Comunicación El canal de televisión galés S4C cumple 25 años by asturnet 21 d'ochobre, 2007 El departamentu de “Theatre, Film and Television Studies” de la Universidá d’Aberystwyth (Gales) y el Wales Institute for Cultural and Communication Industries, en collaboración col programa Mercator Cde la UE organicen pa los díes 2 y 3 de payares una conferencia internacional en The National Library of Wales nesa localidá de la marina galesa pa celebrar el 25 aniversariu de la primer emisión televisiva en idioma Galés na canal S4C, allá por payares de 1982. La conferencia quier servir pa analizar la hestoria de la canal en llingua gaélica, pionera nesti ámbito de les llingües minoritaries y dafechamente afitada na sociedá de Gales. Los díes 2 y 3 de payares nesta conferencia internacional pa celebrar les bodes de plata del S4C van tar en Aberystwyth un garapiellu de xente, figures cimeres dende l’alborecer de la llingua galesa na televisión hasta anguaño que van debatir la historia de la lengua galesa nos medios de comunicación y el futuru que se-yos presenta a les llingües minoritaries na nueva sociedá multimedia. El programa completu pue consultase na páxina web de laUniversidá d’Aberystwyth. RePáxina de la Conferencia na Web de la Universidá d’Aberystwyth 21 d'ochobre, 2007 0 FacebookTwitterPinterestEmail
Política Un simposium analiza les llingües minoritaries en Belfast by asturnet 20 d'ochobre, 2007 L’obxetivu d’esti simposium nun son sólo les llingües minoritaries como l’irlandés o gaélico como tales, sinon tamién les formes y medios que sostienen política y socialmente eses llingües minoritaries. Ente les entrugues que se quieren facer los investigadores europeos en Belfast acluéntrense ¿Cuálu ye’l papel de la llingua na formación de una comunidá bien afitada? o ¿Cuálu ye’l papel de la comunidá mesma nel caltenimientu del idioma? La necesidá de facer xorrecer les disposiciones llegales de proteición o hasta qué puntu’l sostenimientu de les comuniddes llingüístiques minoritaries vien condicionáu poles infraestructures, el mediu ambiente, l’emplegu , o cualquier otra estaya van ser tamién referencies cimeres d’esti simposium nel que nun se va escaecer el papel de la educación nel sostenimientu de las comunidaes lingüístiques minoritaries. Páxina Web del Simposium 20 d'ochobre, 2007 0 FacebookTwitterPinterestEmail
Comunicación El premiu Nobel de la paz Al Gore va tar nel Teatru Xovellanos de Xixón by asturnet 18 d'ochobre, 2007 Según daba anuncia ayeri layuntamientu de Xixón, lexpresidente norteamericanu Al Gore, questi añu ta acabante de convertise en Premiu Príncipe dAsturies de Cooperación Internacional y Premiu Nobel de la Paz, va ufiertar una conferencia-alcuentru nel Teatru Xovellanos de Xixón. La conferencia va xirar alredor del so documental y el llabor fechu na llucha escontral cambiu climáticu y va celebrasel 25 dochobre. La conferencia, titulada Una verdaá incómoda va entamar a les 19:30 hores y aquelles persones que quieran dir van poder recoyer les entraes de baldre, esti llunes 22 nes taquielles del teatru xixonés. 18 d'ochobre, 2007 0 FacebookTwitterPinterestEmail
Comunicación Air Berlin entama en Payares vuelos intercontinentales by asturnet 18 d'ochobre, 2007 La compañía aérea de baxu coste Air Berlín va ufiertar vuelos intercontinentales dende l’aeropuertu d’Asturies vía Palma Mallorca o Dusseldorf. Asturies va conectase asina con Nueva York, Los Anxeles, Miami, Pekín y Shangay, ente otros. Pa facer estos vuelos intercontinentales dende Asturies va haber que pasar una nueche en Palma Mallorca. El director de ventes de la compañía pa España y Portugal, Pablo Caspers, informó ayeri durante la rueda de prensa de qu’estos vuelos sólo van poer reservase por axencies de viaxes nun pudiendo emplegase la páxina web de Air Berlín. N’Asturies, la empresa aeronáutica cuenta algamar enantes de finar l’añu los 80.000 pasaxeros tresportaos. 18 d'ochobre, 2007 0 FacebookTwitterPinterestEmail
Política Laura González quier recuperar pa IX l’escañu qu’Asturies necesita by asturnet 18 d'ochobre, 2007 Tres la anuncia per parte del conseyu políticu d”IX de que Laura Gonzalez va encabezar la lista del partíu nes prósimes elecciones xenerales, la ex-conseyera de vivienda señaló en rueda de prensa qu’encaraba esta nueva llabor col enfotu de recuperar “con entusiamu y pasión l’escañu de IU en Asturias”. “Ye importante pa IX recuperar esi escañu, pero creo que tovía ye más importante pa los asturianos”, sorrayó la política. Tamien quiso agradecer a la dirección del partíu esti nombramientu que aceptó guiada pol so calter autodisciplináu. “Soy una persona autodisciplinada, aunque algunos hayan perdido la disciplina, y estoy agradecida a IU, que siempre ha pensado en mí para cargos de importancia fundamental, hay que aprovechar la enorme experiencia adquirida”. La ex-conseyera declaró por últimu que anque llebave tres meses fuera de la política siempre tuvo al serviciu de la organización y que’l so metodu de trabayu va pasar por averase dende’l principiu a los problemes reales de los asturianos. “Voy a caleyar Asturies de cabu a rabu para recoyer los problemws que la xente plantega, que son munchos”. 18 d'ochobre, 2007 0 FacebookTwitterPinterestEmail
Comunicación Interlagos acapara l’atención na rede Internet by asturnet 17 d'ochobre, 2007 Los montaxes d’imáxenes de videoxuegos al estilu Machinima con soníu rial de los cronistes deportivos de Telecinco enllenen la rede nos díes previos a la cabera carrera del Mundial de Fórmula 1 que tien de celebrase esta fin de selmana en Brasil. 17 d'ochobre, 2007 0 FacebookTwitterPinterestEmail
Comunicación Ñaz un nuevu canal televisivu en catalá per Internet by asturnet 16 d'ochobre, 2007 Un nuevu canal de TV en catalán, Sies TV, entamó nInternet les sos emisiones el pasáu 26 de setiembre pa cubrir a tolos posibles falantes desta llingua y ufiertar una programación mayoritariamente cultural. El nuevu canal basa los sos conteníos na cultura y les tendencies del territoriu de fala catalana. Los temes quaborda van de les artes plástiques, el cine, la economia, o los escenarios (teatru, música, ect…), a la gastronomia y el turismu, la innovación, o les lletres y la sociedá. Páxina web de SiesTV 16 d'ochobre, 2007 0 FacebookTwitterPinterestEmail
Política La Xunta pola Defensa de la Llingua Asturiana llamenta les declaraciones de Consuelo Vega sobre la oficialidá by asturnet 16 d'ochobre, 2007 La XPDLLA ta acabante demitir un comunicáu nel que llamenta les declaraciones feches al respective de la oficialidá pola Directora Xeneral Promoción Cultural y Política Llingüística, Consuelo Vega, nes que la responsable dixo nun ver consensu abondo pa la oficialidá. Pa la XPDLLA estes declaraciones suponen la confirmación del pocu conteníu que va tener esi cargu en manes de daquién que sigue de pe a pa les consignes más conocíes del nucleu duru de la Federación Socialista Asturiana. Con estes declaraciones, siguel comunicáu Consuelo Vega vuelve a centrar el debate de la oficialidá non nuna cuestión de derechos ciudadanos sinón na pura y simple aritmética parllamentaria. Dende la XPDLLA cuando la FSA se niega sistemáticamente a dialogar o a buscar consensos sobre la oficialidá cola sida de queso nun ta nel so programa electoral, o cuando identifica los votos a Izquierda Unida colos votos de tolos favorables a la oficialidá, quier dar el mensaxe falaz de que los votantes del PSOE tán en contra de la oficialidá. Pa la Xunta pola Vega, coles sos declaraciones, ta confundiendo les élites refractaries de dalgunos partíos colo que yel sentir mayoritariu de la sociedá. Pa la Xunta pola Defensa de la Llingua Asturiana resulta llamentable que cuasi diez años depués daprobase la conocida como «Llei del Bable» que sincumple sistemáticamente en cuantes a la enseñanza, medios de comunicación y usu institucional, la Directora Xeneral Promoción Cultural y Política Llingüística descubra quhai «un campu llegal mui grande col marcu llegal quexiste agora». La XPDLLA recuerda que Vega cuando se-y pregunta polos casos de discriminación llingüística asocedíos a funcionarios quusaron lasturianu nes sos comunicaciones cola Alministración autonómica, refierse a ellos como «casos anecdóticos», nun los incluye ente los derechos reconocíos pola llei y ve difícil formar a los emplegaos públicos pa que conozan lasturianu. Los responsable de la XPDLLA comenten que Si esi va ser el plantegamientu duna persona que diz pertenecer al campu asturianista, mal pue acabar la cosa cuando a pocos meses dasumir el cargu asume tamién y tan rápido la visión restrictiva de los derechos ciudadanos que fai la FSA. Pa la organización oficialista la realidá oxetiva ye que nAsturies, güei, depués de venticinco años dEstatutu dAutonomía, sigue habiendo un movimientu ciudadanu que reclama unos derechos llingüísticos quuna clas política intransixente y provinciana sigue ensin reconocer. 16 d'ochobre, 2007 0 FacebookTwitterPinterestEmail
Política El CAO convoca caravana pola oficialidá nel suroccidente by asturnet 15 d'ochobre, 2007 El Conceyu Abiertu pola Oficialidá sigue cola campaña pa llevar la reivindicación de la oficialidá a tolos conceyos dAsturies. Pa ello, la organización, quaxunta a docenes dasociaciones, convoca pal sábadu 27 dochobre, una Caravana pola Oficialidá pel suroccidente asturianu. La marcha va percorrer los conceyos de Cangas, Tinéu, y Allande. Siguiendo la filosofía quacompaña a les caravanes feches hasta agora, la movilización y les actividaes que lacompañen van ser entamaes poles organizaciones y colectivos de los propios conceyos, asinamesmo les actuaciones musicales van correr a cargu dartistes llocales. Les actividaes desta caravana pel suroccidente van siguir de tarde en Cangas: los músicos Pedru Pereira, Rafa Lorenzo, Ambás, Diego Pangua, Dolfu R. Fernandez y Roberto Ablanedo van actuar a partir de les siete nel Teatru Toreno. Dempués del conciertu va facese un filandón nel Bar Caniecho. Toa una xornada de reivindicación a la quel CAO convoca a tolos asturianos del suroccidente. 15 d'ochobre, 2007 0 FacebookTwitterPinterestEmail
Política Izquierda Xunida pide negociar “cara a cara” los presupuestos cola executiva de la FSA by asturnet 15 d'ochobre, 2007 La Comisión Executiva d’IX d’Asturies pidio nun comunicáu esti fin de selmana la negociación “cara a cara” de los presupuestos cola directiva de la FSA. “´Los presupuestos son la iniciativa política más importante del añu, un documentu esencial na vida política autonómica y deben ser negociaos al másimu nivel, ente les direcciones d’ambos partíos”, declaró’l Coordinador Xeneral d’Izquierda Xunida d’Asturies, Jesús Iglesias. Izquierda Xunida d’Asturies tamien quiso puntualizar que nun va sofitar unos presupuestos que nun pueda xestionar. Pa la coalición una de les garantíes del cumplimientu de los presupuestos ye precisamente que IX-BA-Verdes participe de la so xestión, ya que en pallabres de Jesús Iglesias la FSA “nun diba tener nengún problema d’aprobar unes cuentes más propies d’Alicia nel Pais de las maravilles sabiendo d’antemano que nun les iben a cumplir”. IX cree necesario que los presupuestos xuban los recursos empobinaos a xenerar emplegu, que tengan especial sensibilidá nel problema de la vivienda con ayudes el pagu pagu d’hipoteques y que meyoren el gastu en política social. IX tamien recordó nel comuinicáu que los futuros presupuestos deberán sofitar la igua d’una rede educativa pública pa los neños de cero a tres años asina como la defensa de la cultura y la llingua asturana y les polítiques sostenibles de xestión del agua y otros recursos naturales. 15 d'ochobre, 2007 0 FacebookTwitterPinterestEmail