Educación Cursos de Llingua en Conceyu Llangréu by asturnet 12 de febreru, 2010 LAyuntamientu de Llangréu, en collaboración cola Conseyería de Cultura, y Turismu, pon en marcha dos cursos de Llingua Asturiana, un dellos de nivel aniciu y lotru dafondamientu. Los cursos van ponese na Casa la Cultura Sama y tendrán llugar los llunes, xueves y vienres nhorariu de 18:30 a 20:30 hores. Trátase de dos cursos de 25 hores caún y son de baldre, les persones quasistan y superen los cursos recibirán el so correspondiente certificáu acreditativu. El plazu de matrícula yá ta abiertu y final mesmu día quempezarán los cursos, esto yel próximu martes 9 davientu a les 18:30 hores. Si quies apuntate pues facelo mandando los tos datos personales (nome, N.IF., señes y nu teléfonu) a la Casa la Cultura Sama (C/Escueles Dorado 6, en Sama), llamando al teléfonu 985678158 o mandando un corréu a llingua@ayto-langreo.es 12 de febreru, 2010 0 FacebookTwitterPinterestEmail
Educación Estrénase una páxina web dedica a los neños Los viaxes de Trassg by asturnet 3 de febreru, 2010 Xosé Ramón Martín Ardines y Anxan Martín Arango tán acabante estrena la web infantil son Los viaxes de Trassg, una páxina web n’asturianu pa neños. Como esplica la propia páxina, la historia de Trassg (un trasgu que paez un moñecu) principió nel momentu nel quna neña entró na tienda onde vivía y lu compró, entós entamó’l viaxe qu’él mesmu nos cuenta, y failo pente medies d’unos cómics, xuegos, nociones sobre mitoloxía asturiana y el resume de los talleres de tebeo en centros escolares que sorganizaron por cuenta desta iniciativa. Na mesma páxina recuéyese que Trassg tien un don especial pa detectar a los humanos y cuando nun tán cerca cobrar vida, ye nesi momentu cuando, ente otres coses, aprovecha pa escribir la so historia y publicala n’internet. Son siete los capítulos quhastal momentu tán publicaos, onde nos cuenta les aventures y los viaxes questi personaxe vivió hasta agora, y failo con un formatu quasonsaña les fotonoveles dotros tiempos. Amás, hai una sección dedicada a los sos oríxenes y a los compañeros y compañeres que Trassg tien fecho pel mundu. Consulta la páxina web 3 de febreru, 2010 0 FacebookTwitterPinterestEmail
Educación La Tertulia Pachín de Melás entama un alderique sobre 30 años de llingua asturiana nel sistema educativu by asturnet 25 de xineru, 2010 Mañana martes, 26 de xineru, a les 20.30 hores, la Tertulia Pachín de Melas entama un alderique sobre los trenta años de llingua nel sistema educativu asturianu. Cuntará cola participación d’Urbano Rodríguez, maestru y fundador de Conceyu Bable-Xixón, miembru de númberu de l’Academia de la Llingua Asturiana y ex director del colexu públicu de La Camocha, Pablo Xuan Manzano, maestru y presidente del coleutivu “Llingua y Enseñanza”, miembru de númberu de l’Academia de la Llingua Asturiana, Xosé María García “Llábana”, maestru d’asturianu, participante na esperiencia de les escueles pilotu del C.P. Evaristo Valle de Xixón. 25 de xineru, 2010 0 FacebookTwitterPinterestEmail
Educación El profesoráu de la privada va ser autoridá en Madrid by asturnet 14 de xineru, 2010 El profesoráu de los centros privaos de la Comunidá de Madrid tamién va incluyise na Llei d’Autoridá del profesor que’l Gobiernu rexonal va poner en marcha esta primavera. La llei da presunción de veracidá a les declaraciones de los profesores nos conflictos que tengan llugar dientro del centru educativu o n’actividaes estraescolares. L’anuncia diola esti día’l voceru del Gobiernu madrilanu, Ignacio González, nuna rueda de prensa posterior al Conseyu de Gobiernu, na que desplicó que’l Conseyu Escolare emitiera la recomendación d’incluyir a los profesores de los privaos xunto colos de los concertaos y públicos. 14 de xineru, 2010 0 FacebookTwitterPinterestEmail
Educación SUATEA denuncia’l caos escolar d’esti 8 de Xineru by asturnet 8 de xineru, 2010 El sindicatu SUATEA vieno acabante denunciar el caos col qu’entama l’añu escolar por mor de qu’Asturies seya una de les poques comunidaes autónomes nes qu’esti 8 de xineru ye llectivu, mentantu que na mayoría, forma parte de les vacaciones d’iviernu. Esta foi la propuesta de los sindicatos na xunta correspondiente que nun foi aceutada pola Alministración asturiana. Nel so momentu, dende SUATEA propunxose sostituir esti día dientro del calendariu escolar por otru. Pero’l gobiernu asturianu, “enfotáu n’actuar nesti casu escontra del profesoráu y de la comunidá educativa tendrá de desplicar a la sociedá cuánto costó abrir los colexos ya institutos tres del paréntesis vacacional”. SUATEA fala del descomunáu gastu en calefacción asina como del tresporte y comedor pa poner en marcha los colexos namái que por un día d’inviernu. 8 de xineru, 2010 0 FacebookTwitterPinterestEmail
Educación SUATEA atalanta discriminatoria la “Llei d’evaluación” by asturnet 29 d'avientu, 2009 El Sindicatu Unitariu y Autónomu de Trabayadores de la Enseñanza d’Asturies (Suatea) atalanta que l’aprobación de la ‘Llei d’Evaluación y los sos incentivos’, que tuvo llugar esti día na Xunta Xeneral d’Asturies, ye “una discriminación descarada”. La llei afita salarios estremaos nel senu de la enseñanza pública. El sindicatu criticó esti martes nuna nota de prensa que la política educativa del Gobiernu asturianu tea instalada dende hai años nel “despropósitu continuáu” con una llei que “persigue salir al pasu a les sentencies xudiciales qu’invaliden tol procesu, incluyíos los discriminatorios pagos a cuenta que reciben aleatoriamente dalgunos docentes por facer el mesmu llabor”. SUATEA responsabiliza de l’aprobación de la llei a los diputaos del partíu mayoritariu nel gobiernu y a los los diputaos d’IX-BA-Verdes como collaboradores necesarios y “cómplices nesti atentáu contra la enseñanza pública”, 29 d'avientu, 2009 0 FacebookTwitterPinterestEmail
Educación Covadonga Betegón va ser la nueva Vicerrectora d’Estensión Universitaria, Cultura y Deportes by asturnet 16 d'avientu, 2009 El próximu llunes 21 d’avientu, a les 13 hores, tendrá llugar nel Paraninfu del Edificiu Hestóricu de la Universidá dUviéu, un actu solemne de toma de posesión de Covadonga Betegón Biempica, como nueva Vicerrectora d’Estensión Universitario, Cultura y Deportes de la Universidá d’Uviéu. La nueva Vicerrectora ye Catedrática de Mecánica de Medios Continuos y Teoría dEsctructures, y hasta la fecha Directora de la Estaya de Posgráu y Títulos Propios, y sustitúi nel cargu a José Antonio Cecchini Estrada, que solicitó al Rector cese voluntariu, pola mor de los sos problemes de salú. L’Equipu Rectoral fizo públicu, amás, el deséu d’una rápida recuperación y agradez al ex Vicerrector Cecchini la dedicación y ésitos algamaos nel tiempu en que desempeñól so cargu dientro del gobiernu universitariu. 16 d'avientu, 2009 0 FacebookTwitterPinterestEmail
Educación L’ALLA va celebrar en xineru una nueva prueba de conocencia de llingua asturiana by asturnet 4 d'avientu, 2009 LAcademia de la Llingua Asturiana tien abiertul plazu pa presentase a la primer convocatoria de 2010 pa esta prueba cola que salgama la certificación de conocencia básica de llingua asturiana. La convocatoria va tener llugar el 30 de xineru n’Uviéu y la matrícula pue facese del día 18 al 28 de xineru. Les estayes de les que sesamina son: -La estaya llingúistica, na que se verán la gramática y el dominio oral y escritu y -La estaya de llingua y sociedá na se verá la conocencia del allugamientu de la llingua dientro la sociedá. La prueba inclúi parte escrita y prueba oral. P’apuntase hai que llamar a lALLA, al teléfonu 985 211 837. 4 d'avientu, 2009 0 FacebookTwitterPinterestEmail
Educación Riopedre afita’l caltenimientu del númberu profesores n’Asturies by asturnet 3 d'avientu, 2009 El conseyeru d’Educación del Principáu d’Asturies, José Luis Iglesias Riopedre, dixo ayeri nunes xornaes sobre diversidá qu’Asturies va cuntar esti añu col mesmu númeru de profesores que l’añu pasáu, pol xorrecimientu del númberu de docentes na educación infantil y primaria que compensa’l descensu na secundaria y en bachilleratu. Riopedre participó na inauguración de los X Alcuentros Estatales d’Atención a la Divesidá que se celebren hasta’l vienres nel hotel de la Reconquista d’Uviéu y destacó nuna rueda de prensa informal colos medios que l’incrementu nel presupuestu de la Conseyería d’Educación de 9,7 millones d’euros va permitir que les aules del Principáu cunten con 1.500 profesionales destinaos a la diversidá. Al respeuto, sorrayó que l’atención a la diversidá ye una seña d’identidá de la educación asturiana dende hai más de dos décades y apuntó que la integración tornó nuna realidá cola tresferencia de les competencies d’Educación nel añu 2000. 3 d'avientu, 2009 0 FacebookTwitterPinterestEmail
Educación La Universidá d’Uviéu algama la escelencia by asturnet 26 de payares, 2009 La Universidá d’Uviéu llogró allugase ente les nueve con escelencia del estáu tres de la presentación qu’ufrió esti miércoles de los sos proyectos de campus didácticos y el so “plan de futuru”. La Universidá asturiana va repartise con otres ocho 150 millones d’euros en fondos europeos. El proyectu conxuntu presentáu pola Complutense de Madrid y la Politécnica, asina como la Universidá Autónoma y la Carlos III recibieron tamién el sellu de Campus de la Excelencia Internacional (CEI) xunto con otres dos universidades catalanas, la Universidá de Barcelona (UB) y la Politécnica, y les Universidaes de Santiago, Cantabria y Córdoba. 26 de payares, 2009 0 FacebookTwitterPinterestEmail