Cine La filmoteca d’Asturies ufre esti llunes la película “El ladrón de Bagdag” by asturnet 21 de xineru, 2008 La filmoteca d’Uvieu ufre un nuevu llunes de cine nel Teatru Filarmonica col pase de la película “El ladrón de Bagdag”, producción d’Alexander Korda dirixida a medies en 1940 polos cineastas Ludwig Berger, Michael Powell y Tim Whelan. Enantes d’entamar la sesión, a les 20:30 hores, va haber una charra al cargu del director de la Filmoteca d’Asturies, Juan Bonifacio Lorenzo. “El ladrón de Bagdag”, precursora del xeneru fantásticu ya inspiradora del “Aladdin” de Disney, ye una adaptación del cuentu “Les mil y una nueches” y tuvo una nominación al oscar poles músiques que compuso pa la ocasión Miklós Rózsa. 21 de xineru, 2008 0 FacebookTwitterPinterestEmail
Galerías 2008/2014 Asturnews ufre les semeyes de la entrega de los premios Andrés Solar 2007 by asturnet 21 de xineru, 2008 21 de xineru, 2008 0 FacebookTwitterPinterestEmail
Música Toli Morilla pieslló cola so música l’actu d’entrega de los “Andrés Solar 2007” by asturnet 21 de xineru, 2008 El cantautor asturianu Toli Morilla foi l’encargáu d’echar el pieslle al actu d’entrega de los premios Andrés Solar 2007, celebráu esti sábadu pasáu nel Antiguu Insitutu Xovellanos de Xixón. Cola guitarra y l’armónica enllenó’l Salón d’actos del centru cultural con dellos temes, ente ellos “Azul y gris”, col que ganó’l Premiu al Meyor Cantar Asturianu 2006, otorgáu pol Gobiernu d’Asturies. 21 de xineru, 2008 0 FacebookTwitterPinterestEmail
Fiestes Bricia entama con La Paz el calendariu festivu en Llanes by asturnet 20 de xineru, 2008 Bricia, en Posada de LLanes, abrió esti sábadu coles Fiestes de La Paz el calendariu festivu llaniscu. La Paz ye una fiesta recuperada polos vecinos de Bricia va unos años que cunta con tolos ingredientes característicos des les fiestes llanisques de branu como la h.oguera, la procesión y la puya’l ramu. La Banda de Gaites “Reina del Truébano” de Navia foi la encargada esti añu d’animar la procesión. La localidad de Bricia celebró esti sábadu’l día grande en honor a la Virxen de La Paz, pero la fiesta ya entamó la fin de selmana anterior cola plantación d’una h.oguera de 32 metros, enforma alta pa los 15 paisanos que la llevantaron, cuando lo normal ye emplegar un romeru por cada metru d’altor. El sábadu los vecinos de Bricia ficieron la tradicional procesión con tres ramos repletos de rosques y pan artesanu y cerca de 50 muyeres col traxe tradicional llaniscu d’aldeana y una docena d’homes col de Porruanu. Una procesión que llució como l’añu pasáu cola actuación de la Banda Gaites “Reina del Truébanu” que sostituía nel trabayu a la Banda Gaites de Villaviciosa. 20 de xineru, 2008 0 FacebookTwitterPinterestEmail
Política La Foz del Pielgu entama una marcha en defensa de los caminos de Truyés by asturnet 18 de xineru, 2008 Lasociación cultural y medioambiental La Foz del Pielgu convoca pal sábadu 19 que vien, a les 12 hores, na entrada del SAPU VI de Truyés, na rotonda dOvero, en Tresona-Corvera, una marcha-concentración que tien por oxetu la defensa de los caminos públicos que pasen pela actuación urbanística mencionada. Los caminos públicos quarrondien la zona de Truyés, fueron y tienen de ser nexu de conexón ente les poblaciones que llinden ellí y por ello dende La Foz del Pielgu reclamen el so usu públicu nel futuru, yá que consideren quanguaño siguen siendo de dominiu públicu por nun se tener camuada la situación llegal de los mesmos. Amás de lamarcha, lAsociaicón solicita a la corporación llocal que ponga en marcha la realización dun inventariu de caminos de Corvera como primer pasu pal reconocimientu de los mesmos. Amás va pidise al ayuntamientu que garanticel pasu a los propietarios, cuestión que nun igua la empresa promotora. Esta iniciativa ta apoyada por asociaciones vecinales como AAVV Xunios de Los Campos y AAVV El Camín de Llaranes-El Pozón, grupos ecoloxistes comol Colectivu Ecoloxista d’Avilés o Ecoloxistes n’aición, movimientos sociales como lAgrupación de Colectivos Asturianos-ACA y los Amigos de Somiedu y organizaciones polítiques como UNIDÁ y PCA-Corvera, amás de los vecinos y propietarios de les finques afectaes. 18 de xineru, 2008 0 FacebookTwitterPinterestEmail
Tecnoloxía “Situation room” del xixonés Pablo Soto ye la nueva amuesa qu’entama na Llaboral by asturnet 18 de xineru, 2008 L’artista xixones Pablo Soto va esponer ende esti vienres 18 de xineru en LABoral Centru d’Arte y Creación Industrial. L’amuesa ta titulada como “Situation Room” y foi presentada esta mañana pola directora del Centro, Rosina Gómez-Baeza. La obra ya´algamó el primer premiu nel concursu Labjoven Experimenta pa xóvenes creadores asturianos. El proyectu bebe de la idea de les sales de situación o control de la segunda guerra mundial que servíen pa tomar decisiones gracies a elementos audiovisuales. Una idea treslladada a les sales de control de televisión o de les fábriques y que Soto adapta al ámbitu artísticu. Ocupará dos de les sales plataforma del centru d’arte de la Llaboral y va tar disponible hasta’l 17 de marzu. L’amuesa va tar completada por talleres y conferencies 18 de xineru, 2008 0 FacebookTwitterPinterestEmail
Lliteratura Javier Marinas pon na cai la edición castellana del cómic “Domno” by asturnet 18 de xineru, 2008 El debuxante y guionista Javier Marinas ta acabante d’espublizar la edición castellana del cómic “Domno”, obra que cunta la vida de Gonzalo Pelaez, gobernador d’Asturies nel sieglu XII y un de los primeros heroes de la hestoria asturiana al rebelase escontra’l rei Alfonso VII. L’autor tuvo presentando el cómic el martes nel Palaciu de Valdecarzana n’Aviles y va tar el prósimu sábadu 19 de xineru na FNAC de Siero pa siguir promocionando la obra. Javier Marinas ye debuxante ya illustrador de profesión foi collaborador habitual en revistes como “El Llapiceru”, “Tapón” y “El Gomeru”. Amás de “Domno”tien espublizada la obra “Ballenas”, un llibro sobre la caza de ballenes nel sieglu XVI. 18 de xineru, 2008 0 FacebookTwitterPinterestEmail
Lliteratura Sidoro Villa Costales va presentar el Llibru de los suaños el martes que vien by asturnet 18 de xineru, 2008 La Casa la Cultura de La Pola Siero va acoyer el martes que vien, día 22 de xineru y a partir de les 20:00 hores, la presentación de la obra “Llibru de los suaños”, un llibru infantil del autor Sidoro Villa Costales, qu’escribió los poemes y fixo los dibuxos que los acompañen. El llibru ta editáu por Trabe, que nel pasáu yá-y espublizó lesitosu llibru Nun-yos tengas perceguera. Nel actu collaboral Serviciu de Normalización Llingüística del Conceyu de Siero. 18 de xineru, 2008 0 FacebookTwitterPinterestEmail
Escéniques Los últimos díes na vida de Nietzsche lleguen a Xixón tres estrenar la temporada teatral d’Avilés by asturnet 18 de xineru, 2008 Dempues d’estrenar la selmana pasada la temporada del Tetru Palacio Valdes d’Aviles, la compañía alavesa Traspasos, col director Mikel Gómez de Segura, llega al Teatru Xovellanos de Xixón el montaxe “Demasiado humano”. La nueva cita del públicu asturianu con esta recreación de los últimos díes de la vida del filósofu alemán Friedrich Nietzsche, premiu “Lope de Vega” en 2005, ta prevista pal sábadu 19 de xineru, a les 20:30 hores. 18 de xineru, 2008 0 FacebookTwitterPinterestEmail
Música Gomeru, Insert Koin y Falanoncaduca actuen esti sábadu n’Uviéu by asturnet 18 de xineru, 2008 Les bandes asturianes Gomeru, FalaNonCaduca ya Insert Koin van tar tocando’l sábadu 19 de xineru nun conciertu que va entamara a les 20:00 hores nel bar La Calleja de la Ciega, asitiáu na cai Martínes Vigil d’Uvieu. Gomeru son un grupu de punk ovetense con dos maquetes na cai y ye quiciabes la propuesta más conocía de les tres, FalaNonCaduca, faen ska n’asturianu y tan a puntu de grabar el so primer single mientres que los xixoneses Insert Koin, más averaos al soníu hardcore, yá tienen un discu nel mercáu. 18 de xineru, 2008 0 FacebookTwitterPinterestEmail