Cine Jose Luis Cienfuegos presentó una nueva edición del Festival de Cine de Xixón by asturnet 16 de payares, 2007 Del 22 de payares al 1 d’avientu Xixón va ser l’escenariu d’una edición más, la númberu 45, del Festival Internacional de Cine de Xixón. El so director, Jose Luis Cienfuegos presentó el pasáu xueves la programación d’un eventu nel que por primer vuelta va treslladar parte de les esibiciones a les llocalidaes de Candás y de Llangreu. Cienfuegos fizo mención especial al ciclu de cine alemán, a les películes “Juno” de Jason Reitman y “Grace is Gone”, de James C. Strouse. La película que va inaugurar el festival va ser la cinta “The Darjeeling Limited” del director Wes Andersonnuna gala que va cuntar cola presentación del actor Javier Veiga y la música del cuartetu del compositor y guitarrista nortemericanu James Taylor. A esta edición del certame van presentase 18 títulos a la competición oficial de llargometraxes y 16 a la de curtios. Precisamente nel concursu de curtios participa l’asturianu Alberto Rodríguez, ganador del Premiu Nuevos Realizadores 2006 cola obra “Darío y Verónica”. Web del festival 16 de payares, 2007 0 FacebookTwitterPinterestEmail
Cine Xixón Óptica 2007 amosa esti fin de selmana les obres de vídeoarte de más de 200 artistes by asturnet 16 de payares, 2007 El festival Internacional de Vídeuarte de Xixón, Xixón Óptica 2007, va acoyer na villa una esbilla de proyecciones, directos y cellebraciones dicverses dende esti vienres 16 de payares hasta’l prósimu domingu 18 na que ye la so tercer edición. El Centru de Cultura Antiguu Institutu, el Conseyu de la Mocedá de Xixón, el Casinu d’Asturies, Mediavanced , Gallery Art & Food y la Sala Lai van ser los escenarios nos que se va desendolcar el programa de xeres, siempre con entrada llibre y de baldre. Esperimentación nel campu de lo visual podria ser perfectamente’l lema que defina esta edición d’un festival nel que van participar más de 200 artistes de tol mundu. Nel programa va haber sitiu pa directos y delles xeres y tamiñen pal concursu competitivu nes secciones d’artistes independientes y galeríes que opten Premiu Óptica al meyor trabayu de videu, al Premiu del Xuráu y el Premiu Especial Óptica 2007. Web del festival 16 de payares, 2007 0 FacebookTwitterPinterestEmail
Cine Una amuesa de videoarte con obres de 17 artistes repasa dellos aspectos de Xixón by asturnet 16 de payares, 2007 Dende esti vienres 16 de payares y hasta’l 7 de xineru ta disponible en Xixón l’amuesa colectiva de videoarte “Signos de Ciudad” que se cellebra paralelemente al Festival Internacional de Cine de Xixón. Segun informó’l Conceyal de Cultura de Xixón, Justo Villabrille l’amuesa repasa dellos aspectos de la ciudá al travies de los videos de diecisiete autores como Jennifer Allora, Alex Campoy, Dionisio González, o Tomás Muñoz. Los trabayos seleccionaos pa la ocasión puen vese na sala 2 del Centru de Cultura Antiguu Instituto y na Galería Espaciu Líquido, organizadora tamien del eventu. 16 de payares, 2007 0 FacebookTwitterPinterestEmail
Música The Punishers van poner el broche a les Xornaes Culturales JOVETENSE 07 by asturnet 16 de payares, 2007 La banda ovetense de rock enerxeticu The Punishers clausuren esti sábadu les Xornaes Culturales JOVETENSE 07 organizaes poles Mocedaes Socialistes d’Uvieu. La cita, a les 20:30 en La Calleja de la Cieja na cai Martínez Vigil, tamiñen va servir pa que la banda presente’l so nuevu trabayu “Faster Harder Deeper” que va entamar a comercializase el prósimo 3 d’avientu. Amás d’esti conciertu les xeres de les xornaes finarán realmente el domingo cuando echará el pieslle la esposición “Miradas”, de Juan Falcón, disponible nel KIN Cafe & Lounge (C/Ildefonso Sánchez del Río, zona del Milán). 16 de payares, 2007 0 FacebookTwitterPinterestEmail
Música Xabel Vegas y las Uvas de la Ira presenten un minidiscu na FNAC de Siero by asturnet 16 de payares, 2007 El forum de la FNAC de Siero va ser l’escenariu que agospie esti sábadu’l conciertu de Las Uvas de la Ira,’l últimu proyectu musical de Xabel Vegas: habitual de la escena musical asturiana en bandes bien conocíes pal públicu espacializáu como Manta Ray y Jr. La cita, de baldre hasta enllenar la pequeña sala de la tienda, col músici xixones va entamar a les 19:00 hores. Xabel Vegas presenmta n’esta ocasión el discu “Canciones sobre traiciones y mentiras” xunto col guitarrista John Álvarez, el baxista Eras Sánchez, la baterista Eva Díaz ya’l pianista Alfredo González. 16 de payares, 2007 0 FacebookTwitterPinterestEmail
Música El músicu Mikel Azpiroz trae’l so rock amestáu con ritmos africanos a Mieres by asturnet 16 de payares, 2007 El ciclu “Músiques del sieglu XX” trae esti vienres al Centru Cultural Cajastur de Mieres (c/Jerónimo Ibrán, 10) el nuevu proyectu que col nome d'”Elkano Browning Cream” llidera’l músicu Mikel Azpiroz. La banda que va actuar a partir de les 20:00 hores con entrada llibre y de baldre hasta enllenar la sala, presenta una formación básico de tríu con Mikel Azpiroz: al órgano, Matt Harding na guitarra y les voces y Franck Mantegari na batería y les percusiones. Mikel Azpiroz ye uno de los músicos fundamentales de laescena vasca y cunta con collaboraciones xunto a xente como Negu Gorriak, Jabier Muguruza, Mikel Erentxun, Fermin Muguruza, Alex Ubago y participaciones nos proyectos Lau Behi, Parafünk, o Matt Harding Project. Elkano Browning Cream ta acabante d’espublizar el so discu homónicu nel sellu Mamusik que rexenta’l propiu Azpiroz. Nesti tabayu cunto cola colaboración del guitarrista Matt Harding y del baterista d’Alpha Blondy Franck Mantegari. Rock, munchu groove ya influencies clares de la percusión tradicional africana ye lo que’l músicu donostiarra propón nesta nueva entrega. Más información 16 de payares, 2007 0 FacebookTwitterPinterestEmail
Música Felpeyu toca esti vienres nel Nuevu Teatru La Felguera by asturnet 16 de payares, 2007 El grupu Felpeyu visita Llangréu esta fin de selmana pa poner conciertu güei vienres a les 20:30 hores nel Nuevu Teatru La Felguera. Felpeyu ye un grupu de referencia de la música asturiana, fundáu en 1991 vien desarrollando la so carrera musical con munches actuaciones dexitu per España, Europa y Australia. El so primer trabayu discográficu fuel discu homónimu Felpeyu, editáu en 1994 por FonoAstur. Yá daquella teníen publicao la maqueta Fuxide oricios (1993) y contribuyío al recopilatoriu V Festival de Música Folk Galega (Edicións Discográficas Galegas, 1993). En 1997 apaez el so segundu discu, Tierra (FonoAstur). En 2000 publiquen Live Overseas (Urchin Records), discu en directu grabáu nOurense pa una xra perAustralia, y en 2002 el so últimu trabayu hasta la fecha, Yá!, publicáu esta vez pola compañía creada pol grupu, Tierra Discos. Felpeyu trabaya col fondu musical tradicional asturianu creando un discursu musical personal, potente y actual, basáu na reellaboración de cantares populares y pieces instrumentales recuperaes de fontes etnográfiques o compuestes polos sos miembros. El resultáu ye un repertorio sólidu ampliamente aceptáu por crítica y públicu, defendíu nintensos conciertos en directu por tola xeografía asturiana y española y en países como Canadá, Líbano, Francia, Australia, Italia, Suecia, Dinamarca Felpeyu revitaliza sones populares al traviés de les sos interpretaciones mediante lusu darreglos de cuerda contundentes que respalden lletres les más de les veces creaes pol propio grupu, atopando asina un términu mediu ente creatividá y tradición, y siempre col envís d’esfrutar faciendo bona música sobre l’escenariu. 16 de payares, 2007 0 FacebookTwitterPinterestEmail
Música La Escuela de Música Tradicional de Llangréu imparte un cursín sobre’l mantenimientu del tambor asturianu esti sábadu by asturnet 16 de payares, 2007 La Escuela de Música Tradicionel de Lllangreu organiza pa esti sábadu 17 de Payares el taller “Mecánica y mantenimientu del tambor de cuerdes asturianu”. Esti cursu enseña conocimientos praúticos sobre’l cuidáu del tambor, como como sacar cuerda, cambiar un parche, facer retañes y dellos trucos pal bon mantenimientu d’esti instrumentu popular asturianu. El cursín va dirar tres hores, dende les 17:00, y va ser impartíu pol artesán Carlos do Viso ya’ l percusinista Manuel Durán nel Conservatoriu Valle del Nalón. El preciu de la inscripción ye de 25 euros y hai 16 places disponibles que se puen solicitar llamando al númberu de telefonu de la escuela, el 985 67 71 13, o contautando colos responsables del cursu na dirección de correu llangreumusicatradicional@hotmail.com 16 de payares, 2007 0 FacebookTwitterPinterestEmail
Sociedá Los Príncipe d’Asturies d’investigación protagonicen un ciclu de conferencies by asturnet 16 de payares, 2007 Cuatro premios Príncipe d’Asturies d’Investigación Científica y Técnica van ufrir un ciclu de conferencies nel marcu de los actos conmemorativos del 40 aniversariu de la Facultá de Medicina Académica Universidá d’Uviéu y del IV Centenariu de la institución. Enrique Moreno, Valentín Fuster, Joan Massagué y Antonio Damasio van protagonizar el ciclu de conferencies que se van desarrollar ente payares del 2007 y setiembre del 2008. Enrique Morena González, Premiu Príncipe d’Asturies 1999, va abrir el programa’l vienres 23 de payares, a les 13.00 hores, nel Aula A de la Facultá de Medicina d’Uviéu, con una conferencia titulada ‘Impactu social de los avances nel tresplante hepáticu’. La segunda conferencia va ser a cargu de Valentín Fuster Carulla, Premiu Príncipe d’ASturies en 1996, Joan Massagué , Premiu d’Investigación Científica y Técnica nel 2004, va impartir la tercer conferencia en mayu y la cuarta ponencia del ciclu va ser en setiembre del 2008, y va dala Antonio Damasio, Premiu Príncipe d’Asturies nel 2005. 16 de payares, 2007 0 FacebookTwitterPinterestEmail
Lliteratura Preséntase la Tercer Antoloxía de Cuentos Curtios dEl Garrapiellu nAlborá Llibros by asturnet 15 de payares, 2007 Alborá Llibros, en Xixón, va ser lespaciu nel questa tarde, phacia les siete y media, va celebrase la presentación de la Tercer Antoloxía de Cuentos Curtios premiaos pola Tertulia Cultural El Garrapielu. Un llibru que recueye los cuentos premiaos nos últimos cinco años. Na presentación van tar los responsables de lasociación y leditor Milio Rodríguez Cueto, dEdiciones VTP, quedita esta antoloxía. Amás, va entregasel premiu desti añu, que recayó en Pablo Rodríguez Medina, con un accésit pa Sidoro Villa, polos cuentos Graziella con zeda y Escuridá, respectivamente. 15 de payares, 2007 0 FacebookTwitterPinterestEmail