Cine “Una nueche na ópera” abre payares nel ciclu sobre los Hermanos Marx by asturnet 5 de payares, 2007 El repasu a la estensa vida cinematográfica de los hermanos Marx entra n’esti mes de pyares cola proyección, esta nueche a partir de les 20:30 hores nel Teatru Filarmónica d’Uvieu, de la cinta “Una nueche na Ópera”. La entrada ye da baldre y llibre hasta completar l’aforu. Esta comedia estrenada en 1935 y dirixida por Sam Wood narra les peripecies del representante d’una cantante d’ópera interpretaos por Groucho y la sempiterna Margaret Dummont. Una nueva crítica de los Marx sobre la sociedá americana de la epoca burlándose de los ambientes de clase alta. 5 de payares, 2007 0 FacebookTwitterPinterestEmail
Cine Tom Fernández presenta “La Torre de Suso”, rodada en Mieres, esta tarde en Caudalia by asturnet 5 de payares, 2007 Mieres acueye esti día l’estrenu pal circuitu comercial de la película ” La Torre de Suso”, trabayu de debú del director natural del conceyu d’Aller Tom Fernandez. La cinta, que fui presentada recientemente nel Festival de Cine de San Sebastián, va poder vese esta nueche a partir del les 22:00 hores nos multicines del Centru Comercial Caudalia de Mieres. “La Torre de Suso”, que cunta la historia d’un emigrante retornáu y ta rodada nel conceyu de Mieres, Ente’l elencu d’actores que trabayen n’esti film y que van tar presentes nel estrenu de la obra destaquen Javier Cámara, Gonzalo de Castro y Malena Alterio. Na presentación amás d’ellos y del propiu director tienen previstu acudir el Presidente del Principáu d’Asturies, Vicente Álvarez Areces y la conseyera de Cultura y Turismu, Encarna Rodríguez Cañas asina como l’alcalde de Mieres, Luis María García. 5 de payares, 2007 0 FacebookTwitterPinterestEmail
Cine Corquieu actuen esta tarde nel entamu del II Congresu Internacional de Lliteratura Asturiana by asturnet 5 de payares, 2007 Corquieu van ser los encargaos esti día de poner la nota músical nel entamu del II Congresu Internacional de Lliteratura Asturiana organizáu pola Academia de la Llingua Asturiana. L’actuación de la banda ribeseyana va entamar a les 18:30 hores nel Salón d’Actos del Campus del Milán de la Universidá d’Uvieu. Esi mesmu día los actos del congresu entamen cola conferencia de Xose Lluis García Arias embaxo’l títulu “De llingua y Llliteratura”. Corquieu ñacen en 1998 en Ribeseya y ta formáu anguaño por cinco componentes: Paul Balmori, Daniel Álvarez, Blanca Sáenz de Miera, Gema García, David Mateos Roberto y Suárez Pablo Valdes. Corquieu vieron premiáu’l so llabor musical col premiu AMAS 2006 al meyor discu de folk por “Salia” y a la meyor canción folk por “Ribeseyana”. 5 de payares, 2007 0 FacebookTwitterPinterestEmail
Cine “Las Señoritas de Rochefort” de Jaques Demy proyéctase nel centru Pumarín Xixón-Sur by asturnet 2 de payares, 2007 “Las Señoritas de Rochefort” del cineasta frances Jaques Demy ye la prósima película que’l centru Pumarín Xixón-Sur va ufrir dientro del ciclu de cine en versión orixinal empobináu a repasar la obra del director. El pase entama el prósimu sábadu a les 20:30 hores y les entraes tan disponibles nel propiu centru al preciu de 3 euros. Jaques Demy, autor de cintes como “Los paraguas de Cherburgo” o “Lola” vió como con “Las Señoritas de Rochefort” algamó una nominación al oscar pola musica orixinal de Michel Legrand. 2 de payares, 2007 0 FacebookTwitterPinterestEmail
Cine La muyer na fuelga de 1962 ye’l tema d’un curtiu na 52 Selmana Internacional de Cine de Valladolid by asturnet 30 d'ochobre, 2007 “A golpe de tacón”, curtiu dirixíu por Amanda Castro y protagonizáu por Cristina Marcos, Ponce de León, Fernando Andina y Luis Callejo alredor del papel que xugaron les muyeres durante la fuelga minera de 1962, va participar na Selmana Internacional de Cine de Valladolid, qu’esti añu cumple la so edición númberu 52. L’estrenu de la cinta va ser el miercoles 31 d’ochobre. La película bebe de les fuentes de dos lluchadores antfranquistes: Anita Sirgo y Constantina Perez, que sufrieron tortures y represión durante la fuelga del 62. Esta obra ta fecha en collaboración cola Fundación Juan Muñiz Zapico, la Secretaría de la Muyer de CC.OO. d’Asturies, la Federación Minerometalúrxica de CC.OO. d’Asturies y la Federación de Pensionistes y Xubilaos de CC.OO. Tamiñen participen el l Ministeriu de Cultura, l’Institutu de la Muyer, la Conseyería de Cultura, la Fundación Rosa Luxemburgo y dellos ayuntamientos asturianos. 30 d'ochobre, 2007 0 FacebookTwitterPinterestEmail
Cine “DocumentaLlangréu” entamó esti viernes cola proyeición de “Resistencia” de Lucinda Torre by asturnet 30 d'ochobre, 2007 “Resistencia”, la película de la directora llangreana Lucinda Torre sobro’l conflictu de los trabayadores de Duro Felguera, abrió esti vienres el ciclu «DocumentaLlangréu», una amuesa del cine de non ficción que se va desendolcar ará durante’l mes de payares nel recuperáu cine Felgueroso de Sama. La primer edición de “DocumentaLlangréu” va presentar cincu películes que se tienen de proyectar cada viernes del payares (a les 20.00 horas) nel cine Felgueroso de Sama, cola programación que vien darréu: l «Resistencia», de Lucinda Torre. 2 de noviembre. l «Las alas de la vida», de Antoni P. Canet. 9 de noviembre. l «En el hoyo», de Juan Carlos Rulfo. 16 de noviembre. l «La pesadilla de Darwin», de Hubert Sauper. 23 de noviembre. l «Llach: la revolta permanent», de Lluis Danès. 30 de noviembre. 30 d'ochobre, 2007 0 FacebookTwitterPinterestEmail
Cine “La vida de nadie” de Eduard Cortés proyéctase esta tarde nel centru de El Llano by asturnet 29 d'ochobre, 2007 “La vida de nadie”, ópera prima del director español Eduard Cortes, ye la propuesta cinematográfica pa esti día nel centru municipal integráu de El Llano en Xixón dientro del ciclu “Recuperando la memoria histórica”. El pase va entamar a les 19:00 hores y la entrada ye de baldre y llibre hasta completar l’aforu. La cinta cunta cola interpretación de Jose Coronado y Adriana Ozores pa componer el retratu d’un home d’esitu que ve como la so vida cambia de rumbu. Ta basada nel casu real de Jean-Claude Romand, que en 1993 asesinó a la so familia a la que tuvo engañada durante dieciocho años diciendo-yos que yera un prestixosu medicu. 29 d'ochobre, 2007 0 FacebookTwitterPinterestEmail
Cine El canariu Guillermo Ríos algama’l primer premiu nel Certame Internacional de Cortometraxes “Art Nalón” by asturnet 29 d'ochobre, 2007 “Nasija”, del director canariu Guillermo Ríos fui la cinta ganadora del Certame Internacional de Cortometraxes “Art Nalón” d’esti añu. El xuraú del festival entregó’l galardón al cineasta y un premiu de 2000 euros nuna ceremonia que se cellebró’l pasáu vienres nel cine Felgueroso de Sama. “Tadeo Jones y el sótano maldito” de Enrique Gato algamó’l premiu al meyor curtiu d’animación. Otres obres premiaes fueron “Y tú, cómo lo ves?” de Lucía Mnendez y “Bichos raros” de Alegría Collantes que recibió’l premiu del públicu. «Nasija», ye un drama que narra la vida de una subsahariana condenada a morir lapidada. El curtiu relata el maltratu al que ye sometía la muyer en delles culturas. La obra, rodada en Tenerife, cunta cola participación de Guillermo Ríos na dirección y guión; Roberto Ríos como director de fotografía y cámara; Carlos Sáenz na dirección artística; Santiago Ríos na producción, Teodoro Ríos na producción executiva y Mento como autores de la música, inspirada nos sones del África Subsahariana. 29 d'ochobre, 2007 0 FacebookTwitterPinterestEmail
Cine “A golpe de tacón” preséntase esti miércoles na SEMINCI by asturnet 29 d'ochobre, 2007 Esti miércoles 31 d’Ochobre va presentase na LII Semana Internacional de Cine de Valladolid (Seminci) el filme “A golpe de tacón”, curtiumetraxe de la directora asturiana Amanda Castro que revisa’l papel de les muyeres na fuelga minera de 1962 a partir de les vivencies de les llangreanes Anita Sirgo y la fallecía Constantina Pérez, “Tina la de La Xuécara”, que foron deteníes y torturaes durante los episodios del 1962 . “A golpe de tacón”, que ta protagonizáu por Cristina Marcos, Lola Herrera, Belén Ponce de León, Fernando Andina y el llangreanu Fran Sariego, va proyectase na nueche del miércoles en Teatru Calderón de Valladolid y al día siguiente nel cine Casablanca, dientro de la “La noche del corto español” Esti curtiumetraxe, rodáu principalmente en Llangréu y Santa Cruz de Mieres foi realizáu a partir d’un guión del periodista entreguín Pedro Alberto Marcos, que tamién foi l’autor del testu del primer trabayu cinematográficu d’Amanda Castro “Tierra de guerrilleros”. 29 d'ochobre, 2007 0 FacebookTwitterPinterestEmail
Cine Estrénase Chalaneru, un curtiu nasturianu ambientáu nochobre del 34 by asturnet 25 d'ochobre, 2007 Güei a les ocho la tarde, na Biblioteca Pública de Salinas, nel conceyu de Castrillón, va presentasel curtiu en llingua asturiana Chalaneru, una obra de ficción ambientada na revolución dochobre del 34 nAsturies. Chalaneru tien guión de David Álvarez y la dirección corrió a cargu de David Rodríguez. La película rodóse en Piarnu, nel mesmu conceyu onde se presenta, y El Molín del Puirtu, en Gozón. Participen nel curtiu actores como Lluis Antón González, que participó en películes como Carne de gallina o El Orfanato, Xuacu Carballido y Juan Blanco. 25 d'ochobre, 2007 0 FacebookTwitterPinterestEmail