Cine “Fausto” de Murnau proyéctase nel Centru de Cultura Antiguu Instituto by asturnet 14 d'ochobre, 2007 Esta tarde a partir de les 19:00 hores va tener nel Centru de Cultura Antiguu Instituto una nueva sesión del cineforum organizáu pol Ateneu Jovellanos cola proyección de “Fausto” de F.W. Murnau. Con la adaptación de la obra “Fausto” de Goethe, Murnau puso colofón a a una carrera que lu encumbró como un de los másimos esponentes del espresionismu conematográficu. F.W. Murnau nació en Westfalia en 1988 y estudió Literatura, filosofía e Historia del Arte en la Universidad de Heidelberg anque la so gran pasión siempre fuí’l teatru y posteriormente’l cine. Ene les sos creaciones destaquen “Nosferatu”, “Tartufo o el hipócrita”, “Amanecer” o esti “Fausto”. 14 d'ochobre, 2007 0 FacebookTwitterPinterestEmail
Cine Continua’l ciclu dedicáu al cineasta francés Jaques Demy by asturnet 11 d'ochobre, 2007 El ciclu dedicáu al cineasta frances Jaques Demy, autor de cintes como “Los paraguas de Cherburgo” o “Las Señoritas de Rochefort” continua esti sábado 13 d’ochobre cola proyección de “Lola” nel Centru Municipal Integráu “Xixón Sur” a les 20:30 hores. Lola, dirixida en 1960, ye’l tercer trabayu de Jaques Demy y narra la vida d’una bailarina de cabaret cuando entama a enamorase de Roland, un amigu d’infancia qu’atopa por casualidá. 11 d'ochobre, 2007 0 FacebookTwitterPinterestEmail
Cine El centru municipal de El Coto y l’Atenéu de La Calzada continuen coles proyecciones cinematográfiques by asturnet 9 d'ochobre, 2007 A partir de les 19:30 hores l’Ateneu de La Calzada en Xixón va agospiar la proyección de película de Ángeles González-Sinde, “La suerte dormida”. La cinta, protagonizada por Adriana Ozores, cunta la historia d’Ampa: una abogada qu’acaba involucrada na defensa d’un casu xudicial d’indemnización por muerte. Tamien en Xixón a les 19:30 hotres pero nel centru municipal de El Coto el públicu va tener oportunidña de disfrutar de la obra de la obra, “Como eliminar a su jefe”. Dirixida en 1980 por Collin Higgins y protagonizada pola actriz Jana Fonda y l’actor Sterling Hayden el so argumentu xira alrodiu de la vida llaboral de tres secretaries que trabayen pa un xefe machista y desconsideráu al que’acaben secuestrando. 9 d'ochobre, 2007 0 FacebookTwitterPinterestEmail
Cine Continua’l ciclu de western nel Felgueroso de Sama con Raíces profundas by asturnet 8 d'ochobre, 2007 La decada de los 50 nel xeneru del western ye’l tema alrodiu del cual ta xirando’l ciclu organizáu pola asociación cinematográfica “Sala Oscura”. Nesta ocasión la película que se va proyectar, nel cine Felgueroso de Sama a les 19:30 hores, ye “Raíces profundas” dirixida por George Stevens en 1953. La entrada ye llibre y tres la proyección va cellebrase una tertulia.. L’agrupación cultural “Sala Oscura” nacio va quince años como puntu d’alcuentru pa los cinefilos más apasionaos y col enfotu de proyectar el meyor cine d’otres epoques. El ciclu de películes del Oeste va continuar el martes día 16 cola cinta “Johny Guitar”. 8 d'ochobre, 2007 0 FacebookTwitterPinterestEmail
Cine La Cátedra Xovellanos va proyectar un curtiumetraxe sobre la vida de los Erasmus n’Uviéu by asturnet 8 d'ochobre, 2007 La Cátedra Xovellanos va proyectar un curtiumetraxe sobre la vida de los Erasmus n’Uvieu Los escolinos estranxeros que tan cursando estudios na Universidá d’Uvieu al travies del sistema de beques Erasmus van disfrutar güei d’un actu de bienvenida na Plaza del Marques de Xixón a partir de les 16:00 hores. A les 18:00 nel escenariu de la Cátedra Xovellanos d’Estensión Universitaria va proyectase’l curtiu “I was an Erasmus student at the University of Oviedo” que cunta les vivencies d’estos estudiantes na universidá asturiana. Los actos, enmarcaos dientro de la Selma Erasmus de la universidá, van completase’l vienres con una escursión a Ribeseya y Cuadonga que saldrá dende la plaza l’Institutu (Plaza’l Parchís) palos alumnos de Xixón y dende la Plaza La Gesta palos d’Uvieu. 8 d'ochobre, 2007 0 FacebookTwitterPinterestEmail
Cine Entama’l miniciclu sobre cine cubanu na FNAC con “Vals de la Habana Vieja”, de Luis Felipe Bernaza. by asturnet 8 d'ochobre, 2007 La película “Vals de la Habana Vieja”, de Luis Felipe Bernaza va inaugurar esta tarde el mini cuclu sobre cine cubanu nel Forun de la FNAC de Siero (Parque Principado). La proyección va entamar a les 19:00 hores y la entrada ye llibre. “Vals de la Habana Vieja” ye una de les últimes obres del prolíficu cineasta cubanu Luis Felipe Bernaza y narra les dificultaes que pasa una madre con pocos recursos económicos pa cellebrar “por tolo altu” el cumpleaños de la so fía de quince años. El ciclu va continuar el miñercoles cola proyección del film “Hasta cierto punto”, de Tomás Gutierrez Alea, nesta ocasión a les 18:30 hores. 8 d'ochobre, 2007 0 FacebookTwitterPinterestEmail
Cine “El conflicto de los Marx ” pue vese güei nel Teatru Filarmónica by asturnet 7 d'ochobre, 2007 El ciclu de proyecciones “El Mundo de Groucho Marx” del Teatru Filarmónica pal mes d’ochobre continua güei col pase de la película “El Conflicto de los Marx” (Animal Crackers), dirixida en 1930 por Victor Heerman y protagonixada polos Hermanos Marx. La proyección entama a les 20:30 hores y la entrada ye llibre hasta completar l’aforu. “El conflicto de los Marx ” ye la segunda incursión de los Marx nel cine tres la exitosa “Los cuatro cocos”. Nesta comedia los Marx vense involucraos nel robu dún valiosu cuadru nel marcu d’una fiesta d’alta sociedá. 7 d'ochobre, 2007 0 FacebookTwitterPinterestEmail
Cine Entama’l ciclu de cine de la Mocedá Comunista d’Aviles by asturnet 7 d'ochobre, 2007 La Mocedá Comunista d’Aviles organiza una nueva edición del so cine-forum, que este año va xirar alrodiu de la figura del Che Guevara, coincidiendo col 40 aniversariu del asesinatu del líder revolucionariu. El ciclo va entamar esti día a les 19.30 hores naCasa de Cultura d’Aviles con la proyección d’un documental fechu pola mesma asociación sobre´ l Che. La entrada ye gratuita. El ciclu va continuar el día 15 d’ochobre col pase de la película d’Oliver Stone “Looking for Fidel” y el día 22 col film sobre la xuventú del Che “Diarios de motocicleta” del brasileñu Walter Salles. 7 d'ochobre, 2007 0 FacebookTwitterPinterestEmail
Cine La Casa de la Cultura de Mieres agospia la proyección de “Pequeña Miss Sunshine” by asturnet 7 d'ochobre, 2007 La cita con un de los últimos esitos de crítica y taqueilla ye a les 19:30 hores nel Auditoriu Municipal de la Casa de Cultura de Mieres con entrada llibre. “Pequeña Miss Sunshine” de Jonathan Dayton algamó dos oscar de l’academia al meyor guión orixinal y al meyor actor de repartu amás del premiu del públicu nel Festival de San Sebastian. La cinta ye una comedia que cunta la historia d’una familia norteamericana atípica qu’entama un viexa per carretera hasta’l concursu de belleza infantil de california nel que va participar ña pequeña Olive. 7 d'ochobre, 2007 0 FacebookTwitterPinterestEmail
Cine Abriósel plazu pa presentar obres al 4u Festival de Cine Asturianu by asturnet 7 d'ochobre, 2007 El Festival de Cine Asturianu acaba dabrir el pazu dinscripción dobres pa la cuarta edición del certame. El Concursu tien dos categoríes: Obres en llingua asturiana y obres asturianes en cualesquier otra llingua. Al Concursu podrán presentase obres en cualesquier formatu y duración, preferiblemente DVD, siempre que tean realizaos en llingua asturiana, tamién puen presentase obres feches por realizadores asturianos o rodaes básicamente nAsturies o nos territorios del dominiu llingüísticu del asturianu en cualesquier llingua y en cualesquier añu de realización. Cada autor podrá presentar una o varies obres amestando una ficha técnico-artística na que puen apaecer los datos dinterés pa la obra. Tamién podrá amestase un currículu cinematográficu del autor. Los galardones fallaránse na Gala de Pieslle del 4u FESTIVAL DE CINE ASTURIANU onde se darán los ocho premios del Palmarés amás del Preniu dHonor. El plazu presentación dobres termina el 15 de Xineru del 2008. Les obres han mandase al FESTIVAL DE CINE ASTURIANU c/Ciudad Real 9 – 1º – 14. 28045 Madrid, 7 d'ochobre, 2007 0 FacebookTwitterPinterestEmail