Comunicación Al aldu cambia dhorariu y va poder vese tolos díes a les nueve la mañana na TPA by asturnet 22 de xunetu, 2007 Redacción. La selmana pasada entamare a emitise un nuevu programa n’asturianu na TPA ‘Al aldu’, que ñació de la ‘independización’ de los espacios en llingua asturiana que veníen emitiendose dientro del programa ‘Con dos de azucar’. Col cambiu d’horariu ‘Al aldu’ abre la programación diaria de la televisión autonómica asturiana. Los llunes ye’l momentu pal humor y ‘Al aldu’ dedica’l so tiempu a ‘La risión’, una sección coordinada por Lluis Antón González y onde apaecen dalgunos de los meyores monologuistes modernos del país. Los martes Begoña Quirós ta al frente de la sección deportiva ‘A galmiaes’, que percorre l’actualidá deportiva d’Asturies. Milio’l del Nido lleva a los espectadores les sos ‘Recetes con cuentu’ los miercoles, mientres los xueves ye Inaciu Galán l’encargáu d’acercanos l’actualidá internacional más entretenida con ‘Xente de casa’. ‘Al aldu’ termina la so selmana los vienres con Mercedes Menendez y la so ‘Axenda d’Asturies’, con actividaes pa la fin de selmana. ‘Al aldu’, una producción d’Ediciones Trabe, repite los sábados a les doce la mañana dalgunu de los espacios de la selmana, entantes de l’habitual emisión de ‘Nós’, el programa dirixíu y presentáu pol director d’Asturnews.com, Próspero Morán, ‘Pieces’ y ‘Camín de Cantares’. Programación selmanal d’Al aldu -Llunes: La risión, coordinada por Lluis Antón González a les 09:00 h. -Martes: A galamiaes, con Begoña Quirós a les 09:00 h. -Miercoles: Recetes con cuentu, con Milio’l del Nido a les 09:00 h. -Xueves: Xente de casa, con Inaciu Galán y González a les 09:00 h. -Vienres: Axenda d’Asturies, con Mercedes Menendez a les 09:00 h. -Sábadu: Repetición de dellos espacios a les 12:00 h. Páxina de la RTPA 22 de xunetu, 2007 0 FacebookTwitterPinterestEmail
Comunicación Al aldu yel nuevu programa nasturianu de la Televisión del Principáu dAsturies by asturnet 16 de xunetu, 2007 Redacción. Nestos díes entamó na TPA un nuevu programa n’asturianu, frutu de la ‘independización’ de los espacios en llingua asturiana que veníen emitiendose dientro del programa ‘Con dos de azucar’. ‘Al aldu’ ye una producción d’Ediciones Trabe y ta emitiendose de llunes a vienres a les 11:15 hores. Los llunes ye’l momentu pal humor y ‘Al aldu’ dedica’l so tiempu a ‘La risión’, una sección coordinada por Lluis Antón González y onde apaecen dalgunos de los meyores monologuistes modernos del país. Los martes Begoña Quirós ye la sustituta de Carlos Suari al frente de la sección deportiva ‘A galmiaes’, que percorre l’actualidá deportiva d’Asturies, col so espaciu pal deporte tradicional. Milio’l del Nido lleva a los espectadores les sos ‘Recetes con cuentu’ los miercoles, mientres los xueves ye Inaciu Galán l’encargáu d’acercanos l’actualidá internacional más entretenida con ‘Xente de casa’. ‘Al aldu’ termina la so selmana los vienres con Mercedes Menendez y la so ‘Axenda d’Asturies’, qu’encamienta a los espectadores actividaes pa la fin de selmana. ‘Al aldu’ repite los sábados a les doce la mañana dalgunu de los espacios de la selmana, entantes de l’habitual emisión de ‘Nós’, el programa dirixíu y presentáu pol director d’Asturnews.com, Próspero Morán, ‘Pieces’ y ‘Camín de Cantares’. Páxina web de la TPA 16 de xunetu, 2007 0 FacebookTwitterPinterestEmail
Comunicación La programación en llingua asturiana de la TPA cumple trés meses demisión esti sábadu by asturnet 28 de xunu, 2007 Redacción. Esti sábadu 30 de xunu cúmplense tres meses del entamu de les emisiones de programes n’asturianun na televisión autonómica asturiana. Los presentadores Xose Antón ‘Ambás’, Próspero Morán, Milio’l del Nido, Inaciu Galán, Carlos Suari, Lluis Antón González y Mercedes Menendez son cares yá conocíes ente los televidentes asturianos y los espacios que presenten supieron llegar al públicu asturianu con unos resultaos d’audiencia mui llamativos en dalgunos casos. El primeru n’estrenase, el 31 de marzu pasáu, foi Pieces, dirixíu por Ramón Lluis Bande y estructuráu en cinco secciones fixes Voces, Museu, Al son, En tables y Periferia. Per esti programa, producíu por Ediciones Ámbitu, tien l’asturianu como llingua vehicular, pero nel conviven los conteníos en llingua asturiana y en castellán. Otru de los programes que s’estrenó aquel 31 de marzu ye ‘Nós’, un espaciu dirixíu y presentáu por Próspero Morán, una de les poques persones que yá ficieren televisión en llingua asturiana a finales de los ochenta, cuando presentó les emisiones n’asturianu d’Asturias Aquí, un programa del Centru Territorial de TVE n’Asturies. Nós, cambia de formatu con cada emisión. Nunu de los formatos un personaxe popular describe’l barriu nel que vive acompañáu de los sos vecinos, otra aborda les nueves tecnoloxíes dende una perspectiva divulgadora, ‘Nes escueles’ vien andando los colexos onde los alumnos deprenden asturianu, ‘Músiques’, na que los músicos mozos cuenten cómo recuperen soníos d’antaño y ‘Personaxes’ qu’acerca a la obra d’escritores, músicos, actores ya investigadores que manifiesten la so creatividá na so llingua materna. Ún de los programes con más esitu foi ‘Camín de Cantares’, que ta presentáu por Xose Antón ‘Ambás’ y que percorre les cases de falantes d’asturianu de toles fasteres d’Asturies, amosando los cantares, les hestories y los bailles de cada zona. El programa convirtióse dende’l primer día nún de lo más vistos de la TPA, con audiencies ente’l 10 y el 18% de cuota de pantalla. La emisión d’estos programes supunxo la realización d’unes trenta hores de televisión en llingua asturiana a lo llargo d’estos meses. La primer temporada terminó estos díes y los programes van tornar dempues del branu. Por embargu, la presencia diaria del asturianu va siguir pel branu na TPA, coles secciones nel programa ‘Con dos de azucar’. ‘A galmiaes’, onde Carlos Suari repasa l’actualidá deportiva, ‘La risión’ con monólogos, dirixíu por Lluis Antón González, ‘Recetes con cuentu’ con Milio’l del Nido, ‘Xente de casa’ noticies internaciones con Inaciu Galán y l’‘Axenda d’Asturies’ con Mercedes Menendez. 28 de xunu, 2007 0 FacebookTwitterPinterestEmail
Comunicación La RTPA pon en marcha un portal cultural n’asturianu by asturnet 17 de mayu, 2007 Dende ayeri xueves 16 de mayu la RTPA vien espublizando en prebes un portal cultural nasturianu que baxo’l nome de “estaya dasturianu” supón la ufierta de conteníos n’asturianu del ente público nel ámbitu dixital y que desendolca la empresa Ámbitu, editora de Les Noticies. Con esti pasu alantre paez definitivo que nun se vayan ufiertar les noticies del canal principal en llingua asturiana. Les noticies destaya dasturianu, dactualización diaria, distribúinse en seis secciones: sociedá, música, llibros, arte, cultura tradicional, cine, teatru y TV y nelles recuéyense les informaciones que fain referencia a la celebración dactos culturales, novedaes y concursos lliterarios, conciertos, actuaciones, festivales, etcétera, cola fin de dar cobertura a la mayor parte de lactualidá que se produz diariamente nel ámbitu cultural asturianu. La canal cuenta tamién con una sección complementaria que recueye toles convocatories que fain les alministraciones públiques y instituciones del Principáu relacionaes cola promoción y difusión del asturianu, tales como subvenciones, beques, ayudes, cursos de formación y premios. Estaya dasturianu completa la oferta informativa con una Axenda, na que, de forma abreviada, publícase un calendariu dactos culturales. La páxina tamién dispón despacios pa la promoción de los programes nasturianu que semiten en TPA y RPA. El site nuevu utiliza na denominación de la so cabecera la versión e minúscula de la marca principal de RTPA y va formar parte del menú de secciones del periódicu dixital, anque tamién se puede acceder a él a traviés dun banner allugáu na home de rtpa.es o directamente na dirección http:// www.estayadasturianu.es. 17 de mayu, 2007 0 FacebookTwitterPinterestEmail
Comunicación Manifestantes del PP y de Batasuna boicoteen la sede de Paloma Sainz en Second Life by asturnet 14 de mayu, 2007 La candidata socialista a l’alcaldía d’Uviéu vio esti martes como manifestantes de dereches y de Batasuna (caún colos sos mensaxes) boicoteaben la so sede en Second Life al estilu de lo que ta faciendo nel mundu real Batasuna nestos díes de campaña. Los manifestantes concentráronse delles hores con cartelos na sede que tien nel mundu virtual Second Life chateando los lemes qu davezu se vienen sintiendo nes manifestaciones de la AVT (Asociación de Víctimes del Terrorismu). La sede tuvo nesta xornada’l mayor tráficu dende que s’allugare nel mundu virtual, pasando de los 12700 avatares a les 10 de la nueche. Dellos de los manifestantes portaben cartelos pidiendo la llibertá de De Juana y dellos otros banderes d’España y cartelos pidiendo que tornare a la cárcel el terrorista y criticando la política terrorista de Zapatero. Asturnews ye’l primer mediu dixital en facese ecu d’una manifestación que sigue los pasos de les que los socialistes franceses ficieron tamién en Second Life escontra Le Pen nes pasaes eleiciones a la presidencia de la República de Francia. Ente los manifestantes, dellos aportaron con armes de fueu y con antorches a la sede de Paloma Sainz y del PSOE d’Uviéu en SL, magar tea dafechamente prohibido na zona onde s’alluga conocía como Quest II, talamente como se pue ver nel cartelu afitáu delantre la sede polos propietarios del tarrén onde mercare la so sede la candidata uvieina. A la hora que s’espubliza esta noticia, les nueve de la nueche del martes 15 de mayu, entá siguen manifestándose un bon garapiellu de persones na sede que tien nel mundu virtual Second Life. SLURL de la sede electoral de Paloma Sainz en SL 14 de mayu, 2007 0 FacebookTwitterPinterestEmail
Comunicación El Colexu Cabanaquinta foi protagonista esti sábadu del programa NOS de la TPA by asturnet 11 de mayu, 2007 El Colexu Públicu de Cabanaquinta, na capital del Conceyu d’Ayer, foi protagonista de la emisión d’esti sábadu a les 12:30 del programa NOS de la TPA, que dirixe y presenta el direutor d’Asturnews, Próspero Morán. El direutor del Colexu, Baltasar Fernández Fanjul, y la profesora de llingua asturiana, Angélica Suárez, foron los encargaos xunta los escolinos ayeranos de danos a conocer cómo se trabaya de llunes a vienres cola cultura de nueso nesi colexu. El primeru n’apaecer na programación de la TP foi’l Colexu La Canal de Lluancu, protagonista del programa “Nós” qu’emitió a les 12,30 la TPA na segunda selmana d’abril. Los escolinos foron los encargaos de dir desplicando la cadarma del Colexu y les actividaes que nelli desendolquen, nun modelu que tolos meses dirá repitiéndose visitando colexos en Mieres, Carreño o Xixón, por mentar los primeros que dirán visitándose. La programación en llingua asturiana sigue afitándose penrriba la que semite en castellán na TPA. Los datos caberos d’abril pasáu punxeron a los tres programes nasturianu alrodiu del 9 por ciento daudiencia, calteniendo los bonos datos que tien la programación n’asturianu dende qu’entamare. 11 de mayu, 2007 0 FacebookTwitterPinterestEmail
Comunicación La rede será protagonista cimera na Escuela de Seronda en Xixón by asturnet 21 d'abril, 2007 Les comunidaes virtuales y la blogosfera n’Asturies van ser dos de los Talleres´más significativos de los munchos que componen la Escuela de Seronda que va desendolcase esta fin de selmana prósima nel Antiguu Institutu en Xixón. La comunicación audiovisual y la institucional les migraciones artístiques o el continente africanu van ser otros de los temes a tratar dende’l 28 al 30 d’abril. La comunidá Virtual preséntase como una vía de comunicación cada vez más relevante na nuesa sociedá y el foru sobre elles pretende ser un espaciu pal conocimientu de les comunidaes virtuales como ferramienta pal dialogu y la comunicación ente xente separao fisicamente. Como exemplu veranse delles comunidaes virtuales del Estáu español y d´Asturies y la so importacia como llugar d´alcuentru pa l´asturianía del exterior. Crearase tamién un espaciu pal debate y la discusión d´estes redes de comunicación. Ente los conteníos a abordar tan la definición de comunidá Virtual, les comunidaes virtuales n´Asturies, con exemplos de redes n´España, y el llugar de le comunidaes virtuales n´Asturies y nel esterior (Domestika, Resistants, Evil Love o planetAstur). Les inscripciones pa la Escuela de Seronda pueen facese na páxina web del Conseyu de la Mocedá del Principáu d’Asturies hasta les 14:00 hores del día 24 d´abril de 2007, confirmandose via mail o sms a aquellos que lu facilitaren. 21 d'abril, 2007 0 FacebookTwitterPinterestEmail
Comunicación La hestoria de discriminación racial que sufrió un periodista d’incógnitu gana’l premiu de periodismu de la UE by asturnet 18 d'abril, 2007 L’artículu “Yo fui esclavu n’Apulia” del italianu Fabrizio Gatti cunta les doloroses condiciones de trabayu de los inmigrantes que trabayen nel sector agrícola de la rexón italiana d’Apulia. El propiu periodista pasó por trabayador y atropó de primer mano y clandestinamente tolos testimonios qu’illustren el so trabayu. El segundu y el tercer premiu fueron a parar a Hungría y Belxica, respeutivamente, demientres qu’una participante de Finlandia ganó’l Premiu Especial pa Xóvenes Periodistes. El premiu d’esti añu tituláu “Pola diversidá, escontra la discriminación” ye una iniciativa de la Comisión Europea pa premiar a los periodistes que tean un papel activu na llucha escontra les discriminaciones de cualquier tipu. “Los medios de comunicación desempeñen un papel clave a la hora de sensibilizar sobre estes importantes cuestiones. Nun vamos almitir denguna forma de discriminación”, declaró’l comisariu europeu d’Emplegu, Asuntos Sociales e Igualdá d’Oportunidaes, Vladimir Spidla. “Tien qu’aplaudise’l valor y la dedicación d’estos periodistes, pues asoleya qu’urxe siguir lluchando pola diversidá na sociedá”. “Yo fui esclavu n’Apulia”, asoleyose na revista “L’Espresso”, y narra’l día a día d’un grupu d’inmigrantes empleagaos nel sector agrícola y de como tan sometíos a condiciones llaborales asemeyaes a la esclavitú. Fabrizio Gatti pasó por un d’estos inmigrantes para facer la so investigación y plasmar los resultaos nel so informe. El segundu premiu recayó nel artículu espublizáu por “Nepszabadság Online”,”Nuestra propia hija gitana”, del hüngaru Miklós Hargitai. L’artículu estudia lo trabayusu de l’adopción de persones de grupos minoritarios, nesti casu de xitanos. La belga Petra Sjouwerman, corresponsal de “De Morgen” n’Escandinavia, ganó’l tercer premiu pol so artículu “Empresa contrata esclusivamente persones autistes”, qu’estudia en que midía “ser diferente” ye una ventaya. Por otra parte, el Premiu Especial pa Xóvenes Periodistes d’esta tercer edición del concursu fui a parar a manes de la finlandesa Henna Helne pol so artículu “Madres que deprenden l’idioma de los sos fíos”, asoleyáu na revista “Anna”. El trabayu alfruenta’l tema de la integración dende una óptica optimista y trata de sensibilizar al llector sobre la discriminación por motivos d’edá, sexo y orixen etnicu. Los ganadores y finalistes fueron escoyíos por un xuráu de profesionales de los medios de comunicación y espertos na llucha escontra la discriminación tres de facer una gran criba ente los 568 participantes de tolos Estaos Miembros demientres que pal premiu especial hubu un total de 125 candidatures. Los trabayos fueron evaluaos en función del so valor periodísticu, la profundidá de la investigación y la orixinalidá Páxina web de la Comisión Europea escontra la discriminación 18 d'abril, 2007 0 FacebookTwitterPinterestEmail
Comunicación Nireblog presenta una versión n’asturianu del so portal de Blogs by asturnet 15 d'abril, 2007 Dempués de meses de trabayu esti 10 d’abril de 2007 nacía Nireblog n’Asturianu: un nuevu sistema de creación de Blogs en llingua Asturiana. Nireblog tien unes carauterístiques que lu separtan d’otros sistemes. Por exemplu, ye posible crear Blogs n’Español, Euskara, Português o tamién n’Árabe. Cada idioma tien la so propia páxina, onde van dir apaeciendo los últimos Blogs espublizaos nesi idioma, y amás hai un Planet onde van apaecer los Blogs modificaos en tolos idiomes. El sistema d’alministración ye enforma cenciellu, intuitivu y versátil, inspiráu na perbona coctelera. Permite que delles persones escriban un mesmu Blog ensin necesidá d’usar la mesma cuenta (Multiusuariu). Amás, permite tamién crear enllaces, poner testu en negrina, cursiva, insertar imáxenes, … ensin necesidá de tener conocimientos de programación. Tien un sistema de comentarios personalizable, de manera tala que permite o non comentarios (o que tean moderaos pol autor/a de Blog). Y arriendes d’ello soporta Trackbacks. Pues escoyer ente más de 30 diseños, o si lo prefieres pues camudar l’apariencia del to Blog al to gustu con un cenciellu asistente. 15 d'abril, 2007 0 FacebookTwitterPinterestEmail
Comunicación La programación en llingua asturiana sigue afitándose na TPA by asturnet 15 d'abril, 2007 La programación en llingua asturiana sigue afitándose penrriba la que semite en castellán na TPA. Los datos desti sábadu 14 dabril pasáu punxeron a los tres programes nasturianu alrodiu del 9 por ciento daudiencia, mentantu que lnformativu del meudía, TPA Noticias, nun foi a superar el 5% daudiencia. Los datos ya foron mui destacaos na primer selmana y tamién el sábadu anterior cuando “Pieces”, programa de Zebrastur dirixío por Ranmón Lluis Bande, tuvo namái qu’un 1.9%, pero “Nós”, producíu por Zebrastur y dirixíu y presentáu por Próspero Morán algamó un 11.7% d’aucienda, y Camín de Cantares, baxo la direición tamién de Ramón Lluis Bande y con Ambás como presentador llogró un 18.6%. Esti sábadu pasáu,’l Colexu La Canal de Lluancu foi’l protagonista del programa “Nós” qu’emitió a les 12,30 la TPA. Los escolinos son los encargaos de dir desplicando la cadarma del Colexu y les actividaes que nelli desendolquen, nun modelu que tolos meses dirá repitiéndose visitando colexos en Ayer, Mieres, Carreño o Xixón, por mentar los primeros que dirán visitándose. 15 d'abril, 2007 0 FacebookTwitterPinterestEmail