Comunicación TPA cumple dos años y yá supera naudiencia a les llocales, la Sexta, la 2 y Cuatro by asturnet 11 de xunu, 2008 La televisión pública asturiana algamó yá un 7,23% de share, cuando fai dos años del entamu de les sos emisiones. La canal autonómica llega al 98,82% del territoriu dAsturies y consiguió nel mes de mayu un 7,23% de share, colo que se pon per delante del conxuntu de toles televisiones locales, que tienen el 3%, de la Sexta col 4,9%, la 2 col 5,2% y Cuatro que consiguió un 7,22% nAsturies. La cadena lleva emitíes dendel primer día demisiones regulares 11.595 hores de programación, de las que 3.270 foron nasturianu. Anguaño trabayen pa la radiotelevisión autonómica 711 trabayadores y 44 empreses, de les que 26 son productores de programes y, 24 delles asturianes, siempres según datos de la RTPA. Nestes bones audiencies tuvieron muncho que ver les hores emitíes nasturianu, que doblaron naudiencia a les de los programes en castellán. 11 de xunu, 2008 0 FacebookTwitterPinterestEmail
Comunicación Google algama’l Príncipe d’Asturies de Comunicación y Humanidaes by asturnet 11 de xunu, 2008 El buscador Google algamó esta mañana’l Premiu Príncipe d’Asturies de Comunicación y Humanidaes, fallu que se fizo públicu al meudía nel Hotel Reconquista d’Uviéu. El xuráu destacó la so “contribución decisiva al pogresu de los pueblos, penriba de fronteres ideolóxiques, económiques, llingüístiques o raciales”. Nel acta, que foi lleíu pol presidente del xuráu Manuel Olivencia, se resalta de la mesma manera “la revolución cultural” que supunxo Google en malpenes una década al poner de manera instantánea y selectiva al algame de centenares de millones de persones el gran caudal d’información d’Internet favoreciendo “l’accesu xeneralizáu a la conocencia”. La candidatura de Google, consideráu’l meyor buscador de la historia, foi propuesta por José Luis Pardos, embaxador d’España y miembru del xuráu. Tien amás l’apoyu d’Al Gore, premiu Príncipe d’Asturies de Cooperación Internacional 2007 y Vinton G. Cerf (Investigación Científica y Téunica 2001). Nesta edición presentáronse un total de 25 candidatures procedentes d’Albania, Alemaña, Bulgaria, Canadá, Estaos Uníos, Finlancia, Irán, México, Polonia, Reinu Uníu, Venezuela y España. Al tramu final llegó también l’axencia Magnum Photos. El xuráu tuvo integráu por José Antonio Álvarez Gundín; Ignacio Bayón Mariné; Emilio Casinello; Alejandro Echevarría; Javier Gómez Cuesta; Javier González Ferrari; Álex Grijelmo; José Luis Gutiérrez; Miguel Ángel Liso; Manuel Lombardero; Ramón López Vilas; Catalina Luca de Tena; Hans Meinke; Ana Rosa Migoya; Jaime Montalvo Correa; Rosa Montero; Beatriz de Moura; Manuel Olivencia; Pedro Páramo; José Luis Pardos; Alberto Pico; José Antonio Sánchez; Ricardo Senabre; Jesús de la Serna; Enrique Ybarra y Juan Luis Iglesias Prada. 11 de xunu, 2008 0 FacebookTwitterPinterestEmail
Escéniques El teatru Vital Aza acueye’l pieslle del Programa Tiempu Propiu by asturnet 11 de xunu, 2008 El teatru Vital Aza va acoyer esti xueves, 12 de xunu, a partir de les 17 hores, el pieslle del Programa Tiempu Propiu. L’actu va tar presidíu pola direutora del Institutu Asturianu de la Muyer, María Fernández Campomanes y l’Alcalde de L.lena, Ramón Argüelles Cordero. Amás de pesllar l’actual programa, daránse a conocer los contenidos de la nueva edición de Tiempu Propiu, prevista pa setiembre. Como pieslle del actu, el grupu de teatru de la Casa d´Alcuentru representará la obra Nun faré más castigos. 11 de xunu, 2008 0 FacebookTwitterPinterestEmail
Comunicación Camín de cantares y Pieces algamen bonos datos daudiencia na estrena de temporada by asturnet 10 de xunu, 2008 Los programes emitíos pela TPA Camín de cantares y Pieces, de la productora Ámbitu, estrenaron temporada esti sábadu pasáu y nel casu de Pieces, cola presencia duna importante novedá, Vanessa Gutiérrez como presentadora. Y como vien siendo vezu nos programes nasturianu laudiencia acompañó les emisiones con mui bonos resultaos, algamando un 13,3% nel casu de Pieces, cuasil doble de la media de TPA esi mesmu día, que foi d’un 7,8%. Esta cifra colocólu como’l tercer espaciu de mayor audiencia del día. Sicasí, Camín de cantares, con Xosé Ambás, siguió lliderando la programación nasturianu con un 18,8% de cuota de pantalla, la mayor de tola parrilla de TPA el sábadu. Estrenóse la temporada nueva de Pieces, con Vanessa Gutiérrez como presentadora 10 de xunu, 2008 0 FacebookTwitterPinterestEmail
Comunicación TPA tien un 7,23% de share nel so segundu aniversariu by asturnet 10 de xunu, 2008 Televisión del Principáu dAsturies (TPA) celebról llunes 9 de xunul so segundu aniversariu dende que, el mesmu día de 2006 empezaren les emisiones regulares con TPA Noticias, TPA Deportes y el cine. La programación de la cadena autonómica llega al 98,82% del territoriu dAsturies y algamól mes de mayu pasáu un 7,23% de share, una cuota de mercáu nAsturies cola que se coloca per delante del conxuntu de toles televisiones locales (3%), la Sexta (4,9%), la 2 (5,2%) y Cuatro (7,22%). La cadena lleva emitíes dendel primer día demisiones regulares un total de 11.595 hores de programación a parrilla vista (de 8:00 a 1:30 hores, aproximadamente), de las que 3.270 foron nasturianu. Anguaño trabayen pa la radiotelevisión autonómica 711 trabayadores y 44 empreses, de les que 26 son productores de programes y, 24 delles (el 92,3%), asturianes. TPA tien ente los sos oxetivos la consolidación de la programación, dedicada casi totalmente a Asturias, si nun se cuenten los espacios de ficción, y contribuir a la cohesión social y la vertebración territorial del país, amás de reforzar limpulsu al sector audiovisual asturianu. Noticia del share de la TPA na estayadasturianu 10 de xunu, 2008 0 FacebookTwitterPinterestEmail
Comunicación Estrenóse la temporada nueva de Pieces, con Vanessa Gutiérrez como presentadora by asturnet 7 de xunu, 2008 El programa de la TPA Pieces, producíu por Ámbitu y dirixíu por Ramón Lluís Bande, estrenó esti sábadu pasáu pela mañana nueva temporada remocicando los sos conteníos y cola novedá de la presencia duna presentadora que guial programa, Ana Vanessa Gutiérrez. N’esti primer programa Felpeyu presentó’l so discu “Cantares”, Xuan Bello faló de “La Hestoria tapecida”, Valentín Vega comentó la so última esposición de semeyes y pudieron vese otros temes de calter internacional. Camín de cantares, per otru llau, estrenó tamién, de la mano de Xosé Ambás, la so tercer temporada na TPA. El programa, inspiráu nel Archivu de la Tradición Oral del presentador sigue con un esquema y una vocación idéntiques a les que tuvo dende’l so ñacimientu. La TPA sigue emitiendo tamién nos sos horarios habituales los programes “Al aldu”, “Nós”, “El cuentancuentos de Presta asgaya” y dellos espacios más n’asturianu dientro de programes como “Terapia de grupo”. “Al aldu” emítese de llunes a sábadu a les diez y cuartu la mañana tratando distintos temes (“La risión”: monólogos con Lluis Antón González y otros actores, “A galmiaes”: deportes con Carlos Suari, “Recetes con cuentu”: cocina con Milio’l del Nido, “Xente de casa”: noticies internacionales dende otru puntu de vista con Inaciu Galán y “L’Axenda” de la fin de selmana con Mercedes Menendez. “Nós”, presentáu pol director d’Asturnews, Próspero Morán, emítese los sábados pela mañana incluyendo entrevistes, reportaxes y visites peles villes d’Asturies. “Presta asgaya”, ye un programa infantil qu’entamó siendo en castellán y apocayá la TPA pasó a emitir parcialmente n’asturianu, tolos díes pela mañana, constando d’un cuentacuentos. 7 de xunu, 2008 0 FacebookTwitterPinterestEmail
Comunicación El sábadu entama na TPA la nueva temporada de Camín de cantares y Pieces by asturnet 6 de xunu, 2008 Como yá anunciare Asturnews en primicia va delles selmanes, el programa de la TPA Pieces, producíu por Ámbitu y dirixíu por Ramón Lluís Bande, va estrenar nueva temporada remocicando los sos conteníos. Y la principal novedá va ser la presencia duna presentadora que guiel programa, lhasta agora redactora de Les Noticies, Ana Vanessa Gutiérrez. Según la productora, con esti cambiu quixeron convertir el programa nun espaciu d’actualidá cultural que quier señalar caminos d’interés na cultura asturiana y onde Gutiérrez va ser muncho más qu’un bustu parlante. Camín de cantares, per otru llau, va estrenar de la mano de Xosé Ambás, la so tercer temporada na TPA. El programa, inspiráu nel Archivu de la Tradición Oral del presentador va siguir con un esquema y una vocación idéntiques a les que tuvo dende’l so ñacimientu. 6 de xunu, 2008 0 FacebookTwitterPinterestEmail
Comunicación PSOE y PP apreben na Xunta la continuidá de Pérez Ornia como direutor de la RTPA by asturnet 6 de xunu, 2008 La Xunta Xeneral del Principáu aprobo güei colos 40 votos que sumaron PSOE y PP la candidatura de José Ramón Pérez Ornia, pa qu’asina continúe como direutor xeneral del Ente Públicu de Comunicación del Principáu d’Asturies, qu’abarca la Radio Televisión del Principáu d’Asturies (RTPA). La candidatura d’Ornia, del Grupu Socialista, foi la única presentada. Los cuatro diputaos d’IX-BA-Verdes, sin embargu, escribieron nes sos papeletes un ‘Non’ que finalmente contó como votu nulu. Escenificaron asina el so refugu, na llinia de les crítiques a la xestión d’Ornia que ya espresó ayeri’l diputáu Francisco Javier García Valledor. Previamente, aprobóse’l dictame sobre les compatibilidaes del candidatu, cola astención d’IX. Dempués, nos pasiellos de la Xunta y en declaraciones a los periodistes, el voceru del PSOE, Fernando Lastra, mostró la so sorpresa ante la posición d’IX y dixo que se “automarxinara” en tol procesu porque nin siquiera propunxo una candidatura alternativa. 6 de xunu, 2008 0 FacebookTwitterPinterestEmail
Comunicación Ambás ye güei linvitáu especial d¡Acuto!, el programa de Carlos Suari na RPA by asturnet 3 de xunu, 2008 La radio pública dAsturies, RPA, estrenó va nueve selmanes el programa ¡Acuto!, un espaciu de Carlos Suari onde se fai repás de los deportes y xuegos tradicionales dAsturies. El programa emítese tolos martes a les 16:30 hores, con una duración de media hora. Nesta entrega nona d¡Acuto!, el convidáu yel perconocíu etnógrafu, músicu y presentador de la TPA, Xosé Antón Ambás, que va facer, xunto a Suari y a la música del so grupu Tuenda, un repás pela tradición musical de los xuegos, los bailles y les dances d’Asturies. Como guinda del programa, ¡Acuto! va ufrir a los sos oyentes, un adelantu del discu nuevu de Tuenda, cola versión orixinal y la reellaboración del tema. 3 de xunu, 2008 0 FacebookTwitterPinterestEmail
Comunicación El xixonés Juan Carlos Martínez nun va poder ser l’aficionáuprofesional de Fernando Alonso by asturnet 2 de xunu, 2008 El xixonés Juan Carlos Martínez nun va poder ser l’aficionáuprofesional de Fernando Alonso pol que quería atopar ING Direct. el manager d’Alonso y la compañía escoyeron pa esi llabor a un estudiante universitariu de 22 años, Álvaro Ademá, qu’exercerá como vínculu ente l’asturianu y los sos seguidores. El procesu d’esbilla tuvo de decidise ente más de 35.200 candidatures en tol mundu y duró dos meses dende la publicación de la ufierta de trabayu na prensa ya Internet. Álvaro Ademá tien 22 años, cursa estudios de Periodismu y ye, sigún ING, un gran conocedor del mundu de la Fórmula 1 y apasionáu seguidor de Fernando Alonso. Amás, tien experiencia como redactor y fotógrafu en portales d’Internet especializados nel mundu del motor. 2 de xunu, 2008 0 FacebookTwitterPinterestEmail