Educación La Universidá Popular de Xixón ufre 167 cursos y talleres by asturnet 1 de setiembre, 2010 El perfil mediu de los matriculaos na Universidá Popular de Xixón, que ñació en 1981, ye una muyer de más de 46 años con estudios de nivel primariu o secundariu. Sicasí, nos cursos pue atopase a xente de toa triba. En total, esti añu van ponese en marcha 167 cursos y talleres, que van entamar el 13 dochobre. Los datos ufríos pol Conceyu de Xixón amuesen quel perfil del alumnáu de la Universidá Popular ye d’un 64% de muyeres frente a un 36% de varones. Amás, y polo xeneral, les muyeres prefieren los cursos rellacionaos cola educación, les artes plástiques y l’artesanía, la hestoria, el patrimoniu y tamién aquellos conteníos referíos a la salú ente que los homes participen más nos cursos rellacionaos cola agricultura, el medioambiente, la imaxe y el soníu, la informática ya internet. En cuantes a la edá, el 60% de los alumnos tienen más de 46 años, un 23% tien menos de 35 años y un 17% ta ente los 35 y los 45 años d’edá. Al respective de los estudios el 51% de los alumnos de la UP tienen estudios primarios o secundarios, un 37% tienen estudios universitarios y una pequeña minoría del 2% diz nun tener estudios. El plazu pa matriculase nos cursos y talleres d’anguaño 2010, ye dende’l 21, 22 y 23 de setiembre hasta’l 8 d’ochobre y va poder facese al traviés de cualesquier oficina d’atención al ciudadanu o cola tarxeta ciudadana entrando na páxina web del Conceyu. El pagu de los cursos tienen d’efectuase nun plazu máximu de dos díes, esto ye, mientres el día de la inscripción al cursu o a otru día al traviés de los caxeros ciudadanos del Conceyu de Xixón asitiaos nel llugar onde se realiza la matrícula, na rede de caxeros automáticos de Cajastur o al traviés de la web municipal. Otra opción pa la persona interesada en participar en dichos cursos ye solicitar matrícula gratuita con cargu al Fondu de Xornal Municipal. Los requisitos necesarios pa la so concesión según la solicitú tendrá de xestionase nel Centru de Servicios Sociales de la zona na que more dicha persona. Pa llograr más información sobre los conteníos de los cursos pueden averase a los Centros d’Atención al Ciudadanu onde se vaya a matricular o na web municipal. Cursos dasturianu La ufierta de cursos dasturianu ta formada por dos opciones. Sedrán nel Vieyu Institutu Xovellanos (CCAI), unu de nivel básicu y otru mediu. Según dan anuncia los docentres destos cursos, el básicu entama el 13 dochobre y sedrá de llunes a xueves de 19.30 a 21.30. Fináu esti, impartiráse los mesmos díes y nel mesmu horariu, el nivel mediu qu’anicial día 15 de payares. Ufierta completa de cursos de la UP 1 de setiembre, 2010 0 FacebookTwitterPinterestEmail
Educación El Bloque critica los recortes n’Educación by asturnet 25 d'agostu, 2010 El Bloque por Asturies vien de criticar nuna nota de prensa pela mañana’l fechu de qu’el cursu nuevu entame con “recortes, precarización y problema a la hora de solicitar les places dinterinidá”. Pal BPA, “bien mal escomencipial cursul nuevu Conseyeru dEducación, Hermininio Sastre, cola mengua de cerca 500 places de maestros interinos pa esti ciclo. Los recortes del gobiernu asturianu en servicios básicos supunxo a los trabayadores de lalministración que-yos baxasen los sueldos, anque esto nun ye lo único que van tener que sufrir los maestros interinos. Con la convocatoria de places pal cursu que ta pa empezar, el Bloque por Asturies ve con preocupación que son munches menos les places que sufierten que les quhabía estos años atrás. Otra decisión de la Conseyería que nos abulta preocupante ye que munches deses places pasen de ser enteres a ser medies xornaes, lo que lleva a una precarización de los puestos de trabayu y de les condiciones de los maestros que les cubren”. Por si too esto nun fuera abondo, “los dos primeros díes pa solicitar les places foi casi imposible facelo pel interné. Los responsables de la Conseyería dEducación tán recomendando que se faiga en papel y de manera presencial. Esta midía obligó a munches persones a volver de vacaciones y en munchos casos facer cientos o miles de kilómetros pa ponese a la fila nel rexistru del Principáu”. 25 d'agostu, 2010 0 FacebookTwitterPinterestEmail
Educación Crisis nel Gobiernu: Dimite Riopedre na Conseyería d’Educación by asturnet 4 d'agostu, 2010 El Conseyeru con más pesu políticu del Gobiernu y ún de los mas fieles d’Areces dexa’l Gobiernu nel momentu más difícil pa la so cartera, col avenamientu d’un cursu escolar mui complicáu y l’entamar de los nuevos graos de Boloña na Universidá. El Viceconseyeru d’Educación, Herminio Sastre, sostitúyelu provisionalmente, dexando afitao lo sorprendente ya inesperao de la decisión. Dende va tiempu venía rumoreándose la posibilidá de que Riopedre dexara’l puestu por motivos de salú, pero l’abandonu d’Areces na carrera electoral facía impensable que se produxeren cambios d’esti nivel nel Gobiernu. Dos décades dirixendo la educación n’Asturies L’ex Conseyeru ñació en 1939 en Vigo (Galicia). Llicenciáu en Filosofía y Lletres (Filosofía) pola Universidá Complutense de Madrid y con cursos de posgráu de Filosofía y Socioloxía nes Universidaes de Münster y Bielefeld, Riopedre foi maestru en Galicia ente los años 1969 y 1972. Nel 73 llega a Asturies, siendo profesor nel Colexu “Auseva” dende 1973 a 1975; Profesor Amestáu de Filosofía (1979-84) nel IES “Alfonso II” y IES “Leopoldo Alas Clarín”, d’Uviéu. Nel añu 84 estrénase en cargos públicos, siendo Xefe de Programes Educativos de la Dirección Provincial del MEC n’Asturies. En 1994 convirtióse en Director Rexonal d’Educación del Principáu d’Asturies, tornando dempués de la llegada de Sergio Marqués al Gobiernu dAsturies, al enseñu. En 1999 torna con Areces a ser Director Xeneral d’Educación, pasando a ser, ente 2000 y 2003, Viceconseyeru d’Educación. Yá en 2003 convirtióse en Conseyeru d’Educación y Ciencia, cargu que dexa agora por sorpresa. 4 d'agostu, 2010 0 FacebookTwitterPinterestEmail
Educación La UABRA entamó la so primer edición agospiada pola sociedá canguesa by asturnet 3 d'agostu, 2010 El Conseyeru d’Educación y Ciencia, José Luis Iglesias Riopedre,calificó esti llunes a la Universidá Asturiana de Branu (UABRA) como un exemplu a siguir pa esparder la cultura asturiana, na inauguración d’est proyeutu qu’entamen la Universidá d’Uviéu y l’Academia de la Llingua, colsofitu de la Conseyería d’Educación y Ciencia y l’Ayuntamientu de Cangas del Narcea, villa na que tará la so sede permanente. La Universidá Asturiana de Branu foi presentada nun actu nel salón del institutu públicu de Cangas nel que tamién participaron el Vicerrector d’Informática y Comunicaciones, Víctor Guillermo García García; la Presidenta de l’Academia de la Llingua, Ana Cano; l’Alcalde de Cangas, José Manuel Martínez; y el Direutor de la UABRA, Xosé Antón González Riaño. Un actu nel qu’hebo una presencia granible de la sociedá canguesa y qu’amuesa l’aciertu de tornar a Cangas depués de dellos años nos que los cursos de branu de l’Academia se desenrrollaren n’Ibias, conceyu d’onde costó enforma a l’Academia marchar esti añu pela granible acoyida que Santantolín ufrió siempres a los participantes nesos cursos. El Conseyeru d’Educación, que fixol so discursu dafechu nasturianu como tolos demás participantes nel actu, definió la UABRA como aventura formativa y pedagóxica, queriendo dexar afitao que’l Principáu d’Asturies yá completó’l desendolcu curricular de la llingua asturiana en toles etapes educatives: por mor d’ello felicitose y felicitó a les instituciones presentes como exemplu a siguir nel dificil procesu nel que participen. La presidenta de l’Academia de la Llingua Asturiana, Ana Cano, nun dexó de facer un llamáu na so presentación a que la oficialidá ye la meta que tien l’Academia, porque ensin ella nun hai futuru pa la UABRA y pa los falantes d’asturianu. Los Cursos y xeres complementaries desendólquense hasta’l 13 dagostu y nellos van participar al rodiu de 150 persones. Esti mesmu llunes, dientro de les Actividaes Abiertes desta edición de la UABRA, tuvo llugar la inauguración, a les 12:00 hores, de la esposición del artista Adolfo Manzano «pequeñes nubes nel cielu, nel xardín xuxurios» na Casa de Cultura Palaciu Omaña de la villa canguesa. 3 d'agostu, 2010 0 FacebookTwitterPinterestEmail
Educación La primer edición de la Universidá Asturiana de Branu entama güei en Cangas by asturnet 2 d'agostu, 2010 A la una la tarde desti llunes, 2 dagostu, el Salón dActos del Institutu de Cangas del Narcea va acoyer la inauguración de los Cursos y Actividaes Abiertes de la Universidá Asturiana de Branu (UABRA), un proyectu lleváu a cabu gracies a la collaboración ente lAcademia de la Llingua Asturiana, la Universidá dUviéu y el Conceyu de Cangas del Narcea. Nel actu intervendrán el Conseyeru dEducación, José Luis Iglesias Riopedre, el Vicerrector dInformática y Comunicaciones, Víctor Guillermo García, la Vicerrectora dEstensión Universitaria, Cultura y Deportes, Covadonga Betegón, la Presidenta de lAcademia, Ana Cano; lAlcalde del Conceyu de Cangas del Narcea, José Manuel Martínez González; y el Director de los Cursos, Xosé Antón González Riaño. Los Cursos y xeres complementaries desarrollaránse ente los díes 2 y 13 dagostu y nellos van participar al rodiu de 150 persones. Esti mesmu llunes, dientro de les Actividaes Abiertes desta edición de la UABRA, tendrá llugar la inauguración, a les 12:00 hores, de la esposición del artista Adolfo Manzano «pequeñes nubes nel cielu, nel xardín xuxurios» na Casa de Cultura Palaciu Omaña de la villa canguesa. Conteníos Los cursos más tradicionales, nivel básicu, avanzáu y capacitación pa torna, van siguir tando dientro de la Estensión Universitaria de la Universidá dUviéu, anque esti añu lAcademia pon especial interés na formación de los periodistes y profesionales de los medios de comunicación, acutando 10 places del cursu elemental pa periodistes n’activo o persones qu’amuesen una rellación profesional col ámbitu de la prensa. El cursu básicu de llingua asturiana inclúi, con 60 hores llectives, un repás peles Normes ortografiques, la sociollingüística aplicada al casu asturianu, exercicios escritos, situaciones comunicatives escrites y orales, y un averamientu a la Lliteratura Asturiana. Pela so parte, lAvanzáu, col mesmu númberu dhores, adiéntrase nel estudiu de la llingua asturiana estándar y la so presencia na sociedá de lAsturies de güei, plantegando tamién situaciones comunicatives escrites y orales, más complexes, aspeutos de la cultura asturiana y de la Historia d’Asturies, un repás a la Lliteratura asturiana contemporánea y un pequeñu cursu de téuniques de creatividá lliteraria. Más cursos dafondamientu que nunca. No que cinca a los Cursos d’Afondamientu Cultural y Llingüísticu, les novedaes son abondoses nesta ocasión. Como cada añu va celebrase un cursu de Capacitación pa la Traducción al Asturianu, de 35 hores, del 2 al 6 d’agostu, y embaxo la dirección de Xosé Lluis García Arias, y la collaboración de los profesores Ana Mª Cano y Xosé Antón González Riaño. Nel cursu preséntense los presupuestos teóricos que rixen la traducción a una llingua minoritaria, teniendo en cuenta, de mou especial, l’exerciciu de tornes de testos lliterarios y periodísticos y de testos llegales y científicos. El cursu dedicáu a les nueves tecnoloxíes va ser esti añu Internet y asturianu: aplicaciones socio-educatives, va celebrase del 2 al 6 d’agostu, y nes sos 35 hores va sirvir pa ufiertar nueves y prestoses posibilidaes pa que’l profesoráu de Llingua Asturiana d’Educación Primaria y Secundaria pueda acceder a los recursos qu’ufre la rede y pueda diseñar, llueu, xeres y actividaes d’aula pal deprendizax oral y escritu de la Llingua Asturiana. El so coordinador ye David Guardado y nél inxértense tamién como profesores Xulio Berro y Xabiel García Pañeda. Una de les novedaes más llamatives desta Universidá de Branu va ser el Cursu daveramientu a la llocución periodística en llingua asturiana, que se celebra tamién del 2 al 6 d’agostu y que ta plantegáu col envís de que los periodistes y trabayadores de los medios de comunicación (o persones interesaes nel tema) cunten, dende una cierta conocencia llingüística, con ferramientes afechisques pa facer un primer averamientu a la llocución (radio y tv.) en llingua asturiana. El so coordinador ye Próspero Morán, director dAsturnews y nél inxértense tamién otros profesores como Rubén Martín-Llames, Cristobla Ruitiña, presentador dinformativos en TPA y Sonia Avellaneda, conductora de programes de radio na RPA. Sicasí, les novedaes nun terminen ehí, esti añu, y entel día 9 y el 13 dagostu, van celebrase otros cursos nuevos, yel casu del de Cantares, bailles ya instrumentos musicales asturianos, empobináu por Xuacu Amieva, cola participación de Xosé Antón Fernández Ambás, Maribel Parrondo y Covadonga González Muñiz. Nel cursín va afondase nel conocimientu de los cantares, bailles ya instrumentos populares asturianos dende la perspeutiva de la so presencia na escuela. D’esti mou, trátense aspeutos de la presencia de bailles, cantares ya instrumentos na cultura tradicional y les fiestes populares, siempre col enclín d’amosar el so valir educativu. Otru de los cursos entamaos pola ALLA va ser La lliteratura asturiana nel aula dEducación Primaria, empobináu por Iris Díaz Trancho y cuntando con Pablo Rodríguez Medina y Xandru Armesto como profesores. Trátase d’un cursu que tien como oxetivul tratamientu de la lliteratura asturiana nel marcu de la Educación Primaria. Pa ello, propónense cuatro bloques de conteníos, dixebraos en «Lliteratura infantil y xuvenil nasturianu», «Aprovechamientu didáuticu de los testos nasturianu», «Aplicaciones interactives de la lliteratura en llingua asturiana» y «Creación lliteraria en llingua asturiana». Asina mesmo, esti cursu va cuntar con delles actividaes de calter complementariu. Otros cursos bien importantes esti añu van ser el daniciu a la investigación dialeutal, toponímica y de tradición oral, dirixíu por García Arias, y empobináu especialmente a estudiantes y llicenciaos o espertos y especialistes en Filoloxía que quieran afondar nes téuniques rellacionaes colos trabayos de campu, encuestación y primeros pasos na investigación y descripción llingüística y na toponímica y na de la lliteratura oral; y el cursu dentamu a la investigación hestórica de la llingua asturiana que dirixe Ana Mª Cano y nel que tamién participen, ente otros, como profesores José Ramón Morala, Clara E. Prieto y Xosé Lluis García Arias, afondando na conocencia de la hestoria esterna ya interna de la llingua asturiana y les carauterístiques del actual procesu de normalización. Amás, y dientro del programa de formación de profesoráu en gallego-asturianu, celebráse la segunda fase del cursu, con práctica escrita y oral de gallego-asturiano, averamientu a la lliteratura actual y plantiamentos didácticos. 2 d'agostu, 2010 0 FacebookTwitterPinterestEmail
Educación El CUPA ve nes fusiones de facultaes un bon momentu pa la rotulación billingüe by asturnet 15 de xunetu, 2010 El Conceyu Universitariu pol Asturianu (CUPA) anunció lunvíu a la Universidá dUviéu, y siguiendol trámite de consultes abiertu por esta, una propuesta pa que les nueves facultaes, de recién creación pola fusión dotres, (Facultá de Ciencies de la Salú y Facultá dHumanidaes) usen na so cartelería nueva, la denomación billingüe. El CUPA camienta importante facer visible lusu del asturianu dientro de la Universidá y recuerda questa midida nun supón absolutamente nengún gastu estra y, amás, respuende a la llexislación vixente, quobliga a la promoción del asturianu dientro de la Universidá. La midida, respuende amás, recuerden dendel CUPA, a lo prometío pol Rector Vicente Gotor. Apocayá, la organización estudiantil propunxo a la Universidá dUviéu que la nueva imaxe corporativa, que va estrenase pola mor del proyectu de Campus dEscelencia, use la forma billingüe nes sos tipografíes. 15 de xunetu, 2010 0 FacebookTwitterPinterestEmail
Educación El sistema de concentración acaba coles escueles rurales de Carrió y Tamón by asturnet 6 de xunetu, 2010 El conceyu de Carreño va ver pesllaes el próximu cursu dos escueles rurales más. La falta descolinos nestes dos parroquies rurales faen que los neños de Carrió y Tamón tean dacudir a la escuela de Candás de magar el próximu cursu. El pieslle forma parte de la política educativa que dende va décades apuesta pola fin de la educación en centros rurales, en favor descueles más grandes centralizaes davezu nes cabeces de conceyu. 6 de xunetu, 2010 0 FacebookTwitterPinterestEmail
Educación La Universidá d’Uviéu convoca 144 beques de collaboración by asturnet 1 de xunetu, 2010 La Universidá d’Uviéu convoca 26 beques pal cursu académicu 2010-2011, dirixíes a estudiantes matriculaos que cumplan les condiciones de cada destín. La duración de la beca va ser dende la fecha de nomamientu hasta’l 30 de xunu de 2011, pudiendo ser prorrogada mientres el mes de xunetu por necesidaes del serviciu. Les solicitúes y la documentación correspondiente a los méritos alegaos van poder presentase hasta’l día 9 de xunetu. Les Bases tán nel BOPA del 29 de xunu. Amás, convóquense tamién, col mesmu plazu, 118 beques de collaboración pa los servicios informáticos. 1 de xunetu, 2010 0 FacebookTwitterPinterestEmail
Educación SUATEA denuncia que’ sueldu’l profesoráu merma más del 5% by asturnet 22 de xunu, 2010 Los retayos salariales previstos nel real decretu 8/2010 pol que sadopten midíes estraordinaries pa la merma del déficit públicu van llevase a cabu en toles nómines dende xunu a avientu de manera que nel conxuntu del añu 2010 se faiga una merma global añal del 5% en tol sector públicu afectando más a los grupos que más cobren. Esto, na práctica, fadrá que les nómines del profesoráu, de xunu a avientu, mermen un cachu más desi 5%, según denunciaba esti día SUATEA. Nel comunicáu nel que SUATEA facía esa denuncia, dicíase que “un proyectu de llei del Principáu dAsturies de midíes urxentes de contención del gastu y en materia fiscal pa la merma del déficit públicu, que se votará (paez ser quel día 9 xunetu) na Xunta Xeneral, regulará cómo se fadrá esa merma nes nuestres nómines. Demientres nun sapruebe la nuestra llei, tien calter básicu la estatal y la mengua solo afectará a les pagues básiques: sueldu y trienios. Los complementos son de competencia autonómica”. En conceyu informativu celebráu ayeri cola alministración, treslladáronmos que la merma nes pagues básiques (sueldu + trienios) no que queda dañu, tendrá una media estimada por grupos quapaez na tabla Grupu A1 Grupu A2 Grupu C1 Grupu C2 Grupu E -9.72% -6.46% -3.90 -0.38 0% En casu daprobasel proyectu llei asturianu, los retayos cincarán tamién a tolos complementos nes cantidaes que se determinen nelli (previsto: -3.65% en complementu específicu y complementu de destín; y un 5% en tolos demás complementos) y con efectos retroactivos de merma a 1 se xunu de 2010. Con toos estos datos escláriase que la merma pal profesoráu ye un cachu mayor del 5%. A estos inalmitibles retayos nos sueldos hai que sumar los que yá se tán faciendo nes plantiyes y se tienen previsto facer ( 28 millones deuros menos en gastu personal de dalgún sitiu tienen que salir). Estos díes, lalministración, vía postal nunos casos y telefónica notros, ta informando a los centros de retayos dunidaes, axustes horariu llectivu al máximu, recortes de programes educativos, lanunciada reconversión de los servicios dorientación, despidos de profesoráu interín enantes dacabar contratu nes Escueles de Música y Idiomes son dalgunos exemplos. Según SUATEA “la conseyería Educación escolingó, hai poco nInternet, el calendariu dactuaciones dúltimos de cursu nuna fueya que nun tien nenguna validez xurídica al nun dir avalada por nenguna disposición reglamentaria y nella figural calendariu pa sacar les llistes de persones desplazaes por insuficiencia dhorariu. SUATEA yá alvirtió a la Conseyería Educación questa figura ye agora illegal (según avala sentencia del tribunal Supremu) y amenazó con entamar les afayadices acciones llegales contra elles. Recordar a les persones que puean ser afectaes por esta figura illegal que tienen tol derechu a permanecer nel puestu trabayu quocupen y nun aceptar el chantaxe de les propuestes de desplazamientu que-yos faiga lálministración. Toes estes midíes son solo laniciu de futuros y drásticos retayos nes condiciones de trabayu y pagues del profesoráu, que castigarán en mayor midida a los más débiles (interinos/es) questimamos llegarán a perder, en munchos casos, el puestu de trabayu. Dada la gravedá de la situación, dende SUATEA, llamamos a la participación nes movilizaciones que sentamen nestos díes”. 22 de xunu, 2010 0 FacebookTwitterPinterestEmail
Educación Política Llingüística clausuró en Tinéu la Axenda Didáutico-Escolar” by asturnet 16 de xunu, 2010 Con esta celebración dase fin a un total de 124 actividaes escolares organizaes dende la Conseyería de Cultura y Turismu, pente medies de la Direición Xeneral de Política Llingüística, y cola collaboración de la Conseyería dEducación. Les mentaes actividaes llegaron nesta edición a 194 centros públicos y concertaos (142 de primaria, 52 de secundaria y bachilleratu) del Principáu dAsturies nos que se da lasignatura de Llingua Asturiana y Gallego-Asturianu y nelles participaron cerca de 20.000 alumnos. Nesti cursu la ufierta consistió nun total de 23 talleres (lliterarios, conciertos didáuticos, teatru). Con un presupuestu de 120.000 euros, zarróse una programación que tien como oxetivu sofitar el llabor docente del profesoráu de llingua asturiana siguiendo coles iniciatives dusu y promoción llingüística. La Conseyería trabayó colos centros nel diseñu del programa ufiertáu, que tuvo una valoración mui positiva. Dende la Direición Xeneral de Política Llingüística zárrase esta Axenda dando pasu a la preparación de la Axenda Didáutico-Escolar 2010-2011 ya invitando a participar na so ellaboración a cuantes persones, grupos y compañíes de lactualidá musical, lliteraria, o teatral asina lo deseen (más información en www.politicallinguistica.org, Seición Educación). 16 de xunu, 2010 0 FacebookTwitterPinterestEmail