Cooperación Macroconciertu n’apoyu del Hospital de Parapléxicos by asturnet 16 de febreru, 2007 El sábadu 17 de febreru la PlataformaPro Hospital de Parapléxicos va cellebrar un conciertu p’apoyar el centru. La Plataforma tien precista una manifestación pa marzu pa reclamar la so creación. El conciertu va entamar a les 12 del mediudía na carpa instalada en Llangréu Centru. Ente los grupos que van participar destaquen Los Berrones, Stukas, Tomás y los demás o Anabel Santiago. El conciertu cuntará cola participación de Rosi Fernández, Anabel Santiago, Juan José Fernández, José Manuel González Granda, Raúl García, Carlos Ronderos, Jeremías Cuello, José Manuel Collado, amás del “Cuarteto TOrner” y del “Ochote Langreano”. Esta será la primer parte del conciertu en defensa de la realización del Centru de Parapléxicos en Llangréu. La segunda parte de la xornada entamará a partir de les 19.30 hores cola participación de los Stukas, Los Berrones, Tomás y los demás, Human, Conciencia Intrranquila y Despreciables. El monologuista Marcelino Díaz participará tamién dientro d’esti festival. 16 de febreru, 2007 0 FacebookTwitterPinterestEmail
Comunicación Izquierda Xunida y Partido Popular presenten dos proposiciones non de Llei p’aumentar el númeru de canales autonómicos. by asturnet 16 de febreru, 2007 La decisión de la Conseyería d’Infrastuctures de conceder una sola llicencia de canal autonomíca privada de televisión dixital terrestre ta siendo contestada por parte de los grupos del Popular y d’Izquierda Xunida na Xunta Xeneral. Ayeri’l Plenu de la Xunta Xeneral aprobó por unanimidá la revisión de la concesión de llicencies, cola fin de que les canales qu’emiten actualmente n’analóxico faigan lo propio na dixital. Los grupos presentaron esta selmana dos proposiciones non de llei qu’afalen a la concesión d’un mayor númeru de llicencies de televisión dixital p’Asturies. Los dos grupos parlamentarios presentaron dos propuestes nel mesmu sentíu pa que s’entame un nuevu concursu pol que s’adxudiquen más canales autonómiques de TDT. Pel momentu la concesión de la canal privada autonómica recayó nuna emisora vinculada a Localia Asturies. Dase la circunstancia de qu’el mapa audiovisual dixital asturianu entovía nun ta pesllao al quedar les concesiones de televisión na cuenca del Caudal, que nun primer momentu taba xunta la del Nalón. Les dos proposiciones non de Llei fueron almitíes a trámite pola ausencia del diputáu socialista, y secretariu xeneral del SOMA-FIA-UGT, José Ángel Fernández Villa. Dende Izquierda Xunida consideren qu’actualmente dende’l puntu de vista tecnolóxicu hai capacidá técnica d’ufrir les cuatro llicencies autonómiques que permite la llei, motivu pol que van solicitar l’apertura d’un nuevu procesu d’adxudicación que complemente al aprobáu. 16 de febreru, 2007 0 FacebookTwitterPinterestEmail
Cooperación El CMPA valora positivamente los cambios introducíos pol Institutu Asturianu de la Mocedá na convocatoria de subvenciones d’esti añu by asturnet 15 de febreru, 2007 El Conseyu de la Mocedá del Principáu d’Asturies considera que les sos vindicaciones manteníes a lo llargu de los últimos meses por mor de l’anterior convocatoria de subvenciones del IAM empobinaes a les asociaciones xuveniles, dio’l so frutu na convocatoria del presente añu, asoleyada el martes nel Boletín Oficial del Principáu d’Asturies. El presidente de la entidá xuvenil, Paulino Feito, señaló que “en cumplimientu del protocolu al efectu, l’IAM remitiónos n’avientu un borrador de la que diba ser la convocatoria d’esti añu, que siguía manteniendo munchos de los erros incluyíos na de 2006, que produxeren un fuerte maltar ente bien d’asociaciones poles munches dificultaes inxustificaes que suponíen pa los solicitantes”. Díes depués, esplicó Feito, el Conseyu remitió al Institutu Asturianu de la Mocedá un Informe nel que se facíen un bon númberu de suxerencies que, teniendo en cuenta’l nuevu Reglamentu de la Llei Xeneral de Subvenciones, permitiríen meyorar el proyectu de convocatoria. “L’IAM incluyó casi toes, colo que la convocatoria resulta sustancialmente meyor que la del añu pasáu, qu’entovía sigue provocando serios perxuicios a les asociaciones xuveniles”. El responsable del CMPA considera que n’esti 2007 les subvenciones del Institutu Asturianu de la Mocedá resulten más asequibles pa les asociaciones y entidaes xuveniles, “de lo que mos debemos felicitar toos y toes porque favorez la participación de los y les moces de la nuesa comunidá autónoma”, dixo Paulino Feito, quien puntualizó que “pudo ser meyor que la Directora del IAM nun ficiere esperar a tou’l mundu p’atender a les demandes del movimientu asociativu no tocante a les subvenciones que d’ella dependen” anque puntualizó que “nunca ye tarde si de verdá tien la intención de rectificar toda una llexislatura enllena de desaciertos”. La convocatoria publicada’l martes contempla tres llinies de proyectos subvencionables, diferenciando ente programes d’actividaes, servicios y funcionamientu internu, de contratación de mozos menores de 30 años, y de realización d’obres y compra d’equipamientu. Los formularios pa presentar les solicitues pueden alcontrase nes Oficines d’Información Xuvenil, los Conseyos de la Mocedá de Xixón, Uviéu y Asturies, y nel mesmu Institutu Asturianu de la Mocedá. Como ye avezao’l Conseyu de la Mocedá del Principáu d’Asturies va entamar una sesoría itinerante de bañdre pa toles asociaciones que tengan dalguna dulda sobre cómo pidir estes subvenciones. Más información 15 de febreru, 2007 0 FacebookTwitterPinterestEmail
Cooperación La Pita de la Xunta acompaña a Areces na inauguración de la Casa Conceyu de Siero by asturnet 14 de febreru, 2007 La visita oficial del presidente asturianu, Álvarez Areces, a La Pola, Siero, foi recibida por tres manifestaciones. El presidente acudió a la capital de Siero col envís d’inaugurar la Casa Conceyu alcontróse coles reivindicaciones de los trabayadores de Caxastur, les de los afectaos pol futuru polígonu de Bobes y la defensa de los derechos llingüísticos encabezada por La Pita de la Xunta pola Defensa de la Llingua Asturiana. 14 de febreru, 2007 0 FacebookTwitterPinterestEmail
ConvocatoriesFiestes Convocaes les subvenciones de Mocedá pa obres y equipamientu y contratación by asturnet 14 de febreru, 2007 L´Institutu Asturianu de la Mocedá espublizó nel BOPA del 13 de febreru les resoluciones poles que se convoquen y s´afiten les bases de concesión de las subvenciones a Asociaciones de Mocedá pa los programes d´actividaes, funcionamientu internu, obres y equipamientu y contratación de mozos y moces menores de 30 años. Y darréu d’ello, el Conseyu de la Mocedá ufierta a les asociaciones xuveniles una consultoría pa facilitar la presentación de solicitúes de subvención. Cola fin de facilitar la presentación de proyectos el Conseyu la Mocedá pon en marcha un añu más un serviciu d´asesoramientu nel que van poder solicitar información les asociaciones, mesmo en persona como telefónicamente y al traviés d´internet, sobre delles cuestiones d´interés: qué elementos básicos tienen que contemplar los proyectos, cómo rellenar los formularios correctamente, cómo presupuestar les actividaes, etc… L´últimu día pa presentar los proyectos ye´l día 8 de marzu de 2007. L´Institutu Asturianu de la Mocedá va organizar unes xornades informatives sobre estes subvenciones nel Albergue Menéndez Pidal d’Uviéu los díes 22 y 23 de febreru. Pa más información pues llamase al 985 10 83 50. Los díes y horarios de l´ Asesoría nel Conseyu de la Mocedá del Principáu d´Asturies van ser: el llunes 19 de febreru de 11:00 a 14:00 h. y el viernes 23 de febreru de 17:00 a 20:00 h. Nel Conseyu de la Mocedá d´Uviéu el miércoles 21 febreru de 17:00 a 20:00 h. Nel Conseyu de la Mocedá de Xixón el miércoles 28 febreru de 17:00 a 20:00 h. Nel Conseyu de la Mocedá de Mieres el martes 7 de marzu de 17:00 a 20:00 h.Na Casa Cultura de Siero el xueves 22 de febreru de 17:00 a 20:00 h. SERVICIU ITINERANTE: vienres 2 de marzu SERVICIU UVI: sábado 3 de marzu de 11:00 a 14:00 h. ASESORÍA ON-LINE: http://www.cmpa.es Web de la CMPA cola información 14 de febreru, 2007 0 FacebookTwitterPinterestEmail
Comunicación Mocedá d’Izquierda Asturiana y Chobenalla Aragonesista soliciten dominios propios p’Asturies y Aragón by asturnet 14 de febreru, 2007 Les organizaciones xuveniles Chobenalla Aragonesista y Mocedá d’Izquierda Asturiana acaben d’asoleyar un comunicáu conxuntu nel que reclamen qu’Asturies y Aragón dispongan de dominios, n’internet, territoriales pa les sos respectives comunidaes culturales y llingüístiques. Les dos organizaciones vienen collaborando na coordinación de delles campañes ente les que destaca’l blog conxuntu ARAST. Pa estes organizaciones moces algamar un dominiu propiu p’Asturies y Aragón sedrá una aición prioritaria de les sos actividaes. Dende estes organizaciones consideren qu’ente los pasos que se dean pa garantizar la sobrevivencia de les cultures de los dos paises “la presencia y identificación na internet al traviés del .ara y del .ast seríen perimportantes”. Dende les dos organizaciones consideren que pa que la propuesta llegue a bon puertu tien de cuntar col apoyu de los gobiernos autonómicos d’Asturies y Aragón. MIAS y Chobenalla consideren qu’han ser estos los que presenten la candidatura de los dominios a la ICANN, entidá internacional encargada d’otorgar los dominios n’internet. La ICANN yá aniciól períodu de consultes y evaluación de los dominios destinaos a comunidaes específicos que-y presentaron, aprobando hasta agoral dominiu .cat destináu pa la comunidá llingüística y cultural catalana. Amás esisten anguaño distintes iniciatives orixinaes nes comunidaes culturales y llingüístiques dEscocia, Gales, Bretaña y Galicia solicitando los dominios .sco, .cym, .bzh y .gal respeutivamente. Dende les dos organizaciones xuveniles faen un llamáu a les asociaciones, empreses y colectivos, asina como al conxuntu de la ciudadanía pa qu’apoyen esta campaña que tien por finxu afitar la futura imaxe y identidá d’Aragón y Asturies na rede. N’Asturies la reclamación del dominiu .ast ta recibiendo apoyos na páxina por puntu ast que yá recibiere más de mediu centenar d’apoyos a la reclamación de l’aprobación d’un dominiu propiu que represente a la cultura y llingua asturianes na internet. 14 de febreru, 2007 0 FacebookTwitterPinterestEmail
Cooperación Culmina la recoyía d’alimentos pa los refuxaos saharauis by asturnet 10 de febreru, 2007 La asociación asturiana d’amigos del pueblu saharaui ufrirá güei una rueda de prensa pa rematar la campaña de recoyía d’alimentos, qu’arrancó’l pasáu mes d’avientu, pa los refuxaos saharauis afeutaos poles inundaciones de Tinduf, en Argelia. L’actu va facese a les 12 hores nel polígono de Roces de Xixón (c/Nicolás Copernico esq c/Jorge Juán) dende donde van salir los camiones colos alimentos. Na campaña participaron tolos sectores de la población civil asturiana y les instituciones y organismos sindicales, en rempuesta al llamamientu de la Media Luna Roja Saharaui y munches Organizaciones Internacionales . 10 de febreru, 2007 0 FacebookTwitterPinterestEmail
Comunicación La exposición fotográfica de l’A.P.F.A nel Campus de Mieres var tar abierta un mes más by asturnet 7 de febreru, 2007 La exposición iguada pola Asociación Profesional de Fotoperiodistes d’Asturies, con motivu de les primeres Xornaes Internacionales de Periodismu cellebraes del 1 al 4 de Febreru , va tar disponible un mes más nel hall del Campus Universitariu de Mieres por mor de la bona rempuesta del públicu. La colección recueye más de 200 semeyes d’actualidá y venceyaes al mundu del fotoperiodismu. La muestra cuenta con fotografíes de l’axencia Reuters, Jose María Rubio, Gorka Lejarcegi del diariu “El País”, Javi Martínez de “El Mundo”, y “Plástica”, Miguel Berrocal d’ABC. Esta xera formó parte de les Primeres Xornaes de Fotoperiodismu xunto con charres, conferencies y un taller de fotoperiodismu al cargu d’Antonin Kratochvil, miembru de l’Axencia VII. Asina mesmo L’Asociación Profesional de Fotoperiodistes d’Asturies presentó la so publicación durante’l desendolcu de les xornaes. 7 de febreru, 2007 0 FacebookTwitterPinterestEmail
Comunicación Andecha Astur de Ribeseya sofita la campaña p’algamar un dominiu asturianu n’internet by asturnet 6 de febreru, 2007 Alrodiu de la concesión del dominiu propiu pal catalán .cat vuelven a sintise voces n’asturies. El Grupu Adecha Astur del Conceyu de Ribeseya mostro’l so sofitu a la campaña entamada recientemente pola plataforma “Por Un Puntu Ast” pa obtener un dominiu propiu n’internet “.ast “pa les páxines feches n’asturianu na rede. L’Asociación por un puntuAst entamó esta campaña en viendo los bonos resultaos obteníos na obtención del dominiu .cat en cataluña pa les páxines feches en catalán. La espaciu n’internet de la plataforma ye’l blog http://porunpuntuast.blogspot.com, onde se recueyen tolos sofitos que les distintes asociaciones o particulares quieran da-y a la propuesta. Andecha Astur de Ribeseya 6 de febreru, 2007 0 FacebookTwitterPinterestEmail
Comunicación Política Llingüística organiza un “Cursu d’asturianu faláu” cola RTPA by asturnet 2 de febreru, 2007 La Oficina de Política Llingüística del Principáu va desendolcar un “Cursu Básicu d’Asturianu Faláu pa Profesionales de la RTPA”, qu’entama en collaboración cola propia RTPA pa formar al so personal. El cursu desendolcaráse en 40 hores, acordies col programa que se reproduz darréu: CURSU BÁSICU D’ASTURIANU FALÁU PA PROFESIONALES DE LA RTPA (del 2 de febreru al 24 marzu del 2006) ENTAMEN: Radio Televisión del Principáu d’Asturies y Oficina de Política Llingüística del Principáu DIRECTOR: Ramón d’Andrés Díaz DURACIÓN: 40 hores MATRÍCULA GRATUITA ASIGNATURES Y PROFESORES: Variedaes xeográfiques de la llingua asturiana (8 hores). Profesor: Xosé Nel Comba Paz Ortoloxía de la llingua asturiana (10 hores). Profesor: Fernando Álvarez-Balbuena García Estilos y rexistros na llingua asturiana (8 hores). Profesor: Pablo Texón Castañón Práctiques y simulaciones d’asturianu faláu (14 hores). Profesor: Llinu Álvarez Santidrián FECHES: Díes 2-3, 9-10, 16-17, 23-24 de febreru del 2007 Díes 2-3, 9-10, 16-17, 23-24 de marzu del 2007 HORARIU: Vienres: de 18,00 a 20,00 hores. Sábados: de 10:00 a 13:00 hores. LLUGAR: Sede de la Radio Televisión del Principáu d’Asturies (Xixón) 2 de febreru, 2007 0 FacebookTwitterPinterestEmail