Comunicación Telecable entama como operadora de móvil virtual by asturnet 21 d'avientu, 2007 Telecable yá empezó la so actividá como operadora de telefonía móvil virtual anque namái que en prebes con un grupu de clientes, tando prevista la comercialización en sen ampliu pal mes de febreru. L’oxetivu de la compañía ye algamar los 100.000 clientes pa lo que tien prevista una inversión de 100 millones d’euros. Con motivu del so llanzamientu, va realizase una ufierta a los sos clientes que va suponer la exención de les cuotes de telefonía fixa p’aquellos usuarios de móvil de la marca TeleCable, lo que va suponer un aforru del 13,5 por cientu na factura mensual. Toos estos datos fízolos públicos esti xueves en Xixón el presidente de Telecable, Roberto Paraja, nun alcuentru colos medios de comunicación pa presentar el nuevu serviciu de telefonía móvil. 21 d'avientu, 2007 0 FacebookTwitterPinterestEmail
Política LAconceyamientu de Xuristes pol Asturianu presenta una páxina web enllena de conteníos xurídicos by asturnet 20 d'avientu, 2007 El 25 de mayu del añu 2006, constituyóse formalmente n’Uviéu l’Aconceyamientu de Xuristes pol Asturianu (AXA), integráu por más de mediu centenar de xuristes, ente los que s’atopen representaes cuasi toles estayes profesionales: Universidá, lministración Autonómica y Municipal, Notariáu y Abogacía. Agoral colectivu presenta la so páxina web, un puntu dalcuentru y dinformación llegal bien interesante. Dende AXA, siguel comunicáu seguimos convidando a integrase nella a los más de los xuristes posibles, porque cuidamos que’l mirar pola llingua propio y los derechos de los sos falantes -trabayando al cabu pola so dignificación y salvaguarda-, ye un llabor del que dengún xurista asturianu habría desertar. Cuiden, dende AXA, questa poderosa ferramienta habrá valir pa facilitanos el llabor de seguir trabayando pola normalización xurídica de la realidá llingüística asturiana, al empar que mos permitirá atender de mou más eficaz dende la particular perspeutiva xurídica- les munches necesidaes y demandes que reclamen anguaño los ciudadanos falantes dasturianu (información, orientación en casu necesidá damparu llegal, etc.). Dende esti presupuestu, diz el comunicáu, la páxina ñaz cola vocación dimplementase como una eficaz fonte dnformación xurídica relativa al fenómenu llingüísticu asturianu y, al traviés della, del fermosu y ricu mosaicu llingüísticu quintegren les llingües rexonales o minoritaries nesta Europa de nueso, la Europa del sieglu XXI. Amás de recoyer la información concerniente a la propia ASOCIACIÓN (estatutos, grupos de trabayu, aconceyamientos, etc.), lestoyu NOTICIES rellacionaes cola realidá cotidiana de los derechos llingüísticos de los asturfalantes y les DECLARACIONES públiques y notes de prensa quemita lAconceyamientu, la páxina dedica un requexu a la OPINIÓN, xurídicamente bien afitada, sobre lestáu y la evolución nel tiempu de la regulación xurídica del nuesu particular fenómenu llingüísticu, con claru envís didáuticu y críticu. El llabor dAXA queda espeyáu nes nueses ACTUACIONES (a nivel alministrativu, xudicial, de negociación o didáuticu) y nos nuesos TRABAYOS (dictámenes ya informes xurídicos). Ufrimos, amás, MATERIALES práuticos dinterés (formularios) que podrán dir facilitandol llabor y usu normal de la llingua asturiana a tolos profesionales del derechu que quieran mandase della. Ente los proyeutos que queremos poner en marcha dende lAconceyamientu, ta el dun Observatoriu de Derechos Llingüísticos (ODLL) que seya quien en colaboración con otres asociaciones o instituciones- pa promover estudios ya informes periódicos que sirvan como indicadores acerca la situación de respetu o conculcación de los derechos llingüísticos n’Asturies, presentándolos énte la sociedá asturiana y énte les instituciones asturianes ya internacionales. Arriendes dello, implementamos un SERVICIU DORIENTACIÓN XURÍDICA PA LA DEFENSA LOS DERECHOS LLINGÜÍSTICOS (SOX) nel que, al traviés dun cenciellu formulariu, los falantes van poder denunciar les situaciones concretes de violación de los sos derechos llingüísticos, comprometiéndonos dende lAconceyamientu a facilita-yos la presentación de les sos quexes o denuncies nos casos concretos de falta de respetu al so derechu a usar la llingua propia, cuando se-yos niega esti derechu o cuando se-yos causa un perxuiciu por exercitalu; la tramitación d’eses quexes énte les instituciones públiques o privaes, dándo-yos el cursu más afayadizu; y, si ye’l casu, el recursu a la vía xudicial en defensa los sos derechos llingüísticos. Dientro la nuesa páxina, siguel comunicáu, merez especial consideranza LLINGUALEX, la nuesa Base de Datos Documental, referida non sólo al particular fenómenu llingüísticu asturianu, sinón tamién al enteru dominiu llingüísticu ástur-lleonés. El so accesu ye llibre y quier ser una ferramienta amañosa pa los estudiosos y profesionales del Derechu, al tiempu qu’un gabitu p’algamar lespardimientu de la conocencia de los derechos llingüísticos ente los propios falantes y la sociedá en xeneral. LLINGUALEX ta integrada por artículos doctrinales qu’analizan dende una perspeutiva xurídica cualisquier aspeutu relativu a les llingües rexonales o minoritaries, con especial atención al fenómenu llingüísticu asturianu; llexislación relativa les llingües rexonales o minoritaries, con especial atención al nuesu fenómenu llingüísticu; xurisprudencia y Doctrina Constitucional ya Institucional qu’emane de Xueces, Tribunales y otros órganos de l’Alministración, n’interpretación y/o aplicación de les estremaes normes dictaes en materia llingüística; y referencies documentales de calter sociollingüísticu o xurídicu-alministrativu relacionaes col fenómenu llingüísticu asturianu que sirvan paidanos a comprendelu cada vuelta meyor. Perol nuesu llabor como xuristes comprometíos con esta sociedá, quedaría coxu sinón fuésemos quién pa mirar más allá del sólu fenómenu llingüísticu. El derechu propiu, el Derechu Asturianu como oxetu destudiu, reflesión y propuesta innovadora tanto dende la so vertiene pública como dende la so vertiente privada-, atopa tamién un llugar importante nel llabor desendolcáu polos compañeros que davezu colaboren col grupu de trabayu quintegral Conceyu dEstudios Xurídicos LESCALIU. Pero, ¿presentaríase Hevia a una posible preselección de TVE?. Pa Hevia, esto entra dientro de lo posible, y ye que conidera que tengo bones idees en tornu a un tema pal Festival. Pel momentu nun ye más quuna posibilidá, pero de dir a Eurovisión Hevia asegura que la esperiencia debe de ser, amás, mui arriquecedora. Una ventana al mundu al traviés de los nuesos ENLLACES, facilitarál llabor daquelles persones interesaes en formase y documentase acerca la cada vuelta mayor relevancia de los derechos llingüísticos; acerca la so importancia y la so reconocencia nes sociedaes más avanzaes del planeta; acercal respetu que tienen de merecenos a toos esos derechos y acerca la so regulación y proteición xurídica; too ello metanes dun mundu que, dende AXA, queremos alloñáu lo más posible duna mísere, gris y mal entendida globalización uniformadora. Páxina web del Aconceyamientu de Xuristes pol Asturianu 20 d'avientu, 2007 0 FacebookTwitterPinterestEmail
Política La Xunta de Toponimia aconceya mañana per primera vegada nesta llexislatura by asturnet 20 d'avientu, 2007 La Nueva Xunta Asesora de Toponimia d’Asturies (XATA) aconceyarase mañana vienres pela mañana per primera vegada nesta llexislatura depués de que diere anuncia en Payares de la so formación la Directora Xeneral de Cultura, Consuelo Vega, na presentación del Anuariu de la XATA. Nesti aconceyamientu constituyente tarán presentes la presidenta de l’Academia, Ana Cano, xunta Ramón d’Andrés y Fernando Balbuena como espertos nomaos pola Conseyería de Cultura La Xunta Asesora de Toponimia d’Asturies ye la encargada de realizar el procesu d’investigación de los topónimos tradicionales, mediante l’estudiu de la documentación tanto lliteraria como de tradición oral, y sigún adelantó Consuelo Vega yá en Payares, va tar presidía pola propia Directora Xeneral de Cultura y van formar parte d’ella los directores xenerales de Cooperación y Ordenación del Territoriu, los espertos, Ramón d’Andrés y Fernando Balbuena, y representantes de la Universidá d’Uviéu, l’Academia de la Llingua, na persona de la so presidenta Ana Cano, y el Ridea. La so secretaria va ser María Antonia Pedregal, l’actual xefa de la Oficina de Política Llingüística. 20 d'avientu, 2007 0 FacebookTwitterPinterestEmail
Comunicación Asturnews ufre lartículu ganador del Enriqueta González Rubín 2007 by asturnet 20 d'avientu, 2007 Va pocos díes que se dio anuncia oficial al fallu del premiu «Enriqueta González Rubín 2007» de periodismu escritu en llingua asturiana que convoca la Conseyería de Cultura cada dos años. L’escritor avilesín Miguel Solís Santos ye’l ganador desta edición y yá puedes lleer lartículu premiáu La hemocianina de les andariques y el sangre del ciudadanu Capeto, publicáu nel diariu La Nueva España’l 15 de payares del 2005. Esti y los premios lliterarios otorgaos pola Conseyería de Cultura, van entregase güei nuna gala que va celebrase nel patiu del Palaciu Conde de Torenu (sede del RIDEA) a les 19.00 hores con entrada llibre y conciertu de Toli Morilla. 20 d'avientu, 2007 0 FacebookTwitterPinterestEmail
Política Valledor diz que’l PP adelanta pela izquierda a la FSA-PSOE by asturnet 19 d'avientu, 2007 El diputáu d’Izquierda Unida-Bloque por Asturies-Los Verdes, Francisco Javier García Valledor, aseguró esti martes 18 a Euroa Press que’l PP manifiesta “posiciones más abiertes al diálogu” sobre la oficialidá de la llingua na reforma del Estatutu d’Autonomía que’l Partíu Socialista. El representante autonómicu de la coalición realizó estes declaraciones a Europa Press, antes de la celebración d’un conceyu con Inaciu Iglesias, presidente de la fundación Caveda y Nava, que trabaya pa buscar el consensu ente los grupos parlamentarios asturianos a favor de la oficialidá. Nel alcuentru, el máximu responsable d’esta entidá entregó al parlamentariu izquierdista documentación recopilada sobre la realidá social de la ‘llingua’ pal so estudiu previu al alderique estatutariu. Valledor refirióse a les recientes declaraciones de la presidenta de l’Academia de la Llingua, Ana Cano, nes qu’animaba al PP a “xugar un papel de llideralgu” na busca d’un consensu pola oficialidá. “Lo cierto ye que los fechos nun acompañen, pero nes sos declaraciones faen percibir una diferencia clara col zarramientu per parte de la Federación Socialista Asturiana que raya na paranoya col tema de la llingua asturiana”. Según el diputáu, “nel casu del PP tán tomando posiciones más abiertes al diálogu”. El presidente de la fundación Caveda y Nava mostróse entiende que se dan una serie de circunstancies que permiten ciertu optimismu na nagociación de la oficialidá del asturianu nel Estatutu. Según Iglesias l’asturianu nun tien un tratamientu xurídicu apropiáu ya’l momentu de tenelu ye al travies de la reforma del estautu. La Fundación aconceyó tamien col PP y espera facelo pronto col PSOE. 19 d'avientu, 2007 0 FacebookTwitterPinterestEmail
Política Xuristes pol Asturianu píde-y a Gabino de Lorenzo y al Partíu Popular que pasen a los fechos na normalización llingüísticia by asturnet 18 d'avientu, 2007 L’Aconceyamientu de Xuristes pol Asturianu afala al PP, nun artículu quespublizamos güei nAsturnewsOpinión, a entamar el camín de la normalización llingüística n’Asturies, pente medies d’una carta abierta empobinada al empar al so voceru na Xunta Xeneral y al alcalde d’Uviéu. Nella, lAXA esixe al edil la toma de midíes y recuerda quel Partíu Popular y el PAS yá ficieron nel so día dalgo dafechamente serio pa da-y puxu al asturianu: la Llei dusu y promoción del asturianu, camín al que los animen a siguir. Artículu completu del AXA 18 d'avientu, 2007 0 FacebookTwitterPinterestEmail
Política “El Garrapiellu” estrena directiva con Tino Lozano como presidente by asturnet 17 d'avientu, 2007 Dempués dun añu cola directiva dimitida, la Tertulia Cultural El Garrapiellu convocó esti sábadu una Xunta Xeneral na que sescoyó directiva nueva, cola salida de Gloria García, presidenta dende va dellos años. El nuevu presidente ye Tino Lozano, miembru fundador de la Tertulia y dende agora cabezaleru de la directiva de la hestórica asociación. La Xunta Xeneral celebróse nel Atenéu Obreru de Xixón, la tarde desti sábadu pasáu y la directiva escoyida ta formada, amás de pol presidente Lozano, por Vicente Villazon como secretariu, Inacio Rodriguez-Solar como ayalgueru y Marta Valle, Ánxel Nava y Fonsu Fernández como vocales y coordinadores destaya. Pero la Xunta Xeneral de socios sirvió tamién pa tomar otres decisiones como la fecha na que va celebrase la tradicional colocación del ñacimientu na Ilesia Vieya de San Pedro La Collá, en Siero o la collaboración con delles asociones ecoloxistes y culturales pa otres xeres. Otru de los temes tratos foi la celebración del 25 de mayu, esti añu que vien, 2008, nel que se cumplen 200 años del alzamientu contra los franceses nAsturies. El Garrapiellu ñació a principios de los años noventa y dende entós vien afalando y organizando actividaes comol Camín de Xixón a Cuadonga, el Concursu de Cuentos Curtios El Garrapiellu, les Olimpiaes de Xuegos Tradicionales y otres actividaes quanime cada añu la vida cultural de Xixón y dAsturies. 17 d'avientu, 2007 0 FacebookTwitterPinterestEmail
Política Unión Asturianista (URAS-PAS) celebró esti sábadu la so tradicional xinta de Navidá by asturnet 17 d'avientu, 2007 Pión, nel conceyu de Villaviciosa, foi la llocalización esocoyida polo coalición permanente del Partíu Asturianista y la Unión Renovadora Asturiana pa la so xinta de Navidá. Na xinta pudieron sentise los discursos de los llíderes de dambes fuercies. Lhestóricu Xuan Xosé Sánchez Vicente, presidente del PAS y el nuevu presidente de la URAS, Javier López, escoyíu apocayá pola formación nacionalista. Na xinta tuvo tamién lexpresidente dAsturies, Sergio Marqués, anguaño presidente dhonor de la URAS y otros cargos públicos dUnión Asturianista como lalcalde del conceyu de Villaviciosa, Manuel Busto Alonso, el conceyal Xicu Yepes y les directives de dambes organizaciones, ente otres persones. 17 d'avientu, 2007 0 FacebookTwitterPinterestEmail
Política Asturnews ufre vidios y el testu del casoriu n’asturianu oficiáu por Pilar Pardo en Xixón by asturnet 17 d'avientu, 2007 Esti sábadu, la conceyala y senadora por Asturies del Partíu Popular, Pilar Fernández Pardo ofició’l casoriu d’Inés Benavente Bernabeu y Diego Moliner Ortiz na Casa Conceyu de Xixón, convirtiéndose asina na primer persona del so partíu quoficiar una boda nasturianu en Xixón. La conceyala y senadora popular aprovechó pa manifestar que nel PP “siempre demostraremos nuestru apoyu a la llingua asturiana”. Nel casoriu, Pilar Fernández Pardo entamó y terminó la ceremonia saludando n’asturianu, en castellán y en valencianu, como guiñu a la familia valenciana del noviu. Numerosos medios de comunicación cubrieron la boda pola importancia del fechu de qu’una conceyala popular del pesu políticu de Pilar Fernández Pardo oficiara per primer vegada en Xixón, un casoriu n’asturianu por petición de los novios, que según aclariaron fontes del Partíu Popular, “nun son afiliaos del PP, pero vieron na figura la persona afayadiza pa oficiar la ceremonia n’asturianu”. Asturnews ufre semeyes, vidios y el testu completu de la ceremonia. 17 d'avientu, 2007 0 FacebookTwitterPinterestEmail
Política LAcademia de la Llingua fai un llamáu al Partíu Popular pa que “lliderel consensu sobre la oficialidá” by asturnet 17 d'avientu, 2007 LAcademia de la Llingua Asturiana comentó, al traviés de la so presidenta Ana Cano, quel Partíu Popular debe xugar agora un papel de llideralgu na busca dun consensu sobre la oficialidá del asturianu nel próximu Estatutu. Asina mesmo, la presidente recordó que según les encuestes menos del venti por ciertu de los asturianos tán a la escontra de la oficialidá del asturianu. PAna Cano, el cambiu de postura del Partíu Popular hacia un discursu más favoratible pa cola normalización del asturianu ye lo normal, mientres que lo raro ye que los partíos que representen al pueblu asturianu tean en contra de la llingua desti pueblu. Asina mesmo, la tamién decana de filoloxía de la Universidá dUviéu comentó “Yo espero que la oficialidá seya un elementu de xunión y de consensu de toles fuercies polítiques representaes na Xunta Xeneral, y nesi sen, el PP podría xugar un papel de llideraglu y delmentu fundamental, porque representa a bona parte de la sociedá asturiana”. 17 d'avientu, 2007 0 FacebookTwitterPinterestEmail