Plástiques El CAOficialidá presenta la so IV amuesa d’obres d’arte pola oficialidá by asturnet 18 de marzu, 2008 El Conceyu Abiertu pola Oficialidá organiza un añu más, y dende esti martes 18 de marzu, la cuarta edición de l’Amuesa d’Obres d’Arte pola Oficialidá. La sala que va acoyer les obres de ochenta y ocho artistes asturianos, dende’l 18 de marzu hasta’l 12 d’abril, ye’l Centru Cultural Capistrano de Villaviciosa. A la inauguración, que va cellebrase a les 19:00 hores van asistir Fernando Ornosa, representante del Conceyu Abiertu pola Oficialidá y Anxel Nava del Foru Arte Ciudá, entidá coordinadora de l’Amuesa. 18 de marzu, 2008 0 FacebookTwitterPinterestEmail
Plástiques La Fundación Muséu Evaristo Valle homenaxea a Camín by asturnet 18 de marzu, 2008 Joaquín Rubio Camín, artista multidiscuplinar xixones y un de los más reconocíos de la rexón, ve ser el centru d’un homenaxe en Xixón. La Fundación Museu Evaristo Valle, en Somió va acoyer esti martes 18 de marzu la proyección del vidiu “Camín escultor” y un recital musical al cargu del ñetu y el sobrín de Camín, Bruno Ordozgoiti Rubio y Oscar Ibarra Rubio. L’homenaxe al pintor llega na so ciudá natal, villa na que puen vese delles escultures d’elli como les figures d’hormigón en Beguña, l’altar de la ilesia de San Pedro o la escultura de Francisco Carantoña. 18 de marzu, 2008 0 FacebookTwitterPinterestEmail
Plástiques Ellen Kooi espón les sos semeyes nel Espacio Líquido de Xixón by asturnet 17 de marzu, 2008 Dende va unos y hastal 19 dabril va tar abierta al públicu en Xixón y dientro de la galería Espacio Líquido la obra fotográfica dEllen Kooi. Holandesa ñacida en 1966 y formada académicamente na so Holanda de ñacencia. Lautora tien espublizaes obres en París, Nueva York, Bruseles o San Francisco, y tien obra en colecciones públiques y privaes en tol mundiu. 17 de marzu, 2008 0 FacebookTwitterPinterestEmail
Comunicación La Uiquipedia supera los 11.000 artículos y entama La Quincena a Sestaferia pa meyorar los conteníos by asturnet 14 de marzu, 2008 La enciclopedia dixital más conocida de la rede superó esta selmana los 11.000 artículos na so edición nasturianu y los responsables de la mesma busquen agora non tanto medrar en númberu como facelo en calidá de los artículos. Pa ello, entamen la La Quincena a Sestaferia un proyectu entamáu col envís dameyorar, enachar y encadarmar la Uiquipedia a lo llargo de quince díes. La idea de los responsables ye facela más útil y afitala como una ferramienta pal espardimientu del asturianu na rede. Los oxetivos desta sestaferia son enanchar entamos, iguar errores ortográficos, duiquificación o de conteníu, iguar plantíes y estandarizales colos artículos venceyaos, tornar testos d’imáxenes que tean n’otra llingua estremada al asturianu, estandarizar el rexistru llingüísticu, categorizar y remocicar les páxines de les mesmes y añadir interuikis. Pa los responsables, Nesta primer edición ye importante procurar nun crear artículos sinón remocicar los yá esistentes, poniendo especial procuru nos artículos de los países, daqué fundamental d’una enciclopedia y mirando pola calidá (y veracidá) de los artículos rellacionaos con Asturies. Visita la Uiquipedia n’asturianu 14 de marzu, 2008 0 FacebookTwitterPinterestEmail
Plástiques Una amuesa pal públicu infantil recueye’l trabayu de ilustrador Svjetlan Junakovic by asturnet 13 de marzu, 2008 El centru de cultura Antiguu Institutu de Xixón va acoyer dende esti xueves 13 de marzu una nueva esposición empobinada al públicu infantil, nesti caso col arte de la ilustración como exe central de la mesma. “‘El gran libro de los retratos animales” va llevar al centru municipal xixones, el trabayu del pintor y fotógrafu croata Svjetlan Junakovic, en una coleición de retratos animales inspirados en grandes obres pictóriques de distintes dómines. 13 de marzu, 2008 0 FacebookTwitterPinterestEmail
Plástiques El Muséu Barjola de Xixón convoca una beca dartes plástiques by asturnet 4 de marzu, 2008 Hastal 21 dabril ta abiertul plazu pa presentase a la beca convocada pol Muséu Barjola pa facer un proyectu espositivu na Capiella de la Trinidá, asitiada nel propiu centru. La dotación ye de 6000 euros y les bases tán espublizaes nel BOPA de 19 de febreru. Bases completes de la beca 4 de marzu, 2008 0 FacebookTwitterPinterestEmail
Plástiques Los premiaos del Concursu de Cómic nAsturianu Comarca de la Sidra lleguen a Llangréu by asturnet 26 de febreru, 2008 Dende mediaos de febreru y hastal próximu 7 de marzu, la Sala dEsposiciones de la Casa la Cultura de Sama acueye les obres premiaes nel V Concursu de Cómic nAsturianu de la Comarca la Sidra. El xuráu desti quintu concursu otorgó-y el premiu al dibuxante Alfonso Zapico Fernández pola obra titulada Les Cuentes de Gasparín. 26 de febreru, 2008 0 FacebookTwitterPinterestEmail
Plástiques Noé Baranda, va zarrar en Xixón el ciclu d’esposiciones itinerantes del programa CREACION by asturnet 25 de febreru, 2008 Esti llunes 25 de febreru va tener llugar en Xixón l’actu de clausura del programa CREACIÓN, na sala Astragal de la villa xixonesa de magar les 12:30 hores. Nel actu, que va servir pa facer balance de les actividaes feches, van participar dellos alcaldes de los conceyos de la Comarca de la Sidra y los responsables de la Obra Social y Cultural de Cajastur, que son les entidaes que punxeren en marcha esti ciclu d’esposiciones. L’ultimu de los artistes que tuvieren ocasión d’esponer la so obra dientro del programa CREACION foi Noe Baranda, ganador de la Bienal de Arte Emerxente coloes obre de “Entre las flores”, que esti llunes finen la so iterancia poles sales asturianes. 25 de febreru, 2008 0 FacebookTwitterPinterestEmail
Plástiques L’Atenéu de la Calzada recueye una amuesa de semeyes sobre’l Che Guevara by asturnet 25 de febreru, 2008 L’Ateneu de La Calzada en Xixón ta esponiendo nes sos instalaciones una amuesa que recueye cartelería rellacionada cola imaxen del Che Guevara, nuna esposición que quier rendir homenaxe al revolucionariu. La colección ta formada por semeyes feches en Cuba a cartelos qu’ilustraben la figura del guerrilleru, munchos dellos inspiraos na famosa fotografía qu’Alexander Korda fizo del Che durante’l funeral poles víctimes de la explosión de Coubre. L’horariu de visites ye de 09:00 a 21:00 hores. 25 de febreru, 2008 0 FacebookTwitterPinterestEmail
Comunicación El Garrapiellu entama una charra-coloquiu cola proyección del documental Asturies, paraísu industrial by asturnet 21 de febreru, 2008 El Garrapiellu, grupu cultural bien conocíu por mor de facer tolos años la ruta andariega a dende Xixón a Cuadonga y les Olimpiaes de Xuegos Tradicionales nel muséu Pueblu dAsturies, ente otres actividaes. Entama güei, xueves 21 de febreru a les 19:30 hores, una charra-coloquiu nos llocales de la Sociedá Cultural Xixonesa, na cai Belmonte de Miranda, 4, entlu. Dcha. en Xixón. Nesti actu va ponesel documental Asturies, Paraísu Industrial. Amás desta película va tar otru ponente, Antonio Rodríguez Dosantos. El documental, Asturies, Paraísu Industrial, yel primer llargometraxe dirixíu por Koncha Rodríguez y Kela Coto. Según la propia direutora, Konchi, la so ellaboración foi apasionante, porque al dir avanzando nel trabayu diben alcontrándose con datos tan importantes como pa nun poder inoralos, sobre too no que cinca a los estraños argumentos que se dan a veces pa lluchar escontra del cambéu climáticu. Poro, la grabación foi un auténticu descubrimientu pal propiu equipu. Konchi lleva cinco años faciendo curtiumetraxes. Nel 2004 presentó al Festival de Cine de Xixón El aparcamiento, que foi premiáu na seición del Día dAsturies, y que dempués foi presentáu notros festivales, incluyendo Canadá ya Italia. Antes fizo La vida en un corto, documental sobre la vida duna inmigrante de Cabu Verde en Xixón, subvencionáu pol Principáu dAsturies. Antonio Rodríguez Dosantos ye un activu ecoloxista, direutor del Grupu GREEN, criáu en 1994, y editor d’AsturiasVerde.com. Hai poco espublizó Historias para mortales, una recopilación de rellatos, dalgunos premiaos en certámenes lliterarios, que traten temes como la inmigración, la violencia de xéneru, el retornu al pasáu pa liquidalu, los deseos obsesivos, les pantasmes que viven dientro dún y los que nos observen dende fuera. Obres escrites con un xeitu góticu y humor ácidu. Lautor esperimenta con estilos nuevos, comol de les lleendes urbanes, con narraciones con un ritmu cuasi llíricu, como nel casu de Toda la verdad sobre puertas y portazos, o cola utilización del xéneru de ciencia ficción pa contar un fábula sobre verdaes y mentires. 21 de febreru, 2008 0 FacebookTwitterPinterestEmail