Cine El doblaxe al asturianu de Charada va estrenase en Cangas del Narcea by asturnet 25 de xunetu, 2013 El 7 dagostu viniente, en dientro les actividaes de la UABRA (Universidá Asturiana de Branu) quentama lAcademia de la Llingua, va estrenasel doblaxe de Gonzali producciones del clásicu cinematográficu Charada. La proyección fadráse nel Teatru Toreno de Cangas del Narcea, a partir de les 22:30 hores. Nueu doblaxe asturianu dun llargumetraxe a cargu de Gonzali Producciones, esta vegada trátase de Charade (Stanly Donen, 1963). Charada como sentitula nasturianu va presentase na Universidá Asturiana de Branu quentama lAcademia de la Llingua Asturiana, en Cangas del Narceal 7 dagostu. CHARADA (Charade nel so títulu orixinal) ye una película del añu 1963 y 113 minutos de duración, dirixida por Stanley Donen, que protagonicen Cary Grant y Audrey Hepburn. Tamién actúen nella los actores Walter Matthau, James Coburn, George Kennedy, Dominique Minot, Ned Glass y Jacques Marin. La banda sonora y música de créditos son de Henry Mancini y los títulos animaos de Maurice Binder. 25 de xunetu, 2013 0 FacebookTwitterPinterestEmail
Cine “Piquinu” llega al Muséu del Pueblu d’Asturies col ciclu “Cine en ‘A” by asturnet 12 de xunu, 2013 El próximu xueves 13 de xunu a les 19:00h nel Muséu del Pueblu d’Asturies, en Xixón, va proyectase’l curtiometraxe “Piquinu”, enmarcáu na IV edición del ciclu CINE EN ‘A. “Piquinu” ye un curtiumetraxe n’asturianu de 11 min que tien como protagonista a Aarón, un rapaz del conceyu de Ḷḷena al qu’acompañen los sos perros per ún de los meyores paisaxes d’Asturies. La vida cotidiana d’esti mozu nun sieglu XXI alloriáu refléxase nun viaxe interior que xube dende’l pueblu de Rospaso hasta’l Macizu d’Ubina. 12 de xunu, 2013 0 FacebookTwitterPinterestEmail
Cine La Semiente proyecta’l documental “Guerrilero Quintana” by asturnet 14 de mayu, 2013 Esti miércoles 15 de mayu a les 20:00h nel Centru Social Autoxestionáu La Semiente, en L’Entregu, va proyectase de la mano del so autor el documental “Guerrillero Quintana” de Luis Felipe Capellín. “Guerrillero Quintana” retrata una parte de la Memoria Hestórica y Antifascista asturiana al traviés d’Adolfo Quintana Castañón, más conocíu como “Quintana”, unu de los guerrilleros antifranquistes asturianos más nomaos. 14 de mayu, 2013 0 FacebookTwitterPinterestEmail
Cine El tercer home llega a Corvera dientro de la Folixa del Llibru by asturnet 23 d'abril, 2013 El xueves 25 dabril va proyectase El tercer home en Corvera, dientro de los actos de la Folixa del Llibru. El pase emprimará a les 20 hores nel Centru Sociocultural de Les Vegues. Más información sobrel doblaxe asturianu desta película nel blogue El tercer home. Más información sobre’l doblaxe 23 d'abril, 2013 0 FacebookTwitterPinterestEmail
Cine Xixón y Uviéu acueyen los actos del octavu Festival de Cine Asturianu by asturnet 16 d'abril, 2013 Esti martes 16 a les cinco la tarde, el Salón dActos del Vieyu Institutu de Xixón va acoyer l’entamu del octavu Festival de Cine Asturianu cola presentación del llibru de Miguel Losada Vivir el cine, 120 películas que no podrás olvidar cola participación del autor y la intervención de la cantante Elena Martín. A les seis va producise la presentación de los directores y proyección de los trabayos nominaos al Premiu al Meyor Curtiumetraxe del 8u Festival de Cine Asturianu. El miércoles a les 8 el Festival treslládase a Uviéu pa celebrar la gala d’entrega de premios nel Teatru Filarmónica. Na mesma, que va celebrase a partir de les ocho la tarde, va facese un homenaxe al actor Frank Braña coles intervenciones de Pepa Martínez, el Grupín de Teatru SomosAsturies, Elena Martín, Miguel Losada, DiCarlo, Isabel Friera, Adrián Zamanillo, Ángela Fernández del Rey, Moisés Tuñón, Saúl Quiñones, Manuel Curiel y Xavi Vilareyo. 23 hores: Fiesta del Cine en Sala La Comedie, calle La Luna 9. 16 d'abril, 2013 0 FacebookTwitterPinterestEmail
Cine Pablo Casanueva a piques de rematar el primer llargometraxe nasturianu by asturnet 10 d'abril, 2013 Esti mozu ribeseyanu diose a conocer cuando en 2012 y con otros compañeros del so institutu preparó LEquipu A-stur, un trabayu audiovisual pa clas quacabó por convertise nun fenómenu na rede. Dempués la so obra púnxose seria con Tempus un curtiu que llegó a proyectar nel Festival Internacional de Cine de Xixón, xunto a otros proyectos. Agora platégase rematar el que sedrál primer llargometraxe nasturianu. Una película que como él mesmu cuenta a Asturnews surdió de delles entrevistes que fizo sobre la figura de Bernabé, un fugáu bien conocíu nel oriente dAsturies. La idea surdió a raiz del documental Xente, que grabó va dos años. Nesi procesu, esplica, atopo munches vegaes la figura de Bernabé y grabo dellos testimonios del personaxe cola idea de dalgún día facer daqué con ello. Dempués del ésitu de Tempus, Casanueva volvió a Bernabé pa facer un guión colos testimonios que tenía recoyíos. Sobre la hestoria esplica que dalgunes cosuques tán supuestes pero la mayoría del guión tien base en testimonios de xente de la zona, anque reconoz que ye cuasi imposible asegurar la veracidá destes hestories. Ente les dificultaes atopaes a la hora de refacer la vida de Bernabé tán, según esplical director de la película, que la figura de Bernabé sirvió como disfraz pa muncha xente quatracaba o mataba en nome dél y que la xente cuenta la hestoria según-y paez, unos cuenten una cosa duna manera y otros dotra. El guión trata de reflexar una serie de testimonios como exemplu, reconoz, nun ye que Bernabé ficiera esactamente lo que se va ver na película, pero ye cuasi imposible asegurar lo que fizo en realidá. Pa Pablo Casanueva esti proyectu audiovisual ye un mou de mostrar les coses que pasaron nesti país nun va munchos años. Amás, recuerda quel tema ta mui vivu tovía, muncha xente conoció a Bernabé ya interésense pol proyeutu, yo creo que puede tener salida, polo menos nel oriente dAsturies, onde actuó Bernabé, reflexona. Pal director lusu del asturianu como llingua de la película taba claro dendel primer momentu sabía que si diba facer daqué, diba ser nasturianu, ye la llingua na que me contaron les hestories y ye la llingua na que falo, esplica. La película faise con presupuestu cuasi cero los medios son los mínimos, lequipu de producción ye bien cenciellu, yo al tema de imaxe y mios pas al tema dambientación, esplica. La película, que ñació como curtiu y acabó convertida en llargometraxe nun tien sovención de nengún tipu nin ayuda económica nenguna. Casanueva esplica cómo se va faciendo funcionamos a base de collaboraciones, una muyer déxate la cocina de so casa pa grabar, un paisanu déxate una zamarra, otru una camisa ye too asina. En cuantes al equipu dinterpretes Casanueva esplica que los actores son toos amigos y conocíos, que de manera totalmente altruista tán collaborando cola película, al igual que tola demás xente. El protagonista, y actor más implicáu nel proyectu dende un entamu, ye Fernando Martínez, quinterpreta a Bernabé. Yá queda poco pa poder ver esti proyectu audiovisual completáu no que yel rodaxe propiamente dichu tamos na parte final, fáltennos dos o trés secuencies más o menos, esplica Casanueva. Calculamos que pa Mayu tará finalizada anque la distribución nun la tenemos clara tovía, si que mos prestarían facer presentaciones pa que la xente pudiera vela, pero tamién mandala a concursos y festivales. Pablo Casanueva, Pablín pa los munchos amigos que collaboren nel so proyectu tienlo claro de momentu vamos acabar el llabor y acabalu bien. Pronto Bernabé, esti fugáu perconocíu nel oriente dAsturies, volverá a la vida nes pantalles dAsturies gracies a esi llabor de Pablo Casanueva, una de les nueves y más prometedores promeses del audiovisual asturianu. Trailer 10 d'abril, 2013 0 FacebookTwitterPinterestEmail
Cine El Festiva de Cine Asturianu va acoyer la presentación d’un llibru con 120 películes esbillaes por Miguel Losada by asturnet 1 d'abril, 2013 Hora: abril 16, 2013 de 5pm a 6pm Ubicación: Salón de Actos del Antiguo Instituto – Xixón Organizado por: Xavi Vilareyo El 16 d’abril a les 5 la tarde, va facese una presentación dientro del marcu del Festival de Cine Asturianu. El llibru, de Miguel Losada, lleva por títulu “Vivir el cine: 120 películas que no podrás olvidar”. Nel actu va cuntase cola presencia del autor y l’actuación de la cantante Elena Martín, amás de la presencia del director del Festival, Xavi Vilareyo. Miguel Losada ye escritor y críticu cinematográficu. Ye director de la Estaya de Cine del Atenéu de Madrid y espublizó numberosos llibros sobre cine. Miguel Losada escribió ente otros llibros sobre les biografíes de Carmen Sevilla o Pepa Flores, ente otros como El Hollywood español o Cine y poesía. Esti llibru que presenta’l Festival de Cine Asturianu ye frutu d’una encuesta fecha a personalidaes del mundu del cine sobre les películes más influyentes na so vida. 1 d'abril, 2013 0 FacebookTwitterPinterestEmail
Cine El Festival de Cine Asturianu va facer alcordanza del actor asturianu Frank Braña by asturnet 11 de marzu, 2013 El Festival de Cine Asturianu va dedicar la octava edición al actor allandés recientemente fallecíu Frank Braña. Francisco Braña Pérez ñació en 1934 en La Puela dAllande, fíu dun guardia civil, los constantes destinos del padre lleváronlu per residencies en Negueira, Fonsagrada, Ozcos, Doiras, Navia, L.luarca y Xixón. En Navia contactó col cine pues de neñu diba al Cine Fantasio, que sigue conservándose milagrosamente, y pa entrar gratis trabayaba dayudante. Con trece años trabaya na construcción en Xixón, nel túnel de Noreña y en La Camocha. Cesa en 1954 pa ingresar na Guardia Civil pero por silicosis ñégase-y la entrada. Deprendió a conducir, inglés y boxéu. Entamó faciendo pequeños papeles destra como especialista nel cine pola fortaleza física. En Madrid consigue un papel na película de Gonzalo Delgrás Café de Chinitas (1960) gracies a lamistá con Margarita Delgrás que lu recomienda pa los Estudios Bronston onde supera una prueba pa “Rey de reyes” como doblador descenes peligroses. Nun sabía montar en caballu pero yá sapañaría. Ganaba 550 pesetes diaries, munchísimo, y nin siquiera salía nos créitos. Adoptal nome de Frank Braña. Sabiendo inglés, un gayasperu físicu y unos impresionantes güeyos claros abriéron-y les puertes a producciones estranxeres rodaes nel estáu español, de vaqueros o hestóriques. Xunto a trabayos suyos onde sólo aparecía como especialista como “El Coloso de Rodas”, onde conoció a Sergio Leone, les primeres películes suyes acreditaes como actor fueron “Los corsarios del Caribe” (1961), “Horizontes de Luz (1962)” o “Juego de hombres” y participó na triloxía de Sergio Leone: Por un puñado de dólares,La muerte tenía un precio y El bueno, el feo y el malo, ente otres munches películes. A partir de 1970 el so nome aparecerá ya siempre destacáu. Nos años 1970 participó en 59 películes con Guiliano Carnimeo, Mario Bianchi o Leon Klimovsky y en westerns de José Antonio de la Loma, Rafael Romero Marchent o Juan Bosch qualmiraron a Hollywood. Frank Braña rodó unes 167 películes en cinco continentes. Non toes fueron actuaciones destacaes. Munches veces el so papel consistía en cayer del caballu o morrer al principiu la película. Por ello ye lactor que más vegaes morrió nes películes, unes 164 veces y unes quinientes actuaciones como especialista. En Golpe de mano (1970) representaba un dinamiteru asturianu que-y dio fama internacional. Otru ésitu foi Perros callejeros. Trabayó con Clint Eastwood, William Holden, John Carradine, Lex Barker… Rechazó un papel con Pedro Almodóvar. Siempre quixo rodar un guión suyu sobre la postguerra nos montes de la so querida Asturies. Morrió en Collado Villalba en 2012 aquexáu de la so eterna mala salú de fierru. El 8u Festival de Cine Asturianu dedicará-y un sentíu homenaxe póstumu el próximu 17 dabril nel Teatru Filarmónica, na Gala dEntrega de Premios, que nun pudo celebrase en vida del actor por mor del so repentín fallecimientu. 11 de marzu, 2013 0 FacebookTwitterPinterestEmail
Cine Corvera proyecta una escoyeta de curtios n’asturianu en Les Vegues by asturnet 27 de febreru, 2013 Col títulu xenéricu Escoyeta de curtios nasturianu, el miércoles 27 de febreru dende les 18 hores pa en delantre, van proyectase nel Centru Sociocultural de Les Vegues una retafila de curtiometraxes que tienen la llingua asturiana como idioma vehicular. L’actividá organízala la Oficina de Normalización Llingüística del Conceyu de Corvera. Con esta iniciativa, espliquen dende la organización “búscase mostrar la riqueza del curtiometraxe nasturianu, versátil y diversu no que fai a estilos, rexistros y temátiques”. Asina les coses, títulos como Lo que necesites selo yo, Nun val la pena conquistar la tierra, La neña de los mios güeyos o 7337, van llevanos pelos caminos audiovisuales de la ciencia-ficción, el terror, les aventures ol surrealismu. Con esta actividá síguese la llinia abierta nel otoñu del 2012 coles Xornaes del Audiovisual nAsturianu, al envís de dar a conocer ente la ciudadanía corverana les producciones de los artistes asturianos. L’actividá ye gratuita y dasistencia llibre. 27 de febreru, 2013 0 FacebookTwitterPinterestEmail
Cine Los Conseyos de Mocedá dAsturies y Uviéu organicen un ciclu de cine by asturnet 21 de febreru, 2013 Los Conseyos de Mocedá d’Asturies y Uviéu, organicen el ciclu de curtiometraxes ‘REcortos’, el vienres 22 de febreru a les 20 hores nel Teatru Filarmónica dUviéu. La escoyeta de los curtios ta a cargu de José Luis Cienfuegos, Director del Festival de Cine Européu de Sevilla. Nel actu podrá falase colos directores Alex Montoya y Marina Seresesky y tres la proyección celebraráse una fiesta en ‘La Caja Negra’ cola participación de Maribel&Sebastian DJ’s, con accesu llibre y de baldre. 21 de febreru, 2013 0 FacebookTwitterPinterestEmail