Política L.lena va valorar tamién l’asturianu nes oposiciones by asturnet 6 de marzu, 2009 L’Ayuntamientu de L.lena anuncia que tamién va valorar el conocimientu d’asturianu como méritu nes oposiciones sigún fizo anuncia esti día nun comunicáu col que tamién afalagó a tolos conceyos d’Asturies pa que faigan lo mesmo y “s’apunten a esti tipu d’iniciatives”. L’Ayuntamientu de L.lena comunicó esti vienres que va valorar los conocimientos de llingua asturiana como méritu nes sos oposiciones, talamente como lo fadrá’l de Cangas del Narcea. Nuna nota prensa el gobiernu L.lena amosó’l so apoyu a la midida de Cangas y fizo anuncia de que va “facer lo mesmo” y “anima a tolos conceyos d’Asturies que lo faigan y s’apunten a esti tipu d’iniciatives”. La nota sigue diciendo que “dende’l gobiernu de L.lena, tase totalmente d’alcuerdu con tener en cuenta la formación de llingua asturiana o gallego-asturianu pa poder trabayar nes alministraciones públiques, nesti casu nel propiu ayuntamientu”, afirmó la nota. El comunicáu esplica qu’en L.lena tán agora “cola catalogación de puestos de trabayu que va tar acabada pal mes de xunu, y dempués de la mesma, van vese les necesidaes del Conceyu pa poder convocar una ufierta pública d’empléu, y una de las cuestiones que se van tener en cuenta dende yá mesmo ye la de valorar la formación de llingua asturiana pa les places que pudieren salir”. 6 de marzu, 2009 0 FacebookTwitterPinterestEmail
Política Valledor llama a los diputaos del PP “hipócrites” por refugar una enmienda d’IU a la moción sobre’l prerrománicu by asturnet 6 de marzu, 2009 El PP refugó esti vienres una enmienda presentada por IU a una moción de los conservadores sobre la situación del prerrománicu n’Asturies. La enmienda d’IU-BA-Verdes refugaba’l proyeutu de construcción de la denominada Losa de Santullano (Uviéu) ante’l peligru de daños pa la ilesia de Santullanu. Nel plenu de la Xunta Xeneral, Valledor calificó’l discursu del PP sobre’l prerrománicu de “hipócrita” y llamentó’l “papelón” de los diputaos ‘populares’ por tar subordinaos a les decisiones del alcalde d’Uviéu, Gabino de Lorenzo. . 6 de marzu, 2009 0 FacebookTwitterPinterestEmail
Política El Partíu Popular súmase a PSOE, UGT y CC.OO. contra la valoración del asturianu nes oposiciones by asturnet 5 de marzu, 2009 El secretariu xeneral del PP asturianu, Fernando Goñi, y el voceru na Xunta Xeneral, Joaquín Aréstegui, dieron un pasu más nel alloñamientu de los populares dende les posiciones pro-oficialidá quamosare enantes de les elecciones xenerales de 2007, lentós candidatu, Gabino de Lorenzo. Los diputaos populares manifestaron ayeri en Cangas el refugu de la so formación a la iniciativa desti conceyu de premiar con más puntos la conocencia dasturianu nes convocatories dempléu públicu municipales. Goñi y Aréstegui acudieron el miércoles a Cangas col envís dapoyar a los miembros de la xunta xestora que gobiernal PP cangués dende la espulsión de los conceyales de la formación, que votaron a favor del Plan de Normalización Llingüística quinclúi la midida cuestionada polos diputaos. Goñi quixo aclariar quen nengún casu, baxo nenguna circunstancia, les opiniones o actos desos señores puen imputase al PP. Pal secretariu xeneral del PP asturianu embaxo les sigles del PP nunca se votare dalgo manifiestamente contrario a los nuesos ideales, como ye discriminar a les persones en función de la llingua que falen. Aréstegui esplicó que tamos en contra de cualesquier obligatoriedá ya imposición. Esto ruempe hasta la unidá de mercáu, pues entorpez que dalguién de fuera quiera venir a trabayar equí. El voceru popular na Xunta utilizól mesmu argumentu quel Gobiernu del PSOE-IX el gobiernu cangués ta diendo en contra dun plan de normalización llingüística aprobáu por unanimidá na Xunta. 5 de marzu, 2009 0 FacebookTwitterPinterestEmail
Política UNA ve caza de bruxe contra tolo que arreciende a identidá by asturnet 5 de marzu, 2009 La Estaya de Cultura dUnidá Nacionalista Asturiana (UNA) enmarcó dientro de una autentica caza de bruxes escontra tolo que arrecienda a identidá les declaraciones d Ana Rosa Migoya nes quafita que la Llei nun dexe que lasturianu puntúe nunes oposiciones. El portavoz de la estaya, Ignaciu Llope, que ye amás amás residente en Cangas, recuerda lasturianu ye la llingua materna y vehicular de bona parte de los habitantes de Cangas, polo que ye lóxico que la so concocencia puntúe nunes oposiciones. Dende Unidá Nacionalista Asturiana (UNA) entiéndese que la ofensiva escontra posicionamientos democráticos elementales, como los que tán tres de la potenciación del asturiano alcuéntrase agora col apoy de postures intransixentes quapelen a una Llei dUsu que nun cumplen un día sí y otru tamién. Llope afirmó también que nAsturies a munchos gusta-yos combater contra la pantasma duna supuesta imposición del asturianu que namás existe nes sos cabeces y cuenten ganar nAsturies guerres ayenes que nun tienen nada que ver cola realidá asturiana. Por último dende la Estaya de Cultura de UNA recuérdase que según los datos de la UNESCO la nuesa llingua ta en claru peligru, polo que son necesaries midíes más ambiciosas pa la so protección, entamando pola oficialidá. 5 de marzu, 2009 0 FacebookTwitterPinterestEmail
Política La sociedá civil sofita la valoración del asturianu como méritu by asturnet 5 de marzu, 2009 Les pallabres de los partídos mayoritarios al respective de la decisiónd el Ayuntamientu de Cangas de tener en cuenta la conocencia del asturianu nes oposiciones como méritu talamente como se tienen los conocimientos xeográficos y culturales y tantos otros vióse afitada esti día pola sociedá civil asturiana y dellos partíos: Izquierda Xunida, Bloque por Asturies, l’Asociación de Trabayadores de la Normalización Llingüística y la Xunta pola Defensa de la Llingua Asturiana, ente otros, consideraron valoratible la decisión del Ayuntamientu de Cangas del Narcea de cuntar como méritu los conocimientos d’asturianu, y dexaron claro qu’esta midida nun tien un res de discriminatoria. Los partío políticos y asociaciones mentaes respuendíen a les declaraciones de la conseyera d’Alministraciones Públiques, Ana Rosa Migoya, que dicía que la midida nun ye llegal, porque la Llei de Promoción y Usu sólo reconoz la valoración d’esti méritu pa oposiciones en puestos que tengan que ver directamente cola llingua asturiana. Izquierda Xunida emitió esti xueves un comunicáu nel que recuerda que la llei “ampara el derechu de los ciudadanos a conocer y usar l’asturianu y establecer los medios que lo faigan efectivu y asegurar el so llibre usu y la non discriminación de los ciudadanos”. Amás, “nel casu de los ayuntamientos, podrán adoptar les midíes necesaries p’asegurar la efeutividá del exerciciu de los derechos llingüísticos qu’esta llei otorga”. Bloque por Asturies, partíu coaligáu con IX y tamién nel Gobiernu asturianu, aplaudió la propuesta de Cangas porque “ye un signu de valentíu, sen común y xusticia democrática”. Refugó les crítiques de Migoya, a la que tachó de “madre superiora, sobre tolo que güel a llibertaes y derechos llingüísticos” y criticó tamién a los sindicatos CC.OO y UXT por formar parte del Conceyu Abiertu pola Oficialidá y nun seguir los plantegamientos d’ese coleutivu y recomendó-yos “velar pola llimpieza y xusticia nes pruebes de selección d’emplegu públicu, que suelen tar manchaes por clientelismu políticu y sindical”. La Xunta pola Defensa de la Llingua tampoco nun dexó la cuestión pa prau y felicitó al Ayuntamientu de Cangas por “valorar l’asturianu como cualquier otru conocimientu”. 5 de marzu, 2009 0 FacebookTwitterPinterestEmail
Política Acusen despansionismu nEl Bierzu a lAcademia de la Llingua Asturiana by asturnet 4 de marzu, 2009 Lasociación llïonesista El Toralín acusa a lAcademia de la Llingua Asturiana de tar difundiendo su bable de laboratorio inventado pela comarca lleonesa dEl Bierzu. La organización cercana al conceyal dUPL, Abel Pardo, denunció que la entidá pública practica espansionismu llingüísticu y de ser el mamporreru del nacionalismu asturianu más intransixente. Lorixe desta polémica ta nun cursu organizáu en Ponferrada nel que collabora lALLA. Pa El Toralín lAcademia ta fuera de les sos llindes xurisdiccionales y saltándose a la torera los sus propios estatutos. El presidente dEl Toralín, Adrianu Martín, denuncia tamién que lALLA enseña una variante del asturianu, y non lleonés. Páxina web d’El Toralín 4 de marzu, 2009 0 FacebookTwitterPinterestEmail
Política El PP recupera la mayoría absoluta en Galicia mientres los vascos dan una mayoría feble al PNV dIbarretxe by asturnet 2 de marzu, 2009 Galicia y el País Vascu celebraben na xornada del domingu les sos elecciones autonómiques. Como yá sespeculaba dende va selmanes, el Partíu Popular recuperó en Galicia la mayoría absoluta que-y permite gobernar y que saca al socialista Tauriño y a los independentistes del BNG del gobiernu de la Xunta, perdiendo cada formación un diputáu con respectu a los comicios de 2005. El casu de les elecciones vasques ye más complicáu, el PNV xube un diputáu con respectu a 2005, pero cola xuba del PSE-PSOE, un pautu col PP y UPyD, que sumen mayoría absoluta, podría poner en peligru la hexemonía del nacionalismu nesta comunidá. En Galicia, onde la participación tuvo nel 7046%, el PP consiguió 39 diputaos (col 4711% de los votos), frente a los 24 del PSdeG (2992%) y los 12 (con un 1657%) del Bloque Nacionalista Galego (BNG), que nun consiguen volver a sumar los diputaos necesarios pa reescoyer a Tauriño como presidente. UPyD convirtióse na cuarta fuercia en Galicia, con un 145% de los votos, pasando Izquierda Xunida de Galicia, del cuartu puestu en 2005, al sestu nestes eleciones, con un 099% de los votos. Dotru llau, el País Vascu, onde hebo un 6588% de participación, tien per delantre un interesante desenrrollu de los acontecimientos, que pue dar delles opciones de Gobiernu estremaes. Dende la posibilidá de lo que se vien llamando gobiernu constitucionalista formáu por una coalición entel PSE-PSOE, el PP y UPyD, que sestrenó nEuskadi con un diputáu; hastal gobiernu dIbarretxe en minoría y col apoyu dAralar, EA y Ezker Batua, pasando per un posible pautu ente PNV y PSE-PSOE, que podría tener como lehendakari a Ibarretxe, ganador de los comicios, o a Patxi López, llíder de los socialistes. EAJ-PNV xubió un diputáu con respectu a 2005, pasando de 29 a 30 (col 3856% de los votos); el PSE-PSOE consiguió los meyores resultaos de la hestoria, con 24 diputaos frente a los 18 de los comicios pasaos, mientres quel PP consiguió nun pasar de la perda que se considerable aceptable dempués de la crisis del partíu nEuskadi; de 15 a 13 diputaos, col 1409% de los votos. EA, sociu de gobiernu del PNV consiguió 2 diputaos y el 368% de los votos, dempués de presentase en 2005 nes llistes dEAJ-PNV. La gran sorpresa de la xornada vieno pola xuba dAralar, la formación soberanista desquierdes que se benefició de la salida xudicial de la esquierda abertzale de los comicios. Aralar, que conderga la violencia dETA pero nun renuncia a la independencia dEuskal Herria, paso del diputáu únicu, a 4 representantes, col 605% de los votos totales. Otra allegría llevóla Rosa Díez pola entrada del so partíu Unión, Pueblu y Democracia nel parllamentu vascu, con un diputáu y el 193 % de los votos. Ezquer Batua, la marca dIzquierda Xunida nel País Vascu, volvió a baxar nos sos resultaos, pasando de 3 a 1 diputáu, col 351%. Otru datu destacable vieno polos votos nulos, que puen venir en gran parte de les papeletes de formaciones illegalizaes que presentaba la esquierda abertzale. Hasta un 884% del porcentaxe total llegó la cifra. Lo más llamativos destes elecciones vasques: ye la primer vegada que los partíos estatales obtienen, sumando los sos escaños, mayoría absoluta. Un fechu que pue camudar los próximos cuatro años na política vasca, anque non ensin dificultaes pa formar gobiernu ente fuercies tan estremaes como son PSOE, PP y UPyD. Resultaos pormenorizaos de le eleicioes galleges y vasques n’Asturnews 2 de marzu, 2009 0 FacebookTwitterPinterestEmail
Política El Bloque por Asturies refuga la comparanza del asturianu col inglés y col vascu de Consuelo Vega by asturnet 2 de marzu, 2009 El Bloque por Asturies refugó esti día la comparanza de la llingua asturiana col vascu y col inglés d’EE.UU que fizo Consuelo Vega, p’afirmar que la oficialidá de la llingua nun tien que ver col so peligru de desapaición. Dambes formaciones recordaron que’l vascu, amás de ser oficial, cuenta con planes de normalización, y que l’inglés nun ye oficial nos Estaos Xuníos, porque nes Estaos de fala anglosaxona nun hai llingües oficiales. La Direutora de Política Llingüística, Consuelo Vega, fizo unes declaraciones tres de conocese el peligru de desapaición que cuerre l’asturianu, según la última versión del ‘Atles de les llingües en peligru del mundu’, acabante publicase, nes qu’afitaba que la llingua vasca tamién vien incluyida nel ‘Atles’ y ye oficial, y que l’inglés nun taba nel ‘Atles’ y ensin embargu nun tien oficialidá en dengún país. Según el Bloque, comparar l’asturianu col inglés “ye mentir o nun saber de lo que se fala porque onde l’inglés ye la llingua propia nun hai idomes oficiales y non oficiales, y equí la Constitución Española diz que les llingues tienen que ser oficiales, por eso tamién tien que saber que nun se ta respetando la Constitución y xustifica que n’Asturies haya persones de primera o de segunda dependiendo l’idoma que fale”. 2 de marzu, 2009 0 FacebookTwitterPinterestEmail
Política UNA llama mentirosa a Consuelo Vega by asturnet 2 de marzu, 2009 Les declaraciones feches esti día por de Consuelo Vega sobre la oficialidá, comparando al asturianu col inglés y l’Euskera foron consideraes como una broma macabra” por Unidá Nacionalista (UNA) que llama mentirosa a la Direutora de Política Llingüística nuna dura nota de prensa. Pa UNA “la posición de Consuelo Vega fai patente la belixerancia del PSOE contra la meyora xurídica del asturianu y asitia a IU-BA énte lespeyu de la so incoherencia ya incapacidad al facer por ser gobiernu y oposición”. Una atalanta que “otra vegada una responsable del gobiernu asturianu, nesti casu la encargada de xestionar la Dirección Xeneral de Política Llingüística, el gran llogru dIU-BA na negocación en materia llingüística, vuelve a truñar contra la oficialidá de la llingua asturiana. Unidá Nacionalista Asturiana (UNA) camienta quel fechu de que la responsable directa de la política llingüística diga que nun ye importante pa la supervivencia del asturianu ye un fechu pergrave, porque ta mintiendo y ta contribuyendo, dendel so cargu, a esparder una de les mentires quel PSOE lleva intentando inxertar na sociedá asturiana; que la oficialidá ye mala o nun ye necesaria pa promocionar de forma afayadiza la llingua asturiana y asegura-y el futuru”. Pa finar UNA quier facer alcordanza de “que lo más de la sociedá asturiano espresó en delles encuestes una posición favorable a la oficialidá, y que cuando se fai comparanza del asturianu col inglés o col euskera fálase de llingües que, nel primer casu nun oficiales porque nun existe na lexislación esa figura xurídica como tal, o nel segundu, que gocien doficialidá y amás dun ambiciosu programa de normalización” . En definitiva, UNA “remembra que la oficialidá nun asegura la supervivencia del idioma, pero ye imprescindible palgamala, como tol mundu persabe, polo que considerando la situación dramática del asturianu, les declaraciones de Consuelo Vega, propies duna humorista que nun tien maldita la gracia, namás pueden vese como una broma macabra”. 2 de marzu, 2009 0 FacebookTwitterPinterestEmail
Política El PAS ve nes opiniones del Bloque por Asturies una rempuesta al PSOE cínica y desvergoñante by asturnet 2 de marzu, 2009 Tres les declaraciones de Fernando Lastra nes que tornaba a amosar la so posición y la de la FSAPSOE al rodiu a la oficialidá de la llingua asturiana y el posterior retruque del Bloque por Asturies, dendel Partíu Asturianista consideren la rempuesta del BpA un nidiu exerciciu de cinismu y de desvergoña. El Bloque por Asturies, quagora se rasga les vestidures cuan fariseos, sólo pue recibir la calificación de collaboracionistes por facer una arruda hipocresía al gobernar colos políticos que ñeguen la oficialidá (Areces y el PSOE), comenten los asturianistes. Pal PAS ye necesario alcordase de les pallabres en marzu de 2008 del voceru entós del Bloque por Asturies don Rafael Palacios en declaraciones a la prensa, daquella condicionaba una futura reedición del pautu de gobiernu a la oficialidá de la llingua asturiana. ¿Ú tán les sos pallabres? ¿llevóles El Ventolín col aire acondicionáu del sillón?, entruguen dende la formación asturianista. Tres la firma del pautu de gobiernu, IX y el Bloque por Asturies, siempres según el PAS, dexaron de llau y escaecieron la reclamación de la oficialidá de la llingua asturiana. Dendel PAS llevamos pidiendo dende la nuesa fundación (fai más de 23 años) la oficialidá y la evidencia ye que la llingua asturiana nun-yos importa un sacre masque tea nuna situación de peligru de desapaecer según la UNESCO. El PAS ve hipócrita que se critique a la FSA demientres ellos abandonaron esi envís por puestos, perres, chiringuitos y viaxes por ya segunda vegada cola reedición del pautu de gobiernu de 2008. 2 de marzu, 2009 0 FacebookTwitterPinterestEmail