Música Los Coronas ufren surf y rock n’ roll esta nueche en Xixón by asturnet 17 de xineru, 2008 Dempués de la xira mexicana, llugar bien atopadizu pa la escena surf, Los Coronas, una de les bandes punteres del xéneru n’España lleguen a Xixón pa presentar el so últimu trabayu discográficu que lleva por nome Surfin’ Tenochitlan. La cita colos madrileños, el guitarrista David Krahe a la cabeza, ye esti xueves 17 de xineru nel club Nuevo Savoy de la villa xixonesa (Cai Pelayo, 2) a les 21:30 hores. La entrada a la sala cuesta 10 euros. Los Coronas nacen en 1989 pola iniciativa de Fernando Pardo por facer daqué mas averao a los somíos tradicionales del rock que lo que taba tocando n’aquellos tiempos Sex Museum. Dos años mas tarde llega al grupu’l guitarrista David Krahe pa acabar de formar la columna vertebral y definitiva del grupu. Dendé entá espublizaron un EP y tres discos amás de prestixoses apaiciones en direutu como les que ficieron na xira d’Eddie Angel por España. Siente a Los Coronas 17 de xineru, 2008 0 FacebookTwitterPinterestEmail
Música Rafa Lorenzo va presentar “Primos hermanos” nel casinu de Xixón by asturnet 17 de xineru, 2008 Rafa Lorenzo va tar presentando’l so últimu trabayu discográficu, “Primos hermanos”, esti vienres a les 20:30 hores nel Casinu d’Asturies de Xixón xunto cola cantante Nati González, el guitarrista Rafito Lorenzo ya’l teclista Marcos Maoxu. Nel repertoriu que van tocar ltarán les canciones d’esti discu qu’homenaxea al poeta Federico García Lorca al travies de seis poemes musicaos del autor y otros seis d’autoría propia. 17 de xineru, 2008 0 FacebookTwitterPinterestEmail
Música El grupu Merlín tocó nel Tierra Astur de Cualloto by asturnet 17 de xineru, 2008 Esti xueves 17, el grupu Merlín tocó nel escenariu de la sidrería Tierra Astur de Cualloto. La banda de Xixón ta formada por Daniel de la Cuesta al violín y voces, Lluis Gómez de Benito a les xiblates, Ricardo García Mesa a la guitarra, Javier González Lueje al baxu, Dudu García a la percusión, Rubén Ardura a la gaita asturiana y David Varela al curdión. El conciértu enmarcose dientro de les habituales actividaes de promoción del conocíu llocal, que cuasi toles selmanes convida a los sos veceros a actuaciones colo meyor del panorama musical asturianu danguaño. 17 de xineru, 2008 0 FacebookTwitterPinterestEmail
Educación L’ALLA tien abiertu’l plazu pa esaminase del primer nivel de llingua asturiana hasta’l 26 de xineru by asturnet 17 de xineru, 2008 L’Academia de la Llingua Asturiana abrió estos díes el plazu papuntase a la primer prueba añal de conocencia de la llingua asturiana. LALLA abre esta posibilidá sabiendo’l fondu interés de munches persones de llograr que se reconoza la so conocencia de la llingua y manifestar asina’l so fondu amor al idioma asturianu. Papuntase a la prueba, ta abiertu’l plazu hastal 26 de xineru que vien. La prueba va tener dos partes, una escrita (dictáu, torna, exercicios gramaticales, redaición) y otra falada (conversación). Resulta imprescindible conocer les xeneralidaes gramaticales de la llingua asturiana y los aspeutos básicos de la so normativa ortográfica Asina mesmo, lAcademia aconseya la llectura de testos fechos acordies cola normativa, como los asoleyaos pola Institución. LALLA fai dos convocatories añales onde poder evaluase de teoría gramatical: conocencia y dominiu del funcionamientu gramatical del asturianu y de la normativa académica; práutica escrita: emplegu amañosu de la llingua, puestu en práutica gracies a exercicios gramaticales y de composición escrita y práutica oral: emplegu faláu de la llingua, nuna situación real o imaxinaria, que se va valorar nuna conversación colos miembros del xuráu calificador. Tamién ha tenese conocencia del allugamientu de la llingua dientro de la sociedá asturiana asina como del procesu de normalización en que ta inxerta. P’apuntase pue dirixise unu, hastal 24 de xineru, a les oficines de l’ALLA, na cai Marqués de Santa Cruz, 6, 2u, d’Uviéu. Cualesquier dulda pue resolvese al traviés del teléfonu 985 21 18 37 o del corréu alla@asturnet.es 17 de xineru, 2008 0 FacebookTwitterPinterestEmail
Plástiques El Muséu de Belles Artes asoleya un calendariu nasturianu, eonaviegu y castellán by asturnet 16 de xineru, 2008 El Muséu de Belles Artes dAsturies ta acabate dasoleyar un calendariu pa esti añu 2008. El calendariu ta ilustráu con dibuxos de los sieglos XIX y XX, trece reproducciones dobres del fondu del Muséu. El calendariu ta editáu en trés versiones distintes, caúna nuna llingua: asturianu, eonaviegu y castellán. Apaecen nel calendariu dibuxos davezu difíciles de ver y escoyíos dente un fondu de 2.373 exemplares, de Jenaro Pérez Villaamil, Federico de Madrazo, León y Escosura, Valle, Piñole y Luis Fernández. 16 de xineru, 2008 0 FacebookTwitterPinterestEmail
Plástiques La esposición de Tintín ufre los paneles nasturianu by asturnet 16 de xineru, 2008 24 paneles componen la esposición 100 años de Ciencia con Tintín, quacueye El Café Español dUviéu hastal 17 de febreru que vien. Los paneles tán redactaos nasturianu y en castellán, una midida quel Conceyal de Cultura dUviéu José Suárez Arias-Cachero Felechosa calficó dUn pasu más pa la normalización de la llingua asturiana. La esposición ta financiada pola caxa daforoos vasca Kutxa y nella se repasen los cien años del ñacimientu del célebre escritor belga Hergé, que nes sos hestories introducía la ciencia de contino, convirtiéndose asina nun visionariu, adelantando ideees comol viaxe a la lluna. El Muséu Marítimu de Lluanco cede pa esta esposición delles pieces que faen más prestosul percorríu. 16 de xineru, 2008 0 FacebookTwitterPinterestEmail
Lliteratura Biblioteques Públiques dAsturies asoleyal númberu 8 de la revista Biblioasturias by asturnet 16 de xineru, 2008 Dende va unos díes ta disponible nes biblioteques y cases de cultura del país el númberu 8 de Biblioasturias, la revista de les biblioteques públiques dAsturies editada pola Conseyería de Cultura y Turismu y quinclúi entrevistes, reportaxes, reseñes de llibros, amás de noticies y datos sobre les biblioteques asturianes. Nesti númberu apaez un artículu de Félix Parajón Fernández, psicólogu y bibliotecariu del Conceyu de Nava, sobre la llectura y la motivación, una entrevista a María Teresa Álvarez y la sección A tres bandas, nesti casu ente los presentadores de la TPA Sonia Fidalgo, Pedro Durán y Alberto Rodríguez. No que cinca al asturianu, la revista inclúi, na sección La biblioteca de la mio vida, un testu del escritor José Luis Renduele. Amás Xandru Fernández y Berta Piñán respuenden a un mesmu cuestionariu sobre lliteratura y llectures y faise un repás peles novedaes editoriales nasturianu, reseñándose La mirada aliella, dAntón García; El país del silenciu, de Vanessa Gutiérrez y Beatriz R. Viado; Los araxales de la vida, de Xulio Viejo y El murmuriu dun mieu ensin nome, de Rubén Sánchez Antuña. Tamién se fala del llibru infantil «Pa qué val una escoba?», dEnrique Carballeira, y de los discos «Amor amante», de Lafu & Rebeca Velasco, y «Echaos a la mar», de Skama la Rede. 16 de xineru, 2008 0 FacebookTwitterPinterestEmail
Cine La FNAC continua repasando lo meyor del giallo italianu con la pelicula “Seis muyeres pal asesinu” by asturnet 16 de xineru, 2008 Esti miercoles a les 19:00 hores los responsables del fórum de la FNAC, nel centru comercial Parque Principado de Siero, continuen ufriendo un pequeñu repasu a la obra de los cineastas más importantes de la escena italiana del cine de terror y suspense. Nesta ocsión la película esbillada, “Seis muyeres pal asesinu (Sei donne per l’assasino)”: un thriller policiacu, o giallo usando les pallabres propies del xeneru, que ye una de les cimes de la obra de Mario Bava. Enentes de la proyección d’esta tarde tamien pasaron pol espaciu cultural del centru comercial de Paredes dos clásicos de la producción italiana como son “I vampiri” de Riccardo Freda y “El diablu lleva a los muertos”, tamien de Mario Bava. 16 de xineru, 2008 0 FacebookTwitterPinterestEmail
Cine Amenorguen los espectadores cinematográficos by asturnet 16 de xineru, 2008 El cine sigue perdiendo espectadores por tercer añu consecutivu en tol Estáu, al pasar de casi 102 millones de persones, 20 millones menos que la cifra del 2007 y lloñe de los 144 millones d’espectadores de 2004. Los datos ufiertaos pol Ministerio de Cultura, que van del 1 de Xineru al 27 d’Avientu, amuesen que casi 13 de los 102 millones de persones que pasaron peles sales españolas ficieronlo pa ver una película española, mientres que los 89 millones restantes escoyeron el cine extranxeru. La perda d’espectadores axúntase al descensu nel númberu de sales d’exhibición, que pasa de les 936 del 2006 a las 889 del 2007, anque’l númberu de pantalles seya asemeyáu y pasa de les 4.299 a les 4.250. Tampocu nun hai sorpresa no que cinca a la nacionalidá de los llargometraxes exhibíos, una clasificación que domina dafechu Estaos Xuníos, con 611 producciones estrenaes durante l’añu pasáu y más de 380 millones de euros acumulaos, seguido por España, con 337 títulos que llograren una recaudación conxunta de 70,8 millones de euros. 16 de xineru, 2008 0 FacebookTwitterPinterestEmail
Música El prestixosu pianista Larry Willis actua esta nueche nel ciclu “Jazz en el centro” by asturnet 16 de xineru, 2008 Esti miercoles va continuar el ciclu “Jazz en el centro”, que lleva delles propuestes de jazz al Centru de Cultura Antiguu Institutu de Xixón. cola actuación del tríu de Larry Willis, un de los pianistes y compositores más solicitaos de la escena jazzística internacional. La cita cola formación niuyorquina, que completen el contrabaxista Miguel Ángel Chastang ya’l baterista Juanma Barroso ye a les 20:00 hores con entrada llibre. Larry Willis ye un de los artistes más prolíficos dientro del so xeneru. Formáu na escuela de música Manhattan, tien más de 300 collaboraciones en trabayos de xente tan importante como Dizzy Gillespie, Jackie McLean, col que tocó davezu duran munchos años, o Lee Morgan. Tamien foi teclista na banda de rock y blues Blood, Sweet & Tears durante siete años. 16 de xineru, 2008 0 FacebookTwitterPinterestEmail