis Rendueles, el 15 de mayu a les siete y media la tarde, pa comentar los sos ‘Cuentos Chinos’ y Pablo Rodríguez Medina, que’l día 12 de xunu a la mesma hora va comentar la so obra ‘Los paraísos perdíos’. Si quier apuntase o pidir más información, pues facelo unviando un correu lletrónicu a llingua@ayto-mieres.es o pasando pel Ateneu de Turón. 25 d'abril, 2007 0 FacebookTwitterPinterestEmail
Lliteratura Siguen los actos de la XXVIII Selmana de les Lletres Asturianes by asturnet 24 d'abril, 2007 Redacción. Mañana xueves, na biblioteca de La Felguera, en Llangreu, va representase a les seis de la tarde la obra ‘De boca a oreya’ pola compañía Nun tris, que yá la representare esti martes pasáu en Sama. Yá’l vienres, la inauguración oficial de la XXVIII Selmana de les Lletres Asturianes va dar pasu a cuasi tres selmanes d’actos alredor de la lliteratura asturiana. Ente los actos más destacaos d’esta Selmana de les Lletres van tar un ‘Alcuentru coles narratives españoles’, recital lliterariu de narradores ibericos, la esposición ‘Ello yera una vez… un tiempu de traducciones’ en Xixón o la presentación en dellos conceyos del númberu dos de la revista de lliteratura moza Formientu, un especial de narrativa. Tamien va celebrase esti añu, la yá tradicional llectura de testos n’asturianu de los políticos na Xunta Xeneral. Como vien siendo habitual nos últimos años, la Selmana de les Lletres ta dedicada a un xeneru lliterariu, en llugar d’a un autor. En 2005 foi la poesía, en 2006 el teatru y esti añu la Selmana va dedicase al xeneru narrativu col títulu: ‘Ello yera una vez… un tiempu de narraciones’. Programa de mañana: ● 18:00 hores │ Biblioteca de La Felguera (Llangreu) Representación de la obra De boca oreya. Compañía “Nun Tris”. Programa completu de la XXVIII Selmana de les Lletres Asturianes 24 d'abril, 2007 0 FacebookTwitterPinterestEmail
Lliteratura El conceyu de Llangréu celebra una selmana dactos dedicaos al llibru by asturnet 23 d'abril, 2007 Redacción. Llangreu celebra’l Día’l Llibru y convida a la llectura nuna selmana enllena d’actividaes lliteraries con relevante presencia de la llingua asturiana. Llectures públique ya institucionales, conferencies como ‘Eloxu de la llectura’ de Xuan Bello o presentaciones de llibros como ‘La ofensa’, d’Ignacio del Valle. ‘Llangreu, un llibru abiertu’, inclúi tamien cuentacuentos nes escules y biblioteques del conceyu (Nun Tris y Con Alevosía Teatru), talleres lliterarios y de títeres (Kamante Teatru) y esposiciones qu’igüen una selmana de celebraciones que traten d’afalar los vezos llectores de tola xente’l conceyu. El programa d’actividaes pa tola selmana va rematase col espectáculu ‘L’Asturianá: cantares y música d’un país’, que va servir de presentación del ensayu d’Oscar Roces Arboleya ‘L’Asturianá: de la magia a la desolación’ a les 20.15 hores del vienres 4 de mayu nel Teatru Nuevu de La Felguera. 23 d'abril, 2007 0 FacebookTwitterPinterestEmail