Política Llaviana, Corvera y la fastera Navia-Eo van tener servicios de normalización en 2008 by asturnet 9 d'abril, 2008 La Conseyería de Cultura anunció qua lo llargo desti añu 2008 van establecese nuevos servicios de normalización llingüística en conceyos asturianos. Dos dellos van estableces pa namás un conceyu: Llaviana y Corvera, y otru, como yá anunciare la Directora de Cultura y Política Llingüística, Consuelo Vega, pa la fastera del Navia-Eo y centráu nel gallego-asturianu. Corvera va tener un serviciu de normalización llingüística en Les Vegues 9 d'abril, 2008 0 FacebookTwitterPinterestEmail
Política El Conceyu Xeneral dAndecha Astur escueye cares nueves na dirección del partíu by asturnet 9 d'abril, 2008 El pasáu sábadu 5 dabril la organización política Andecha Astur celebról so Conceyu Xeneral Estraordinariu nel que salío escoyía una nueva Xunta Executiva, amás de reformase los estatutos de la organización. Ente los miembros de la nueva executiva delles cares nueves provenientes de les bases de mocedá del partíu. La nueva executiva dAndecha Astur ta compuesta por 8 cargos, hai que destacar especialmente la renovación que supón el relevu nos dos cargos más importantes dAndecha Astur: Daniel Cueli Canto sustitúi, asina, a Arturu Xosé Bermeyu, que dendel aniciu fuere Secretariu Xeneral dAndecha Astur, y Mariu Arbesú releva al tamién hestóricu Marcos Abel Fernandez al frente de la Secretaría dOrganización. Los otros miembros de la executiva serien: Carme Pérez Antolín (Ayalguería), Pablo Rios (Estaya de Rellaciones Esteriores), Paloma García (Estaya de Mediuambiente), Paulo Arboleya Canteli (Estaya de Propaganda), Antón Martinez (Estaya de Comunicación) y Marcos Abel Fernández (Política de Conceyos). Na so intervención, tres salir escoyíu Secretariu Xeneral, el maliayu Daniel Cueli dedicó les sos primeres pallabres a reconocer la trayectoria de llucha y coherencia de Arturu Xosé Bermeyu nestos 18 años como Secretariu Xeneral dAndecha Astur. Tamién quixo destacar la xuventú de la nueva executiva y lánimu y les ganes coles que los nueos miembros garren esta responsabilidá. 9 d'abril, 2008 0 FacebookTwitterPinterestEmail
Política La Conseyería de Cultura convoca les sovenciones pa la normalización del asturianu by asturnet 7 d'abril, 2008 Nel BOPA de 4 d’abril de 2008 convóquense les sovenciones pa la promoción del llibru nasturianu o gallego-asturianu, unes ayudes que van dase a empreses editoriales privaes pa la edición de llibros orixinales o traducíos al asturianu que se faigan a lo llargo del añu 2008. Sicasí, estes nun son les úniques sovenciones convocaes, a finales de la selmana pasada convocáronse tamién les ayudes a medios de comunicación, escritores en llingua asturiana y a la promoción de la música nasturianu. Les ayudes a medios de comunicación incluyen a empreses periodístiques, radiofóniques, televisives o dinternet polos gastos remanecíos de la producción despacios onde semplegue la llingua asturiana, ol gallego-asturianu nel so ámbitu, a lo llargo del añu 2008, bien davezu ninformaciones xenerales, bien nespacios periódicos y fixos, bien en programes estraordinarios dinterés especial, pero siempre quesi usu contribuya a la normalización y dignificación del usu social de la llingua y sean espacios configuraos como propios del mediu de comunicación y asumíos por él. Les ayudes pa la promoción de la música nasturianu van dase a empreses privaes pa la promoción de la música en llingua asturiana y, nel so ámbitu, en gallego-asturianu, que se faiga nestremaos soportes (discos, cintes, CD, etc.) nel añu 2008. A los fines de la normalización sociollingüística, lasturianu, o nel so casul gallego-asturianu, habrá ser la llingua normal y vehícular en quapaezan les lletres de los cantares y tol material impreso quacompañe la obra musical. Amás, y como ye vezu dende va dellos años, tán convocaes sovenciones pal fomentu de la creación lliteraria nasturianu o gallego-asturianu. Loxetu de la presente convocatoria, según apaez nel BOPA, ye la concesión dayudes económiques en réxime de concurrencia competitiva a los/les escritores al envís dincentivar el so esfuerciu personal, dameyorar les sos posibilidaes práctiques de dedicación a lactividá creativa y de fomentar, en definitiva, la creación lliteraria nasturianu o gallego-asturianu nes modalidaes de poesía, narrativa, teatru y ensayu. Bases completes de les sovenciones 7 d'abril, 2008 0 FacebookTwitterPinterestEmail
Política La FSA-PSOE de Xixón usa la toponimia asturiana na so sede by asturnet 3 d'abril, 2008 La nueva sede de lagrupación xixonesa de la Federación Socialista Asturiana-PSOE, estrenada va pocos meses, utiliza, anque de manera anecdótica, lasturianu na cartelería de la fachada. Como pue vese na semeya quufiertamos, unu de los lletreros lluminosos instalaos utilizal topónimu tradicional del conceyu de Xixón. Una cuestión que nun debía ser novedá, siendo oficial dende va cuasi dos años esti topónimu, pero que nun dexa de llamar latención pola tradicional postura del PSOE pa col asturianu. La nueva sede del PSOE en Xixón ta na cai LArgandona y sustituyó a la tradicional Casa del Pueblu, que tuvo munches décades asitiada na cai San Bernaldo. 3 d'abril, 2008 0 FacebookTwitterPinterestEmail
Política La presencia del asturianu sigue medrando nel ámbitu públicu de Xixón by asturnet 1 d'abril, 2008 Dempués de la orde que nel mes de marzu emitió lalcaldesa de Xixón pal cumplimientu nel usu de la toponimia oficial de Xixón, los espacios nos que lasturianu apaez van medrando na ciudá. Los primeros pasos daos vienen pel sistema públicu de tresportes. Nes últimes selmenes pudieron vese camudaos a la toponimia tradicioal y agora oficial, los rótulos dautobuses y les pantalles de les marquesines de los mesmos. Asina, ye agora normal ver en Xixón, un autobús Cerilleru Hospital de Cabueñes o Roces-Plaza´l Carmen-Cerilleru. Esta corrección de la toponimia súmase a les iniciatives que faen que dende va años los autobuses xixoneses tean rotulaos billingües en toles informaciones interiores del bus, anque con un tratamientu tipográficu menos destacáu pal asturianu. Esti puxu a la toponimia faise dende la conceyalía de Cultura Tradicional y Llingua Asturiana, dende onde se propón, a curtiu plazu, una una romería por San Pedro y el mercáu tradicional nAgropec. Entamen a vese tamién pelos edificios alministrativos de Xixón dellos cartelos billingües y hai orde de que cada nueva incorporación al mapa de cais oficial lleve la obligación de que les plaques dupliquen la información en castellán y asturianu. Tou esto mientres los xixoneses esperen laprobación pa esti branu, según anunció apocayá, Jesús Montes Estrada, de la primer ordenanza municipal de la llingua nel conceyu. Llinies d’EMTUSA cola toponimia oficial n’asturianu 1 d'abril, 2008 0 FacebookTwitterPinterestEmail
Política Ana Cano: “Ensin oficialidá nun hai sobrevivencia” by asturnet 26 de marzu, 2008 La presidenta de l’Academia de la Llingua, Ana Cano, dexó afitao na presentación del DALLA en llinia esti miércoles n’Uviéu qu’ensin oficialidá nun hai denguna posibilidá de sobrevivir pala llingua asturiana y que sedría condergala al desaniciu la non inclusión de la oficalidá nel Estatutu talamente como ficieron toles demás llingües que se normalizaron nel Estáu Español. Estes declaraciones fízoles Ana Cano a entrugues de los periodistes na presentación del DALLA en llinia, dexando nidio tamién que la oficialidá tendría de desendolcase depués nuna llei que los propios partíos tendríen de dcesendolcar, decidiendo entós el presupuestu que queríen dedicar a esi procesu y la forma de desenrrollalu. 26 de marzu, 2008 0 FacebookTwitterPinterestEmail
Política Asturies va ser sede dun alcuentru de rexones europees pa buscar la reducción nes emisiones de CO2 by asturnet 25 de marzu, 2008 Asturies va ser a mediaos dabril sede dun aconceyamientu ente rexones de doce países europeos que tán diseñando un proyectu sobre economía baxa en carbonu pa presentar a la próxima convocatoria de la iniciativa comunitaria INTERREG IVC. Loxetivu del alcuentru, que se va celebrar ente los díes 17 y 18 dabril, ye zarrar una propuesta conxunta ente los representantes de los doce países que tán integraos nuna Rede de Rexones Europees Sostenibles (SERN). El proyectu que se va presentar ta empobináu a compartir bones práctiques de reducción demisiones de gases defectu hibernaderu ente les rexones participantes. Van destacar les propuestes sobre vezos de consumu sostenible nes ciudaes o estratexes empuestes al aforru y la eficiencia enerxética nedificios y usu denerxíes renovables. El trabayu asturianu ta lideráu pola Oficina pa la Sostenibilidá, el Cambéu Climáticu y la Participación, que dirixe Nieves Roqueñí, dependiente de la Conseyería de Mediambiente y Desarrollu Rural. Completen la rede representantes de rexones de Suecia, Dinamarca, Italia, Países Baxos, Inglaterra, Polonia y Chequia, ente otros, que yá confirmaron la so asistencia a la sesión de trabayu del próximu mes. Una y bona ellaborada la propuesta, les rexones van poner en marcha convocatories de proyectos que van tar desendolcaos por entidaes como conceyos, fundaciones o universidaes de forma conxunta ente les distintes rexones participantes. La xornada de trabayu nAsturies arrinca con una puesta en común de proyectos desndolcaos nes distintes rexones participantes. Tamién tán previstes otres actividaes práctiques que van ayudar a los visitantes a tener una visión más concreta sobre lesfuerciu asturianu pamenorgar el cambéu climáticu. Según esplicó Roqueñí, una de les actividaes va ser un percorríu per Xixón pa conocer iniciatives de la Rede de Ciudaes pol Clima y pa visitar un edificiu bioclimáticu. 25 de marzu, 2008 0 FacebookTwitterPinterestEmail
Política Llangréu entama una campaña de normalización social nel sector hosteleru y del turismu by asturnet 24 de marzu, 2008 El Conceyu de Llangréu ta acabante dechar a andar una campaña de normalización social del asturianu nel so sector hosteleru. Esta campaña ye continuación de la que, col nome Equí tas en casa, se punxera en marcha lañu pasáu con una acoyida mui bona. El terial tien un diseñu común identificativu y consiste en: Guía de pexe y mariscu pa viaxar, Pexe y Mariscu en 6 llingües. Consiste na edición de diez mil trípticos de tamañu bolsu cola denominación nasturianu, castellán, inglés, francés, alemán y portugués de pexes y mariscos. Estos trípticos van repartise nos restaurantes, bares y sidreríes del términu municipal de Llangréu. Un conxuntu de materiales hosteleros que valen como soportes pa la tresmisión dinformación turística sobre centros visitables del conceyu de Llangréu: cincuenta mil sobres de zucre impresos a dos colores con publicidá de la Pinacoteca y el Musi, setenta mil serviyetes impreses a un color animando y agradeciendol consumu nel sector hosteleru de Llangréu y ocho mil toallines de llimón impreses a dos colores con publicidá de la Pinacotea y el Musi. 24 de marzu, 2008 0 FacebookTwitterPinterestEmail
Política Izquierda Unida va recoyer firmes en tol estáu pa camudar la llei electoral by asturnet 19 de marzu, 2008 Izquierda Xunida va recoyer firmes en tol Estáu pa camudar la llei electoral. “Por una llei electoral xusta y democrática” ye’l nome d’una campaña cola que’l partíu d’izquierdes quier algamar una nueva llei que garantize la proporcionalidá na representación parlamentaria según los votos que tenga cada fuercia. Les firmes van recoyese fisicamente y tamien na páxina web d’IU federal. Esta iniciativa ye una más de les que vien llevando al cabu’l partíu, en solitariu, dende haz más de venti años pa tratar de reformar el sistema electoral. “Frente a quienes decieron sumar a la so hipocresía política y profesional una premeditada falta d’información p’atacar a esta formación por insistir agora, tres les elecciones xenerales del 9-M, na so exixencia d’una reforma electoral, IX sólo tien qu’enfrentalos a la llexitmidá política y moral que-y dan decades de denuncia en solitariu d’esta inxusticia democrática, de les que quien quiera pue atopar argumentos abondos nes hemeroteques, videoteques y nes actes del Congresu de los Diputaos y de los distintos parlamentos rexonales”, afirmen dende la organización. 19 de marzu, 2008 0 FacebookTwitterPinterestEmail
Política IX-BA-Verdes va pidir la inclusión de la oficialidá na reforma estatutaria by asturnet 17 de marzu, 2008 Izquierda Xunida. Bloque por Asturies-Verdes defendió la oficialidá del asturianu na primer reunión de les que van cellebrar los miembros de la Ponencia Estatutaria de la Xunta Xeneral del Principáu. “Namás con esi reconocimientu se garantiza’l futuru de la llingua de nueso”, destacó’l voceru del grupo parlamentariu IX-BA-Verdes, Jesús Iglesias. Per otra parte, la coalición d’izquierdes pidió qu’esta reforma estatutaria asitie a Asturies al empar que’l restu de llugares que ficieron un apueste por tener mayores competencies y que seya útil a la ciudadanía. “Nun podemos siguir perdiendo más tiempu y cuerre priesa qu’Asturies tenga un Estatutu que compense la desventaya cola que participamos na configuración del Estáu de les Autonomíes”. 17 de marzu, 2008 0 FacebookTwitterPinterestEmail