Política IX-BA-Verdes nun va transixir con qu’Asturies tenga un estatutu de segunda by asturnet 14 de marzu, 2008 Izquierda Xunida-Bloque por Asturies-Verdes ta abierta a futures negociaciones col PSOE anque nun ta d’alcuerdu con l’estatu “de segunda” al qu’apunten los primeros plantegamientos de los socialistes. Noemí Martín, diputada d’IX-BA-Verdes na Xunta Xeneral nun cierra les puertes a la negociación pero pon como condición que l’alcuerdi final ponga a Asturies en situación d’igualdá con otres comunidaes en materia de competencies, de llingua y de pesu políticu. Demientres, les dos fuercies mayoritaries nel Principáu muesterse optimistes de cara a la nociación del estatutu. Javier Fernández, en representación del PSOE ve viable l’alcuerdu ente los tres partíos representaos na cámara y confía en superar les diferencies cola coalición d’izquierdes. El presidente de los populares asturianos, Ovidio Sánchez, nun prevee negún problema pa ponese d’alcuerdu col PSOE y dixo que les diferenciues que pueda haber entre fuercies son namái que flecos que se puen solventar. 14 de marzu, 2008 0 FacebookTwitterPinterestEmail
Política El Partíu Popular contesta a la entruga incómoda de la neña que preguntaba pola problemática del asturianu by asturnet 13 de marzu, 2008 Al traviés del vidiu quufrimos güei nAsturnews contesta Humberto Gonzali, miembru del Partíu Popular de Xixón y escritor, al vidiu quenantes de les elecciones xenerales ufría les entrugues duna neña sobre la imposibilidá deducase nasturianu y ver programes infantiles nesta llingua na televisión pública asturiana. Nel vidiu, Humberto Gonzali, echa les culpes d’estos problemes que plantega la neña “al partíu del gobiernu asturianu” y plantega como solución “la oficialidá del asturianu na próxima reforma del Estatutu y la presencia del asturianu na TPA, sinón nel 100% de los conteníos, prácticamente. EL VIDIU DE LA POLÉMICA Y LA CONTESTACIÓN D’HUMBERTO GONZALI 13 de marzu, 2008 0 FacebookTwitterPinterestEmail
Política El PCA espulsa a Jesús Montes Estrada polos incidentes na sede d’Uviéu by asturnet 13 de marzu, 2008 El Partíu Comunista d’Asturies ta acabante d’emitir una comunicación, na que se-y comunica a Jesús Montes Estrada la so espulsión del partíu nel que milita dende haz 28 años. La dirección qu’encabeza Francisco de Asís Fernández diz que Churruca ye un de los responsables de los incidentes socedíos na sede d’Uvieu en mayu de 2007. Esti ye un capítulu más de l’enfrentamientu ente’l sector oficial y críticu del PCA (con Asis a la cabeza ya’l sofitu del secretariu xeneral del PCA Francisco Frutos) y la organización que dirixe Noemí Martín n’Asturies dende la so reeleccion, en marzu de 2006. Jesús Montes Estrada pasó a formar parte del Partíu Comunista y de Comisiones Obreres nel añu 1970. Reconocíu dirixente sindical nel sector del metal y del PCA de Xixxón, anguaño ocupa’l cargu de coordinador xeneral d’Izquierda Xunida en Xixón y ye’l tercer teniente d’alcalde de la ciudá. 13 de marzu, 2008 0 FacebookTwitterPinterestEmail
Política El PCA quier auditar Izquierda Xunida by asturnet 13 de marzu, 2008 La Comisión Permanente del Comité Central del Partíu Comunista d’Asturies (PCA) criticó güei’l perfil d’IX, tanto n’Asturies como nel conxuntu del Estáu, poles sos “continues contradicciones”, una de les razones, según PCA, poles qu’IX cosechó esi “significativu desplomamientu” electoral. Sigún asoleyó esti día Europa Prees, amás, y al traviés d’una nota prensa, dende’l PCA proponse la realización d’una auditoría financiera y contable nes cuentes d’IX que garantice la “tresparencia plena” nel estáu real de les sos cuentes, previamente a la celebración de l’Asamblea Ordinaria. 13 de marzu, 2008 0 FacebookTwitterPinterestEmail
Política Andecha Astur considera un fechu históricu el poder votar en llingua asturiana by asturnet 13 de marzu, 2008 Andecha Astur considera “un fechu hestóricu el poder materializar el derechu al votu en Llingua Asturiana”. Esta ye una de les primeres valoraciones que tan acabante de facer los responsables de la formación nacionaliega sobre los resultaos de los comicios del pasáu 9 de marzu. “Supón un perimportante pasu alantre na normalización democrática del nuesu país”. Según AA, el algamar esti oxetivu ye motivu suficiente pa valorar positivamente les eleiciones más allá de los resultaos. Ente les conclusiones que saca la formación de los resultaos electorales n’Asturies rescampamplen sobre manera’l creciente bipartidismu, la crisis d’Izquierda Xunida, la situación marxinal del nacionalismu asturianu y el fracasu de la oción “seudoposibilista” d’Unidá. 13 de marzu, 2008 0 FacebookTwitterPinterestEmail
Política Presentóse la toponimia tradicional de Llaviana na Casa Conceyu by asturnet 12 de marzu, 2008 Esti miércoles al meudía, presentóse nel salón de plenos de la Casa Conceyu de Llaviana la Toponimia Oficial del Conceyu, ellaborada pola Xunta Asesora de Toponimia a partir de los nomes de llugar tradicionales del conceyu. Na presentación tuvo presente la Directora Xeneral de Cultura y Política Llingüística, Consuelo Vega. 12 de marzu, 2008 0 FacebookTwitterPinterestEmail
Política El Senáu gana namái qu’ocho muyeres y el Congresu nin eso by asturnet 11 de marzu, 2008 El Senáu gana ocho muyeres na próxima llexislatura respecto a l’anterior, anque les senadores van continuar siendo menos d’un terciu del ‘hemiciclu’, pese a qu’estos fueron los primeros comicios llexislativos nos que s’aplicaron les listes paritaries qu’estableció la Llei d’Igualdá. En concreto, de los 208 miembros de la Cámara Alta elixíos ayeri, 66 son muyeres, a les que se sumen pel momentu cuatro senadores autonómiques. La citada norma obligaba a los partíos a que, en cada tramu de cinco puestos de les sos candidatures, nengún de los dos sexos va superar el 60 por cientu, lo que nun garantizaba que nengún de los dos xéneros ocupara los puestos de salida. Pese a esta normativa, en total, son 70 les muyeres que van sentase nun hemiciclu de 264 escaños, frente a les 62 de l’anterior llexislatura, anque la cifra pue crecer. Per un llau, porque tovía nun se conocen los nueve senadores que va designar Andalucía, que tamién celebró elecciones ayeri, y per otru, porque falten los cuatro nuevos que correspuenden a Madrid, Cataluña, Canaries y Baleares, respectivamente, por aumentar la so población (Andalucía tamién gana ún, pasa d’ocho a nueve designaos). Teniendo en cuenta estes cuestiones, nos bancos del PP van sentase esti añu 35 muyeres (28 na pasada llexislatura) y nos del PSOE 27, idénticu númberu al anterior al 9-M. En cuantes a la Entesa Catalana de Progrés suma una muyer y llega a cinco senadores, CiU pasa d’una a dos y el PNV de dos a una. 11 de marzu, 2008 0 FacebookTwitterPinterestEmail
Política Gabino de Lorenzo refuga dir al Congresu y va centrase na política uviedina by asturnet 11 de marzu, 2008 Preséntose como cabeza de llista del PP por Asturies nes elecciones del domingu pasáu y fizo un apueste por superar al PSOE nAsturies. Dempués de perder per primer vegada dende 1996 les elecciones xenerales el PP nAsturies, Gabino de Lorenzo, ta acabante de refugar con una carta al presidente del so partíu, Ovidio Sánchez, el so acta de diputáu al Congresu. Pa De Lorenzo El mensaxe democráticu de bona parte de la sociedá asturiana ye claru. Poro, enfótome dende agora esclusivamente na alcaldía dUviéu. Asina mesma, Gabino de Lorenzo agradeció a Sánchez y a tol PP lapoyu dau. Asume asina De Lorenzo la responsabilidá de los malos resultaos del PP nAsturies. Paecen remates equí les espectatives quapuntaben dende dalgunos sectores y que poníen a Gabino de Lorenzo como próximu candidatu a les elecciones autonómiques asturianes. Un movimientu internu del partíu que yá entamaba a recibir el nome de sector de la boína y qua la espera del congresu de los populares asturianos, queda a la espera. Con esti refugu al acta, la candidata númberu 5 del Partíu Popular, Carmen Maniega, pasa a ocupar l’escañu que-y correspuende a Gabino de Lorenzo. 11 de marzu, 2008 0 FacebookTwitterPinterestEmail
Política Álvaro Cuesta: Conservo la boína que me regaló De Lorenzo y que tanta suerte-y dio a los socialistes asturianos by asturnet 10 de marzu, 2008 Con estes pallabres enseñeba anoche Álvaro Cuesta la boína que-y regalól candidatu popular Gabino de Lorenzo, xunto con un diccionariu dasturianu, al entamu de la campaña. Cuesta facía esto minutos dempués de recibir la llamada de Gabino de Lorenzo dándo-y la norabona pola victoria del PSOE nAsturies y nel Estáu. El candidatu socialista comentó a los presentes que-y gusta conservar los regalos y questi yera un troféu que conservo, que me quito énte tolos ciudadanos dAsturies y que traxo bona suerte a los socialistes. Los socialistes celebraben asina una victoria que da la vuelta a los resultaos que nAsturies, daben la victoria a los populares pal Congresu dende va delles llexislatures. Nel actu de celebración tuvieron presentes Vicente Álvarez Areces y Javier Fernández, principales dirixentes de la FSA-PSOE. 10 de marzu, 2008 0 FacebookTwitterPinterestEmail
Política IX asume’l fracasu electoral y culpa del mesmu al bipartidismnu y la llei electoral by asturnet 10 de marzu, 2008 “Tenemos menos diputados y menos medios para llevar adelante un programa de izquierdas que hacía mucha falta en este país”. La candidata d’IX-BA-Verdes al congresu de los diputaos Laura González valoró con estes pallabres la perda de dos diputaos nel conciertu nacional ya’l nun ser quien a algamar l’escañu n’Asturies. González, ni Jesús Iglesias na so intervención, tampocu aforró critiques al sistema ellectoral d’anguaño y al bipartidismu que tiñó la campaña. “Hemos obtenido casi un millón de votos y partidos nacionalistas con 250.000 votos han obtenido más diputados que nosotros”. Sobre la dimisión del coordinador xeneral d’Izquierda Unida, Gaspar Llamazares, la política avilesina quiso destacar que la culpa del fracasu yera de tola organización y mostrose cauta a la hora de falar sobre’l futuru del partíu. “Llamazares ha dicho que va a convocarse una asamblea y Asturias tiene un peso específico por lo que habrá que esperar a ver que pasa”. 10 de marzu, 2008 0 FacebookTwitterPinterestEmail