Gastronomía El 15% de la producción del vino “Rías Baixas” consúmese n’Asturies by asturnet 31 d'ochobre, 2006 Los asturianos consumen alredor del 15% la producción que se vende nel Estáu del vino comercializáu pol Conseyu Regulador de la Denominación d’Orixe “Rías Baixas”, de la que so la variedá principal procede de la uva alabariño. Esto datos diéronse a conocer nun actu de promoción, nel Hotel de la Reconquista, qu’aconceyó a más de 300 profesionales del sector como distribuidores y restauradores, asina como a 22 sumilleres asturianos que participaron nuna cata vertical na qu’analizaron vinos de delles colleches” El xerente de la Denominación d’Orixe Rías Baixas, Ramón Huidobro valoró’l mercáu asturiano al que calificó de “mauru y gran conocedor del vino blanco, como ye’l casu de los “Rías Baixas”, cada vegada más presente n’Asturies, na que la gastronomía encaxa dafechu con estos vinos”. Huidobro aseguró que la collecha d’esti año, de la que se consiguieron trenta millones d’uva, un 40% más que l’añu pasáu, ye perbona ya indicó que d’esta cantidá algamaránse unos diecinueve o venti millones de llitros. El cincuenta por cientu del vino empobínase a la comercialización fuera del estáu, esta distribución ta madrando añu tres añu, la Denominación Rías Baixas a la que pertenecen 180 bodegues gallegues, solamente nos Estaos Xuníos el volume de llitros vendíos raspió’l millón. Los vinos de la Denominación d’Orixe Rías Baixas vienen siendo galardonaos en dellos certámenes vinícoles internacionales. D’esta forma la revista con más prestixu de la viticultura “Wine Spector” incluyó a dos marques de Rías Baixas nos llistaos de los meyores vinos del añu 2005. Huidobro aprovechó la presentación n’Uviéu de la Denominación d’Orixe Rías Baixas pa incidir na necesidá d’ecucar al consumidor, cola fin de que conoza les diferencies y garantíes qu’aporten los vinos acreditaos cola contraetiqueta de Rías Baixas, frente a quellos que comercialicen ensin etiqueta. “Detectamos que, pol éxitu de los nuesos vinos acrediatos cola contraetiqueta de Rías Baixas, hai quien aprovecha la cinrcunstancia pa vender vinos qu’imiten a los de nueso; les uves d’estos vinos proceden d’otres rexones vitivinícoles españoles, asina qu’aconseyamos al consumidor asturianu que busque la seguridá na contraetiqueta de la Denominación d’Orixe, siempre que quieran prebar un vinu Rías Baixas Albariño, porque la garantía d’orixe y de calidá avalala solamente esi precintu” 31 d'ochobre, 2006 0 FacebookTwitterPinterestEmail
Gastronomía ‘De sidra y sidrerias por Xixón’, nueva guía de Serxu Solares by asturnet 28 de setiembre, 2006 Esti martes día 2 d’ochobre a les siete la tarde, el Llagar del Restaurante Bellavista de Xixón va acoyer la presentación del llibru ‘De Sidra y Sidrerias por Xixón’. Nel actu van intervenir l’autor del mesmu, Serxu Solares; l’editor Lorenzo Pañeda; y el xerente de la Sociedá Mista de Turismu de Xixón, Joaquín Miranda. Tres del esitu del llibru ‘De vinos y tapas por Asturies 2006’, del que ta prevista una edición 2007 que llegue a repitir les ventes de l’anterior (más de 1500 exemplares en dos ediciones), Serxu Solares espubliza agora ‘De Sidra y Sidrerías por Xixón’. La publicación, fecha a toa color, con ciento cincuenta páxines y más de cincuenta semeyes, fai un repasu de la cultura sidrera y del vocabulariu propiu a la mesma, ufierta dalgunes recetes creatives y al tiempu presenta una crítica de dalgunos establecimientos sidreros de la villa xixonesa. 28 de setiembre, 2006 0 FacebookTwitterPinterestEmail
Gastronomía Pablo Costales gana’l VIII Concursu d’Escanciadores de la cai Gascona d’Uviéu by asturnet 21 de setiembre, 2006 Pablo Costales foi’l ganador na categoría xeneral del VIII Concursu d’Escanciadores de la cai Gascona, quedando per detrás na clasificación Susana Ovín y Juan Carlos Iglesias, primer premiu de local y tercer premiu del xeneral. L’Asociación de sidreríes de la cai Gascona otorgó-y el premiu especial al meyor escanciador de los sos establecimientos a Fernando Fresno de la sidrería La Noceda. 21 de setiembre, 2006 0 FacebookTwitterPinterestEmail
Gastronomía Serxu Solares presenta una nueva guía sobre sidra y sidreríes de Xixón by asturnet 18 de setiembre, 2006 El próximu 2 d’ochobre a les siete la tarde, el Llagar del Restaurante Bellavista de Xixón va acoyer la presentación del llibru ‘De Sidra y Sidrerias por Xixón’. Nel actu van intervenir l’autor del mesmu, Serxu Solares; l’editor Lorenzo Pañeda; y el xerente de la Sociedá Mista de Turismu de Xixón, Joaquín Miranda. Tres del esitu del llibru ‘De vinos y tapas por Asturies 2006’, del que ta prevista una edición 2007 que llegue a repitir les ventes de l’anterior (más de 1500 exemplares en dos ediciones), Serxu Solares espubliza agora ‘De Sidra y Sidrerías por Xixón’. La publicación, fecha a toa color, con ciento cincuenta páxines y más de cincuenta semeyes, fai un repasu de la cultura sidrera y del vocabulariu propiu a la mesma, ufierta dalgunes recetes creatives y al tiempu presenta una crítica de dalgunos establecimientos sidreros de la villa xixonesa. 18 de setiembre, 2006 0 FacebookTwitterPinterestEmail
Gastronomía Mater Asturias estrena local na cai Gascona énte l’ésitu de la so franquicia en Salamanca by asturnet 27 d'agostu, 2006 Énte l’esitu de les sos franquicies, Mater Asturias va estrenar sidrería na cai Gascona con un local especializáu na sidra y orientáu a la población más moza. Centrada na sidre y la gastronomía asturiana, como seña d’indentidá, Mater Asturias ufierta amás un novedosu sistema d’escanciáu con robots escandiadores en forma de cuelebres que furrulen al travies d’una tarxeta ellectrónica de diferentes precios sigún el númberu de culinos que quiera consumir el cliente. El proyectu Mater Asturias busca’l desarrollu d’una cadena de sidreríes franquiciaes a nivel estatal, de pequeñu tamañu y dotaes de novedosos sistemes tecnolóxicos, que cuenten con un diseñu modernu, a cargu del cocineru Paco Botas, que tien como elementu básicu la sidra y qu’ufierta la gastronomía asturiana. Mater Asturias ye un proyectu empresarial nel que participa’l grupu empresarial Asturvisa, cuyu xerente ye Víctor Escalada y que ta especializáu na distribución y comercialización de productos agroalimentarios y na ellaboración de la sidra La Nozala y Escalada con DOP Sidra d’Asturies, y del grupu Santurio (La Más Barata, El Recuelo, Kiko Maracas, Duende, Century, El Corral de la Pacheca, Las Tablas de Campillín, Tapelia, Gambrinus, etc.) cuyu xerente ye Miguel Santurio. 27 d'agostu, 2006 0 FacebookTwitterPinterestEmail
Gastronomía El Ministeriu d’Agricultura y el Gobiernu Asturianu roblen un conveniu pa promocionar la sidra by asturnet 25 de xunetu, 2006 El Ministeriu d’Agricultura robló ayeri un conveniu col Gobiernu asturianu pa promocionar y meyorar la sidra, l’alcuerdu, que ta empobináu a la promoción de los productos asturianos con sellu de calidá, centraráse especialmente na sidra. Areces dio anuncia de la celebración nel primer semestre del añu que vien d’un “foru mundial de la sidra” nel que cuenta traer especialistes y productores de los paises con mayor cultura de la sidra. Elena Espinosa, ministra d’agricultura, y Álvarez Areces roblaron un alcuerdu por 857000 cola fin de promocionar el consumu de los productos asturianos con denominación d’orixe mediante la publicidá en dellos espacios audiovisuales. Pa la responsable de l’agricultura española “los consumidores nun acaben d’entender porqué han pagar el doble polos productos con denominación”. El presidente del Executivu asturianu aprovechó la presencia de la responsable española pa dar anuncia de la cellebración del I “Foru Mundial de la Sidra de calidá” au van acudir especialistes de Bretaña, Normandía, Inglaterra, Galés, Escocia, Estaos Xuníos, Canadá y Xapón. L’oxetivu d’esti foru mundial son, en pallabres del presidente Areces, “debatir los problemes y retos que se-y presenten a esta bebida singular, que nunca contó con un actu d’estes característiques” Pola so parte’l presidente del Conseyu Regulador de la Denominación d’Orixe Protexida Sidra d’Asturies, José Cardín, pidió que s’axilizara al másimu la campaña nacional de promoción de la sidra. Areces dixo qu’anguaño se ta trabayando en figures de protección pa productos como’l Chosco de Tinéu, Quesu Casín, Quesu de los Beyos y la Miel asturiano. Noticia relacionada El Gobiernu Central va destinar 600000 euros pa la promoción de la sidra asturiana 25 de xunetu, 2006 0 FacebookTwitterPinterestEmail
Gastronomía El Gobiernu Central va destinar 600000 euros pa la promoción de la sidra asturiana by asturnet 19 de xunu, 2006 La ministra d’Agricultura, Elena Espinosa, confirmó-y ayeri a la conseyera de Mediu Rural, Servanda García, que’l Gobiernu Central va destinar finalmente y 600.000 euros pa financiar la campaña de promoción nacional de la sidra asturiana, que va ser xestionada dende Asturies y que va cuntar con un presupuestu total de 900000 euros. La noticia d’esta campaña llega dos años más tarde de la fecha na que debiere ponese en marcha. Esta noticia vien a responder a les demandes de los llagareros que lleven años naguando por una acción ambidiosa que fomente’l consumu de la bebora rexonal fuera de les llendes d’Asturies. De los setenta millones de llitros que se producen al añu, la rexón consume unos trenta millones, repartiendose’l restu per España y l’estranxeru, onde sólo llega un cinco por cientu de la producción d’esti productu que cunta cola denominación d’orixe. 19 de xunu, 2006 0 FacebookTwitterPinterestEmail
Gastronomía La gastronomía asturiana llega a Bruseles de la mano de cinco restauradores de prestixu by asturnet 11 de xunu, 2006 La capital de la Europa Comunitaria va acoyer los díes 23 y 24 de xunu les primeres xornaes gastronómiques asturianes, nes que cinco representantes de la cocina rexonal van ofrecer creaciones culinaries “con tol sabor” del Principáu. Los restauradores que participarán na iniciativa son ‘chefs’ de reconocíu prestixu: Javier Loya del Río, propietariu y xefe de cocina de ‘Balneario de Salinas’; Koldo Miranda, del mesmu restorán; Julio Blanco, dueñu del salón d’alta pastelería ‘Pomme Sucre’; Rodrigo Roza, de ‘La Taberna del Zurdo’, y Marcos Morán, representante de la quinta xeneración del restorán ‘Casa Gerardo’. El menú, qu’inclúi platos d’innovación, tradicionales, postres, tapes y vinos, va ufiertase les nueches del día 23 y 24 de xunu nel restorán ‘Les Asturiennes’, metanes del corazón de Bruseles. Amás, na mañana del 24 va tener llugar un cursu de cocina –ente les 9 y les 11, hora local– nel edificiu del Principáu d’Asturies na capital belga. Nel, los cocineros van revelar secretos de dalgunos de los sos “platos insignia”, sigún indican los organizadores. Ente otros platos, los asistentes van poder saborguiar arbeyos con xamón, niguiri de caballa o gochu confitáu, productos que sedrán llevaos expresamente a Bruseles pa la ocasión. 11 de xunu, 2006 0 FacebookTwitterPinterestEmail
Gastronomía Cangas entra a formar parte de l’Asociación Española de Ciudaes del Vinu by asturnet 4 de xunu, 2006 L’Asociación Española de Ciudaes del Vinu (ACEVIN) almitió definitivamente a Cangas del Narcea como miembru, na última asamblea celebrada en Jumilla a la qu’asistió en calidá d’invitáu l’alcade cangues, Jose Manuel Cuervo. Esta asociación, de la que formen parte cincuenta y cinco socios, dende ayuntamientos a diputaciones, busca agrupar los intereses de les comarques vitivinícoles cola fin de facer un analís estratexicu promocionando y diversificando esta actividá económica. Ente los oxetivos d’ACEVIN alcuentrase la collaboración nes acciones concretes que tengan como fin el desarrollu económicu de les sos comunidaes; estudiar les formes d’intercambiu cultural, científicu, teconolóxicu y económico ente los municipios que s’integren nesta asociación; la cooperación nel ámbitu del mercáu de trabayu d’esti sector; asina como la organización de tou tipu d’alcuentros y actividaes rellacionaes col vinu. L’Ayuntamientu de Cangas estima la importancia d’esta almisión na Asociación Española de Ciudaes del Vinu, sobromanera teniendo en cuenta la marca Rutas del Vinu d’España de la Secretería Xeneral de Turismu, asina como’l Programa Calidá nos productos turísticos, que busca la integración de los servicios turísticos d’interes existentes, traduciendose na creación d’una rede de cooperación empresarial y de cooperación público-privada na que participen bodegues, restoranes, hoteles, axencies de viaxes, y tou tipu d’alministraciones. 4 de xunu, 2006 0 FacebookTwitterPinterestEmail
Gastronomía Cualloto promociona Asturies como’l país de los cuarenta quesos by asturnet 22 de mayu, 2006 L’Antigua Fábrica de l’Águila Negra de Cualloto acueye ente los díes 30 de mayu y 1 de xunu unes xornaes gastronómiques dedicaes a amosar la variedá de quesos artesanos que se producen na nuestra tierra. Organizaes poles empreses agroalimentaries Crivencar y Tierra Astur embaxo’l títulu de “Asturies, el país de los cuarenta quesos” van poder gustase toles modalidaes existentes, acompañaes con sidra de tonel y vino de Cangas; tamien ver cómo maestros artesanos maen dalgunos quesos de la especialidá típica d’Amieva conocida como “La Collada” y de metanes afondar na conocencia de la ellaboración y el calter d’un de los productos más ricos de la nuestra gastronomía. El prósimu martes día 30 de mayu va tener llugar la inauguración d’estes xornaes, nun actu de presentación a les ocho la tarde nel Club de Prensa de la Nueva España nel que se va presentar el llibu “40 quesos, 40 platos” del que ye autor el cocineru Lluis Nel Estrada. Estrada va tar acompañáu na presentación pol etnógrafu Berto Álvarez Peña y d’Enrique Campomanes, en presentación de la editorial Picu Urriellu. A les ocho y media la tarde, Jose Sariego va ser l’encargáu de presentar estes xornaes, pa dar pasu a una mesa redonda na que van intervenir Lluis Nel Estrada, Carlos Cuesta, , Javier Almendres y Marino González, amás del propiu Sariego, baxo la moderación de Cesar Suárez Junco, director xerente de Crivencar-Tierra Astur. A lo llargo de los dos díes siguientes, na sidrería Tierra Astur de Cualloto van poder degustase menús ellaboraos coles 40 variedaes queseres asturianes, asina como conocer la ellaboración del quesu conocíu como “La Collada”, que ye típicu de Cirieñu (Amieva). El xueves, día 1 de xunu, estes xornaes van tener un pieslle musical a cargu del grupu Rossaleda Jazz Quartet. 22 de mayu, 2006 0 FacebookTwitterPinterestEmail