Comunicación Al Gore axuntará mas de mil persones en Xixón by asturnet 24 d'ochobre, 2007 L’expresidente norteamericanu Al Gore, qu’esti añu ta acabante de convertise en Premiu Príncipe d’Asturies de Cooperación Internacional y Premiu Nobel de la Paz, va ufiertar esti xueves una conferencia-alcuentru nel Teatru Xovellanos de Xixón alrodiu del so documental alredor del cambiu climáticu. La conferencia titulada “Una verdá incómoda” va entamar a partir de les 20:30 hores y tien prevista una asistencia de más de mil persones. Pa esti alcuentru con Gore el Xovellanos distribuyó de baldre casi 800 entraes, la Fundación Príncipe otres 200 y el Conceyu de Xixón unes 100 ente protocolu municipal, prensa, etc. Dende esti llunes 22 pudieron recoyese tamien les entraes nes taquilles del teatru Xovellanos anque nesti momentu ya tan agotaes. “Una verdá incomoda” repasa en aproximadamente hora y media de duración la situación climática mundial al travies de diapositives y imaxes proyectaes nuna pantala de 12 metros. 24 d'ochobre, 2007 0 FacebookTwitterPinterestEmail
Plástiques El Botánico espón un amuesa de semeyes basaes nes lletres de Bob Dylan by asturnet 24 d'ochobre, 2007 Anque’l músicu Bob Dylan, Premiu Príncipe d’Asturies de les Artes 2007, ya disculpó estos díes el nun poder tar presente na entrega del gallardon, va pisar suelu asturianu en dálgún mou al travies de l’amuesa que’entama esta tarde (17:30) nos Xardines del Botánicu de Xixón na que’l fotógrafu Mark Edwards recueye embaxo’l títulu “Hard Rain” una esbilla de semeyes feches en más de 150 paises embaxo la imspiración de les lletres de Bob Dylan. El canciu de Dylan “A hard rain’s a-gonna fall” ye’l filu conductor de toles semeyes que dende güei van tar espuestes nel Botánicu de Xixón. La lletra de la canción ye una denuncia escontra el desaniciu del ecosistema, la contaminación y el papel que xueguen los gobiernos na llucha escontra el deterioru del planeta. L’amuesa va tar disponible al públicu hasta’l prósimu 9 de payares. 24 d'ochobre, 2007 0 FacebookTwitterPinterestEmail
Plástiques Entama l’Amuesa d’Artes Plástiques 2007 na Sala Borrón d’Uviéu by asturnet 24 d'ochobre, 2007 Dende esti xueves y hasta’l prósimu día 28 de payares la Sala Borrón (Calvo Sotelo 5, Uvieu) va acoyer les obres seleccionaes na última edición de la Amuesa d’Artes Plástiques. A la inauguración de la esposición que va entamar a les 19:30 hores na mesma sala va asistir el Director Xeneral del Institutu Asturianu de la Mocedá, Guillermo Martínez. El primer clasificáu nel “Premio Asturias Joven de Artes Plásticas”, fuí nesta ocasión el fotógrafu xixones Jose Jorge Nava Montes, que’alagamó el derechu a facer una amuesa individual na Sala Borrón durante 2008 y un premiu de 12.000 euros. Pal resto de seleccionaos el premiu en metálicu fuí de 5000 euros y la posibilidá de participar na amuesa qu’entama esti día. A esta edición del Premiu presentáronse 57 trabayos de los que pasaron el corte el ganador Jose Jorge Nava Montes pola so obra fotográfica; Jorge Faes, Úrsula Faya, Virginia López y Sandra Paula Fernández, nel apartáu de pintura; Patricia Vázquez, n’escultura y Alicia Jimenez pol so trabayu de vídeo instalación. 24 d'ochobre, 2007 0 FacebookTwitterPinterestEmail
Plástiques El Belles artes espón l’amuesa “Picasso visto por Antonio Cores. Historia y fotografías de un encuentro” by asturnet 24 d'ochobre, 2007 Dende ayeri miercoles 24 ta disponible nel Museu de Belles Artes d’Asturies una amuesa de semeyes del fotógrafu asturianu Antonio Cores sobre’l pintor Antonio Picasso. Embaxo’l nome “Picasso visto por Antonio Cores. Historia y fotografías de un encuentro” el Belles Artes espón 13 semeyes feches por Cores durante l’alcuentru que tuvo col pinto malagueñu na casa d’esti en Mougins, Francia en 1966. Les 13 semeyes pertenecen a una colección de 73 que según el Museu de Belles recuperáronse recientemente amestando asina al fotógrafu asturianu a la nómina de grandes fotógrafos que retrataron al artista malagueño. 24 d'ochobre, 2007 0 FacebookTwitterPinterestEmail
Lliteratura Ábrese’l plazu pal III Concursu de rellatu curtiu de Corvera by asturnet 24 d'ochobre, 2007 Dende’l prósimu 29 d’ochobre al 30 de payares tolos interesaos van poder presentar les sos obres al III Concursu de rellatu curtiu organizáu pol Conceyu de Corvera. El ganador va recivir 300 euros y la publicación del relatu na web del Ayuntamientu de Corvera y los clasificas en segundu y tercer llugar van recibir un premiu en metálici de 150 y 170 euros. Ta abierta la participación a obres en asturianu y en castellanu con tema llibre y como requisitos pa participar ta estipulao que: los testos han de ser d’un másimu de 10 páxines y un mínimu de 5 en formatu DIN A4a 12 puntos y que sían obres inedites. El xurá va dar a conocer los ganadores el día 18 d’avientu. 24 d'ochobre, 2007 0 FacebookTwitterPinterestEmail
Lliteratura Convócasel III Concursu Lliterariu de Rellatu Curtiu Corvera dAsturies by asturnet 24 d'ochobre, 2007 El día 29 desti mes va abrisel plazu pa presentase al III Concursu Lliterariu de Rellatu Curtiu Corvera dAsturies, questi añu ta abiertu a presentar obres en castellán o nasturianu. El plazu va terminar el día 30 de payares y cuenta con trés premios de 300, 150 y 75 euros, amás de la espublización dixital del rellatu. Nel concursu van poder participar toles persones mayores de 18 años. El rellatu tien de tener una estensión mínima de 5 páxines y máxima de 10 y ha presentase en formatu DIN-A4, a doble espaciu y con tipu de lletra Times New Roman de 12 puntos. El fallu del xuráu va dase a conocer el 18 davientu. Han entregase nel Aytu. de Corvera, asitiáu en Nubleo 77, 33416. 24 d'ochobre, 2007 0 FacebookTwitterPinterestEmail
Escéniques Barataria Teatru representa “Travesía sobre nieve de Bagdad” en Xixón by asturnet 24 d'ochobre, 2007 A partir de les 20:00 hores Barataria Teatro lleva al escenariu del Ateneu de La Calzada de Xixón la obra teatral “Travesía sobre nieve de Bagdad”, del autor asturianu Roberto Corte. Embaxo dirección de Corte y col trabayu interpretativu de Silvino Torre, Eva Vallines, Jorge Moreno ya Iván Suárez “Travesía sobre nieve de Bagdad” pon n’escena una conversación ente amigos alredor de la guerra d’Iraq y les sos rellaciones personales. Roberto Corte dirixe Barataria Teatru dende 1996 y ta vinculáu al teatru asturianu dende 1981 cuando funda’l grupu “Oris”. Tamien ye responsable de la edición de testos dramáticos de autores asturianos al travies de la editorial “Deus ex Machina” 24 d'ochobre, 2007 0 FacebookTwitterPinterestEmail
Música Baldo Martínez Grand Ensemble presenten el so jazz amestáu nel segundu conciertu del Teatru La Llaboral by asturnet 24 d'ochobre, 2007 “Proyecto Miño” de Baldo Martínez va enllenar de jazz y sones tradicionales gallegos y portugueses l’escnariu del Teatru Llaboral de Xixón nel segundu actu de la programáción del nuevu equipamientu tres del conciertu d’inauguración. La cita con Baldo Martínez Grand Ensemble va entamar esta nueche a partir de les 20:30 hores. Baldo Martínez acompañáu por 8 músicos más amosa el jazz contemporaneu colo sones propios de Galicia y Portugal pa componer un espectáculu d’hora y media de duración de calter mui personal y bien separtáu de los cliches del jazz americanu y europeu d’anguaño. Nel escenariu destaca la presencia de Valentín Clatrier y Tino di Geraldo, a la zanfona y a la percusión amás del propiu Baldo Martínez al contrabaxu. El restu de músicos que formen Baldo Martínez Grand Ensemble son: la vocalista Maite Dono; Germán Díaz a la zanfona; Chiaki Mawatari, tuba y trombón; David Herrington, trompeta y fliscorniu; Antonio Bravo, guitarra electrica; Alejandro Perez, saxos tenor y sopranu, clarinet; Pedro López, batería y percusión ellectrónica y Carlos Castro, al vibráfonu, les tables y la percusión. 24 d'ochobre, 2007 0 FacebookTwitterPinterestEmail
Música La Camerata de Moravia actua esta nueche nel Teatru Filarmónica by asturnet 24 d'ochobre, 2007 Cola participación como solista al violín del checu Iván Zenaty, la Camerata de Moravia va actuar esta nueche día a las 19.45 horas nel Teatru Filarmónica d’Uvieu. La orquesta va desendolcar un repertoriu con obres de Mozart, Bach, Dvorak, De Beriot y Wieniaswski. La Camerata de Moravia ñaz en 1987 embaxo’l nome de Orquesta de Cámara de Olomouc nutriendose de los meyores solistes de la Filarmónica de Moravia y col tiempu llega a ser una de les formaciones más prestixoses de la República Checa xirando por toda Europa. Nel so repertoriu hai dende piezes dende piezes barroques hasta música del sieglu XX.. 24 d'ochobre, 2007 0 FacebookTwitterPinterestEmail
Música Los Príncipes d’Asturies presiden la la clausura de la XVI Selmana de Música de Cajastur by asturnet 24 d'ochobre, 2007 El Auditoriu Príncipe Felipe d’Uvieu va ser l’escenariu que acueya esti xueves 25 el conciertu de clausura de la XVI Selmana de Música, organizada por Cajastur y la Fundación Príncipe de Asturias. El conciertu,embaxo dirección d’Alberto Zedda, va entamar a les 20:00 hores (namás con invitación) y va cuntar cola presencia de los Príncipes d’Asturies. Alberto Zebda va dirixir el xueves a la Orquesta Moza del Principáu d’Asturies que va interpretar xunto la Sinfonía n.º 2 de Mendelssohn xunto col Coru de la Fundación Príncipe de Asturias, la soprano María Jose Moreno, la mezzo Francesca Provvisionato y el tenor Jose Manuel Zapata. Na XVI Selmana de Música entamó’l pasáu 19 d’ochobre y durante estos díes ufrió un totalñ de 18 conciertos n’Uvieu, Xixón, Aviles, L’Entregu, Llangreu, Llanes, Mieres, Tapia y Villaviciosa. Dellos de los participantes fueron l’Octeto Iberico de Violonchelos, los ganadores Premiu Fin de Carrera ” Ángel Muñiz Toca” del conservatoriu “‘Eduardo Martínez Torner”, el pianista Juan Jose Muñoz Cañivano o el duu Cavatina de flauta y guitarra. 24 d'ochobre, 2007 0 FacebookTwitterPinterestEmail