Música El compositor brasileñu Toquinho actua esti sábadu nel Xovellanos by asturnet 18 de xineru, 2008 Los amantes de la bossanova saben que detrás d’un nome común como Antonio Pecci escuendese la figura de Tonquinho, un de los meyores y más veteranos compositores y músicos de la escena musical brasileña con más de cuarenta años nes tables. La cita ye a les 20:30 hores nel Teatru Xovellanos de Xixón. El guitarrista brasileñu interpretará canciones d’un reperttoriu que-y sirvió pa acompañar a músicos como Chico Buarque y pa formar una esitosa pareya col compositor Vinicius de Moraes. Dende 1981 Toquinho vien tocando en solitariu polos escenarios de tol mundiu. 18 de xineru, 2008 0 FacebookTwitterPinterestEmail
Música La escuela “Manolo Quirós” entama a impartir esti sábadu un cursu d’acordion by asturnet 18 de xineru, 2008 Jose María López, un de los meyores luthiers d’ardiones del país, va tar dando un cursu sobre la mecánica acústica del acordión diatónicu dende esti sábadu na Escuela de Música Tradicional Asturiana “Manolo Quirós”, asitiada nos baxos del campu de fútbol Carlos Tartiere d’Uvieu. Nesta primer clase, amás del luthier, va participar del Circu del Sol, Iñaki Dieguez con un pequeñu conciertu pa los alumnos. Dempues d’esta primer cita el cursu siguirá impartiendose durante tolos sábados d’equí a cuatro meses n’horariu de mañana y tarde. La matrícula cuesta 30 euros y 25 nel casu de que’l solicitante sía escolín de la Escuela de Música Tradicional. 18 de xineru, 2008 0 FacebookTwitterPinterestEmail
Música Rafa Lorenzo estrana discu güei pela nueche en Xixón by asturnet 18 de xineru, 2008 Rafa Lorenzo va tar presentando’l so últimu trabayu discográficu, “Primos hermanos”, esti vienres a les 20:30 hores nel Casinu d’Asturies de Xixón xunto cola cantante Nati González, el guitarrista Rafito Lorenzo ya’l teclista Marcos Maoxu. Nel repertoriu que van tocar ltarán les canciones d’esti discu qu’homenaxea al poeta Federico García Lorca al travies de seis poemes musicaos del autor y otros seis d’autoría propia. 18 de xineru, 2008 0 FacebookTwitterPinterestEmail
Educación LAcademia de la Llingua Asturiana denuncia la propuesta de Curriculum dEducación Infantil by asturnet 18 de xineru, 2008 LAcademia de la Llingua Asturiana emitió ayeri un comunicáu nel que declaraba que llueu de revisar col máximu procurul conteníu y plantegamientos de la propuesta de Currículu dEducación Infantil, quier treslladar a la sociedá asturiana y, de mou especial, a les estayes rellacionaes col ámbitu educativu quel documentu curricular incumple dafechu lespíritu y la lletra de la Llei dUsu del Asturianu, darréu que lartículu 10.1 de la mesma garantiza la enseñanza de la llingua asturiana en tolos niveles y graos educativos. De la mesma forma, lALLA denuncia que Les referencies, escases y descontestualizaes, quel testu curricular fai del asturianu constitúin un recursu de maquillax quen nengún casu dexa la posibilidá denseñar y dignificar la nuesa llingua nesta estaya educativa. Diz amás lAcademia, quEl currículu, arriendes dello, amuesa una gran debilidá didáutico-pedagóxica al nun tener en cuenta que lasturianu ye la llingua familiar de munchos escolinos dAsturies colo quello implica de desventaya pal deprendizax de la llingua castellana y/o estranxera. Asinamesmo, lAcademia de la Llingua Asturiana anuncio quen contautos calteníos col Conseyeru dEducación, féxo-y ver estes circunstancies asina como la grave responsabilidá de la Conseyería nel casu de caltenese lactual estáu de redaición del documentu curricular. La institución -siguel comunicáu- en tou casu, fairá llegar a los responsables educativos del Principáu les enmiendes afayadices pa que la presencia de la Llingua Asturiana saxuste a les llendes xurídiques calteníes na Llei dUsu del Asturianu y anima a la comunidá educativa asturiana (padres y madres descolinos, sindicatos denseñanza, profesoráu, etc.) a facer lo propio. 18 de xineru, 2008 0 FacebookTwitterPinterestEmail
Educación Los llibros y l’asturianu van protagonizar la Selmana Cultural de La Salle de Xixón by asturnet 18 de xineru, 2008 El Colexu San Eutiquio dedica esti añu la so Selmana Cultural al llibru, y con esti motivu entama una esposición bibliográfica asina como un conxuntu d’actividaes que van a contar cola presencia de destacaos autores asturianos. La Selmana Cultural desarrollaráse los díes 21 a 25 de xineru nel centru educativu, que ta asitiáu nel barriu xixonés de Cimavilla. Ente los conferenciantes van tar Aurora García Rivas, Daniel García de la Cuesta, Humberto Gonzali ya Inaciu Galán, ente otros. La selmana va entamar esti llunes con un tiempu pa la reflexón que va abrise cada día y que la primer xornada va dedise a ¿Por qué ye importante la llectura?. A les 12.30 va producise la inauguración oficial de La Selmana Cultural cola presencia de Justo Vilabrille Linares, Conceyal d’Educación y Cultura del Ayuntamientu de Xixón y dHumberto Gonzali, escritor y xestor cultural, amás del director del Colexu y la coordinadora del departamentu de lliteratura del mesmu. A la una la tarde va abrise la esposición sobre llibros que preparól centru. El martes la reflexón va titulase El Cementeriu de los Llibros Escaecíos y a les nueve y diez de la mañana va ser Aurora García Rivas, escritora en castellanu y gallego-asturianu, la quentame les charres con Averándose a la poesía. A les 11.00 hores piesllal día un “Conciertu didácticu de Música Tradicional”, con Daniel García de la Cuesta , miembru del grupu folk Lliberdón, investigador, concertista y conferenciante de temática tradicional. El miércoles 23 la reflexón va xirar alredor de Pa entender matemátiques ha lleese. Y a les 11.00 hores entama la xornada de conferencíes con “L’humor gráficu y el Cómic n’Asturies” con Ernesto García del Castillo Neto, dibuxante y humorista gráficu de La Voz de Asturias, pa zarrase dempués, a les 12.30 hores, cola conferencia “Cómo llegar a ser empresariu cultural “, con Inaciu Iglesias, empresariu, editor y escritor. El xueves 24 entama cola reflexón Carta a un neña que nun quier lleer. A les once la mañana lescritor y presentador de la TPA y la Cadena SER, Inaciu Galan y Gonzalez, va entamar una charra titulada “Facer televisión n’asturies”, na que va poder vese un documental preparáu por alumnos del centru y pol propiu autor a costafecha pa la ocasión y nel que se pue ver el procesu de realización del so programa de la TPA, Al Aldu: Xente de Casa. Esi mesmu día, a les doce y media la mañana escritor, etnógrafu, dibuxante ya ilustrador Alberto Álvarez Peña va falar de los “Mitos del Conceyu de Xixón”. Lúltimu día de la selmana cultural va abrise con una reflexón sobre Los llibros…, a la que va siguir, a les 11 hores una segunda sesión de la charra dInaciu Galán “Facer televisión n’asturies”, que va repetir la charra del xueves pa dellos alumnos más del centru. 18 de xineru, 2008 0 FacebookTwitterPinterestEmail
Sociedá La XPDLA entrega mañana los premios Andrés Solar nel Institutu Vieyu de Xixón by asturnet 18 de xineru, 2008 La ceremonia dentrega de los XXIII Premios Andrés Solar va cuntar mañana pela tarde, a les 19:30 hores, cola participación de Toli Morilla. La ceremonia va entamar mañana sábadu 19, a les siete y media de la tarde, nel salón dactos del Antiguu Institutu Xovellanos de Xixón. Ellí va facese entrega del Pegollu, Premiu Andrés Solar 2007, a lequipu de fútbol LEntregu CF en reconocimientu a la so aportación a la visualización y normalización de la llingua asturiana nel ámbitu del deporte. El xuráu de los premios valoró mui positivamente la voluntá firme del equipu na defensa del nome verdaderu del so llugar, LEntregu, y la so difusión en tou tipu de medios deportivos y xeneralistes. Dotra banda, faráse entrega de la Madreña Purpurina al secretariu xeneral de la FSA-PSOE Javier Fernández Fernández pola so trayectoria dataques y esibiciones de prexuicios contra la llingua asturiana y contra los derechos llingüísticos de los asturianos y asturianes. Lactu incluirá tamién la tradicional llectura del discursu añal de la Xunta pola Defensa de la Llingua Asturiana nel que se fará repasu de lo quel 2007 dio se sí no tocante a la realidá de la llingua asturiana. Tamién va haber momentu pa la folixa na espicha que, como vien siendo vezu, va facese en acabando la ceremonia. El preciu pa la espicha ye de 25 euros por persona, los y les que quieran apuntase puen facelo nel teléfonu de la Xunta: 985 229 553. 18 de xineru, 2008 0 FacebookTwitterPinterestEmail
Sociedá La Pola acueye unes xornaes d’alderique sobre la renta básica by asturnet 18 de xineru, 2008 Cola implantación en tol estáu de les ayudes a la emancipación de plena actualidá, va cellebrase una xornada d’alderique sobre la necesidá d’implantar una renta básica pa tolos ciudadanos na casa la cultura de La Pola, en Siero. La cita ye esti sábadu 19 de xineru de 09:30 a 14:00 hores, y na mesma van participar dellos de los mayores defensores d’esti conceutu, Daniel Raventós, Doctor en Ciencies Económiques y profesor de Teoría Sociolóxica y Ciencies Sociales na Universidá de Barcelona o Jordi Arcarons, Doctor en Ciencies Económiques y Catedráticu d’Economía na mesma universidá. Los dos son miembros destacaos de la rede de renta básica. Según Raventós y Arcarons l’estáu diba tener que pagar una cantidá de dineru mínima a caún de los ciudadanos, trabaye o nun trabaye remuneradamente. Esta renta tendría que pagase namái pol mesmu fechu de ser ciudadanu d’esi estáu y pa España taría alredor de los 330 euros, que ye la cantidá que ta xustu por encima del umbral de pobreza. 18 de xineru, 2008 0 FacebookTwitterPinterestEmail
Patrimoniu El Muséu del Pueblu d’Asturies presenta un dvd divulgativu sobre bailles asturianos by asturnet 17 de xineru, 2008 Güei a les doce la mañana y nel llocal de la SGAE nUviéu, el Conceyu de Cultura Tradicional Vezos Astures y lArchivu de la Música Tradicional del Pueblu dAsturies va presentase’l DVD El baille na tradición asturiana. Na presentación van intervenir Heliodoro Díez Viñuela, presidente del Conceyu de Cultura Tradicional Vezos Astures; Fernando Ornosa, director del Archivu de la Música Tradicional (Muséu del Pueblu dAsturies), y Ramón Lluis Bande, director d’«El baille na tradición asturiana». Esti trabayu inclúi ventiún bailles del país grabaos y esplicaos, embaxo la direción de Ramón Lluís Bande, que nesti casu vuelve al xéneru del documental. La producción cuerre a cargu de Publicaciones Ámbitu y el DVD inclúi un montaxe de cada baille dixebráu en trés partes: una introducción fecha con grabaciones darchivu, una parte didáctica onde sespliquen visualmente los pasos y la grabación de cada baille polos componentes de Vezos Astures nun escenariu preparáu a costafecha pa ello. Yá ye posible deprender en casa baillaes como la Muñeira, la Danza dEl Val.le ol Pericote de La Guía 17 de xineru, 2008 0 FacebookTwitterPinterestEmail
Convocatories LAsociación zamorana Furmientu prepara les VI Xornaes de Cultura Tradicional de Zamora by asturnet 17 de xineru, 2008 Como vien siendo vezu, lAsociación Cultural Furmientu organiza pa esti mes de xineru les VI Xornaes de Cultura Tradicional de Zamora que nesta edición van centrase especialmente nel patrimoniu llingüísiticu de la provincia. Una parte de la cultura, que según dicen al contrariu quotres nun ta recibiendo latención que merez. Les VI Xornaes de Cultura Tradicional van entamar el 18 de xineru cola conferencia de Gerardo González Calvo La fala tradicional en Payares de La Lampreana y na Tierra del Pan, el ponente ye periodista, redactor xefe de la revista Mundo Negro y va desenrrrollar la temática que yá trató a fondu nel so llibru Palabras y expresiones coloquiales. Pajares de La Lampreana. Al día siguiente, 19 de xineru, María Victoria García Malmierca, doctora en Filoloxía Hispánica, deserrollará un tema de gran interés y relevancia nuna sociedá como la zamorana, de fondos raigaños campesinos: La fala de La Bóveda de Toru: la tresformación del mundiu rural y la so repercusión nel vocabulariu agrícola tema questa llingüista zamorana trata detalladamente na so obra Agricultura tradicional y moderna. El léxico agrícola en La Bóveda de Toro. El 26 de xineru, la conferencia La tradición oral en lleonés a cargu de Nicolás Bartolomé Pérez, investigador de la cultura tradicional y autor del llibru Filandón. Lliteratura popular llionesa va ser lencargáu de pesllar los actos de les VI Xoranes. Les conferencies van celebrase nel salón dactos de Caxa España de la cai San Torcuato de Zamora, a les 20.00 hores el día 18 y a les 18.30, el restu de les xornaes. 17 de xineru, 2008 0 FacebookTwitterPinterestEmail
Cine “El Orfanato” quedó finalmente fuera de la carrera a los Oscar by asturnet 17 de xineru, 2008 Yá ye oficial. L’academia de Hollywood asoleyó los nueve trayos que van competir pol oscar a la meyor película fecha en fala non inglesa y “El Orfanato” quedó fuera d’esa llista. La obra del director Juan Antonio Bayona, rodada en gran parte n’Asturies y con guión del asturianu Sergio G. Sánchez, ta siendo a pesar de nun entrar finalmente na carrera pola estatuilla dorada, la película más taquillera nes sales españoles y un productu d’ésitu nel mercáu internacional. Les nueve finalistes son “The Year My Parents Went on vacation” de Brasil, “Katyn” de Polonia, “The Counterfeiter” d’Austria, “L’âge des ténèbres” de Canadá, “L’inconnue” d’Italia, “Mongol” de Kazaxitán, “The trap” de Serbia y “Beaufort” d’Israel. Dempués d’una última esbilla, l’academia escoyerá cinco d’estos nueve llargometraxes pa optar al premiu final na gala del 24 de febreru nel Teatru Kodak de Los Ánxeles. 17 de xineru, 2008 0 FacebookTwitterPinterestEmail