Educación La Universidá Popular de Xixón ufre dos cursos dasturianu by asturnet 20 de xineru, 2012 Como cada añu dende la so fundación a entamos de los años ochenta, la Universidá Popular de Xixón ufre dos cursos dasturianu, en niveles básicu y mediu, con un llargor de trenta hores caún, incluyendo aspeutos llingüísticos, culturales, sociollingüísticos, etc. El 15 de febreru van entamar nhorariu de 19.30 a 21.30 hores, nel Centru de Cultura Vieyu Institutu, pero la matrícula puede facese yá na páxina web o nes oficines del Conceyu de Xixón. Programa de los cursos de la UP 20 de xineru, 2012 0 FacebookTwitterPinterestEmail
Educación La XDLA revisa los conteníos d’educación del so Llibru Blancu esta tarde by asturnet 19 de xineru, 2012 La Xunta Pola Defensa de la Llingua Asturiana tien entamaes unes xornaes cola fin danalizar cuála ye la situación del asturianu cuando entama la segunda década del sieglu XXI. Hai agora quince años, allá pel 1996, la Xunta pola Defensa de la Llingua Asturiana espublizabal so Llibru Blancu de la recuperación y normalización llingüística dAsturies, ún de los pocos trabayos de reflexón sociollingüística nAsturies. Anguaño, quieren analizar cuála ye la situación cuando entama la segunda década del sieglu XXI; qué savanzó nos quince años que colaron y, sobre manera, cómo pue ayudanos una reflexón nueva pactualizar les estratexes y les propuestes que dende un movimientu de reivindicación llingüística han facese pa encarar con fuerces anovaes un futuru inciertu pa la llingua. La primer de les sesiones va tener llugar na tarde d’esti xueves 19 de xineru, a les 18 hores, dedicada a “La Llingua na enseñanza”. L’actu que va celebrase nel Vieyu Institutu de Xixón, participando na mesa Xosé Antón González Riaño, Beatriz Quirós, Paz Fonticiella ya Iris Díaz. 19 de xineru, 2012 0 FacebookTwitterPinterestEmail
Educación Termast asoleya una propuesta de vocabulariu del campu educativu by asturnet 20 d'avientu, 2011 Termast, centru encargáu de la cooridinación xeneral de les xeres terminolóxiques venceyaea a la llingua asturiana y nel que participen, amás de l’Academia de la Llingua Asturiana, el Colexu d’Inxenieros n’Informática del Principáu d’Asturies y el Coleutivu Softastur, acaba dasoleyar una propuesta léxica nueva, titulada “Terminoloxía educativa”. Laturo yel pedagogu y músicu Rodrigo Fernández Joglar. Trátase d’una escoyeta na que se recueyen los términos más básicos y actuales pa entender el mundu educativu, escolar y pedagóxicu, ente los que satopen dalgunos como abusu escolar, doctoráu, entornu virtual de deprendimientu o escolín. La propuesta súmase a les yá asoleyaes en versión dixital o papel por esta insitución, dedicaes al campu de la xusticia, la física, los unvíos postales, la medicina, les matemátiques y la economía y empresa. 20 d'avientu, 2011 0 FacebookTwitterPinterestEmail
Educación La primer tesis tramitada dafechu nasturianu recibe sobresaliente cum laudem by asturnet 19 d'avientu, 2011 El pasáu vienres 16 d’avientu tuvo llugar l’actu de llectura y defensa de la tesis doctoral de Xuan Santori Vázquez, titulada “El papel de los escritores del Surdimientu na recuperación del asturianu: la visión del escritor” y dirixida pol Dr. Ramón de Andrés Díaz. Trátase d’una tesis redactada nasturianu y que pudo facer tolos trámites dende laniciu y per primer vegada, dafechu nasturianu. El tribunal tuvo presidíu pol catedráticu asturianu afincáu na Universidá del País Vascu, Dr. Francisco José Llera Ramo, autor d’importantes trabayos sobre sociollingüística asturiana. La calificación de la tesis doctoral foi de Sobresaliente “Cum Laude”. Al actu, celebráu na Facultá de Filosofía y Lletres de la Universidád’Uviéu, asistió bien de públicu. El doctorandu Xuan Santori Vázquez fixo la defensa de la so tesis n’asturianu, llingua que tamién emplegó una parte del tribunal. Dase la circunstancia de qu’esta tesis doctoral ye la primera que se tramitó dafechu en llingua asturiana, acoyéndose al nuevu reglamentu que’l Rectoráu aprobó nesti mandatu. Esti fechu foi destacáu pol tribunal calificador. (La primer tesis en llingua asturiana, de Ramón d’Andrés y dirixida por Ana M. Cano, defendióse na Universidá d’Uviéu en 1988). La investigación de Xuan Santori Vázquez (filólogu y escritor) refierse a la influencia de los escritores n’asturianu nel movimientu lliterariu y sociocultural llamáu Surdimientu, qu’entamó nel añu 1974 y llega hasta güei. Esta influencia estúdiala Xuan Santori al traviés de la percepción de los propios escritores, gracies a los datos llograos nuna macroencuesta fecha a prácticamente tolos escritores n’asturianu. La gran cantidá de datos estadísticos permiten facer un retratu escepcional de les interioridaes y característiques del mundu lliterariu asturianu nos últimos 30 años. Tal como destacaron dellos miembros del tribunal, la metodoloxía utilizada nesta investigación ye mui novedosa y podría aplicase tamién a otres situaciones de lliteratures minoritaries. Entrevista a Xuan Santori n’Asturnews 19 d'avientu, 2011 0 FacebookTwitterPinterestEmail
Educación El colexu onde ñació Xentiquina lleva agoral nome del grupu by asturnet 24 d'ochobre, 2011 El C.P. Xentiquina ye dende xunu desti añul nome del colexu Lieres-Solvay, fundáu en 1981 sobre los restos duna fábrica na parroquia de Lieres, nel conceyu de Siero. Ye nesti colexu onde ñaciól grupu, creáu en 1987 y dirixíu per más de venti años por Nacho Fonseca, Xentiquina, que se despidió esti añu con un discu homenaxe de grupos asturianos cantando los temes del grupu infantil. 24 d'ochobre, 2011 0 FacebookTwitterPinterestEmail
Educación El CUPA y lALLA organicen un cursu de NIVEL II pa persones interesaes en meyorar lasturianu by asturnet 22 d'ochobre, 2011 El Conceyu Universitariu pol Asturianu (CUPA) anuncia que queda alredor duna selmana de plazu papuntase al cursu dasturianu Nivel II que se fai dientro de la segunda edición de los Cursos Básicos dAsturianu del CUPA, una esperiencia formativa quentama en collaboración cola Academia de la Llingua Asturiana y Caxa Rural en Xixón. Nesti momentu ta celebrándose un cursu de nivel I palumnos con conocimientu baxu dasturianu, y nes próximes selmanes va entamar otru de nivel II. El cursu dasturianu Nivel II, que se va facer na sede del Conseyu de la Mocedá de Xixón (Avda. Manuel Llaneza 68), va entamar a partir del 3 del mes próximu, payares, cuntando con 35 hores llectives. CURSU BÁSICU DASTURIANU. NIVEL II Martes y xueves, de 19 a 21 hores -Empobináu a persones que ficieren el primer nivel del cursu o tenga conocencia media dasturianu y quieran afondar nes sos habilidaes llingüístiques -Feches: 3 de payares a 15 davientu de 2011 & 10 a 26 de xineru de 2012 El preciu de la inscripción ye de 30 euros, incluyendo los materiales necesarios pa llevar alantrel cursu, nel que van celebrase dellos talleres y conferencies alredor de la llingua asturiana, adiéntrandose nel mundu de la radio y otros medios de comunicación, afondando nel conocimientu de la toponimia asturiana, y en xeneral lusu del asturianu en contestos de la sociedá actual. Les inscripciones pueden facese nel corréu lletrónicu conceyuasturianu@gmail.com o nel teléfonu 615 982 816, hastal 3 de payares. 22 d'ochobre, 2011 0 FacebookTwitterPinterestEmail
Educación Samartín del Rei Aurelio entama un cursu dasturianu pa discapacitaos by asturnet 13 d'ochobre, 2011 La Conceyalía de Cultura de Samartín del Rei Aurelio punxo en marcha esti mes un cursu dasturianu pa discapacitaos, con trece alumnos de los centros ocupacionales del conceyu. LAcademia de la Llingua Asturiana collabora con esta iniciativa que quier averar lidioma a les persones con discapacidá intelectual. 13 d'ochobre, 2011 0 FacebookTwitterPinterestEmail
Educación La Voz de Asturias diz que la carrera pol Rectoráu tendrá a Paz Andrés como candidata amás de Vicente Gotor by asturnet 7 d'ochobre, 2011 La Voz de Asturias diz na so edición de güei que “la segunda y última vuelta de les elecciones al rectoráu de la Universidá d’Uviéu celebraes n’abril de 2008 volverá reeditase en 20122. Pal diariu “la catedrática de Derechu Internacional Paz Andrés va apostar el cargu a Vicente Gotor nos comicios previstos pal próximu mes d’abril” como afita’l fechu de qu’Andrés foi demientres tol mandatu la cabeza visible de la oposición a la xestión del equipu rectoral, dempués de que los otros dos aspirantes nes elecciones de 2008 –Antonio Cueto y Santos González– volvieren a los sos centros. Nel diariu nun se dicen les fuentes, magar el rumor lleva corriendo pela Universidá dende va delles selmanes. Según La Voz, a diferencia d’anteriores etapes, esta xera d’oposición de Paz Andrés fízose con una vocación más interna que pública, con crítiques nos Conseyos de Gobiernu y nos claustros. Sicasí, la plataforma de sofitu a Andrés caltuvo abiertu un blogue nel que comuniquen los sos planteamientos. Según La Voz, el nuevu choque electoral ente Paz Andrés y Vicente Gotor yera un secretu a voces dende va meses, anque dambos paecen actuar con muncho precuru. El rector reconoció en públicu’l pasáu 14 de setiembre la so intención de volver allegar a les elecciones, yá que inda nun escosó’l proyectu col que se presentó en 2008 y tien planes pindios d’executar. A Paz Andrés, sicasí, paez que-y asocede lo contrario. Nun comulga cola xestión que ta faciendo l’actual equipu rectoral y tien inda intactu’l planteamientu d’Universidá qu’espunxo a la comunidá universitaria fai más de tres año. LA VOZ intentó ayeri ensin ésitu ponese en contactu cola catedrática pa conocer los sos planteamientos pero foi imposible, al atopase fora de la rexón. La Voz de Asturias tamién fai un resume del currículum de la futurible candidata: “L’aspirante a ocupar el rectoráu ye una uvieina, llicenciada y doctorada en Derechu pola Universidá d’Uviéu, onde desenvolvió tola so carrera académica. Les sos principales llínees d’investigación y les sos publicaciones ocúpense fundamentalmente del Derechu internacional públicu, en temes como’l caltenimientu de la paz y la seguridá, los arreglos pacíficos de los discutinios y tamién del Derechu de la Unión Europea, col sistema institucional y l’ordenamientu xurídicu. Na Universidá d’Uviéu ocupó diversos cargos de xestión, como’l de directora del Centru de Documentación Europea, secretaria xeneral (1986-1988) y tamién vicerrectora d’Estensión Universitaria, ente 2004 y 2005, nos dos primeros años del postreru de Juan Vázquez al frente del rectoráu. La so salida del vicerrectorado marcaron dalgunes de les hores más amargoses de la so carrera, una y bones Vázquez destituyir tres asistir a un homenaxe al ex rector Julio Rodríguez. A pesar del desencuentro, les sos declaraciones siempres fueron prudentes, fuxó del discutiniu y destacó la xestión que desenvolviera”. Andrés y Gotor son los dos únicos nomes que, enagora, resonen na Universidá, pero entá hai marxe por qu’apaeza dalgún candidatu más 7 d'ochobre, 2011 0 FacebookTwitterPinterestEmail
Educación Presentóse la primer tesis de la hestoria na que se ficieron tolos trámites nasturianu by asturnet 6 d'ochobre, 2011 Va venti años el profesor Ramón dAndrés presentaba la que sedría primer tesis nasturianu de la hestoria y dende entós otres fueron llegando con más o menos problemes. La última de les polémiques foi la del hestoriador Faustino Zapico, que llegó a los tribunales dempués de quen 2005, nel tiempu del rector Vázquez, nun-y dexaren facer los trámites burocráticos na so llingua. Agora, y dempués de laprobación del nuevu reglamentu pa la presentación de tesis, onde per primer vegada apaez la posibilidá de presentar tesis nasturianu de forma esplícita, acaba de presentase la primera delles na que, según esplical propiu autor, Xuan Santori non ye que tea solo ta nasturianu la tesis en sí, sinón que ye la primera que se fai en tolos pasos: dende la matrícula a la defensa, dafechu nesta llingua. Y ye que les tesis defendíes primero, tuvieron de matriculase en castellán y facer resúmenes nesta o notres llingües. Santori entamó col so procesu en 2008, cuando presentó los documentos necesarios nasturianu y recibió una actitú oxetivamente altiva y displicente per parte de los funcionarios universitarios. Anguaño col Reglamentu pa la presentación de documentos nasturianu y el yá citáu de les tesis, aprobaos pol equipu del Rector Vicente Gotor, les tesis nasturianu y los sos pasos previos burocráticos nun tendríen datopar dificultá nenguna. Asturnews va ufrir mañana una entrevista a fondu col autor desta primer tesis beneficiada pola nueva normativa universitaria. El CUPA alcuerda un nuevu Reglamentu col Rector: Podrán presentase tesis nasturianu https://asturnews.com/index2008.php?idn=11366 6 d'ochobre, 2011 0 FacebookTwitterPinterestEmail
Educación SUATEA reivindica la igualdá de xéneru nel Día del Docente by asturnet 5 d'ochobre, 2011 Esti 5 d’ochobre, celébrase’l Día Mundial de les persones dedicaes a la docencia, anguaño en torno al tema “Docentes pola igualdá de xéneru”. La convocatoria faese dende la UNESCO y nella participa bien activamente la Internacional d’Educación, de la que la nuesa organización ye fundadora. y dende SUATEA, sumense a esta conmemoración “pa sorrayar la función del profesoráu como axente de tresformación social, dende la escuela, que tien d’adoptar un papel belixerante contra les desigualdaes polo xeneral, y contra les desigualdaes por razón del xéneru en particular”. Según comunicáu asoleyáu esti día pol sindicatu “nun tenemos qu escaecer que la igualdá ye’l valor que tuvo siempre un mayor potencial tresformador social y políticu. Esti criteriu sirvió pa la llucha cotidiana de persones escluyíes; la mayor revolución igualitaria del sieglu XX, entá ensin concluyir, foi la de les muyeres. Dende la ideoloxía conservadora suel oponese al conceutu d’igualdá, non el de desigualdá, sinón el de xerarquía, que se xustifica porque esta ye inevitable y necesaria pa siguir calteniendo les diferencies sociales de too tipu. Nesti contestu conservador y retrógrado, la desigualdá nun ye un problema, sinón una solución, un bien deseable. Les sos consecuencies yá les tamos viendo: l’aumentu del racismu, la xenofobia y la pervivencia, cuando non el claru aumentu, de la discriminación de les muyeres. Podemos ver esta defensa de les desigualdaes nel ataque que ta sufriendo, al igual qu’otros servicios públicos, la Escuela Pública colos constantes retayos que se-y tán aplicando en favor d’un sistema d’enseñanza más elitista”. SUATE fai alcordanza de que tolos centros educativos tendríen de cuntar con Planes d’Igualdá y ́l so oxetivu debería ser “abrir l’alderique sobre práctiques sexistes na escuela, dar coherencia a les distintes actividaes que se realicen nos centros y que’l centru y tol profesoráu incorporen, d’una manera consciente, la coeducación a la so práctica diaria”. 5 d'ochobre, 2011 0 FacebookTwitterPinterestEmail