Escéniques Teatro Margen opta al Premiu Max al Meyor Espectáculu Revelación esta nueche by asturnet 15 d'abril, 2007 Redacción Esta nueche van entregase los premios Max de teatru nel Palaciu Euskalduna de Bilbao cola nominación de Teatro Margen como la única representación pal teatru asturianu. Los premios estatales del teatru lleguen esti añu a la so decima edición con 23 categoríes a concursu, amás d’otres cuatro premios otorgaos pola organización y el tradicional premiu de la crítica. Esti añu la representación asturiana ente les nominaciones vien pola obra ‘El viaje a ninguna parte’, basada na novela de Fernando Fernán-Gómez y dirixida por Arturo Castro. El grupu Teatro Margen ñació n’Asturies nos años setenta y dende entós vien representando bien d’obres, como Otelo, Hamlet, La Celestina o ‘Xulia’ l’adautación al asturianu de ‘La señorita Julia’ d’August Strindberg. Los Premios Max tán organizaos pola Sociedá Xeneral d’Autores y concede cada añu un premiu d’honor, qu’esti añu recayó na figura del dramaturgu Fernando Arrabal. 15 d'abril, 2007 0 FacebookTwitterPinterestEmail
Comunicación Los escolinos d’asturianu protagonistes esti sábadu na TPA by asturnet 13 d'abril, 2007 El Colexu La Canal de Lluancu va ser el protagonista d’esti sábadu 14 d’abril del programa “Nós” qu’emite a les 12,30 la TPA. Los escolinos son los encargaos de dir desplicando la cadama del Colexu y les actividaes que nelli desendolquen, nun modelu que tolos meses dirá repitiéndose visitando colexos en Ayer, Mieres, Carreño o Xixón, por mentar los primeros que dirán visitándose. El programa que s’emite esti sábadu a les 12,30 hores cunta cola participación de los neños que deprenden asturianu nel Colexu La Canal, ún de los que tien n’Asturies a la práutica totalidá de los escolinos estudiando voluntariamente la llingua de nueso. El pasáu sábadu 7 d’abril la programación en llingua asturiana tornó a meyorar la audiencia de la TPA en castellán, hasta’l puntu de duplicar el meyor resultáu d’audiencia del día (l’informativu de la nueche col 9,8 por cietu) na emisión de Camín de Cantares qu’algamó picos del 25 % de l’audiencia. La emisión en llingua asturiana, colos programes “Pieces”, “Nós” y “Camín de cantares”, ta sorprendiendo y dexando a les clares que los conteníos d’interés palos asturianos son los que tienen de ver cola so cultura y la so llingua, por muncho que les producciones en llingua asturiana tengan munchísima menor inversión y por tantu medios téunicos y profesionales que la programación en castellán. Con una audiencia que llegó a superar el 10 por cientu y tuvo penrriba de los programes más vistos que s’emitieron en castellán nel primer sábadu d’emisión, el 31 de marzu, y penrriba de la media de los que s’emiten a lo llargo la selmana, la segunda entrega de los programes que ta acabante d’entamar a emitir la TPA nun pudo tener meyores resultaos. 13 d'abril, 2007 0 FacebookTwitterPinterestEmail
Comunicación Les Otres Cares del Planeta torna’l vienres 13 en Xixón a l’actualidá by asturnet 10 d'abril, 2007 Esti viernes 13 de Abril LES OTRES CARES DEL PLANETA volverá tener presencia en Xixón con una tertulia na que van participar, baxol títulu Asturies: ¡Pero qué me tas contando!, directores de cine como Lucinda Torre, escritores como Montserrat Garnacho, Profesores de Universidá como Aquilina Fueyo o periodistes como Próspero Morán. Los colectivos quintegren LOCP tan buscando nuevos caminos pa continuar con esti proyeutu que tien ya nueve años de historia, entamando un nuevu viaxe, quarranca del patiu del Centru de Cultura Antiguu Institutu y nel que se fai un llamamientu a participar a toles personas y tolos colectivos que participaren en LOCP (Les otres cares del Planeta) de dalguna manera a lo llargo destos caberos años. Nesta tertulia convocada pal vienres 13, a les 20 hores nel patiu del Centru de Cultura Antiguu Institutu de Xixón van participar Prospero Morán, Periodista y Director de Asturnews, Aquilina Fueyo, Decana de la Facultá de Pedagoxía, Paulino Feito, Presidente del Conseyu de la Mocedá del Principáu dAsturies, Lucinda Torre, Direutora de cine y programadora en Telemadrid, Boni Ortiz, miembru del Atené Obreru de Xixón y la escritora Montserrat Garnacho, baxo la coordinación de Pili Sampedro, feminista, sexóloga y psicologa. Nel actu proyectarásel cortometráxe El Beso de la Tierra de Lucinda Torre. 10 d'abril, 2007 0 FacebookTwitterPinterestEmail
Comunicación Radio Sele entama esti vienres a entrevistar candidatos a les eleiciones 2007 by asturnet 10 d'abril, 2007 A partir del vienres dia 13 radio sele va facer programes especiales coles cabeces de llista a les eleiciones municipales y autonomiques, entamando esi mesmu día con Ignaciu Llope dUnidá pa siguir depués al vienres siguiente, día 20 con Jesús Iglesias dIX y el 27 de mayu con Sergio Marqués dUnión Asturianista. Les feches y hores demisión de los programes especiales de Radio Sele van ser los que vienen darréu: el vienres 13 a les 5 la tarde, Ignaciu Llope dUnidá, el vienres 20 a les 8 la tarde Jesús Iglesias dIX y el vienres 27 a les 8 la tarde Sergio Marques dUnión Asturianista. Los oyentes van poer enviar entrugues a los candidatos por sms al 5377 cola pallabra sele espaciuy la entruga y entrarán en sortéu que se va facer el dia 27 d’abril en directu d’una cena nel restaurante El Fondin,, un fín de selmana en San Xuan de Parres dApartamentos Buenavista, un Descensu del sella en canoa dAventures Asturgala, y una caxa de 24 cerveces y una cazadora de cervezes belenos pa todos los mensaxes Sms que lleguen hasta les 10 de la mañana del 27 d’abril al 5377 cola pallabra “Sele espaciu”. 10 d'abril, 2007 0 FacebookTwitterPinterestEmail
Comunicación Les emisiones n’asturianu doblen na TPA l’audiencia de los informativos en castellán by asturnet 9 d'abril, 2007 Esti sábadu 7 d’abril la programación en llingua asturiana tornó a meyorar la audiencia de la TPA en castellán, hasta’l puntu de duplicar el meyor resultáu d’audiencia del día (l’informativu de la nueche col 9,8 por cietu) na emisión de Camín de Cantares qu’algamó picos del 25 % de l’audiencia. La emisión en llingua asturiana, colos programes “Pieces”, “Nós” y “Camín de cantares”, ta sorprendiendo y dexando a les clares que los conteníos d’interés palos asturianos son los que tienen de ver cola so cultura y la so llingua, por muncho que les producciones en llingua asturiana tengan munchísima menor inversión y por tantu medios téunicos y profesionales que la programación en castellán. Con una audiencia que llegó a superar el 10 por cientu y tuvo penrriba de los programes más vistos que s’emitieron en castellán nel primer sábadu d’emisión, el 31 de marzu, y penrriba de la media de los que s’emiten a lo llargo la selmana, la segunda entrega de los programes que ta acabante d’entamar a emitir la TPA nun pudo tener meyores resultaos. Los programes en llingua asturiana entamaron amás esti sábadu con un horariu adelantáu por mor de la tresmisión en direutu de les carreres de caballos de Ribesella, arrancando a les 11:00, horariu nel que s’emitió “Pieces”, siguiendo con “Nós”, previstu pa les 11:30 hores y finando con “Cantar de Cantares”. Nós ye un microespaciu de TPA producíu en collaboración con Zebrastur y dirixíu pol periodista asturiano, y direutor d’Asturnews, Próspero Morán. Nós emitese los sábados a les 12.55 hores. Pieces ye un programa sobre la cultura asturiana tradicional y contemporánea con cinco secciones. Esti formato permite tamién ser programáu como multidifusión a lo llargo de la semana pa captar el másimo posible de públicos diferentes y ser compactáu na fin de selmana como programa unitariu. Camín de Cantares ye una serie documental inspirada nel Archivu de la Tradición Oral na que Xoxé Ambás, investigador de la cultura tradicional asturiana, actúa como conductor del espacio y fai una entrevista en cada capítulo. Audiencies autonómiques del 7 d’abril 9 d'abril, 2007 0 FacebookTwitterPinterestEmail
Comunicación Humberto González entrevistáu a les 11:30 d’esti sábadu na TPA by asturnet 6 d'abril, 2007 Por segundu sábadu, esti 7 d’abril la TPA ufre una nueva entrega de los programes n’asturianu qu’entamó a difundir la televisión autonómica nel caberu día de marzu como primer presencia de la llingua asturiana na TV pública. Nesti día, camuda l’horariu d’emisión, qu’entama a les 11 con pieces y sigue a les 11:30 con una entrevista al escritor Humberto González en “Nós”. El sábadu 31 de marzu entamó na TPA la programación en llingua asturiana colos programes “Pieces”, “Nós” y “Camín de cantares”, sorprendiendo con una audiencia que llegó a superar el 10 por cientu y tuvo penrriba de los programes más vistos que s’emitieron en castellán esi día y penrriba de la media de los que s’emiten a lo llargo la selmana. Los programes en llingua asturiana entamaron a les 12:30, horariu nel que s’emitió “Pieces”, siguiendo con “Nós”, previstu pa les 13 hores, pero qu’entamó con retrasu, y finando con “Cantar de Cantares” que s’allargó hasta l’entamu del informativu del meudía. Los programes en llingua asturiana llograron más d’un puntu que l’informativu del meudía (9%) y más de dos puntos que’l magazine estrella de la TPA, “Conexión Asturias” que nun superó-l 8%. Nós ye un microespaciu de TPA producíu en collaboración con Zebrastur y dirixíu pol periodista asturiano, y direutor d’Asturnews, Próspero Morán. Nós va emitise en multidifusión a lo llargo la selmana y emitiráse los sábados a les 12.55 hores. Emisión en directo de TPA 6 d'abril, 2007 0 FacebookTwitterPinterestEmail
Comunicación Les tecnoloxíes de la información y de la comunicación suponen el 50% del crecimientu económicu de la UE. by asturnet 2 d'abril, 2007 La inversión pública y privada en tecnoloxíes de la información y de la comunicación (TIC) ta dando frutos. Esto ye lo qu’indica l’informe añal de la Comisión Europea sobre la evolución de la iniciativa i2010 pa fomentar la tecnoloxía dixital. Cada añu, l’informe añal sobre la iniciativa i2010 (empobinada a fomentar la economía dixital combinando investigación, ferramientes reglamentaries y asociaciones público-privaes) mide los efectos económicos de los esfuerzos fechos polos Estaos miembros de la Unión Europea pa desarrollar les TIC, e indica la eficacia de la política de la Comisión pa favorecer un crecimientu económicu sostenible d’estes tecnoloxíes. Según la Comisaria de Sociedá de la Información y Medios de Comunicación de la UE, Viviane Reding, la política europea de crecimientu y emplegu ta entamando a dar resultaos, pero considera qu’hai que siguir faciendo enfotos nel sector de les TIC: “les compañíes europees de TIC tovía nun tan en condiciones d’algamar economíes d’escala a causa de la fragmentación de la reglamentación, qu’impide’l surdimientu de servicios paneuropeos y baxen les posibilidaes de los operadores de comunicaciones ellectróniques y de les empreses de programes informáticos de competir nel mercáu mundial. La UE y los Estaos miembros necesiten en particular facer un mayor enfotu pa suprimir los obstáculos a los servicios on line que persisten nel mercáu interior”. Nel informe demuestrase que’l sector TIC crez más rápidu que’l conxuntu de la economía europea. Les TIC contribuyeron en casi un 50% a la xuba de la productividá de la UE nel períodu 2000-2004, caberamente pol crecimientu que se ta produciendo nos mercaos de los programas informáticos y los servicios tocantes a la tecnoloxía de la información. L’informe tamien señala como les empreses europees tan invirtiendo en TIC nueves y más desarrollaes y los europeos tan adoptando rápidamente los nuevos servicios en rede. Esta tendencia vese reflexada de forma nidia nel númberu de conesiones de banda ancha, con 20,1 millones de nueves altes en banda ancha nos 12 meses anteriores a noviembre de 2006. Además el Plan d’Aición de la Comisión pa l’alministración en rede ayudó a los Estaos miembros a reforzar los sos servicios públicos y meyorar l’atención al ciudadanu. Estos servicios son cada vez más complexos, siendo utilizaos por un númberu creciente d’europeos. L’informe señala cuestiones estratexiques fundamentales pal futuru, que se van aldericar cuando se faiga la revisión d’esta iniciativa durante esti 2007, ente les cuestiones plantegaes alcuentrase la evaluación de les implicaciones de les tendencies emerxentes nes redes y n’Internet; el sofitamientu nes perspectives de los usuarios en materia d’innovación de les TIC; y el fomentu del crecimientu suprimiendo les “fronteres nacionales” artificiales pa los servicios on line. 2 d'abril, 2007 0 FacebookTwitterPinterestEmail
Comunicación L’audiencia de los programes n’asturianu de la TPA allúgase penrriba los emitíos en castellán by asturnet 1 d'abril, 2007 El sábadu 31 de marzu entamó na TPA la programación en llingua asturiana colos programes “Pieces”, “Nós” y “Camín de cantares”, sorprendiendo con una audiencia que llegó a superar el 10 por cientu y tuvo penrriba de los programes más vistos que s’emitieron en castellán esi día y penrriba de la media de los que s’emiten a lo llargo la selmana. Los programes en llingua asturiana entamaron a les 12:30, horariu nel que s’emitió “Pieces”, siguiendo con “Nós”, previstu pa les 13 hores, pero qu’entamó con retrasu, y finando con “Cantar de Cantares” que s’allargó hasta l’entamu del informativu del meudía. Los programes en llingua asturiana llograron más d’un puntu que l’informativu del meudía (9%) y más de dos puntos que’l magazine estrella de la TPA, “Conexión Asturias” que nun superó-l 8%. Nós ye un microespaciu de TPA producíu en collaboración con Zebrastur y dirixíu pol periodista asturiano, y direutor d’Asturnews, Próspero Morán. Nós va emitise en multidifusión a lo llargo la selmana y emitiráse los sábados a les 12.55 hores. Pieces ye un programa sobre la cultura asturiana tradicional y contemporánea con cinco secciones. Esti formato permite tamién ser programáu como multidifusión a lo llargo de la semana pa captar el másimo posible de públicos diferentes y ser compactáu na fin de selmana como programa unitariu. Camín de Cantares ye una erie documental inspirada nel Archivu de la Tradición Oral na que Xoxé Ambás, investigador de la cultura tradicional asturiana, actúa como conductor del espacio y fai una entrevista en cada capítulo. 1 d'abril, 2007 0 FacebookTwitterPinterestEmail
Comunicación Paloma Sainz promete atender dacuando na so oficina de Second Life by asturnet 28 de marzu, 2007 Dende hai pocos díes la candidata socialista a l’alcaldía d’Uviéu, Paloma Sainz, abría una oficina en Second Life, nuna aición que siguía los pasos de Segolene Royal y que recoyíen los medios de comunicación asturianos. Esti miércoles, Paloma Sáinz recoyía la noticia nel so blog de campaña y facía l’anuncia de que tará disponible dacuandu nesa oficina virtual. Second Life ye un mundu virtual que tien más de 4 millones de persones afiliaes nel mundu, anque namái que s’atopa davezu a unes 20.000 o 30.000 simultáneamente, sigún seya dientru l’horariu americanu o non. Como fai alcordanza Paloma Sainz nesti post del miércoles 28 nel so blog, anque Second Life ñació como un xuego, toles grandes empreses del mundo, los grupos de música más nomáos y los cimeros eventos culturales ya descubrieren les posibilidaes que tien esti nuevu mundu. Sigún la candidata, pa ella Second Life ye un espaciu más de comunicación cola xente, un llugar destináu a desplicar los sos proyeutos, a contrastar les sos idegues y “por supuestu a promocionar Uviéu, que tará mui presente na oficina y que tendrá la oportunidad de ser conocía por mediu mundu. Nesti día, la oficina de Paloma Sainz en Second Life cuntaba con un Tráficu de 258, lo que supón que recibió nesi día un númberu igual de visites d’avatares que tovieron polo menos cinco minutos nel llugar. MLa presencia en Second Life de Paloma Sainz, como pide que comprendan los llectores del so blog, “tará daqué llimitada, pero habrá la oportunidá de charrar en delles ocasiones que s’anunciarán nel so blog. Slurl de Paloma Sainz en SL 28 de marzu, 2007 0 FacebookTwitterPinterestEmail
Comunicación La TPA entama una programación n’asturianu de dos hores de producción selmanal by asturnet 28 de marzu, 2007 La Televisión del Principáu d’Asturies va estrenar esti sábadu siete programas n’asturianu que se van emitirá a diariu y selmanalmente: Pieces, Nós y Camín de Cantares. Amás, la cadena va incluyir tolos díes nel programa Con dos de azúcar los espacios A Galmiaes, Recetes con cuentu, La risión y Axenda dAsturies. La programación supón dos hores de programación selmanal (centrada nos sábados) en llingua asturiana que se dirá redifundiendo na programación de los díes de selmana. Nós ye un microespaciu de TPA producíu en collaboración con Zebrastur y dirixíu pol periodista asturiano, y direutor d’Asturnews, Próspero Morán. Nós va emitise en multidifusión a lo llargo la selmana y emitiráse los sábados a les 12.55 hores. Pieces ye un programa sobre la cultura asturiana tradicional y contemporánea con cinco secciones. Esti formato permite tamién ser programáu como multidifusión a lo llargo de la semana pa captar el másimo posible de públicos diferentes y ser compactáu na fin de selmana como programa unitariu. Camín de Cantares ye una erie documental inspirada nel Archivu de la Tradición Oral na que Xoxé Ambás, investigador de la cultura tradicional asturiana, actúa como conductor del espacio y fai una entrevista en cada capítulo. 28 de marzu, 2007 0 FacebookTwitterPinterestEmail