Política El PP dexa claro que nun va pronunciase pola oficialidá depués d’aconceyase col CAO by asturnet 8 de xunetu, 2008 El Partíu Popular dexó nidiu esti día que la oficialidá de la llingua asturiana nun s’alcuentra ente les sos prioridaes y que denguna manera va asumir la propuesta que güei-y presentó’l Conceyu Abiertu pola Oficialidá (CAO), como intento facero colo demás Grupos parlamentarios de la Xunta Xeneral del Principáu. El PSOE nin siquiera recibió al CAO. IX-BA-LV fizo anuncia del so apoyu a la propuesta y a la defensa dafechu de la cooficialidá. Joaquín Aréstegui, hasta agora cabezaleru del PP a la hora d’afalagar les posibilidaes de meyora nel Estatutu d’Autonomía pa cola llingua astuiriana, dexó cayer el mazcaritu y finó l’antroxu que’l so partíu lleva alendando dende va meses: nun va haber denguna posibilidá de que la llingua asturiana seya oficializada na presente reforma del Estatutu, si depende del PP, colo que se suma a la postura medieval del PSOE nesta tema. Xulio Casado y Fernando Ornosa foron los representantes del CAo que s’aconceyaron colos partíos representaos na Xunta y que-yos dexaron en manu la propuesta d’artículu cuartu del Estatutu d’Autonomía qu’ayeri ficieron pública nun actu énte’l edificu de la Xunta Xeneral. La propuesta del CAo dexa a les clares plantegamientos básicos per todo conocíos: “les llingües cooficiales del Principáu d’Asturies son el castellanu y l’asturianu. El gallego-asturianu, tamién ye llingua oficial nel so ámbitu territorial. Tolos ciudadanos tienen derechu a conoceles y usales. Naide va poder ser discrimináu pola mor de la llingua que llibremente escueya y utilice. Les Alministraciones públiques han garantizar l’usu normal d’estes llingües, amás de la so promoción, enseñanza y presencia amañosa nos medios de comunicación. Una llei de la Xunta Xeneral del Principáu tien de determinar los criterios del procesu de normalización llingüística”. 8 de xunetu, 2008 0 FacebookTwitterPinterestEmail
Política El Conceyu Abiertu pola Oficialidá va presentar esta tarde la so propuesta pal artículu 4u del Estatutu by asturnet 7 de xunetu, 2008 La plataforma Conceyu Abiertu pola Oficialidá, conformada por más de doscientes organizaciones, va presentar güei a les seis de la tarde y énte la Xunta Xeneral d’Asturies, na cai Fruela dUviéu, la redacción propuesta pola organización pa sustituyir a lactual redacción “El bable gozará de proteición. Promoveráse’l so emplegu, l’espardimientu nos medios de comunicación y na enseñanza, respetando, en tou casu, les variantes llocales y la voluntariedá del so deprendizaxe” por una que recueye la oficialidá del idioma, xunto al castellán. La plataforma espera poder facer llegar la propuesta a los miembros de la ponencia del Estatutu, quaconceyen esta tarde nel parllamentu asturianu. 7 de xunetu, 2008 0 FacebookTwitterPinterestEmail
Política Valledor condena “l’actitú de presión” a Félix Fernández de Castro by asturnet 4 de xunetu, 2008 El diputáu d’Izquierda Xunida-Bloque por Asturies-Los Verdes, Francisco Javier García Valledor condenó ayeri nuna rueda prensa na Xunta Xeneral “l’actitú de presión” a les que denuncia que se vio sometíu’l profesor de la facultá de Filoloxía Félix Fernández de Castro. Xunta les declaraciones del diputáu d’IX ayei asoleyáronse otres manifestaciones polítiques al resputive, como les d’Andecha Astur que calificó de patética la actitú del profesor y criticó que “pretenda presentase énte la sociedá asturiano comu víctima en función de pretendíes amenaces recibíes comu rempuesta al so comportamientu represor”. 4 de xunetu, 2008 0 FacebookTwitterPinterestEmail
Política El Conseyu de la Mocedá dAsturies reclama la oficialidá del asturianu na reforma l’Estatutu by asturnet 4 de xunetu, 2008 Jesús Iglesias, voceru parllamentariu dIX-BA-Verdes na Xunta Xeneral del Principáu, caltuvo un alcuentru col presidente del Conseyu de la Mocedá del Principáu, Conceyu de la Mocedá del Principáu, Paulino Feito pa esplicar el desenrrollu de la ponencia del Estatutu y escuchar les demandes de la sociedá asturiana, nesti casu de los xóvenes, nesti procesu de reforma. Iglesias y Feito coinciden na necesidá de que lEstatutu reformáu incluya la participación ciudadana y una Carta de Drechos Sociales, quespecifique la vivienda como drechu soxetivu, ente otres cuestiones. La oficialidá del asturianu foi otra de les reclamaciones presentaes pol presidente del CMPA. Paulino Feito agradeció a IX-BA-Verdes esti conceyu y resumió les sos demandes en que: lEstatutu tenga una mención espresa a les polítiques de mocedá, se fale del desenrrollu personal y social de los mozos, la normativa dirixida a facilitar laccesu al trabayu, la vivienda y la formación profesional, del mesmu mou, la capacidá de diseñar, desenrrollar y evaluar polítiques autonómiques destinaes a esti segmentu de la población y promocionar la participación xuvenil y la movilidá internacional. Del mesmu mou, ye importante que tea nel Estatutul drechu soxetivu a una vivienda digna, que podría tar recoyíu nuna carta de drechos sociales y civiles. Nesi sen recordó que los xóvenes asturianos son, según les estadístiques, los últimos nemancipase. El presidente del Conceyu de la Mocedá tamién recordó que dende va décades la mocedá asturiana demanda la oficialidá del asturianu. Ye la última oportunidá y nun se pue dexar pasar. La oficialidá nun ye un tema del pasáu nin del presente, sinón de futuru a la vista de la demanda, afirmó Feito. Dempués descuchar a Feito, el voceru dIX-BA-Verdes aseguró que la reforma del Estatutu asturianu nun pue facese despaldes a la sociedá, enzarrados ente les paredes del palaciu de la Xunta Xeneral, sinón que se debe facer duna forma abierta, escuchando a la sociedá vertebrada. 4 de xunetu, 2008 0 FacebookTwitterPinterestEmail
Política Izquierda Xunida dUviéu va reclamar na Xunta Xeneral el fin del tratu indignu al Belles Artes by asturnet 2 de xunetu, 2008 Izquierda Xunida dUviéu anunció ayeri que col entamu del periodu de sesiones la Xunta Xeneral del Principáu va reclamar, por mayoría, que se ponga fin duna vez por toes al inxustu tratu que recibiól Muséu de Belles Artes dAsturies. Pal Coordinador dIX dUviéu, Alejandro Suárez, mientres la banda de los cuatro -Jorge Fernández León, Rosina Gómez Baeza, Erich Berger, y Vicente Álvarez Areces- mos faen la revolución cultural en Xixón a golpe de modificáu presupuestariu y con total opacidá, minusvalórasel Muséu de Belles Artes y maltrátase. Pa IX, ye terrible que los proyectos virtuales de La Llaboral nunca nun seyan puestos en cuestión y quagora se propongan trociar les obres del Belles Artes. Suárez demanda el mesmu tratu del gobiernu autonómicu pal Ayuntamientu dUviéu que pa otros a los que nun se-yos esixe cooperación notres grandes infraestructures culturales. Alejandro Suárez asegura quhabrá mayoría na Xunta pa pidir una rectificación sobre la nefasta política que fail gobiernu rexonal con respectu a esta xoya cultural dAsturies que ye constantemente despreciada. El Grupu Parllamentariu dIX-BA-Verdes prepara les sos propies iniciatives parllamentaries nesti sentíu pa dempués sentase a negociaciar col restu de grupos parllamentarios una posición común y mayoritaria . 2 de xunetu, 2008 0 FacebookTwitterPinterestEmail
Política Rosa Díez en Llanes: La llingua oficial dAsturies yel castellán y lo demás son dialectos by asturnet 2 de xunetu, 2008 La diputada y llider del partíu UPyD, Rosa Díez, dixo esti domingu en Llanes que la llingua oficial nel Principáu dAsturies yel castellán y que lo demás, -refiriéndose al asturianu- son dialectos o formes de falar. La diputada taba nAsturies participando nun congresu del so partíu sobre organización territorial y comentó tamién que busca implantase bien nAsturies. 2 de xunetu, 2008 0 FacebookTwitterPinterestEmail
Política El nomamientu o elección del Presidente sigue torgando’l pautu nos discutinios del Estatutu by asturnet 1 de xunetu, 2008 La fórmula que tien de recoyer l’Estatutu sobre la elección del presidente (nomamientu, como na Constitución España pa elexir al presidente del Gobiernu del reinu, o eleición, como hasta agora nel Estatatu d’Asturies) siguen torgando’l consensu de los tres grupos parlamentarios asturianos na comisión estatutaria. Los socialistes siguen enfotaos en caltener el procedimientu d’elección d’anguaño que fai que la oposición nun puea votar negativamente al candidatu que proponga’l par´tiu mayoritariu. A lo postrero, como amosó Fernando Lastra na comparecencia posterior a la xunta de la comisión estatutaria, lo que nun quier la FSA ye que la oposición puea descartar los candidatos que’l partíu qu’apoya’l gobiernu presente si nun tien mayoría, lo qu’obligaría a un ciertu consensu presidencial, que ye la fórmula normal que se reproduz per toa España ensin que naide eche les manos a la cabeza. 1 de xunetu, 2008 0 FacebookTwitterPinterestEmail
Política El PAS cedió tolos poderes a la Xunta Nacional nel Congresu celebráu esti sábadu en Xixón by asturnet 30 de xunu, 2008 El Partíu Asturianista (PAS) celebró esti sábadu pasául so V Congresu Nacional en Xixón. Nel mesmu, Xesús Cañedo presentól balance de los cuatro años últimos de xestión de la Executiva, que foi aprobada por mayoría absoluta. Nel mesmu, Cañedo comentó quel partíu nun presentaba ponencia política nin estratéxica porque taben agotaes toles opciones, anque lo mesmo él, quel presidente del Partíu, reescoyíu tamién por mayoría absoluta, recordaron la llarga trayectoria de ventidós años de Partíu, quanque nun vivel so meyor momentu, aportó abondo a Asturies y a los asturianos nuna montonera de cuestiones. Nel actu renovóse al Tribunal y a la Xunta Nacional, que dende agora asume toles competencies del Congresu del partíu, sacantes la disolución del mesmu. Amás, aprobóse un documentu políticu, quufrimos nAsturnews, y reafirmóse la continuidá del pactu cola URAS, na Unión Asturiana, y la intención de trabayar en siguir ampliando pactos y consensos con otres fuercies. Al actu acudieron representantes de la Unión Renovadora Asturiana, ente los que tuvieron Sergio Márques, presidente dhonor del mesmu y ex presidente dAsturies. 30 de xunu, 2008 0 FacebookTwitterPinterestEmail
Política El circulu Lliberal esixe aparar la distribución de “La Gaceta de Xixón” de xunetu by asturnet 29 de xunu, 2008 El Círculu Lliberal, siguiendo la llínia asoleyada esti día pol Partíu Popular, tuvo accesu al númberu de xunetu de la Gaceta de Gijón, quedita lAyuntamientu de Gijón/Xixón, y que con una tirada de 120.000 exemplares va repartise peles cases del conceyu y manifiesta lleer con total sorpresa, y na portada, el titular que vien darréu:”Una ordenanza municipal regula ya el uso del asturiano”. Y na páxina 16 lafirmación siguiente:”El Ayuntamiento aprobó la Ordenanza Municipal del Usu de la Llingua Asturiana nel ámbitu del Conceyu de Xixón”. Y na páxina 17 lo que sigue: “Lasturianu y el castellanu son llingües propies del Conceyu de Xixón”. Ante la gravedá de lo que safirma, por nun ser en nengún casu verdá, el Círculu Lliberal quier decir que: 1º Naconceyamientu del 21 de mayu de 2008 la xunta de gobiernu municipal alcuerda, según lo afitao nel artículu 94 del Reglamento Orgánico de Funcionamiento del pleno del Ayuntamiento de Gijón/Xixón Elevar el Proyecto de Ordenanza Municipal del Uso del Asturiano en el ámbito del concejo de Gijón/Xixón y el Plan de Normalización y Uso Lingüístico del concejo de Gijón/Xixón y tamién Remitir la iniciativa, el Proyecto y su documentación a la Secretaría general del Pleno para su tramitación. 2ºEl 29 de mayu de 2008 la Secretaria General remite a los grupos municipales el Proyectu dOrdenanza (12 artículos) y de Plan de Normalización (51 medíes). 3ºLartículu 1 del Proyectu dOrdenanza del equipu gobiernu diz (na redacción castellana, la única con validez llegal) lo que sigue: El asturiano y el castellano son lenguas del concejo de Gijón/Xixón, pero na versión nasturianu que tamién sacompaña diz: Lasturianu y el castellanu son llingües propies del Conceyu de Xixón. La inclusión desi propies na versión asturiana, que nun tien validez llegal, amuesa a les clares una intención evidente de manipulación y engañu por parte del equipu de gobiernu municipal. Al mesmu tiempu, queda claro que lo escrito na páxina 17 de la Gaceta de Gijón ye mentira. 4ºNos díes siguientes, el Grupu Municipal Popular presentó 9 enmiendes al Proyectu dOrdenanza y una enmienda a la totalidá (un plan propiu con 118 medíes) al Plan de Normalización del equipu gobiernu. 5ºEnsin tener tovía estudiao les enmiendes presentaes, la Gaceta de Gijón anuncia, como yá diximos antes, y nel so númberu de xuliu que yá hai una ordenanza que regula lusu del asturianu en Xixón, lo que ye absolutamente falso. Porque Proyectu y enmiendes han dir al Plenu del mes de xuliu. Porque después los testos resultantes han sometese a Información Público durante 30 díes. Porque tres estudiar les alegaciones que puen presentase habrá volver otra vegada al Plenu, a lo más pronto, en setiembre. Y porque tres laprobación en Plenu tendrá de publicase nel BOPA, y sólo entós sedría verdá lafirmación de quuna Ordenanza regula lusu de la llingua nel conceyu de Xixón. Poro, y en delantre desti atentáu gratuitu a la verdá, desta antidemocrática manipulación de la realidá, EL CÍRCULU LLIBERAL ESIXE: -QUE BAXO NENGÚN CONCEPTU SE REPARTA LA GACETA DE GIJÓN ONDE SE RECUEYE ESTA MENTIRA DEL EQUIPU GOBIERNU DE PSOE Y IU SOBRE LA LLINGUA -QUE SE PARALICE DARRÉU TOLA TRAMITACIÓN DEL PROYECTU DORDENANZA Y PLAN DEL ASTURIANU, HASTA QUE NUN TEEN GARANTIZAOS LOS MECANISMOS AFAYAÍZOS PA ENTAMAR UN DIÁLOGU VERDADERU QUE FACILITEL CONSENSU DE TOLOS GRUPOS MUNICIPALES NA ELLABORACIÓN DE LA ORDENANZA Y EL PLAN MENTAOS -QUE LOS CAUSANTES DE LA PUBLICACIÓN DE FALSEDÁ TALA NA GACETA DE GIJÓN ASUMAN LES SOS RESPONSABILIDAES POLITIQUES 29 de xunu, 2008 0 FacebookTwitterPinterestEmail
Política UNIDÁ califica de hipócrita la postura d’Ana Rosa Migoya y desixe una solución inmediata a la crisis by asturnet 28 de xunu, 2008 La Xunta Executiva dUNIDÁ NACIONALISTA ASTURIANA volvió esti vienres a facer una valoración sobre’l cursu de los acontecimientos tres del “gravísimu fechu que supunxo la supresión, pol votu de 34 persones, de los estudios de llingua asturiana”. El comunicáu, recibíu en castellán, dexaba afitao que dende la federación nacionalista consideren “especialmente graves las declaraciones de Ana Rosa Migoya, que apelando a la autonomía universitaria no puede disimular su satisfacción e hipocresía por que los postulados cavernícolas que su gobierno comparte, vuelvan a asomar la cabeza en la Facultad de Filología. Dende UNIDÁ considerase que el Gobierno es el principal responsable de la situación, al negarse sistemáticamente a dar el rango de oficialidad a la lengua asturiana, y debe tomar cartas en el asunto para que nuestra lengua y nuestra cultura tengan el lugar que les corresponde en esta sociedad, y eso no tiene nada que ver con la autonomía de ninguna institución. Reproducimos darréu’l restu del comunicáu d’UNIDÁ: El portavoz de UNIDÁ afirmó además, en referencia a las declaraciones de Jesús Iglesias que resulta comprensible la apelación a Gotor para que tome cartas en el asunto, pero recordamos que IU-BA hasta hace cuatro días ha compartido Gobierno sin que se notase ningún avance más allá de lo cosmético y cuando su rector Juan Vázquez fue el inquisidor que prohibió la presencia de la lengua asturiana en los estudios de tercer ciclo. Zapico señaló que hay que sumar fuerzas, pero no es de recibo utilizar el movimiento lingüístico como granero electoral cuando se está fuera del gobierno y tragar carros y carretas traicionando las promesas realizadas cuando se está dentro. En cualquier casu la Xunta Executiva dUNIDÁ, señalo Zapico, decidió: 1. Recordar que más del 60% de los asturianos y asturianas la apoyan la oficialidad. 2. Apoyar el encierro de estudiantes en el Rectorado y todas las acciones unitarias de reivindicación que requieren las circunstancias en las que nos encontramos, cuando una minoría reaccionaria niega los mínimos principios de la democracia y sueña con una Asturies desasturianizada. 3. Demandar de forma enérgica a Vicente Gotor, que solucione desde el rectorado el problema ya que puede hacerlo y debe cumplir sus compromisos de campaña. 4. Exigir de una vez por todas declaración de oficialidad de la llingua asturiana y la rectificación de la política llingüística etnocida del gobierno asturiano. 28 de xunu, 2008 0 FacebookTwitterPinterestEmail