Cine El Centru Municipal de L’Arena acueye un ciclu de cine sobre la saga Bond by asturnet 22 d'ochobre, 2007 A partir de les 19:30 hores nel Centru Municipal Integráu de L’Arena en Xixón va entamar un ciclu de cine que repasa toles entregues de la saga Bond. Pa la primer sesión ta programada la proyeción de la cinta El Agente 007 contra el Dr. No que cunta cola interpretación de Sean Connery. “El Agente 007 contra el Dr. No” dirixida en 1962 por Terence Young supuso la primer adpatación cinematográfica de la serie Bond de Ian Fleming. Nel film James Bond viaxa a Jamaica, pa investigar la muerte del axente John Strangways. Esti muerre víctima de los secuaces del Dr. No, un científicu chinu que vive nuna fortaleza na isla de Crab Key y que trama acabar col programa espacial norteamericanu. 22 d'ochobre, 2007 0 FacebookTwitterPinterestEmail
Cine Cultura presentó’l premiu “Nuevos Realizadores del Principáu d’Asturies 2007” by asturnet 22 d'ochobre, 2007 El director del Institutu Asturianu de la Mocedá, Guillermo Martínez Suárez presentó ayeri’l premiu “Nuevos Realizadores del Principáu d’Asturies 2007” empobináu a favorecer la producción de curtiometraxes nel Principáu d’Asturies. El premio parte con una dotación en premios de 26.000 euros pal anador y 14.000 pal segundu clasificáu. “Dende l’entamu vamos siguir trabayando nel apoyu a los nuevos realizadores”, manifestó’l responsable del Institutu Asturianu de la Mocedá. Guillermo Martínez tambien adelantó que nos próximos díes la conseyera de Cultura va presentar el calendariu de la Film Comission: el muerganu que va velar por favorecer el rodaje de productos audiovisuales n’Asturies. El plazu pa presentar les obres al concursu fina’l 30 d’ochobre siendo necesariu que los curtios nun superen los 25 minutos de duración que los realizadores nun se presentaren previamente a esti galardón. El xuráu va pronunciar el fallu sobre’l ganador durante la cellebración del Festival de Cine de Xixón. 22 d'ochobre, 2007 0 FacebookTwitterPinterestEmail
Música Rafa Lorenzo presental discu Primos Hermanos nUviéu by asturnet 22 d'ochobre, 2007 Güei martes a les doce la mañana. El cantautor asturianu Rafa Lorenzo presental so últimu discu nel patiu de la Conseyería de Cultura, el discu titúlase Primos Hermanos y nel actu va tar acompañáu pola directora xeneral de Cultura y Política Llingüística, Consuelo Vega, el presidente del Conseyu de Comunidaes Asturianes, Manuel Fernández de la Cera, y el productor del discu, Juan Taboada. Nel discu Primos hermanos Rafa Lorenzo yel primer cantante que musica los seis poemes que García Lorca escribió en gallegu. El trabayu inclúi otros seis cantares propios nasturianu. El trabayu quier conmemora el 75 aniversariu del pasu de La Barraca per Asturies. 22 d'ochobre, 2007 0 FacebookTwitterPinterestEmail
Música Rafa Lorenzo presenta’l so nuevu trabayu “Primos Hermanos” by asturnet 22 d'ochobre, 2007 El cantautor asturianu Rafa Lorenzo presenta “Primos Hermanos”: el so nuevo trabayu discográficu nel patiu de la Conseyería de Cultura del Principáu d’Asturies. Xunto col autor van comparecer nel actu’l productor del discu, Juan Taboada; la Conseyera de Cultura, Consuelo Vega y el presidente del Conseyu de Comunidaes Asturianes, Manuel Fernández de la Cera. “Primos Hermanos” presenta seis poemes musicaos de García Lorca, escritos orixinalmente en gallegu, xunto con cancios de composición propia. El discu sal durante la cellebración del 75 aniversariu del pasu del poeta per Galicia y Asturies. 22 d'ochobre, 2007 0 FacebookTwitterPinterestEmail
Educación SUATEA solventa la discriminación en Pando y La Llaboral by asturnet 22 d'ochobre, 2007 Dende SUATEA tan acabante de difundir una nota de prensa esti martes na que ponen na conocencia de tola sociedá que “gracies a les presiones feches ente toos, salgamó la creación de estos dos grupos dasturianu que nun se formaren al entamar el cursu incumpliendo gravemente la Llei dUsu”. SUATEA anima a que “tola Comunidá Educativa (mayestros, escolinos, asociación de mas y pas) y toles instituciones y coleutivos sigan denunciando tolos casos de discriminación llingüística: ye la única mena que tenemos de que se respeten los nuesos derechos.Nos vixilaremos el cumplimientu de la Llei dUsu. Asina mesmo, SUATEA considera que “la oficialidá del asturianu y del gallego-asturiano tien que contemplase na reforma del Estatutu dAutonomía porque la Llei d’Usu ye insuficiente pa dar seguranza del respetu a los derechos llingüísticos de los ciudadanos d’Asturies. Mentanto, caltenemos les nueses postures y siguimos pidiendo les midíes urxentes que vienen darréu: Mesa de negociación cola Conseyería dEducación pa tratar: la precariedá llaboral del profesoráu, ratios, desdobles, inmediata apertura de la bolsa de Gallego-Asturiano Incorporación de la enseñanza de la Llingua Asturiana nel Currículu dInfantil.” 22 d'ochobre, 2007 0 FacebookTwitterPinterestEmail
Sociedá La Fundación tresmitirá los Premios pola Rede by asturnet 22 d'ochobre, 2007 La ceremonia d’entrega de los Premios Príncipe de Asturias na so vixésimo séptima edición, que va tener llugar el vienres día 26 d’ochobre a les 18,30 hores, va tresmitise en directo al traviés d’Internet. Telefónica Data y Telefónica Servicios Audiovisuales van ser les empreses responsables y patrocinadores d’esta tresmisión que va permitir que les imáxenes del actu, ufiertaes por TVE, lleguen a tol mundu. Les ruedes de prensa de los díes 24 y 25, qu’emitirá TVE polos sos canales, y les conferencies impartíes polos galardonaos tamién se van poer seguir pola Rede na direición web de la fundación: www.fpa.es. Ésti ye’l duodécimu añu consecutivu que la Fundación Príncipe de Asturias lleva a cabo esta iniciativa. Notres ediciones, la páxina foi consultada por decenas de miles d’usuarios. Web de la Fundación 22 d'ochobre, 2007 0 FacebookTwitterPinterestEmail
Política ¿Tendrá’l BOPA versión en Llingua Asturiana? by asturnet 22 d'ochobre, 2007 La Dirección Xeneral de Promoción Cultural y Política Llingüística de la Conseyería de Cultura del Principáu ta acabante de facer anuncia de los sos proyeutos más inmediatos ente los que s’atopa facer llegar al BOPA la llingua asturiana en más asuntos que los que cinquen a convocatories de premios n’asturianu y el reconocimientu de la toponimia tradicional nos 55 conceyos que queden por reconocer. Pa aportar la llingua al BOPA tendría de crease un muérganu oficial de traducción al asturianu, enfotu que se marca como obxetivu la Direición Xeneral pa esta llexislatura. 22 d'ochobre, 2007 0 FacebookTwitterPinterestEmail
Patrimoniu Cultura diz que l’Arquelóxicu d’Asturies va tar inauguráu na primavera de 2008 by asturnet 22 d'ochobre, 2007 Tres visitar les obres del Museu Arqueolóxicu d’Asturies n’Uvieu, el Ministru de Cultura, Cesar Antonio Molina declaró que les obres del museu van tar finalizaes prácticamente nel primer trimestre del añu próximu”. El ministru tamien aprovecho pa anunciar que poco dempues del Arquelóxicu va inagurase tamien l’Archivu Históricu. El Ministru señaló amás la prósima firma va d’un alcuerdu coles fundaciones de la Llaboral en Xixón y Óscar Niemeyer n’Aviles pa collaborar con elles nes actuaciones y eventos que s’entamen nes dos ciudaes. “Siguimos trabayando no que ya se fizo y proponiendo nueves coses porque la cultura ye un mediu pa una comunidá como Asturies p’atrayer turismu”, dixo. Molina tuvo acompañau na visita al Museu Arqueolóxicu pol presidente del Principáu d’Asturies, Vicente Álvarez Areces; la conseyera de Cultura y Turismu, Encarna Rodríguez, y l’alcalde d’Uvieu, Gabino de Lorenzo, ente otros políticos autonómicos. 22 d'ochobre, 2007 0 FacebookTwitterPinterestEmail
Tecnoloxía Suburbia Ediciones estrena web by asturnet 22 d'ochobre, 2007 La páxina web de Suburbia yá ta na rede y anque dalgunes páxines s’alcuentren en construcción ya puen atopase dellos servicios. La páxina nun naz, sigún la editorial, “col propósitu de ser sólo una mera esposición de les novedaes editoriales si non que quier ser un espaciu vivu de collaboración entre la editorial y los escritores y escaparate de la riqueza de la lliteratura, la llingua y la cultura asturiana”. Na páxina amuésase una sección llamada Inéditos “na que contamos cola vuestra participación, si teneis cuentos curtios, microrelatos o poemes y nun vos importa velos na rede”. Puen mandase al corréu de Suburbia Ediciones. Tamien na sección Enllaces apaecen blogs de dellos escritores asturianos. 22 d'ochobre, 2007 0 FacebookTwitterPinterestEmail
ConvocatoriesFiestes Xaviel Vilareyo entama una Xunta dEscritores pa los díes 2, 3 y 4 de xineru nUviéu by asturnet 22 d'ochobre, 2007 Los próximos díes 2, 3 y 4 de xineru de 2008 va celebrase na Biblioteca Lorenzo Rodríguez Castellanos del Campu San Francisco dUviéu una Xunta dEscritores coordinada por Xaviel Vilareyo y embaxol tema Lliteratura asturiana y compromisu. Pa ello la organización convida a los escritores y estudiosos asturianos a participar con una conferencia, esposición o presentación de llibros sobrel tema de la Xunta o sobre cualesquier otru relacionáu cola llingua y lliteratura. Pa ponese en contactu y unviar propuestes pue mandas un corréu lletrónicu a xuntadescritores@wanadoo.es 22 d'ochobre, 2007 0 FacebookTwitterPinterestEmail