Educación José Antonio Martínez yel nuevu Decanu de la Facultá de Filoloxía by asturnet 2 de xunetu, 2008 El Rector de la Universidá d’Uviéu, Vicente Gotor, confirmó yál so nomamientu como nuevu decanu provisional, dempués de la dimisión dAna Cano la selmana pasada. Martínez ha reconducir la situación creada tres la dimisión de Cano, comentó Gotor. El profesor pertenez al Departamentu de Filoloxía Española. 2 de xunetu, 2008 0 FacebookTwitterPinterestEmail
Educación Entama’l Parque Encantáu en La Villa by asturnet 1 de xunetu, 2008 Esti martes entama “El Parque Encantado”, un programa d’animación infantil nel parque de la capital del conceyu maliayés que va desendolcase tolos martes y miércoles de cunetu y agostu de 11.30 a 13.30 hores. Cáun d’estos dos díes de la selmana van ufrise xuegos y actividaes pal entretenimientu y aprendizaxe de los más neños, nun programa gratuitu empobináu y financiáu pol Ayuntamientu. 1 de xunetu, 2008 0 FacebookTwitterPinterestEmail
Educación Darréu sofita lencierru na Universidá, pide la dimisión de Migoya y responsabiliza al PSOE del problema en Filoloxía by asturnet 1 de xunetu, 2008 La mocedá independentista dizquierdes Darréu, emitió güei un comunicáu nel que quixo denunciar de nueu otra agresión pa cola llingua d´Asturies; y nesta ocasión na Universidá, el muerganismu que tien de ser la istitución de los asturianos, u los mozos y moces seyan los protagonistes de la so educación ya desendolque presonal y académicu. Pa los miembros desta organización la enmienda de Félix Fernández de Castro ye inxustificable. Pa Darréu esta ye una agresión quasoleyal cálter represivu, retrógradu y anticientíficu d´esta élite cultural (por nomalo de dalguna manera) enquistada nel más xabaz españolimu; que vegada tres vegada reaicionen a cualesquier intentu d´ampliar los drechos de los asturianos y asturianes. Énte la dimisión de la decana Ana María Cano, y l´encierru de dellos estudiantes nel Rectoráu de la Universidá d´Uviéu, Darréu, la mocedá revolucionario d´Asturies, posicionase amosando tola solidariedá posible cola decana dimisionaria Ana María Cano, dándo-y tol so sofitu a los mozos y moces enzarraos, too´l sofitu presonal cumu militantes, pero tamién comu muerganización a esti actu de resistencia, dexando ver qu´esto ye un pasu a la aición no que cinca a la llucha polos drechos llingüisticos d´Asturies y de la ciudadanía asturiana na Universidá. Amás, Darréu ta a la escontra del EEES y lo que supón el Procesu de Bolonia, porque supón, comu yá espusimos, una mercantilización de la educación, y de la Universidá. Too esti procesu ye, pa Darréu, un pasu p´atrás, arrequexando a la cultura y a la sociedá asturiano na marxinación. Dende Darréu van puxar, comenten, porque esto nun quede nuna reprimenda haza estos seutores españoliegos de la Universidá, sinón que seya una llucha más amplia. Pa los mozos independentistes ha denunciase la política de represión y acosu a la llingua asturiana de la FSA, del Gobiernu Asturianu; de la qu´estos fechos formen parte tamién. Torgando una y otra vegada l´intentu de la sociedá asturiano de camudar l´estáu predemocráticu qu´hai n´Asturies. Tamién quixeron denunciar la, pa ellos, hipocresía de IU, que nun lluchó pola oficialidá cuandu taba nel Gobiernu, y que sólu mos utiliza a los asturianos y asturianes pa siguir tando dientro del texíu social que ta alrodiu de la llucha pola oficialidá, pa sacar rendimientu políticu d´una llucha mui digna, polos drechos civiles. Quier tamién Darréu, responsabilizar a la clase política española n´Asturies de la situación llaceriosa del asturianu, no que drechos supón, na Universidá y sociedá en xeneral. Con too y con ello, Darréu vindica una Universidá nidiamente asturiana y popular, na que los ciudadanos seyamos el cientru de la mesma. Recuerda tamién Darréu la so petición al rector de la Universidá, Vicente Gotor, que tan bones pallabres dixo sobro ameyorar la situación de l´asturianu mentantu les elleiciones, pieslle esti capítulu escuru de la Universidá d´Uviéu. Vicente Gotor debe tomar una decisión que favorezca a la sociedá asturiano. Darréu quixo tamién pidir la la dimisión de Ana Rosa Migoya, la conseyera d’Alministraciones Públiques, por facer oidos sordos y nun pronunciase nestos momentos difíciles. Así comu responsabilidaes a la administración española del PSOE n´Asturies pola situación de los drechos de los asturianos, tantu na Universidá, comu a pie de cai; yá que nun faen más que torgar una otra vegada los enfotos del pueblu asturianu por algamar la oficialidá, pa que´l pueblu asturianu pueda caleyar haza´l pais que mos quitaron fai tiempu. 1 de xunetu, 2008 0 FacebookTwitterPinterestEmail
Educación La Xunta abandona l’encierru nel Rectoráu coincidiendo cola concentración convocada esti martes by asturnet 1 de xunetu, 2008 La Xunta pola Defensa de la Llingua Asturiana, y la so estaya de mocedá Xunta Moza, decidieron a la una de la tarde d’esti martes primeru de xunetu abandonar l’encierru que calteníen dende la selmana pasada coincidiendo cola concentración de sofitu edificiu hestóricu del Rectoráu de la Universidá dUviéu. La concentración entamaba a les 12:45 hores, delantre del propiu edificiu del Rectoráu, y quince minutos depués aplaudía la fin del encierru, que se peslló cola llectura d’un comunicáu. La movilización yera un actu de protesta pa desixir la equiparación del asturianu al restu de llingües nos estudios de la facultá de filoloxía, refugando la retrogada decisión del martes pasáu qu’eliminaba la llingua asturiana de la estructura destudios de la mencionada facultá. Cola concentración los estudiantes encerraos y la Xunta queríen mandar el mensaxe claru de qu’esti encierru y la concentración “”nun son más que lentamu duna riestra de movilizaciones, amosando asina, tanto los estudiantes como la Xunta pola Defensa de la Llingua Asturiana, la so intención de caltener la presión sobrel Rector Vicente Gotor pa que plantegue una solución a esti problema”. El Rector averóse tres del encierru a falar con dellos de los protagonistes del mesmu y afitó otra vuelta que va facer los posibles por retomar la situación, pero dende la feble perspeutiva cola que vien falando estos díes d’un compromisu que paez más bien papel moyao. 1 de xunetu, 2008 0 FacebookTwitterPinterestEmail
Educación Semeyes de la concentración nel Edificiu Históricu by asturnet 1 de xunetu, 2008 Asturnews ufre una collecha de semeyes de la Concentración que caltuvieron esti día un cientu d’asturianos nel Edificiu Históricu 1 de xunetu, 2008 0 FacebookTwitterPinterestEmail
Educación Lencierru destudiantes pola filoloxía asturiana na Universidá dUviéu dura yá trés nueches by asturnet 30 de xunu, 2008 Los estudiantes de la Universidá dUviéu enzarraos nel edificiu hestóricu por mor de la esclusión de la llingua asturiana de los futuros planes destudiu, lleven yá trés nueches esperando una solución. Según comentaron esta fin de selmana a los medios de comunicación, dendel Rectoráu tán poniéndose toles facilidaes pal bientar de los enzarraos na Universidá. Mentantu, la Xunta por la Defensa de la Llingua Asturiana decidió convocar una concentración en sofitu a los estudiantes enzarraos el martes a les 12.45 hores. 30 de xunu, 2008 0 FacebookTwitterPinterestEmail
Educación La Xunta convoca una concentración pa esti martes 1 de xunetu delante’l Rectoráu by asturnet 30 de xunu, 2008 La Xunta pola Defensa de la Llingua Asturiana, y la so estaya de mocedá Xunta Moza, decidió esti domingu convocar una concentración de sofitu a los estudiantes encerraos nel edificiu hestóricu del Rectoráu de la Universidá dUviéu. La concentración va ser esti martes día 1 de xunetu a les 12:45 hores, delantre del propiu edificiu del Rectoráu, y ta entamada en coordinación colos estudiantes encerraos nesi sitiu. La movilización ye un actu de protesta pa desixir la equiparación del asturianu al restu de llingües nos estudios de la facultá de filoloxía, refugando la retrogada decisión del martes pasáu qu’eliminaba la llingua asturiana de la estructura destudios de la mencionada facultá. Cola concentración los estudiantes encerraos y la Xunta quieren “mandar un mensaxe claru, lencierru nun va acabar hasta que lequipu rectoral nun amuese una postura clara en defensa de la Filoloxía asturiana, y garantice que l’asturianu va tener unos estudios al nivel de les demás llingües”. Esti encierru y la concentración “”nun son más que lentamu duna riestra de movilizaciones, amosando asina, tanto los estudiantes como la Xunta pola Defensa de la Llingua Asturiana, la so intención de caltener la presión sobrel Rector Vicente Gotor pa que plantegue una solución a esti problema”. Nesti sen, los encerraos tán en contactu permanente col equipu rectoral llideráu por Vicente Gotor. Frutu d’esti contactu ye qu’encerraos y rector van tener esti llunes día 30 pela mañana una reunión pa buscar una salida a esta situación. Otra manera, los estudiantes encerraos quieren agradecer la montonera de mensaxes de sofitu que tán recibiendo, tanto personales como dorganizaciones de tou tipu, y que los anima a siguir con esta protesta el tiempu que faiga falta. Piden a la xente quacudan a la concentración del martes quentra como muestra duna sociedá asturiana que nun entiende nin acepta qu’un piñu de profesores decida facer desapaecer lasturianu de la Universidá d’Asturies. Pola so parte la Xunta anima a los asturianos y asturianes a pasar pel edificiu hestóricu del Rectoráu de la Universidá nUviéu pa dar aliendu y ánimu a los encerraos. 30 de xunu, 2008 0 FacebookTwitterPinterestEmail
Educación Los encerraos algamaron el compromisu del Rector pa consensuar ente los implicaos una solución by asturnet 30 de xunu, 2008 El Rector de la Universidá d’Uviéu, Vicente Gotor, comprometióse colos estudiantes encerraos nel rectorráu a consensuar ente los axentes implicaos na decisión de la Facultá de Filoloxía una solución pal problema de la adaptación de los nuevos graos sin “marxinar” al asturianu, anque lo fizo, como vien asocediendo davezu, con una calculada ambigüedá. Nun comunicáu, qu’a a la hora d’escribir estes llínies, pasaes les 17,30 hores, entá nun s’asoleyare, el Rector camentaba desenrrollar cuatro puntos apautaos colos estudiantes y la Xunta pola Defensa de la Llingua, nos qu’insiste na so posición favoratible a que la llingua asturiana tenga un llugar afayadizu na institución académica que preside, pero ensin afitar denguna aición concreta y enllenado d’eufemismos cada desplicación de les sos intenciones, swegún pudo saber esti mediu dixital. Los cuatro compromisos qu’arrancaron los encerroas del rector tres dela pautamientu que celebraron nesta tarde del llunes pasen en primer llugar por el nomamientu d’un decanu de transición, a lo que ya se comprometiere la selmana pasada; el consensu ente les partes implicaes en Filoloxía pa reconducir la situación, algamar nel futuru un tratu “non discriminatoriu” pala llingua y la lliteratura asturiana (¿?) y un cuartu puntu que nun ye un compromisu sinon una petición de calma y respetu palos profesores que como Félix Fernández de Castro torguen los estudios de llingua asturiana cola so actitú y el so votu. Tres de la Xunta, los encerraos teníen prevista un aconceyamientu pa decidir si siguen o non adelantre col encierru. 30 de xunu, 2008 0 FacebookTwitterPinterestEmail
Educación La Conseyería d’Educación y Ciencia ufierta 86 perfiles profesionales estremaos na FP pal próximu cursu 2008-09 by asturnet 29 de xunu, 2008 La Conseyería d’Educación y Ciencia ufierta 86 perfiles profesionales estremaos na FP pal próximu cursu 2008-09, que van impartise en 68 centros sovencionaos con fondos públicos. La formación a distancia abarca 8 de las 21 families que se ufren en total. Dende esta selamana alcuéntrase abiertu’l plazu de solicitudes. 29 de xunu, 2008 0 FacebookTwitterPinterestEmail
Educación Los estudiantes encerraos en Filoloxía caltienen la so actitú by asturnet 29 de xunu, 2008 El garapiellu d’estudiantes y militantes de la Xunta Pola Defensa de la Llingua que tan encerraos dende les 17 hores d’esti vienres 27 de Xunu nel edificiu del rectoráu de la Universidá d’Uviéu, caltienen la so actitú y tres de reunise con Vicente Gotor nun se pue contatutar con ellos hasta les ocho de la mañana d’esti llunes por mor de los horarios del edificiu. La Xunta quier amosar con esti encierru la so fonda esmolición pol pasu atrás nos derechos de los falantes d’asturianu cola supresión del asturianu como materia d’estudiu nos nuevos Graos de Filoloxía apautada esta selmana na Xunta que celebrare la Facultá de Filoloxía. Esti encierru, de carácter indefiníu, pretende facer un llamáu a la comunidá universitaria, encabezada pol nuevu Rector Vicente Gotor, asina como al gobiernu asturianu pa que pongan igua a esta situación crítica que dinamita tol sistema educativu, dexando a Asturies ensin la ferramienta básica pa la formación de profesionales y profesores de llingua asturiana”. 29 de xunu, 2008 0 FacebookTwitterPinterestEmail