ConvocatoriesFiestes Concursu “Mocedá y Sexualidá” by asturnet 6 de marzu, 2007 El Conseyu de la Mocedá d’Asturies pon en marcha un concursu de propuestes artístiques sobre “Mocedá y sexualidá” nel que se pretende reflexar como vive, espresen, siente la sexualidá la mocedá a través de diferentes manifestaciones artístiques. La sexualidá entendida como una fonte de relación, de comunicación y de placer ente les persones. Esti concursu tien cinco categoríes: cartel, video, fotografía, relatos eróticos y música. Van poder participar mozos y moces d’ente 14 y 30 años. En cauna de les categoríes van establecese dos grupos un de 14 a 18 años y otru de 19 a 30 años. Cada participante va poder presentar tres obres inédites como máximu pa caunda de les categoríes. Les bases completes pueden vese equí. 6 de marzu, 2007 0 FacebookTwitterPinterestEmail
ConvocatoriesFiestes XIV Concursu de Cuentos pa Rapacinos y Xóvenes d’Asturies d'”El Portón” y “El Tragaulz” by asturnet 5 de marzu, 2007 L’asociación cultural “El Portón” y l’asociación xuvenil “El Tragaluz” convoquen la XIV edición del concursu de Cuentos pa Rapacionos y Xóvenes d’Asturies. La participación nesti concursu ta abierta a toles persones que tean interesaes. El plazu pa entregar los orixinales acaba’l 23 d’abril, los testos han unviase al apartáu 140 d’Uviéu a nome de l’asociación cultural El Portón. 5 de marzu, 2007 0 FacebookTwitterPinterestEmail
Fiestes L.lena va cellebrar l’Antroxu esti sábadu by asturnet 2 de marzu, 2007 El conceyu de L.lena como ye avezao peslla les celebraciones del antroxu asturianu. El sábadu 3 de marzu a partir de les 18.00 hores fadráse un pasucais que va recorrer les principales cais de La Pola. La organización va repartir 4.000 euros en premios a los meyores antroxaos. 2 de marzu, 2007 0 FacebookTwitterPinterestEmail
Fiestes Asturies entama a antroxar esta fin de selmana by asturnet 17 de febreru, 2007 Esti sábadu ya son munches les ciudaes que como Avilés y Xixón disfruten de los primeros actos del programa d’Antroxu, con programes empobinaos a los neños nestos primeros díes, como tamién asocede en Llangréu. En Xixón, Pachi Poncela foi l’encargáu de pregonar la fiesta más folixera del iviernu Nun pregón en castellán y en versu, Pachi Poncela fizo un repasu a tola actualidá periodística y política, dedicando-y bona parte del pregón a la polémica alrodiu de la sidra y la llei del alcohol:”según estudio reciente en españa han detectado mucho hígado encebollado por causa del aguardiente. más bares que bibliotecas, hay mucho perjudicado y muchas gargantas secas. y el gobierno preocupado, el gobierno se preocupa de lo que el votante chupa. previniendo el colocón, pa evitar el botellón prohíben la botellina, de tal forma que en gijón, en nava o en la conchinchina haya que pillar les jumes sin que te vean los chiquillos, metidos en la cocina. Primero fue no me fumes,ni puros, ni cigarrillos. hoy, guerra a los carajillos, a la juma de jumilla, al fino, a la manzanilla, al campari y al cynar, y pa acabar de jodelo, al vino de consagrar. nos van a dar para el pelo ¿y con qué vendrá después la ministra a hacer rebajas? con bayeta y con sidol dejará al pueblo español limpio de polvo y de pajas. ¡mira que gusta el bebercio y que cunde el folleteo! (yo no lo hago, que está feo: sólo hablo de lo que veo, de lo que escucho a diario dentro del confesionario) tal y como va la cosa habrá que hacer les espiches con mosto o con gaseosa”. 17 de febreru, 2007 0 FacebookTwitterPinterestEmail
Fiestes Representación en Xixón del “Aguliando os reises” por Vezos Astures by asturnet 16 de febreru, 2007 Esti sabadu 17 de Febreru, el Conceyu de Cultura Tradicional Vezos Astures, representará Os Reises en Xixón en el Paseu de Begoña, dientro les actividaes del antroxu. Os Reises ye una de les mazcaraes dinviernu que se facíen por delles zones dAsturies. Les compañes de xente mozo, formaes por homes mazcaros de distintos personaxes, dalgunos femeninos, que pidíen laguilandu cantando y faciendo pequeñes representaciones, ya desapaecieron de los nuestros pueblos. Na fastera Suroccidental asturiana y sobre manera en Conceyu dIbias y parte del d’Allande, esti aguilandu nomábase d’Os Reises o A Reisada, y dexó de celebrase al entamar la Guerra Civil, en 1936. Dempués, nos años 40 hubo dalgún intentu de tirar por ello, pero yá nun se pudo hasta lañu 1972 cuando ‘un piñu de xente mozo dIbias lu celebraron otra vuelta, pero namás se fizo esi añu y nun tuvo continuidá. Vezos Astures tien material abondo nel so archivu, tomáu sobre too de los sos trabayos de campu. Con ello iguó copies de disfraces y mázcares y preparó los cantares de pidida desti aguilandu. Vezos Astures 16 de febreru, 2007 0 FacebookTwitterPinterestEmail
ConvocatoriesFiestes Convocaes les subvenciones de Mocedá pa obres y equipamientu y contratación by asturnet 14 de febreru, 2007 L´Institutu Asturianu de la Mocedá espublizó nel BOPA del 13 de febreru les resoluciones poles que se convoquen y s´afiten les bases de concesión de las subvenciones a Asociaciones de Mocedá pa los programes d´actividaes, funcionamientu internu, obres y equipamientu y contratación de mozos y moces menores de 30 años. Y darréu d’ello, el Conseyu de la Mocedá ufierta a les asociaciones xuveniles una consultoría pa facilitar la presentación de solicitúes de subvención. Cola fin de facilitar la presentación de proyectos el Conseyu la Mocedá pon en marcha un añu más un serviciu d´asesoramientu nel que van poder solicitar información les asociaciones, mesmo en persona como telefónicamente y al traviés d´internet, sobre delles cuestiones d´interés: qué elementos básicos tienen que contemplar los proyectos, cómo rellenar los formularios correctamente, cómo presupuestar les actividaes, etc… L´últimu día pa presentar los proyectos ye´l día 8 de marzu de 2007. L´Institutu Asturianu de la Mocedá va organizar unes xornades informatives sobre estes subvenciones nel Albergue Menéndez Pidal d’Uviéu los díes 22 y 23 de febreru. Pa más información pues llamase al 985 10 83 50. Los díes y horarios de l´ Asesoría nel Conseyu de la Mocedá del Principáu d´Asturies van ser: el llunes 19 de febreru de 11:00 a 14:00 h. y el viernes 23 de febreru de 17:00 a 20:00 h. Nel Conseyu de la Mocedá d´Uviéu el miércoles 21 febreru de 17:00 a 20:00 h. Nel Conseyu de la Mocedá de Xixón el miércoles 28 febreru de 17:00 a 20:00 h. Nel Conseyu de la Mocedá de Mieres el martes 7 de marzu de 17:00 a 20:00 h.Na Casa Cultura de Siero el xueves 22 de febreru de 17:00 a 20:00 h. SERVICIU ITINERANTE: vienres 2 de marzu SERVICIU UVI: sábado 3 de marzu de 11:00 a 14:00 h. ASESORÍA ON-LINE: http://www.cmpa.es Web de la CMPA cola información 14 de febreru, 2007 0 FacebookTwitterPinterestEmail
Fiestes L’actor Gonzalo de Castro va dar el pregón del Antroxu llaniscu by asturnet 13 de febreru, 2007 Gonzalo de Castro, conocíu actor de la serie Siete Vidas, y que vien d’acabar de trabayar na película La Torre de Suso va ser l’encargáu d’entamar les actividaes del antroxu en Llanes, que va entamar el prósimu sábadu 17 de febreru. El trabayu más recién de Gonzalo de Castro ye La Torre de Suso del director y guionista asturianu Tomás Fernández. L’Antroxu llaniscu tendrá un de los sos momentos más destacaos nel pasucais que se va facer dende les escueles públiques hasta la Casa Conceyu. A partir d’esi momentu y nel paséu de San Pedru fadráse una traca de fuegos artificiales. Les persones interesaes n’apuntase a los actos del Antroxu de Llanes pueden facelo na Oficina de Turismu de la Villa hasta’l vienres 16 de febreru. 13 de febreru, 2007 0 FacebookTwitterPinterestEmail
Fiestes Esti sábadu 3 preséntase en Xixón l’Antroxu 2007 by asturnet 3 de febreru, 2007 Dende’l xueves, día 1 de febreru, diben entregase na taquilla del Teatru Xovellanos de Xixón de baldre les entraes pala presentación del Antroxu que va desendolcase esti sábadu día 3 a las 20,30 hores nel Teatru Xovellanos. Les Charangues xixoneses, protagonistes nesti Antroxu al cumplir 20 años, van participar na presentación. La taquilla va abrise’l xueves de 12:00 a 14:00 hores y de 17:30 a 20:00 horas. Sólo se van ufrir dos localidaes por persona como másimu. L’Antroxu tien desendolcase na ciudá del 16 al 20 de febreru. 3 de febreru, 2007 0 FacebookTwitterPinterestEmail
ConvocatoriesFiestes El conceptu d’historia en Walter Benjamin centraliza’l Seminariu del Atenéu Obreru de Xixón by asturnet 25 de xineru, 2007 El vienres 26 de xinru, a partir de les 18.30 hores, y el sábadu 27, a partir de les 10, la Sala de Conferencies del Antiguu Institutu de Xixón acoyerá un Seminariu sobre’l conceptu d’historia desendolcáu por Walter Benjamin. Como ponente del Seminariu tará’l profesor Reyes Mate. El seminariu ta organizáu pol grupu Eluterio Quintanilla d’Educación Intercultural y l’Atenéu Obreru de Xixón. La figura de Walter Benjamin y el so estudiu de les Tesis de la Filosofía de la Historia, publicáu embaxo’l títulu “Medianoche en la Historia. Comentarios a las Tesis de Walter Benjamin”. Nesti seminariu yá tán apuntaes, pel momentu, alredor de cincuenta persones, con bien de profesores de Filosofía y Historia. Reyes Mate ye doctor pola Wilhemlms-Universität de Münster y pola Universidá Autónoma de Madrid. Ye profesor d’Investigaciones Científiques nel Institutu de Filosofía, del que fue miembru fundador y director dende 1990 hasta 1998. La so llinia d’investogación xira pel estudiu de les rellaciones ente la relixón y la política, y la preocupación pola relación ente verdá y historia del sofriemientu. Actualmente ye director del proyectu “Enciclopedia Ibero-Americana de Filosofía” y investigador principal del proyectu “Filosofía después del Holocausto”. L’asistencia al Seminariu ye de baldre, anque hai que facer primero la inscripción. Ésta puede facese na sede del Atenéu Obreru de Xixón, na cai Covadonga 7, primeru; o nel teléfonu 985340395. 25 de xineru, 2007 0 FacebookTwitterPinterestEmail
ConvocatoriesFiestes Les polaridaes de xéneru na psicoloxía de Jung by asturnet 25 de xineru, 2007 L’asociación Tribuna Ciudadana entama pa esti vienres una conferencia titulada “Lo masculín y lo femenín: Polaridaes d’una mesma realidá psíquica na psicoloxía de C G. Jung”. La conferencia desenvolverála la psicóloga y analista yunguiana Carmen Martín. La charra tendrá sitiu nel Club de Prensa Asturiana d’Uviéu a partir de les 20.00 hores. Institu C.G. Jung 25 de xineru, 2007 0 FacebookTwitterPinterestEmail