Lliteratura El profesor Francisco González fala sobre Madame Bobary nel Club Prensa Asturiana by asturnet 29 d'ochobre, 2007 El profesor titular de Filoloxía Francesa de la Universidá d’Uvieu, Francisco González Fernández ufre esta tarde, a partir de les 20:00 hores nel Club Prensa Asturiana, una conferencia con motivu del 150 aniversariu del xuiciu a Flaubert pola publicación de la novela “Madame Bobary”. “Emma Bovary y las gafas de Woody Allen” ye’l nome d’esta conferencia organizada cola collaboración de l’Alianza Francesa d’Uvieu. Un añu dempues de la publicación en Francia de “Madame Bovary” en 1857, les autoridaes de la epoca xuzgaron a Flaubert, acusáu d’escribir una novela pornográfica anque resultó inocente de los cargos y “Madame Bovary” pudo siguir distribuyendose. 29 d'ochobre, 2007 0 FacebookTwitterPinterestEmail
Lliteratura Mª Teresa González va protagonizar la XXIX Selmana de les Lletres Asturianes by asturnet 29 d'ochobre, 2007 En declaraciones feches al periódicu Les Noticies, Consuelo Vega, Directora Xeneral de Cultura y Política Llingüística, dio anuncia de la tema de la próxima Selmana de les Lletres Asturianes, la festividá institucional de les nueses lletres, que vuelve cola alcordanza y lestudiu de la obra de Mª Teresa González al so formatu habitual de centrase nun escritor namás. Con esta anuncia González pasa a tar ente los clásicos asturianos como Xosefa Xovellanos o Teodor Cuesta. Nos últimos años y dempués de dedicase en 2004 al escritor xixonés Andrés Solar, la Selmana de les Lletres Asturianes tuvo dedicada a la poesía, el teatru y la narrativa contemporanea, lo que pa Vega consiguía menos impactu pola dificultá de fomentar la obra de tou un movimientu. Mª Teresa González ñació en Tremañes, Xixón, nel añu de 1950. A los diecisiete años entra como aprendiz na empresa daplicaciones llétriques CRADY; nesta fábrica sigue trabayando hastal so cierre en 1987. Foi xunto al so home, tamién escritor, Vicente García Oliva una de les fundadores del nucleu xixonés de Conceyu Bable en 1975. González escribe los sos primeros poemes alredor del añu 1984. Gana dellos concursos lliterarios y asoleya poesía en diverses publicaciones. En 1987 asoleyal so primer llibru de poemes: Collaciu de la nueche. En 1989 espubliza la plaquette Ochobre. Algamal Premiu de Poesía Erótica Cálamo 1990 col so llibru en castellano Con húmedos lamentos de felino. En 1993 apaez el so tercer poemariu nasturianu: Heliocentru y en 1994l so primer y únicu llibru de rellatos: La casa y otros cuentos. Fallez en Xixón en 1995, depués duna llarga enfermedá. Ta representada en delles antoloxíes tanto como poeta y como narradora: Antoloxía poética del Surdimientu (1989), El secretu de la lluvia (1992), La patria de la piel (1992), Antoloxía del cuentu asturianu contemporaniu, (1994), Muyeres que cuenten (1995) y Les muyeres y los díes de la poesía asturiana contemporánea (1995) y amás tovía queden testos inéditos, según anunciava la Directora Xeneral de Cultura. 29 d'ochobre, 2007 0 FacebookTwitterPinterestEmail
Lliteratura Sánchez Vicente presenta Realidaes y ficciones by asturnet 29 d'ochobre, 2007 Esti martes 30 dochobre, a les ocho la tarde, va presentasel nuevu llibru de Xuan Xosé Sánchez Vicente, perconocíu escritor y políticu asturianista. Lactu va ser nel salón dactos del Vieyu Institutu Xovellanos. El llibru, asoleyáu pola Fundación Nueva Asturies ye Realidaes y Ficciones y tolos asistentes van llevar un exemplar. Realidaes y ficciones atropa dos tipos de trabayos y estudios: los de la primera estaya son trabayos de socioloxía y política, los de la segunda, de mena lliteraria. Na primera faza, «Asturies, dentro de veinte años» dibuxal panorama que pal autor yel que nos gustaría topar a los asturianistes: una patria meyor, más grande y más asturiana, y señala los problemes que pa llograr esi sueñu esisten güei (el fundamental, los partíos madrileñistes o centralistes y la so indiferencia y despreciu por Asturies y los asturianos). Dientro la mesma faza, «La identidá asturiana» traza un análisis a lo llargo de la hestoria, hasta llegar hasta güei, de cuálos son los parámetros la nuestra identidá y cómo se constituyen hestóricamente. La segunda faza ta centrada na lliteratura asturiana nos años del Surdimientu, ampliando y matizando lo que fueral yá clásicu trabayu de Sánchez Vicente, Crónica del Surdimientu, discutiendo les diverses interpretaciones critiques de la época y faciendo un estudiu detalláu dautores, modes, tendencies lliteraries, y arreyamientu sociolóxicu. Dente esos estudios el primeru entitúlase «Nhomenaxe a Andrés Solar: Los años del Surdimientu: tendencies lliteraries y sociedá». El segundu y el terceru, como los sos nomes indiquen, indaguen, respectivamente, sobre la poesía del Surdimientu y sobre la prosa: «La poesía del Surdimientu», «La narrativa del Surdimientu. La década de los setenta». Un pequeñu trabayu, «Dos notes sobre dos pilancos de llectura en Marirreguera», onde aclara dos testos, hasta agora escuros, del padre les nueses lletres. 29 d'ochobre, 2007 0 FacebookTwitterPinterestEmail
Cine “A golpe de tacón” preséntase esti miércoles na SEMINCI by asturnet 29 d'ochobre, 2007 Esti miércoles 31 d’Ochobre va presentase na LII Semana Internacional de Cine de Valladolid (Seminci) el filme “A golpe de tacón”, curtiumetraxe de la directora asturiana Amanda Castro que revisa’l papel de les muyeres na fuelga minera de 1962 a partir de les vivencies de les llangreanes Anita Sirgo y la fallecía Constantina Pérez, “Tina la de La Xuécara”, que foron deteníes y torturaes durante los episodios del 1962 . “A golpe de tacón”, que ta protagonizáu por Cristina Marcos, Lola Herrera, Belén Ponce de León, Fernando Andina y el llangreanu Fran Sariego, va proyectase na nueche del miércoles en Teatru Calderón de Valladolid y al día siguiente nel cine Casablanca, dientro de la “La noche del corto español” Esti curtiumetraxe, rodáu principalmente en Llangréu y Santa Cruz de Mieres foi realizáu a partir d’un guión del periodista entreguín Pedro Alberto Marcos, que tamién foi l’autor del testu del primer trabayu cinematográficu d’Amanda Castro “Tierra de guerrilleros”. 29 d'ochobre, 2007 0 FacebookTwitterPinterestEmail
Cine El canariu Guillermo Ríos algama’l primer premiu nel Certame Internacional de Cortometraxes “Art Nalón” by asturnet 29 d'ochobre, 2007 “Nasija”, del director canariu Guillermo Ríos fui la cinta ganadora del Certame Internacional de Cortometraxes “Art Nalón” d’esti añu. El xuraú del festival entregó’l galardón al cineasta y un premiu de 2000 euros nuna ceremonia que se cellebró’l pasáu vienres nel cine Felgueroso de Sama. “Tadeo Jones y el sótano maldito” de Enrique Gato algamó’l premiu al meyor curtiu d’animación. Otres obres premiaes fueron “Y tú, cómo lo ves?” de Lucía Mnendez y “Bichos raros” de Alegría Collantes que recibió’l premiu del públicu. «Nasija», ye un drama que narra la vida de una subsahariana condenada a morir lapidada. El curtiu relata el maltratu al que ye sometía la muyer en delles culturas. La obra, rodada en Tenerife, cunta cola participación de Guillermo Ríos na dirección y guión; Roberto Ríos como director de fotografía y cámara; Carlos Sáenz na dirección artística; Santiago Ríos na producción, Teodoro Ríos na producción executiva y Mento como autores de la música, inspirada nos sones del África Subsahariana. 29 d'ochobre, 2007 0 FacebookTwitterPinterestEmail
Cine “La vida de nadie” de Eduard Cortés proyéctase esta tarde nel centru de El Llano by asturnet 29 d'ochobre, 2007 “La vida de nadie”, ópera prima del director español Eduard Cortes, ye la propuesta cinematográfica pa esti día nel centru municipal integráu de El Llano en Xixón dientro del ciclu “Recuperando la memoria histórica”. El pase va entamar a les 19:00 hores y la entrada ye de baldre y llibre hasta completar l’aforu. La cinta cunta cola interpretación de Jose Coronado y Adriana Ozores pa componer el retratu d’un home d’esitu que ve como la so vida cambia de rumbu. Ta basada nel casu real de Jean-Claude Romand, que en 1993 asesinó a la so familia a la que tuvo engañada durante dieciocho años diciendo-yos que yera un prestixosu medicu. 29 d'ochobre, 2007 0 FacebookTwitterPinterestEmail
Música SUATEA denuncia’l “Sabotax a la nuesa gaita” by asturnet 29 d'ochobre, 2007 Nun duru ya irónicu comunicáu, es sindicatu mayoritarriu de la enseñanza n’Asturies, SUATEA denuncia’l “Sabotax a la nuesa gaita” que supón el fechu de que “los futuros titulaos del Conservatoriu seyan instruyios por gaiteros gallegos”. Según SUATEZ “Mentantu fardamos de que nAsturies los nuesos gaiteros y la peculariedá del so instrumentu son una perimportante seña didentidá, daquién tuvo la feliz idega de que los futuros titulaos del Conservatoriu seyan instruyios por gaiteros gallegos. Lañu pasáu fízose una bolsa de trabayu con gaiteros especialistes na nuesa gaita. Sabemos quel nivel de les prebes foi de lo más esixente por mor de la calidá de los aspirantes. Agora bien, si se trata de facer un sabotax a la formación de los alumnos del Conservatoriu podriémos proponer a gaiteros escoceses. Como los gallegos, tienen un instrumentu diferente, pero podríen dar les clases ninglés. Tendremos gaiteros con aires internacionales, pero con poco aire de gaiteros asturianos.” SUATEA entrúgase si “¿Dende la alministración daquién pescanciará questo ye una llocura?” y pide darréu d’ello un podo de xacíu. 29 d'ochobre, 2007 0 FacebookTwitterPinterestEmail
Música La FNAC presenta un documental sobre los finlandeses Sigur Ros by asturnet 29 d'ochobre, 2007 Los lunes musicales del Fórum de la FNAC de Parque Principado (Siero) agospien esta tarde a partir de les 19:00 hores la proyección de “Heima”, documental sobre la banda finlandesa Sigur Ros dirixíu por Dean DeBlois, autor de obres como Lili y Stitch, que va ver la lluz el prósimu 6 de payares. “Heima” asoleya imaxenes de la xira finlandesa de Sigur Ros. Incluí actuaciones d’estos puntales del pop con tintes ellectrónicos por pequeños llocales, fábriques abandonaes o parques amás d’entrevistes cola banda y con vecinos del barriu. El DVd ta acompañáu d’un CD doble con dos ep’s Hvarf / Heim. 29 d'ochobre, 2007 0 FacebookTwitterPinterestEmail
Escéniques El Teatru Nuevu de La Felguera acueye la obra obra “Cómo vas a morir si no tienes madre” by asturnet 26 d'ochobre, 2007 Dientro de la edición 2007 del festival Art Nalón Escena llega’l turnu pal teatru de la compañía Aboca Volta cola obra “Cómo vas a morir si no tienes madre”, que van representar nel Teatru Nuevu de La Felguera esti domingu a partir de les 20:00 hores. “Cómo vas a morir si no tienes madre” ye la historia del viaxe d’una neña dende la so casa hasta la gran ciudá. La Compañía Abocca Teatro vien trabayando dende 2004 cola obra “Los bajos fondos”, más tarde esperimentaron cola danza nes obres “Macbeth”, “Blanco”, “Los negros”, y “Dame veneno, que quiero morir”. 26 d'ochobre, 2007 0 FacebookTwitterPinterestEmail
Escéniques “En la calle” de Beluga Teatru llega al Centru Cajastur d’Uviéu by asturnet 26 d'ochobre, 2007 “En la calle”, de Jose Ramón Fernández y Ernesto Arias, embaxo la interpretación del grupu teatral madrileñu Beluga llega esta nueche a les 20:00 hores, al Centro Cultural Cajastur d’Uvieu (San Francisco 4) dientro del programa “Alcuentros n’Asturies” de Cajastur. Embaxo la dirección d’Ernesto Arias, natural de Llugones, “En la calle ye la historia en tonu de comedia de cuatro persones que viven na cai y que por mor d’un cambiu nes sos vides entamen a representar una obre de teatru: “Los fidalgos de Verona” de Shakespeare. 26 d'ochobre, 2007 0 FacebookTwitterPinterestEmail