Cooperación Valledor pieslla l’Alcuentru de la Mocedá Asturiano de Suramérica by asturnet 22 de xineru, 2007 El Conseyeru de Relaciones Esteriores Francisco Javier García Valledor clausuró’l II Alcuentru de la Mocedá Asturiana del Conu Sur. Nesti Alcuentru la mocedá asturiana tuvo representada pol presidente del Conseyu de la Mocedá d’Asturies, Paulino Feito; Feito nel trescursu del mesmu robló un alcuerdu pol que la entida representativa de la mocedá del país dará sofitu técnicu y material a la mocedá asturiana de suramérica. Los alcuentros cellebraos en Viña del Mar, Chile, dende’l 18 de xineru hasta’l 22, constituyeron la I Asamblea de l’Asturianía Moza Americana. Nel alcuentru participaron 112 mozos y moces en representación de los diferentes Centros Asturianos del Conu Sur americanu. El Conseyeru de Xusticia felicitó a la mocedá asturiana americana pol so compromisu de participación y n’especial con Asturies al tiempu que-yos recordó que la so xera ye “histórica”. Valledor citó que la iniciativa de constituyir una asociación de mozos astur-americanos ye inédita nel conxuntu del estáu. El Conseyeru refirióse, tamién, a los Centros Asturianos a los que calificó como d'”auténtiques embaxaes d’Asturies” y a les que nomó como entidaes “imprescindibles pal desendolcu económicu y social d’Asturies”. 22 de xineru, 2007 0 FacebookTwitterPinterestEmail
Cooperación SUATEA aconceyó col Grupu Parlamentariu d’Izquierda Xunida by asturnet 20 de xineru, 2007 Jesús de la Roza y Llinu Álavrez del Secretariáu de SUATEA aconceyaron con Noemí Martín y Paloma Uría diputaes del Grupu Parlamentariu d’Izquierda Xunida cola fin de treslladar la so esmolición pola decisión del gobiernu de ceder parte de la Universidá Llaboral al grupu empresarial Thyssen Krupp. Dende SUATEA la cesión al grupu empresarial d’una parte de les instalaciones del Centru Integráu de Formación Profesional de Xixón, nome actual de la Universidá Llaboral de Xixón, denúnciase que los conteníos del alcuerdu de cesión nun son conocíos, asina como tamién se desconocen les contrapartíes ufríes pola multinacional. El conceyu valió tamién pa que los representantes del sindicatu educativu amuesaren la so indignación y “total repulsa” a la intención de la Conseyería d’Educación d’escorripiar darréu a los más de 100 del Ciclu Formativu d’Actividaes Deportives. Esti Ciclu ocupaba unes instalaciones inauguraes hai menos d’un añu, y nun hai previsión de que na Universidá Llaboral se vaya construyir un polideportivu nuevu. Nesti sen SUATEA denuncia que la decisión de la Conseyería nun se comunicó nin a los sindicatos nin a la Xunta de Personal Docente non Universitaria como ye “preceptivu” al cambiar los usos de les instalaciones educatives. Dientro del alcuentru SUATEA plantegó a les responsables del Grupu Parlamentariu d’Izquierda Xunida la necesidá de que la fuerza d’izquierdes “faga lo posible pa que nos futuros desarrollos de la LOU la escuela pública nun seya la más perxudicada”. La situación de la enseñanza del asturianu foi otru de los temes abordaos pidiendo dende SUATEA la creación de la especialidá de mayestru d’asturianu, asina como la catalogación de les places y la convocatoria de les oposiciones correspondientes pa poner clas d’asturianu. Los representantes de SUATEA incidieron na necesidá de catalogación de los estudios d’asturianu, entendiendo que la situación actual de los mesmos ye alegal asina como única nel restu del estáu. La catalogación de los estudios ye una midida necesaria de cara a la preparación, dignificación, de los mesmos. Dientro d’esti procesu inxertaríase la creación de les llicenciatures y diplomatures correspondientes, asina como la convocatoria d’oposiciones, les últimes daten d’hai más de 10 años. Nuna pallabra consistiríen facer de la enseñanza del asturianu una materia normal. SUATEA 20 de xineru, 2007 0 FacebookTwitterPinterestEmail
Cooperación Esposición sobre la vida de les muyeres palestines by asturnet 18 de xineru, 2007 El Colectivu Milenta Muyeres presenta’l 19 de xineru, a partir de les 19,30 hores na Galería Espacio Líquido de Xixón, los materiales de la campaña de solidaridá cola causa de les muyeres palestines que l’asociación feminista vien desenvolviendo. Ente estos materiales destaca la edición del llibru “Palestinas” nel qu’a les ilustraciones de Toni Acebal s’axunten les firmes d’escritores como Rosa Regás, Nuria Varela, Pilar Rubiera, Beatriz Redondo o Berta Piñán. Amás d’esti llibru l’amuesa instalada na Galería Espacio Líquido constará d’una videoinstalación del colectivu Fiumfoto titulada “Biladuna, Nuestra Patria”, un trabayu conceptual qu’arrodia al espectador y que lu adentra dientro de la realidá del pueblu palestín. El colectivu Women in War (Muyeres en guerra) presentá dientro d’esta campaña la so instalación d’elementos audiovisuales venceyaos a la guerra en xeneral, y al papel de la muyer na mesma en particular. L’amuesa complétase cola esposición de les semeyes de la fotógrafa asturiana Eva Pividal sobre’l pueblu palestín. 18 de xineru, 2007 0 FacebookTwitterPinterestEmail
Cooperación Cursu de Xíriga en Llanes by asturnet 12 de xineru, 2007 La Casa Municipal de Cultura de Llanes abre’l plazu d’inscripción nel programa de Cursos Municipales pal añu 2007, que convoca l’Ayuntamientu de Llanes en colaboración cola Obra Social y Cultural de Caxastur. Énte los cursos ufiertaos destaca’l de Xíriga, que se fae cola fin de mantener el llinguaxe de los teyeros del conceyu. Amás hai cursos sobre teatru, o encuadernación. 12 de xineru, 2007 0 FacebookTwitterPinterestEmail
Cooperación Xornaes sobre “Emigración y retornu. Un derechu constitucional” by asturnet 10 de xineru, 2007 Cruz Bermeya y el Serviciu d’Atención y emplegu a emigrantes retornaos organicen unes xornaes denominaes “Emigración asturiana y retornu. Un derechu constitucional, un derechu real” durante los díes 1 y 2 de febreru nel Centru Municipal de L’Arena de Xixón Les actividaes y l’horariu de les mesmes son como se detallen darréu. 1º Día. Xueves 1 de febreru. 09:30 h. Recepción y entrega d’acreditaciones y documentación. 10:30 h. Apertura de les xornadas. ” Cruz Bermeya y otres intervenciones en función de posibilidaes. Esplicación de la metodoloxía y desendolcu de les xornaes. 11:00 h. 1º mesa redonda. “La emigración asturiana y el retornu: les dimensiones sociales y culturales”. ” Universidad de Oviedo, Archivo de Indianos, Museu del Pueblu d’Asturies, FICA. Modera Universidad de Oviedo. 14 h. Xinta. 16h. 2º Mesa redonda. “El marco llegal y les respuestes globales hacia la emigración española y el retornu”. ” Dirección Xeneral d’Emigración del MTAS, Secretaria Xeneral de Emigración de la Presidencia de Galiza, Axencia Asturiana d’Emigración, F.E.A.E.R. Modera FICA. 18:30 h. 1º Sesión de comunicaciones y mesa redonda sobre “Los problemes del retornu”. ” CCRPE, Conseyu Xeneral de la Emigración, FEAER, AEERA, APIAERPA. Modera Axencia Asturiana d’Emigración. 2º Día. Vienres 2 de febreru. 09 h. 2º Sesión de comunicaciones y mesa redonda sobre “Les respuestas actuales: esperiencies y programes concretos sobre’l retornu”. ” Dirección Xeneral d’Emigración del MTAS, Secretaria Xeneral d’Emigración de la Presidencia de Galiza, Axencia Asturiana d’Emigración, SASER y Cruz Bermeya, F.E.A.E.R. Modera Conseyu de Comunidaes Asturianes 12:30 h. Sesión de talleres sobre “Nueves respuestes y posibilidaes de trabayu”. ” Mocedá. Conseyu de la Mocedá del Principáu d’Asturies (CMPA), Cruz Bermeya Mocedá. ” Muyer. AEERA, APIAERPA. ” Mayores. ERA, APIAERPA, Cruz Bermeya. ” Información y asesoramiento pal retornu, integración y accesu a los recursos y servicios sociales. Axencia Asturiana d’Emigración, VIPASA, SASER-Cruz Bermeya. ” Inserción llaboral, formación y empleabilidá. Cruz Bermeya plan d’Empléu y FADE. ” Conocimientu, analís y sensibilización sobre la emigración y el retornu: l’Observatorio. Cruz Bermeya, AEERA y Universidad de Oviedo. 14 h. Xinta. 16 h. Vuélvese a la sesión de talleres. 17: 30 h. Puesta en común y conclusiones de los talleres. 19 h. Pieslle de les Xornaes. ” Por representantes de: Conseyería de Xusticia y Axencia Asturiana d’Emigración, Conseyería de Vivienda y Bientar Social, Ayuntamientu de Xixón y Cruz Bermeya Española. 20:30 h. Actu cultural y espicha. 10 de xineru, 2007 0 FacebookTwitterPinterestEmail
Cooperación II Alcuentru de l’Asturianía moza del Conu Sur by asturnet 6 de xineru, 2007 La ciudá chilena de Viña del Mar acoyerá’l 2º Alcuentru de la Mocedá pola Asturianía del Cono Sur. L’Alcuentru cellebraráse dende los díes 18 al 22 de xineru. El Conseyu de la Mocedá del Principáu d’Asturies entamará los actos de l’Asamblea y presentará la Oficina Virtual d’apoyu a l’asturianía moza qu’el colectivu xuvenil asturianu pondrá a furrular cola collaboración de l’Axencia Asturiana d’Emigración. 6 de xineru, 2007 0 FacebookTwitterPinterestEmail
Cooperación Amuesa Artística d’ACSUR-Las Segovias by asturnet 29 d'avientu, 2006 L’asociación Acsur-Las Segovias entamó una amuesa solidaria de pieces d’arte. L’amuesa ta nel Café Xixón hasta’l día 15 de xineru. Los fondos algamaos cola venta d’estes obres empobinaránse a la realización de los más de 120 proyectos que vien realizando l’asociación ACSUR-Las Segovias na cooperación y solidariedá internacional 29 d'avientu, 2006 0 FacebookTwitterPinterestEmail
Cooperación Estudiu sobre la emigración asturiana by asturnet 26 d'avientu, 2006 El Conseyu de la Mocedá del Principáu d´Asturies (CMPA) dientro de la so llinia d´estudios sobre la situación de la mocedá asturiana, tá faciendo una investigación sobre la ´Realidá de la mocedá asturiana nel Esterior´. Esta investigación inscríbese dientro de los oxetivos que se planteen nel Plan Integral d´Emigración 2004-2007, que desenvuelve l’Axencia d’Emigración en collaboración cola institución xuvenil L´Oxetivu concretu d´esti estudiu ye dar a conocer la situación na que viven les y los mozos que, por decisión propia u obligaes/os poles circunstancies, trabayen fuera del país. El CMPA pide la collaboración de la comunidá asturiana nel esterior pa poder desnvolver esti estudiu. L’estudiu fadráse depués d’algamar la información mediante un cuestionariu. El desarrollu de la investigación fadráse ente los y les asturianes que tuvieron que buscar nuevos nortes lloñe del país. 26 d'avientu, 2006 0 FacebookTwitterPinterestEmail
Cooperación Isaac Turienzo presentó “Jazz de Raíz” by asturnet 20 d'avientu, 2006 El pianista Isaac Turienzo, al que la crítica considera l’herederu de Tete Montoliu, presentó ayeri’l so últimu trabayu, “Jazz de Raíz”. Xunta a Turienzo participen Miguel Ángel Chastang al contrabaxo y Tino Di Geraldo a la batería. El triu compuestu por esto tres músicos asturianos vien faciendo dende hai un tiempu delles xires nes qu’amuesen la so gran calidá musical, asina como la bona adaptación de la música tradicional asturiana al xéneru jazzisticu. Esta adaptación desenvolvióla dafechu’l pianista nel so discu Made in Asturies nel que les pieces de la música de raiz asturiana yeren interpretaes colos ritmos y sones de la música jazz. . 20 d'avientu, 2006 0 FacebookTwitterPinterestEmail
Cooperación Uviéu s’axunta a la cellebración d’Amnistía Internacional Ciudaes pola vida, ciudades contra la pena de muerte by asturnet 30 de payares, 2006 Un cañón de lluz va proyectar sobre’l Teatru Campoamor d’Uviéu el llema “Non a la pena de muerte” durante tola nueche del 30 de payares. Representantes de los grupos políticos, con representación municipal, participarán nun actu contra la pena capital a partir de les 20,00 nel Teatru Campoamor. Uviéu va participar na V Xornada Internacional “Ciudaes pola vida, ciudaes contra la pena de muerte” que se cellebra’l 30 de payares. La iniciativa, recordatoria de la primera abolición de la pena de muerte na llexislación d’un estáu européu, por parte del Gran Ducáu de Tosacaba en 1786, ta convocada pola Coalición Mundial contyra la pena de muerte y la so promotora a nivel internacional ye la Comunidá de San Egidio y aministía Internacional nel Estaú español. Otros conceyos asturianos como Noreña o El Franco van axuntase tamién a esta iniciativa pol respetu a los derechos humanos con delles actividaes. Con esta proyección el Teatru Campoamor axuntaráse a otros centros de relevancia mundial onde tamién se proyectará esta petición, ente ellos destaquen el Coliséu de Roma, l’Atomiun de Bruseles o la Catedral de Barcelona. 30 de payares, 2006 0 FacebookTwitterPinterestEmail