Política Laura González escoyó Avilés pa cellebrar l’actu oficial d’entamu de campaña by asturnet 21 de febreru, 2008 Izquierda Xunida- Bloque por Asturies-Verdes zarró la precampaña pa entamar oficialmente la campaña electoral n’Aviles, ciudá natal de la candidata al congresu de los diputaos, Laura González. L’entamu tuvo llugar na cai La Cámara, nun actu nel que se descubrió la foto oficial de campaña, na qu’apaez la candidata al lláu de los populares lliones del Congresu xunto lema “Asturias en Madrid, con Laura seguro”. Laura González afirmó “está foto resume lo únicu que voy prometer nesta campaña y lo que tol mundiu sabe: voy defender Asturies en Madrid con uñes y dientes. La candidata tamien quiso denunciar la campaña del mieu que ta faciendo’l PSOE. “Ta moviendo tolos sos recursos pa concentrar el mayor númberu de votos posibles. Tienen datos que los sitúen mui cerca de la mayoría absoluta y punxeron la so maquinaria pa facelo realidá”, dixo la candidata. Y tuvo pallabres pal mcandidatu socialista en particular. “Hablen de pinzes cuando la única pinza qu’hai n’Asturies ye la pinza ente’l PSOE y PP, ye la pinza del dineru, la que permite operaciones urbanístiques intolerables como les de les trillizes de Calatrava o les que ponen en peligru la costa asturiana”. González anunció que la so canpaña va siguir basándose en caleyar Asturies como lo fizo en precampaña y en pidir el votu de los asturianos “p’algamar qu’haya más izquierda nel Congresu, pa qu’IX sía decisiva”, declaró la candidata d’IX-BA-Verdes al congresu de los diputaos. 21 de febreru, 2008 0 FacebookTwitterPinterestEmail
Comunicación El Garrapiellu entama una charra-coloquiu cola proyección del documental Asturies, paraísu industrial by asturnet 21 de febreru, 2008 El Garrapiellu, grupu cultural bien conocíu por mor de facer tolos años la ruta andariega a dende Xixón a Cuadonga y les Olimpiaes de Xuegos Tradicionales nel muséu Pueblu dAsturies, ente otres actividaes. Entama güei, xueves 21 de febreru a les 19:30 hores, una charra-coloquiu nos llocales de la Sociedá Cultural Xixonesa, na cai Belmonte de Miranda, 4, entlu. Dcha. en Xixón. Nesti actu va ponesel documental Asturies, Paraísu Industrial. Amás desta película va tar otru ponente, Antonio Rodríguez Dosantos. El documental, Asturies, Paraísu Industrial, yel primer llargometraxe dirixíu por Koncha Rodríguez y Kela Coto. Según la propia direutora, Konchi, la so ellaboración foi apasionante, porque al dir avanzando nel trabayu diben alcontrándose con datos tan importantes como pa nun poder inoralos, sobre too no que cinca a los estraños argumentos que se dan a veces pa lluchar escontra del cambéu climáticu. Poro, la grabación foi un auténticu descubrimientu pal propiu equipu. Konchi lleva cinco años faciendo curtiumetraxes. Nel 2004 presentó al Festival de Cine de Xixón El aparcamiento, que foi premiáu na seición del Día dAsturies, y que dempués foi presentáu notros festivales, incluyendo Canadá ya Italia. Antes fizo La vida en un corto, documental sobre la vida duna inmigrante de Cabu Verde en Xixón, subvencionáu pol Principáu dAsturies. Antonio Rodríguez Dosantos ye un activu ecoloxista, direutor del Grupu GREEN, criáu en 1994, y editor d’AsturiasVerde.com. Hai poco espublizó Historias para mortales, una recopilación de rellatos, dalgunos premiaos en certámenes lliterarios, que traten temes como la inmigración, la violencia de xéneru, el retornu al pasáu pa liquidalu, los deseos obsesivos, les pantasmes que viven dientro dún y los que nos observen dende fuera. Obres escrites con un xeitu góticu y humor ácidu. Lautor esperimenta con estilos nuevos, comol de les lleendes urbanes, con narraciones con un ritmu cuasi llíricu, como nel casu de Toda la verdad sobre puertas y portazos, o cola utilización del xéneru de ciencia ficción pa contar un fábula sobre verdaes y mentires. 21 de febreru, 2008 0 FacebookTwitterPinterestEmail
Política La polémica sobre l’asturianu sigue protagonizando la discusión electoral ente PP y PSOE by asturnet 20 de febreru, 2008 Dende que Gabino de Lorenzo entró na campaña como candidatu del Partíu Popular a diputáu del Congresu, la polémica col usu del asturianu tuvo presente na batalla de los dos partíos que tienen anguaño representación asturiana nes cámares estatales. La última de les representaciones públiques desta polémica fízola Gabino de Lorenzo ufiertando una boína y un diccionariu dasturianu al candidatu socialista, Álvaro Cuesta, del que nun entiende porque lu critica cada vegada quuso dalgún elementu propiu de la cultura tradicional. Tamién ayeri, pero nesti casul Delegáu del Gobiernu dEspaña nAsturies y expresidente asturianu pol PSOE, Antonio Trevín, declaró a un periódicu asturianu que lo que más-y molesta de De Lorenzo ye quutilicel bable namás pa babayaes. Amás, el Delegáu cree quel popular usa sistemática lasturianu pa insustanciaes y chancies insultantes, a Trevín molestá-y, diz, como socialista y como asturianista. Esto súmase a otres polémiques que vienen marcando la campaña nel campu del asturianu, como la petición del Partíu Popular de Xixón sobrel cumplimientu nos usos de la toponimia tradicional de Xixón, oficial dende va un añu. 20 de febreru, 2008 0 FacebookTwitterPinterestEmail
Política Andecha Astur celebral ñacimientu de la República Democrática de Kósovu by asturnet 20 de febreru, 2008 Nun comunicáu, la organización política Andecha Astur quixo espresar ayeri públicamente el so preste pol ñacimientu, el pasáu domingu 17 de febreru, de la República Democrática de Kósovu, tres proclamar la so independencial Parllamentu del país balcánicu exerciendo con ello el drechu dautodetermín qua tou pueblu-y asiste, reconocíu internacionalmente. La organización súmase asina a los apoyos daos por otros partíos nacionalistes del estáu, como ERC, CiU ol PNV. Andecha Astur, siguel comunicáu, ve nel ñacimientu desti nuevu estáu la confirmación dun procesu imparable dientro del continente européu, un procesu quentamó pa la organización na década de los noventa del pasáu sieglu, tres la desintegración de la XURSS, y que ta marcando una dómina na que les naciones ensin estáu reclamen y algamen la so soberanía ensin suponer dengún tipu de problema pa la estabilidá internacional. La organización Andecha Astur anunció nel comunicáu que va unviar un comunicáu de felicitación y sofitu al Parlamentu kosovar y xulgó ridícula la situación que se vive nel Estáu español, que, por ciertu, nun reconociól nuevu estatus llegal de Kosovo, y lactitú de los sos dirixentes, que siguen empeñaos en ñegar el mesmu drechu, el dautodetermín, a les naciones quobligadamente lu formen. 20 de febreru, 2008 0 FacebookTwitterPinterestEmail
Política Laura González presentó la so web pa les elecciones del 9 de marzu by asturnet 20 de febreru, 2008 Nestes elecciones Asturies xuégase cuánta izquierda va a ver nel parllamentu español, con estes pallabres presentó Laura González, candidata de IX-BA-Verdes al congresu de los diputados, la so web electoral www.lauragonzalez.es Na web pueden conocese les propuestes de la formación pa estes elecciones, ver vidios promocionales o conocer curiosidaes, como que la candidata tien por nome, en realidá y como consta nel so carné didentidá, y polo tanto nes papeletes electorales, Laurita de la Paz Mercedes González Álvarez. El so pá, descendiente de cubana, púnxo-y los trés nomes: Laurita pola so tiagüela cubana, De la Paz, porque él yera pacifista, naturista y vexetarianu y Mercedes pola güela. Páxina de la candidata 20 de febreru, 2008 0 FacebookTwitterPinterestEmail
Política Xuristes pol Asturianu denuncia que los topónimos aprobaos nAsturies son inaplicables by asturnet 18 de febreru, 2008 Col asoleyamientu, va yá pa tres años, del Decretu 30/2005, pel que se determinaben los topónimos oficiales del conceyu de Carreño, entamando asina un procesu que nestos años llevo a la oficialización de los nomes tradicionales de más duna cuarta parte de los conceyos asturianos. Sicasí, y según denuncia lAconceyamientu de Xuristes pol Asturianu, esti cambiu nun tien más quun valir simbólicu y nun permite camudar el nome del to llugar nel DNI o nos cartelos oficiales dependientes del Estáu. Valir simbólicu porque, per agora, el práuticu ye bien poco por nun dicir nada. La negativa al camudar el nome nos documentos oficiales vien porque los nuevos topónimos nun tán na llista oficial. Lo mesmo va pasar nel intre de rotular indicadores de carreteres, facer mapes, roblar contratos, empadronase, asoleyar disposiciones XPA recordó que esa llista oficial nun ye oro quel Nomenclátor dunidaes poblacionales del Institutu Nacional dEstadística, nel que tolos núcleos de población tienen de tar identificaos pel nome y once díxitos. Y ehí, al Nomenclátor del INE, comenten los xuristes, nun aportaron entá los conteníos de los Decretos digua de la toponimia asturiana. La pregunta de los Xuristes pol Asturianu ye ¿Por qué en tres años nun saperió esti asuntu que fai de los Decretos papel moyao?. Y recuerda que los conceyos tienen el deber de revisar el padrón y dientro delli la rellación dentidaes y núcleos de población, polo poco una vegada al añu, y unviala darréu al Insitutu Nacional dEstadística ( artículos 17.2 de la Llei 7/1985, de Bases de Réxime Llocal, y 76 del Real Decretu 1690/1986, Reglamentu de Población de les Entiudaes Llocales); y, dempués, quel mesmu INE ta na obligación (citáu artículu 17.2 de la Llei 7/1985 y 78 del Real Decretu 1690/1986) de requerir a los conceyos pa que cumplan colo que la norma establez y, en casu contriu, suplílos nello. Pa camudar esta situación, lAconceyamientu de Xuristes pol Asturianu vien de dirixise per escritu a tolos alcaldes involucraos y al Institutu Nacional dEstadística (presidenta y delegáu nAsturies) encamientándo-yos a toos la igua urxente del estropiciu. Nomenclátor dunidaes poblacionales del Institutu Nacional dEstadística 18 de febreru, 2008 0 FacebookTwitterPinterestEmail
Política Kósovu declaró la independencia col apoyu de la UE y la non reconocencia dEspaña by asturnet 18 de febreru, 2008 El parllamentu de Kósovu declaró oficial y unilateralmente la so independencia de Serbia a lo llargo duna sesión estraordinaria esti domingu 17 de febreru del 2008, dende esti momentu fecha hestórica pa los kosovares, na capital del nuevu estáu, en Prístina. El primer ministru de Kósovu, Hashim Thaci, declaró llueu de que los parlamentarios votaren de forma unánime a favor de la moción, quel nuevu estáu ye agora “arguyosu, independiente y llibre”. Thaci apurrió que “güei yel fin dun camín perllargu. A partir dagora tolos kosovares sedrán los ciudadanos dun país onde toos esfrutarán los mesmos derechos, nun habrá ciudadanos de primera nin de segunda”. El primer ministru tamién dixo quespera tener “bones relaciones” con tolos países vecinos, “tamién con Serbia”. Al empar, miles de kosovares celebraron nes cais de Prístina la declaración unilateral dindependencia. Abondos coches enllenaron les cais tocandol pitu en señal de folixa, poniendo música y amosando banderes albaneses. Tamién mangáronse colgadiellos nos edificios amosando agradecimientu a los Estaos Xuníos, al Reinu Xuníu y a la Xunión Europea pol apoyu recibíu pa la independencia de Kósovu. El presidente de los Estaos Xuníos, George W. Bush, afitóse favorable al plan de Naciones Xuníes que prevé la independencia supervisada pa Kósovu. Espérase que los EE.XX. y la mayoría destaos de la Xunión Europea reconozan darréu a Kósovu como un estáu independiente. Un afitamientu al que Serbia y Rusia opónense de raigañu. Dellos corresponsales na rexón de los balcanes afiten que ye mui posible quentamen griesques ente los serbios y los albaneses de Kósovu por mor de la declaración dindependencia kosoviega. Mentantu, na capital serbia, Belgráu, unos 1.000 serbios protestaron contra la pérdiga dun territoriu que consideren entamu de la so patria serbia. El teniente xeneral Xavier de Marnhac, comandante francés de les fuerces de paz de la OTAN, dixo que les sos tropes reaccionarán darréu con cualesquier provocación, yá seya de los albaneses o de los serbios que viven na antigua provincia kosoviega. El nuevu estáu independiente de Kósovu tá iguáu por una mayoría étnica albanesa, pero tamién habítenla unos cienmil serbios. Anque pertenecía a Serbia, tuvo alministrada por Naciones Xuníes dende 1999. La Xunión Europea aprobó lunvíu duna misión policial y xudicial pa Kósovu integrada por 2.000 persones, que llegará a la rexón a partir de la selmana que vien. Esta misión de la XE tien quayudar a prevenir abusos de los derechos humanos y afitar que les débiles instituciones kosoviegues pueden llibres de toa interferencia política. Serbia menació con imponer sanciones económiques y diplomátiques contra Kósovu, anque rexeitó usar la fuerza como represalia. Mentantu, Rusia dixo pel so presidente Putin, que camudará la so política hacia les rexones separatistes xeorxianas dAbhasia y Osetia del Sur si se reconoz a Kósovu como independiente y menació con problemes asemeyaos notros territorios europeos pola reconocencia del precedente históricu que supón la independencia del territoriu de Kósovu. 18 de febreru, 2008 0 FacebookTwitterPinterestEmail
Política El CIS da-y la victoria al PSOE nel 9-M by asturnet 15 de febreru, 2008 El Centru d’Investigaciones Sociolóxiques (CSIS) pronostica pa les elecciones del próximu 9 de marzu una victoria del PSOE con un apoyu del 40,2 por cientu y ente 158 y 163 escaños, frente al 38,7 por cientu y ente 153 y 157 escaños que se calcula pal PP, según asoleya esti día Europa Press. La diferencia ente dambos diba ser de 1,5 puntos, la segunda más pequeña de la llexislatura (n’ochobre del 2006 se calcularon 1,4 puntos). Esti estudiu preelectoral del CIS, presentáu esti vienres nel Congresu, básase en 18.221 entrevistes realizaes en 1.214 conceyos de toa España ente los díes 21 de xineru y 4 de febreru. El marxe d’error ye de más/menos 0,74 puntos. Según la estimación del CIS, el PSOE ganaría les elecciones col 40,2 por cientu de los votos y perbaxo de los 164 escaños que tien güei, siguíu a 1,5 puntos del PP, que diba algamar el 38,7 por cientu de los sufraxos y ente cinco y nueve escaños más que nesti momentu. Dempués figura IX, con un 5,8 por cientu y cinco o seis escaños, meyor que nel 2004. 15 de febreru, 2008 0 FacebookTwitterPinterestEmail
Política El vídiu de campaña de Laura González lleva 50.000 visites by asturnet 15 de febreru, 2008 El vídiu de Laura González que pue vese nel blog de Henry Felgueroso lleva ya 50.000 visites en poco más d’un día. Nel vídiu del curtiumetraxe ellectoral col que la candidata d’Izquierda Xunida-Bloque Por Asturies-Los Verdes, Laura Gonzalez va facer campaña apaez el famosu taxista llangreanu, censáu en Xixón, Henry Felgueroso, debatiendo cola candidata durante un viaxe en taxi. 15 de febreru, 2008 0 FacebookTwitterPinterestEmail
Política Laura Gonzalez estrena con Henry “Driver” Felgueroso una campaña electoral asturiana estremada de lo tradicional by asturnet 14 de febreru, 2008 Ya ta disponible nel blog de Henry Felgueroso, el vídiu del curtiumetraxe ellectoral col que la candidata d’Izquierda Xunida-Bloque Por Asturies-Los Verdes, Laura Gonzalez va facer campaña. Nel mesmu apaecen el famosu taxista llangreanu, censáu en Xixón, Henry Felgueroso, debatiendo cola candidata durante un viaxe en taxi. El vidiu electoral quier ser, según IX-BA-LV un “revulsivu de les campañes electorales al usu, al tratar “los temes qu’interesen a la xente d’Asturies y que nengún otru alderique va tratar” al traviés d’un blog, “Blogorolo” col que la organización quier superar l’ausencia de debates n’Asturies. 14 de febreru, 2008 0 FacebookTwitterPinterestEmail