Escéniques Teatro del Norte lleva esta nueche a Valle-Inclán al Filarmónica dUviéu by asturnet 7 d'agostu, 2007 Redacción. ‘¿Para cuándo son las reclamaciones diplomáticas?’, una obra de Ramón María del Valle-Inclán va llegar güei miercoles, a les 22:30 hores, al Teatru Filarmónica d’Uvieu, embaxo la interpretación de la compañía asturiana ‘Teatro del Norte’, dirixiada por Etelvino Vázquez. La obra del gallegu, amuesa al Valle-Inclán más urbanu y col so humor más corrosivu. Una de les novedaes d’esta representación ye que la entrada ye llibre hasta que s’enllene l’aforu del Filarmónica. Una iniciativa del Conceyu d’Uvieu p’afalar l’asistencia al teatru del públicu uviedín. La representación d’esta nueche ye parte del ciclu braniegu de teatru entamáu pol Conceyu d’Uvieu y que tien tovía delles funciones pendientes. La primera d’elles el 22 d’agostu que vien, con ‘El Buscón’ de Quevedo y la otra cita, el 26 d’agostu, con ‘Viaje a ninguna parte’ de Fernando Fernán Gómez. 7 d'agostu, 2007 0 FacebookTwitterPinterestEmail
Lorient 2007 Tejedor triunfa en Lorient con un espectáculu sinceru y efectivu by asturnet 7 d'agostu, 2007 El Palacio de Congresos de Lorient enllenose a reventar pa aplaudir a Tejedor na que yera la so segunda actuación en Lorient 2007 depués de sorprender al públicu qu’acudió al conciertu de Sinead O’Connor el vienres, onde actuaron de teloneros. Tejedor algamó un espectáculu cenciellu pero efectivu que cuntó cola collaboración del grupu de pandereteres Dulcamara. Eva, Javi y Jose Manuel tienen d’ufrir nesta nueche del martes el so caberu conciertu nel Festival de Lorient. El dominugu, xunta Sinead O’Connor, Tejedor ya amuesó’l bon momentu creativu ya interpretativu que viven los tres hermanos d’Avilés y dexó bien nidio que s’alcuentra afayáu tanto con públicos modernos como más tradicionales. Pero esta nueche del llunes afitó’l por qué les coses-y van tan bien al grupu: execuciones escelentes, un repertoriu tan equilibráu como afayadizu, una bona puesta na escena y amás una interpretación honrada y modesta. Con Eva marcando la llínia de la perfeición cola so voz y l’aliendu más simpáticu, Javi y tejedor amuesaron un virtuosismu propiu del maxisteriu qu’a la gaita tien el mayor de los hermanos y que en Lorient rubricó con un floreáu que llevantó al públicu de los asientos. El espectáuculu tuvo un añadíu qu’ameyoró abondo la interpretación de dellos temes col grupu de pandereteres Dulcamara, que-y fizo los coros a Eva Tejedor en dellos cancios. 7 d'agostu, 2007 0 FacebookTwitterPinterestEmail
Fiestes La Selmana Grande de Xixón recibe güei a Patriarcas de la rumba y a The Commitments by asturnet 7 d'agostu, 2007 Redacción. Los ‘Patriarcas de la rumba’ van tar nel escenariu de la Plaza Mayor de Xixón a les 21 hores presentando el so discu ‘Cosa nostra’ y a les 23:00 en Poniente, The Commitments. Mañana martes van ser ‘Mojo Project’ los qu’a les nueve la nueche actuen na Plaza Mayor y el ‘Duo Dinámico’ a les once en Poniente. Otres actuaciones que van poder vese a lo llargo de la selman a van ser Kula Shaker, Los Redentores o Tony Allen ente otros. Ocho díes nos que Xixón va ser la capital de la música y la fiesta n’Asturies. 7 d'agostu, 2007 0 FacebookTwitterPinterestEmail
Comunicación Una esbilla de Camín de cantares sal mañana a la venta en DVD by asturnet 6 d'agostu, 2007 Redacción. Mañana miercoles a la una la tarde nel estand del Gobiernu del Principáu d’Asturies na Feria Internacional de Muestres d’Asturies en Xixón va presentase un DVD cola esbilla de los meyores momentos de la serie ‘Camín de cantares’, ún de los programes de la TPA que consiguieron meyores resultaos nesta temporada pasada. ‘Camín de cantares’ ta coproducíu por Ediciones Ámbitu y la RTPA y ta dirixíu por Ramón Lluis Bande y conducíu por Xose Antón Fernández ‘Ambás’. Nel DVD, que va vendese como un adelantu de la futura primera temporada en DVD, que va sacase nos próximos meses a la venta, apaecen dalgunos de los meyores momentos de les visites d’Ambás a les cases de les sos informantes. La esbilla inclúi grabaciones de Las Murias (Grau), Viodo (Gozón), Villarmeirín (Ibias), Xichón (Cangas), Cuturrasu (Llangreu), Piñera Baxo (L.lena), Val.láu (Cangas), Arangas (Cabrales), Restiellu (Grau), Trabáu (Degaña), Chanos (L.lena), Buelna (Llanes) y Ambás (Grau). Amás el DVD inclúi la reellaboración de dellos temes populares a cargu de músicos asturianos. 6 d'agostu, 2007 0 FacebookTwitterPinterestEmail
Lliteratura Lacción poética Cuerpos (con)versos va llegar a la playa LArbeyal esti sábadu by asturnet 6 d'agostu, 2007 Redacción. El poeta Armando Vega entama’l performance poeticu ‘Cuerpos (con)versos’ esti sábadu ente les 11:30 y la una y media la tarde na playa de L’Arbeyal. Según el propiu autor “la idea ye utilizar el cuerpu como soporte poeticu, como llenzu nel que plasmar la grafía de la pallabra”. L’acción interdisciplinar “na que cuerpu y espíritu (cuerpu como soporte y espíritu como manifestación escrita de los sentimientos) da llugar a un tou formal”. Nel actu y al travies de distintes formes, dellos cuerpos van facer de soporte pa un únicu poema tendíos na pendiente de la playa en forma escalonada, con un versu en cada llombu, de manera que dende la distancia puea visualizase’l poema completu. D’esta acción va quedar un documentu gráficu en formatu de semeya y vidiu, que van ser espuestes nel Ateneu de La Calzada. 6 d'agostu, 2007 0 FacebookTwitterPinterestEmail
Lorient 2007 RED HOT CHILI PIPPERS by asturnet 6 d'agostu, 2007 6 d'agostu, 2007 0 FacebookTwitterPinterestEmail
Galerías 2008/2014 Lorient 2007 BAGAD by asturnet 6 d'agostu, 2007 6 d'agostu, 2007 0 FacebookTwitterPinterestEmail
Galerías 2008/2014 Lorient 2007 RED HOT CHILI PIPPERS by asturnet 6 d'agostu, 2007 6 d'agostu, 2007 0 FacebookTwitterPinterestEmail
Fiestes La Selmana Grande 2007 va enllenar Xixón de música by asturnet 6 d'agostu, 2007 Redacción. La Selmana Grande de Xixón entamó ayeri col pregón echáu pol gaiteru Jose Ángel Hevia que preguntó a los xixoneses ‘cómo nun llamaben a la Selmana, la Selmanona’, faciendo referienza al calter ‘grandón’ de los xixoneses. 2.500 persones tuvieron presentes nesti actu d’entamu de les fiestes que van durar hasta’l próxumu 13 d’agostu. Y güei a les 21:15 na plaza mayor va actuar Pata Negra y a les 23:00 en Poniente, Cachao. Mañana martes van ser ‘Patriarcas de la Rumba’ los qu’a les nueve la nueche actuen na Plaza Mayor y Teh Commitments a les once en Poniente. Otres actuaciones que van poder vese a lo llargo de la selman a van ser Mojo Project, el Duo Dinámico, Kula Shaker, Los Redentores o Tony Allen ente otros. Ocho díes nos que Xixón va ser la capital de la música y la fiesta n’Asturies. 6 d'agostu, 2007 0 FacebookTwitterPinterestEmail