Comunicación Telecable entama como operadora de móvil virtual by asturnet 21 d'avientu, 2007 Telecable yá empezó la so actividá como operadora de telefonía móvil virtual anque namái que en prebes con un grupu de clientes, tando prevista la comercialización en sen ampliu pal mes de febreru. L’oxetivu de la compañía ye algamar los 100.000 clientes pa lo que tien prevista una inversión de 100 millones d’euros. Con motivu del so llanzamientu, va realizase una ufierta a los sos clientes que va suponer la exención de les cuotes de telefonía fixa p’aquellos usuarios de móvil de la marca TeleCable, lo que va suponer un aforru del 13,5 por cientu na factura mensual. Toos estos datos fízolos públicos esti xueves en Xixón el presidente de Telecable, Roberto Paraja, nun alcuentru colos medios de comunicación pa presentar el nuevu serviciu de telefonía móvil. 21 d'avientu, 2007 0 FacebookTwitterPinterestEmail
Escéniques La compañía d’Etelvino Vázquez lleva a Lope de Rueda a los escenarios xixoneses by asturnet 21 d'avientu, 2007 Etelvino Vázquez y la so compañía “Teatro del Norte” remociquen esti vienres la obra de Lope de Rueda col montaxe “Hestories de Martín de Villalba”. Nesta ocasión suben al escenariu del Centru Cultural Cajastur Colexata San Xuan Bautista de Xixón a les 20:00 hores. David González, Juan Blanco, Cristina Lorenzo ya’l propiu Etelvino Vázquez van interpretar estos cuatro pasos: “Les aceitunes”, “Cornudu y contentu”, “La tierra de Jauja” y “La carátula” onde la sátira y los diálogos ocurrentes son el denominador común. Esta nun ye la primer obra clásica que pon n’escena la compañía d’Etelvino Vázquez, que ya probaron delles vegaes con “Aventures y desventures de Lázaro de Tormes” ya’l “El vieyu celosu”. 21 d'avientu, 2007 0 FacebookTwitterPinterestEmail
Escéniques Andreas Prittwitz remocica la tradición musical renacentista nun conciertu en Xixón by asturnet 21 d'avientu, 2007 “Los conciertos del Taller”, el ciclu de conciertos que ta organizando’l Taller de Músicos de la Fundación Municipal de Cultura del Conceyu de Xixón va recibir la visita del músicu ya investigador de la tradicion musical del renacimientu Andreas Prittwitz. La cita ye esti sábadu 22 d’avientu, a les 20:00 hores nel Salón d’actos del Centru de Cultura Antiguu Institutu de Xixón. Andreas Prittwitz llega a Xixón, invitáu pol Taller, con un nuevu disco embaxo’l brazu, el reciente “Looking back over Renaissance”. Nesti últimu trabayu Prittwitz afonda na tradición musical renacentista faciendo usu d’instrumentos de la dómina como flautes de picu o vieles de gamba xunto con otres ferramientes más contemporanees como’l saxu o el clarinete. Acompañen al músicu Laura Salinas, Antonio Toledo y Sergio Martínez. 21 d'avientu, 2007 0 FacebookTwitterPinterestEmail
Comunicación Asturnews ufre lartículu ganador del Enriqueta González Rubín 2007 by asturnet 20 d'avientu, 2007 Va pocos díes que se dio anuncia oficial al fallu del premiu «Enriqueta González Rubín 2007» de periodismu escritu en llingua asturiana que convoca la Conseyería de Cultura cada dos años. L’escritor avilesín Miguel Solís Santos ye’l ganador desta edición y yá puedes lleer lartículu premiáu La hemocianina de les andariques y el sangre del ciudadanu Capeto, publicáu nel diariu La Nueva España’l 15 de payares del 2005. Esti y los premios lliterarios otorgaos pola Conseyería de Cultura, van entregase güei nuna gala que va celebrase nel patiu del Palaciu Conde de Torenu (sede del RIDEA) a les 19.00 hores con entrada llibre y conciertu de Toli Morilla. 20 d'avientu, 2007 0 FacebookTwitterPinterestEmail
Comunicación “Fluido Rosa”, de Radio3, emitie esti fin de selmana dende’l centru d’investigación artística de Ladines by asturnet 14 d'avientu, 2007 Ladines, nel conceyu de Sobrescobiu, ta acoyendo durante tola selmana les grabaciones del programa “Fluido Rosa”: espaciu musical empobináu a la difusión de la música y la creación plástica contemporánea, que Radio 3 emitirá durante esti fin de selmana dende esta llocalidá del occidente astur. La propia directora del espaciu, Rosa Perez, va impartir un taller sobre producción radiofónica nel centru d’investigación artística de Ladines. El Centru d’investigación artística de Ladines, ta dirixíu pol famosu artista Cuco Suárez, y funciona como galería d’arte, centru de promoción d’artistes y de creacion cultural a más de desenrollar una importante llabor de formación en disciplines como pintura, escultura, diseñu, fotografía o arte multimedia. Tamien organiza seminarios de crítica artística y periodismu artístico asina como talleres de diversu tipu. 14 d'avientu, 2007 0 FacebookTwitterPinterestEmail
Escéniques Tranvía Teatru representen “En la soledad de los campos de algodón” n’Uviéu by asturnet 14 d'avientu, 2007 El programa d’actuaciones teatrales empobináu a difundir lo meyor de la producción asturiana “Alcuentros n’Asturies” continua esti sábadu cola puesta n’escena de la obra “En la soledad de los campos de algodón”, orixinal de Bernard-Marie Koltès al cargu de la compañía Tranvía Teatro. “En la soledad de los campos de algodón ye la hestoria de dos presonaxes, Dealer y Cliente. Un diálogu ente comprador y vendedor enllenu de pallabres de doble sentíu sobre les rellaciones humanes nun algodonal. La cita ye nel Centru Cultural de Cajastur n’Uvieu a les 20:00 hores. 14 d'avientu, 2007 0 FacebookTwitterPinterestEmail
Escéniques José Pedro Carrión encarna Cyrano en dos pases de la obra, en Xixón y Avilés by asturnet 14 d'avientu, 2007 Jose Pedro Carrión va dar vida al popular Cyrano de Bergerac nuna nueva visión de la obra de Edmond Rostad, que va poner nes tables del Teatru Xovellanos de Xixón la compañía de Concha Bustos. La cita ye esti vienres a les 20:30 hores y les entraes tan disponibles a precios que van de los 9 a los 18 euros. La versión de la obra que se va poder ver en Xixón ye la de John D. Sanderson dirixida por John Strasberg. La obra que se entrenara’l marzu pasáu tamien cunta coles interpretaciones de Lucía Quintana, Cristóbal Suárez, Ricardo Moya, Alberto Iglesias, Miguel Esteve y Paco Hidalgo. Tres la función en Xixón la compañía va viaxar a Aviles pa representar el testu el sábadu 15, nel Teatru Palacio Valdes d’Aviles a les 20:15 hores. 14 d'avientu, 2007 0 FacebookTwitterPinterestEmail
Escéniques Roberto Corte y Barataria estrenen nueva obra de teatru nel Palacio Valdés by asturnet 13 d'avientu, 2007 Roberto Cote ya’l grupu Barataria estrenen güei nel Teatru Palacio Valdes d’Aviles, “Ascension (el eclipse)”: un nuevu montaxe teatral del director. El pase va entamar a les 20:15 hores y ye parte del ciclu d”actuaciones culturales “Fecho n’asturies”, una iniciativa que organiza l’Ayuntamientu d’Aviles ya’l travies del que se trata de dar a conocer lo meyor de la producción cultural asturiana. Silvino Torre, Jorge Moreno y Eva Vallines dan vida n”Ascensión” a unos montañeros, una pareya ya’l guía que empobinen pa Mongolia col ebfotu d’engarabiatase nuna famosa cumbre durante un clise de sol. Garniando pel monte la pareya va viendo como la so rellación va probeciendo a cada pasu. Brataria Teatru, de la mano de Roberto Corte estrenó más d’una docena d’ebres ente les que tan pieces como “Hasta que la boda nos separe”, “Travesía sobre nieve de Bagdad”, “Locos de azar”, “Ñaque” o “”Gasolina con capullos”. 13 d'avientu, 2007 0 FacebookTwitterPinterestEmail
Comunicación Radio Parpayuela convoca un concursu pa remocicar el diseñu del so logotipu by asturnet 10 d'avientu, 2007 Radio Parpayuela, con motivu de la cellebración del so vixesimosegundu aniversariu, ta acabante d’abrir un concursu pa remocicar el diseñu del logotipu de la emisora. Tolos que quieran participar nel mesmu, que cunta con un premiu en metálicu de 300 euros, tienen el plazu abiertu pa presentar proyectos hasta’l día 30 de xineru de 2008. Los trabayos habran d’entregase por triplicao y deberán llevar obligatoriamente, anque na forma que quiera’l diseñador, la figura d’una parpayuela, una codorniz. Tolos logotipos van recoyese nel llocal de la emisora y puen unviase tamien por correu a la dirección Radio Parpayuela (Cai Rosalía de Castro s/n, 33600 Mieres, o al correu electrónicu parpayuela@parpayuela.com. Un xuráu compuesto por persones representatives de la dirección de Radio Parpayuela fallará’l logo ganador, que pasará a ser propiedá de la empresa. Quince díes ennantes del fallu, el xuráu asoleyará los nomes de los finalistes del concursu. 10 d'avientu, 2007 0 FacebookTwitterPinterestEmail
Escéniques Miki Espuma, fundador de La Fura dels Baus, ufre una conferencia nel Antiguu Institutu Xovellanos by asturnet 10 d'avientu, 2007 Miki Espuma, un de los fundadores de la compañia “La Fura dels Baus”, ufre na tarde d’esti llunes (20:00 hores) una conferencia sobre la so llabor al frente del grupu, na se del antiguu Institutu Xovellanos. “Rompiendo Tradiciones” ya’l titulu d’un actu que ta enxertu dientru del ciclu de conferencies abiertes que ta cellebrando la Universidá d’Uvieu con motivu del 400 cabudañu del so ñacimientu. 10 d'avientu, 2007 0 FacebookTwitterPinterestEmail