Lliteratura L’antiguu Atenéu de Mieres recupera’l 75% de los sos fondos by asturnet 11 de xineru, 2007 Una familia de Mieres del Camín dona a la Biblioteca Municipal del conceyu 133 llibros, d’énte finales del sieglu XIX y entamos del XX. Los llibros pertenecíen al Atenéu de Mieres que durante la Guerra Civil fuera espoliáu. Esta ye la segunda vegada nes últimes selmanes na que la Biblioteca de Mieres del Camín recupera parte de los fondos del Atenéu. La familia Pérez-Amato mercó los llibros nos mercaos o na Feria del Llibru de Madrid. Los exemplares más antiguos daten de 1879 y énte les obres rescataes alcuéntrense la obra completa de Jacinto Benavente y dalgunes de les primeres ediciones de los testos d’Ortega y Gasset. La Directora de la Biblioteca de Mieres del Camín destacó’l bon estáu de conservación de los volúmenes, citando que dalgún conserva les tarxetes de préstamu del Atenéu. 11 de xineru, 2007 0 FacebookTwitterPinterestEmail
Lliteratura Asturtoons asoleya 6 nuevos títulos by asturnet 11 de xineru, 2007 La editorial asturtOOns ta acabante despublizar seis nuevos títulos dientro de la so colección Llingua de Trasgu, de lliteratura illustrada. Ente estos títulos destaca un nuevu llibru protagonizáu por Nardo y Quina, personaxes creaos pol piloñés Enrique Carballeira, que toles selmanes apaecen en formatu de tira dhumor gráficu en dellos periódicos asturianos. Nesti casu trátase dun volume dirixíu especialmente a los más neños, yá quellos vienen siendo unos de los fans más fieles destos personaxes dende que nacieran nel añu 1992. El restu de los títulos que se presenten como novedá son: La Lluz de la Lluna, ¿Pa qué val una Pota? y ¿Pa qué val una bufanda?, del tamién piloñés, Miguel Rojo Martínez. Estos dos últimos llibros formen parte de la estaya pa primeros llectores que sabre dientro de la colección. La llista de novedaes complétase con otru llibru dEnrique Carballeira: De recuerdu, un dinosauriu, que cunta la historia dun científicu chifláu, Ramón, empeñáu en construyir una máquina pa viaxar nel tiempu, y tamién una historia firmada pola autora de Xixón, Helena Trejo Fombella, baxol títulu de A la gueta setes na seronda. Asturtoons 11 de xineru, 2007 0 FacebookTwitterPinterestEmail
Sociedá Conferencia sobre l’Antigüedá tardía n’Uviéu by asturnet 11 de xineru, 2007 L’asociaciación Tribuna Ciudadana, entama’l 12 de xineru una conferencia titulada “Antigüedá tardía. Una transición énte dos cultures” por Carmen Cordoñer Merino, catedrática de Filoloxía llatina de la Universidá de Salamanca. La conferencia fadráse nel Club de Prensa Asturiana d’Uviéu. Carmen Cordoñer Merino ye especialista nos periodos compredíos ente’l sieglu I y la llegada del Renacimientu. Tien publicaes delles ediciones crítiques de testos serondos, acompañaos de la so traducción, ente los que destaquen los sos trabayos sobre Séneca y Tácito. Carmen Cordoñer Merino 11 de xineru, 2007 0 FacebookTwitterPinterestEmail
Cooperación Xornaes sobre “Emigración y retornu. Un derechu constitucional” by asturnet 10 de xineru, 2007 Cruz Bermeya y el Serviciu d’Atención y emplegu a emigrantes retornaos organicen unes xornaes denominaes “Emigración asturiana y retornu. Un derechu constitucional, un derechu real” durante los díes 1 y 2 de febreru nel Centru Municipal de L’Arena de Xixón Les actividaes y l’horariu de les mesmes son como se detallen darréu. 1º Día. Xueves 1 de febreru. 09:30 h. Recepción y entrega d’acreditaciones y documentación. 10:30 h. Apertura de les xornadas. ” Cruz Bermeya y otres intervenciones en función de posibilidaes. Esplicación de la metodoloxía y desendolcu de les xornaes. 11:00 h. 1º mesa redonda. “La emigración asturiana y el retornu: les dimensiones sociales y culturales”. ” Universidad de Oviedo, Archivo de Indianos, Museu del Pueblu d’Asturies, FICA. Modera Universidad de Oviedo. 14 h. Xinta. 16h. 2º Mesa redonda. “El marco llegal y les respuestes globales hacia la emigración española y el retornu”. ” Dirección Xeneral d’Emigración del MTAS, Secretaria Xeneral de Emigración de la Presidencia de Galiza, Axencia Asturiana d’Emigración, F.E.A.E.R. Modera FICA. 18:30 h. 1º Sesión de comunicaciones y mesa redonda sobre “Los problemes del retornu”. ” CCRPE, Conseyu Xeneral de la Emigración, FEAER, AEERA, APIAERPA. Modera Axencia Asturiana d’Emigración. 2º Día. Vienres 2 de febreru. 09 h. 2º Sesión de comunicaciones y mesa redonda sobre “Les respuestas actuales: esperiencies y programes concretos sobre’l retornu”. ” Dirección Xeneral d’Emigración del MTAS, Secretaria Xeneral d’Emigración de la Presidencia de Galiza, Axencia Asturiana d’Emigración, SASER y Cruz Bermeya, F.E.A.E.R. Modera Conseyu de Comunidaes Asturianes 12:30 h. Sesión de talleres sobre “Nueves respuestes y posibilidaes de trabayu”. ” Mocedá. Conseyu de la Mocedá del Principáu d’Asturies (CMPA), Cruz Bermeya Mocedá. ” Muyer. AEERA, APIAERPA. ” Mayores. ERA, APIAERPA, Cruz Bermeya. ” Información y asesoramiento pal retornu, integración y accesu a los recursos y servicios sociales. Axencia Asturiana d’Emigración, VIPASA, SASER-Cruz Bermeya. ” Inserción llaboral, formación y empleabilidá. Cruz Bermeya plan d’Empléu y FADE. ” Conocimientu, analís y sensibilización sobre la emigración y el retornu: l’Observatorio. Cruz Bermeya, AEERA y Universidad de Oviedo. 14 h. Xinta. 16 h. Vuélvese a la sesión de talleres. 17: 30 h. Puesta en común y conclusiones de los talleres. 19 h. Pieslle de les Xornaes. ” Por representantes de: Conseyería de Xusticia y Axencia Asturiana d’Emigración, Conseyería de Vivienda y Bientar Social, Ayuntamientu de Xixón y Cruz Bermeya Española. 20:30 h. Actu cultural y espicha. 10 de xineru, 2007 0 FacebookTwitterPinterestEmail
ConvocatoriesFiestes Convocatoria del XIII Premiu “Padre Patac” by asturnet 10 de xineru, 2007 L’Ayuntamientu de Xixón y el la Conseyería de Cultura convoquen el XIII Premiu “Padre Patac”. El premiu empobínase a investigadores o equipos d’investigación que presenten trabayos d’historia, xenealoxía, heráldica, bibliografía o archivística asturianes. La dotación d’esti premiu ye de 6000. Los trabayos presentaos han tar ensin asoleyar, y la so estensión mínima ye de 150 folios a doble espaciu. El plazu d’entrega de los trabayos ye’l 14 de marzu. Los orixinales presentaránse nel Rexistru de la Conseyería de Cultura n’Uviéu o na Fundación Municipal de Cultura de Xixón. El Padre Patac a lo llargo de la so vida conformó una de las más importantes biblioteques sobre temes asturianos, compuesta por más de 40.000 fiches, énte les qu’hai llibros, mapes, manuscritos, etc, asina como 18.000 semeyes sobre’l nuesu país. 10 de xineru, 2007 0 FacebookTwitterPinterestEmail
Cine Ramón Lluís Bande presenta les sos películes sobre la memoria histórica by asturnet 10 de xineru, 2007 Ramón Lluís Bande presenta la película “El Paisano. Un reatratu colectivu”. La película ye un averamientu a la vida d’Horacio Fernández Inguanzo “El Paisano”. La película trescurre al traviés de 14 rostros dende los que se cuenta la historia del históricu militante comunista asturianu. La película presentaráse nel Forum de la FNAC el xueves 11 de xineru a partir de les 20,00 hores. “El Paisano. Un retratu colectivu” tuvo la so presentación oficial nel marcu del Festival de Cine de Xixón de 2005. El DVD de la última película de Bande inclúi les otres dos películes sobre la memoria histórica del director: “Estratexa” y “De la Fuente” 10 de xineru, 2007 0 FacebookTwitterPinterestEmail
Educación La Biblioteca de L.lena recibe un premiu por un plan de dinamización de la llectura by asturnet 10 de xineru, 2007 La iniciativa “Rompiendo Barreras” foi reconocida pol Plan de Fomentu de la Llectura del Ministeriu de Cultura y la Federación española de Municipios y Provincies. Esti poryectu tien por obxetivu averar la llectura a los vecinos de la zona rural que tien problemes de movilidá, col sofitu de los y les trabayadores del personal del Serviciu d’Ayuda a Domiciliu El proyectu de dinamización llectora que desendolca la Biblioteca Municipal de L.lena, en collaboración colos Servicios Sociales del Conceyu, baxo’l lema “Superando barreres” foi premiáu na IX Campaña d’Animación a la llectura “María Moliner” venceyada al Plan de Fomentu de la Llectura, integráu pol Ministeriu de Cultura y la Federación Española de Municipios y Provincies. La iniciativa entamóse en 2005, cola coordinación de les conceyalíes de Cultura y de Servicios Sociales, cola fin de facilitar un serviciu de préstamu personalizáu de llibros y material audiovisual a aquellos habitantes de la zona rural del conceyu que tengan problemes de movilidá. L’acición alacanzaría a un total de 1.800 persones. L’aición premiada cuenta cola base de los fondos de la rede de biblioteques del conceyu, compuesta pola Biblioteca de La Pola, y los Centros de llectura de Campumanes y Vil.layana 10 de xineru, 2007 0 FacebookTwitterPinterestEmail
Sociedá Concursu de Cartes a los Reis Magos de la Casa de la Llingua de Corvera by asturnet 10 de xineru, 2007 El concursu de cartes a los Reis Magos n’asturianu organizáu pola Casa de la Llingua de Corvera recibió 76 cartes. El xuráu acaba d’anunciar les tres cartes ganadores. Les meyores cartes fueron les Rosa María López Álvarez, Daniel Domínguez Vázquez y Cristina Menéndez Vilaseco. Los premios consisten nun llote de llibros n’asturianu, una camiseta de la Casa de la Llingua y el xuguete que caún de los neños escoyera na carta presentada al concursu. 10 de xineru, 2007 0 FacebookTwitterPinterestEmail
Sociedá Xornaes sobre los abogaos d’Atocha by asturnet 10 de xineru, 2007 L’Asociación cultual y estudiantil Abogados de Atocha, de la Universidá d’Uviéu, entama esti xueves unes xornaes conmemoratives del 30 cabudañu del asesinatu de los Abogaos llaboralistes del Despachu d’Atocha ‘l 24 de xineru de 1977. El programa inclúi un coloquiu, cola participación d’un de los supervivientes y la proyección de la película “7 días de enero” El xueves 11 de xineru, a partir de les 16,00 proyectaráse la película “7 días de enero”, del director J.A. Bardem, sobre l’asesinatu de los abogaos llaboralistes del despachu d’Atocha. Esti vienres l’asociación estudiantil organizará una un coloquiu sobre la esti asesinatu, nel que van participar Alejandro Ruiz-Huerta Carbonell, abogáu superviviente del atentáu, y actualmente profesor de Derechu Constitucional na Universidá de Brugos y Rubén Vega, profesor d’Historia Contemporania de la Universidá asturiana. 10 de xineru, 2007 0 FacebookTwitterPinterestEmail
Patrimoniu El Centru d’Arte Rupestre de Tito Bustillo adxudicaráse en primavera by asturnet 9 de xineru, 2007 La Conseyera de Cultura y Turismu, Ana Rosa Migoya, anunció qu’el proyectu museísticu de Tito Bustillo s’alcuentra na oficina de supervisión de proyectos del Principáu pa proceder darréu a la so adxudicación, que se fadría en primavera. L’actuación nel enotornu de la cueva ribeseyana enmarcaríase dientro del Plan de la Prehistoria del Oriente d’Asturias, que contempla otres 12 actuaciones na comarca oriental del país. Esti plan tien un presupuestu de 10.6 millones d’euros, de lo qu’el 70% correspondería a l’actuación del Ministeriu de Cultura español dientro del Un por Cien cultural. La instalación del Centru Rupestre de Tito Bustillo fadráse na cantera de Corcubión, a 200 metros de la entrada de la cueva de Tito Bustillo. 9 de xineru, 2007 0 FacebookTwitterPinterestEmail