Comunicación Carlos Suari estrena columna d’opinión nel periódicu gratuitu ’20 Minutos’ by asturnet 25 d'ochobre, 2007 L’escritor Carlos Suari estrenó güei una nueva columna nel diariu ’20 Minutos’, un periódicu de tirada estatal y distribución de baldre que dedica agora, nes sos páxines p’Asturies, un espaciu pa la columna selmanal ‘Entainando’, qu’esta selmana abre col títulu ‘El Cebu’. Esta columna ye anguaño la única n’asturianu nun periódicu estatal. Edición col artículu de Suari, na páxina 2 25 d'ochobre, 2007 0 FacebookTwitterPinterestEmail
Lliteratura Xuan Bello participa nel Festival de Poesía Ibérica que se cellebra en Portugal by asturnet 25 d'ochobre, 2007 L’escritor asturianu Xuan Bello, va participar na primer sesión del Festival de Poesía Iberica “Todos los mares-Todos os mares”, que se ta cellebrando nes ciudaes portugueses de Lisboa y Cascais dende’l 25 d’ochobre y que va finar el prósimu 27 del mesmu mes. Xuan Bello va intervenir esti vienres 26 na primer sesión poetica xunto colos escritores Gastão Cruz, Ana Luisa Amaral, Antonio Jose Ponte y Vergílio Alberto Vieira. Na segunda sesión tamiñen va participar el poeta afincáu n’Asturies Jose Luis García Martín. Completen esta xornada nel festival Francisco Brines, Miguel D’Ors., Pedro Mexia, Jose Manuel Mendes y Jose Manuel Vasconcelos. El Festival de Poesía Iberica “Todos los mares-Todos os mares” ta organizáu pol Institutu Cervantes xunto cola Asociación Portuguesa d’Escritores y la Fundación D. Luís. 25 d'ochobre, 2007 0 FacebookTwitterPinterestEmail
Lliteratura Lliteratu.com dedica un númberu nuevu al II Congresu de Internacional de Lliteratura Asturiana by asturnet 25 d'ochobre, 2007 Lliteratu.com, revista dixital de lliteratura, estrena güei una nueva edición decicada nesti casu al II Congresu Internacional de Lliteratura Asturiana, entamáu pola Academia de la Llingua Asturiana y que va empecipiar el próximu día 5 de payares nUviéu. Nesti númberu 14 de Lliteratu.com ufrimos el programa completu del Congresu, noticies rellacionaes cola ALLA, un reportaxe sobrel cómic de Chechu García y la sección El Personaxe, dedicada a la figura dAna Cano, presidenta de lAcademia de la Llingua Asturiana. En cuantes al espaciu pa la creación Lliteratu.com ufre dos poemes de Xabel de Cea y el rellatu Toblerone de Pablo X. Suárez. Amás, la revista dixital inclúi una entrevista de venti preguntes colos escritores Lluis Antón González, Inaciu Galán y Ricardo Candás. Revista dixital de lliteratura ‘Lliteratu.com’ 25 d'ochobre, 2007 0 FacebookTwitterPinterestEmail
Lliteratura Benxa Pérez ganal Premiu Pepe Campo de Monólogu Modernu by asturnet 25 d'ochobre, 2007 El IV Premiu Pepe Campo de monólogu va entregase esti sábadu a les ocho la tarde en Morea dAyer y Asturnews.com yá pudo conocer el fallu del xuráu. El monólogu ganador ye esti añu Los homes y les gocheríes, un testu de Benxa Pérez (Xixón, 1986), un xoven escritor miembru del conseyu de redaición de la revista Formientu y conocíu poles sos actuaciones como monologuista nos certámenes de monólogu modernu de lAsociación H.a Xareos, de la que foi cofundador. Pérez comentó pAsturnews.com tar mui contentu con esti premiu que demuestra lafitamientu del monólogu modernu nAsturies, un xéneru nel que trabayamos dende H.a Xareos pa sacar alantre y que paez que va garrando siguidores. Y ye que Benxa Pérez participa dende va dellos años, xunto a Inaciu Galán y al traviés de lasociación H.a Xareos, na renovación del monólogu asturianu y precisamente foi un monólogu echáu nel Tercer Certame de Monólogu Modernu nAsturianu (pieslle de lArribada 2007). organizáu pola asociación H.a Xareos, el que ye agora premiáu. El premiu lleváronlu lañu pasáu Isaac de lArada ya Inaciu Galán pol monólogu Asturianos al volante…, lo que pon de manifiestu la intención desti premiu de reconocer los testos que faen por remocicar esti xéneru humorísticu. El monólogu de Benxa Pérez, va volver a ser interpretáu pol autor nel programa Al Aldu: La risión nes próximes selmanes. 25 d'ochobre, 2007 0 FacebookTwitterPinterestEmail
Escéniques Teatru Pausa lleva al Filarmónica “Solos de trompeta y saxo” de Villanueva by asturnet 25 d'ochobre, 2007 El grupu de teatru Pausa de Lieres embaxo la dirección del dramaturgu asturianu Javier Villanueva presenta la obra “Solos de trompeta y saxo” esti sábadu a partir de les 20:15 hores nel Teatru Filarmónica d’Uvileu. La obra, orixinal de Villanieva, cunta cola interprestación de Yasmina Álvarez, Pía Alfaro, Carmen Turiel, Pablo Díaz, Diego Fernández y David Villa. Javier Villanueva ye’l director de la compañia Pausa dende 1988 y con ell algamó dellos reconocimientos a la so llabor nel teatru como’l premiu Xovellanos de TVE a la obra “La princesa de las noches blancas” o el premiu Buero Vallejo de teatru con “Yo no quiero ser Macbeth”. 25 d'ochobre, 2007 0 FacebookTwitterPinterestEmail
Escéniques La Machina Teatro representa la obra “Tu ternura molotov” en Mieres by asturnet 25 d'ochobre, 2007 “Tu ternura molotov”, orixinal de Gustavo Ott, toca temes como la identidá o el terrorismu con ironía y misteriu. El director Etelvino Vázquez ataca nesti trabayu la superficialidá de cierta clase media con aspiraciones y los prexuicios sociales d’esta al travies d’una pareya qu’entama a tener rellaciones sexuales buscando un herederu. La cita ye esti vienres a partir de les 20:00 hores nel Centru Cultural Cajastur de Mieres (Jerónimo Ibrán 10) con entrada de baldre hasta completar l’aforu. 25 d'ochobre, 2007 0 FacebookTwitterPinterestEmail
Escéniques Fernando Hurtado presenta dos obres de danza en Xixón by asturnet 25 d'ochobre, 2007 El bailarín y coreógrafu malagueño Fernando Hurtado visita esta nueche Xixón pa presentar en directu dos espectáculos de danza. La cita cola danza entama les 20:00 hores nel Centru Cultural Cajastur Colexata San Xuan Bautista cola puesta n’escena de les obres “Checkpoint” y “In Sistere”. La entrada ye de baldre hasta completar l’aforu. Fernando Hurtado ye un bailarín y coreógrafu malagueñu de dilatada carrera con cerca de venti años d’esperiencia nes tables. Varios premios figuren nel so curriculum ente ellos el tercer y primer premiu del Certamen Coreográficu de Madrid, poles obres “Deseu atrevido” (2000) y “Quisiera borrarte de un suspiro” (2001), respectivamente, y el primer premiu del II Certamen Coreográficu d’Andalucía, pola obra “Respira profundamente”. 25 d'ochobre, 2007 0 FacebookTwitterPinterestEmail
Escéniques La compañia d’Estrella Gracia lleva “Tangos, historias de ayer y hoy” a Trubia by asturnet 25 d'ochobre, 2007 Esti vienres a partir de les 20:00 hores la compañía asturiana Zig Zag Danza lleva’l Teatru Casinu de Trubia la obra “Tangos, historias de ayer y hoy”. Estrella Gracía ye la encargada de dirixir esti espectáculu que fai una aprosimación a la historia al travies del tangu. La idega orixinal, la dirección y la coreografía del espectáculu ye responsabilidad d’Estrella García que’algamó con esta obra reconocimientos como’l premiu Asturies de les artes esceniques a la meyor autoría/coreografía y al meyor diseñu d’iluminación na edición de 2004. 25 d'ochobre, 2007 0 FacebookTwitterPinterestEmail
Escéniques Llugones acueye la obra teatral “En la calle” a cargu de Beluga Teatru by asturnet 25 d'ochobre, 2007 “En la calle”, de Jose Ramón Fernández y Ernesto Arias, embaxo la interpretación del grupu teatral madrileñu Beluga llega esta nueche a la Casa la Cultura de Llugones a partir de les 20:00 hores. El sábadu 27, tamien a les 20:00 hores, la obra va viaxar al Centro Cultural Cajastur d’Uvieu (San Francisco 4) pa integrar el programa “Alcuentros n’Asturies” de Cajastur. Embaxo la dirección d’Ernesto Arias, natural de Llugones, “En la calle ye la historia en tonu de comedia de cuatro persones que viven na cai y que por mor d’un cambiu nes sos vides entamen a representar una obre de teatru: “Los fidalgos de Verona” de Shakespeare. 25 d'ochobre, 2007 0 FacebookTwitterPinterestEmail
Escéniques Teatru Kumen estrena Actu Imprevistu nel Teatru Palacio Valdés by asturnet 25 d'ochobre, 2007 Teatru Kumen lleva a escena la obra Actu Imprevistu adaptación pal asturianu del orixinal Acto Imprevisto del autor malagueñu Miguel Gallego, cola que la compañía Estable Teatro tien feches más de mil representaciones. La traducción ye dEloy Antuña y va estrenase esti vienres 26 dochobre nel Teatru Palaciu Valdés dAvilés. Actu Imprevistu valse de la naturalidá, inocencia y sinceridá de dos llimpiadores pa llanzar una denuncia social acerca de la realidá cotidiana de munches muyeres a les que circunstancies vitales, problemátiques y conflictos les lleven a pervivir en condiciones sociales penoses. Les dos muyeres ponen sobre lescenariu les sos frustraciones personales dende lhumor, realizando ensin querer una representación teatral y poniendo sobre les tables les aspiraciones de los trabayadores y de les muyeres en xeneral. Dos seres traxicómicos que, por un casual, permítensel lluxu de soñar nun actu pasaxeru ya imprevistu. Esti montaxe pretende averanos a la realidá cotidiana, comprometenos con esa realidá social que nos arrodia por… humor al arte. Nel escenariu van xuntase dos realidaes mui estremaes: dun llau la frenética actividá que precede a una representación teatral: montaxe de les lluces, el soníu, los decoraos…, too ello tiñío dun llinguaxe y rituales propios, que de sópitu sinterrumpe énte lapaición de les trabayadores de la llimpieza, ayenas a too ello, y sorprendíes ante cada nuevu descubrimientu. Será, la intervención dun tercer personaxe, lo que posibilitará que la maxal teatru raspie, per un instante, la triste vida de les dos muyeres. Tamos énte una comedia con posu amargu, que llogra trescender los tópicos gracies a un argumentu bien preparáu, que nos avera a una realidá cercana con un llinguaxe atrayente nel que reinen lhumor y la tenrura. 25 d'ochobre, 2007 0 FacebookTwitterPinterestEmail