Cine Una amuesa de videoarte con obres de 17 artistes repasa dellos aspectos de Xixón by asturnet 16 de payares, 2007 Dende esti vienres 16 de payares y hasta’l 7 de xineru ta disponible en Xixón l’amuesa colectiva de videoarte “Signos de Ciudad” que se cellebra paralelemente al Festival Internacional de Cine de Xixón. Segun informó’l Conceyal de Cultura de Xixón, Justo Villabrille l’amuesa repasa dellos aspectos de la ciudá al travies de los videos de diecisiete autores como Jennifer Allora, Alex Campoy, Dionisio González, o Tomás Muñoz. Los trabayos seleccionaos pa la ocasión puen vese na sala 2 del Centru de Cultura Antiguu Instituto y na Galería Espaciu Líquido, organizadora tamien del eventu. 16 de payares, 2007 0 FacebookTwitterPinterestEmail
Cine Xixón Óptica 2007 amosa esti fin de selmana les obres de vídeoarte de más de 200 artistes by asturnet 16 de payares, 2007 El festival Internacional de Vídeuarte de Xixón, Xixón Óptica 2007, va acoyer na villa una esbilla de proyecciones, directos y cellebraciones dicverses dende esti vienres 16 de payares hasta’l prósimu domingu 18 na que ye la so tercer edición. El Centru de Cultura Antiguu Institutu, el Conseyu de la Mocedá de Xixón, el Casinu d’Asturies, Mediavanced , Gallery Art & Food y la Sala Lai van ser los escenarios nos que se va desendolcar el programa de xeres, siempre con entrada llibre y de baldre. Esperimentación nel campu de lo visual podria ser perfectamente’l lema que defina esta edición d’un festival nel que van participar más de 200 artistes de tol mundu. Nel programa va haber sitiu pa directos y delles xeres y tamiñen pal concursu competitivu nes secciones d’artistes independientes y galeríes que opten Premiu Óptica al meyor trabayu de videu, al Premiu del Xuráu y el Premiu Especial Óptica 2007. Web del festival 16 de payares, 2007 0 FacebookTwitterPinterestEmail
Cine Jose Luis Cienfuegos presentó una nueva edición del Festival de Cine de Xixón by asturnet 16 de payares, 2007 Del 22 de payares al 1 d’avientu Xixón va ser l’escenariu d’una edición más, la númberu 45, del Festival Internacional de Cine de Xixón. El so director, Jose Luis Cienfuegos presentó el pasáu xueves la programación d’un eventu nel que por primer vuelta va treslladar parte de les esibiciones a les llocalidaes de Candás y de Llangreu. Cienfuegos fizo mención especial al ciclu de cine alemán, a les películes “Juno” de Jason Reitman y “Grace is Gone”, de James C. Strouse. La película que va inaugurar el festival va ser la cinta “The Darjeeling Limited” del director Wes Andersonnuna gala que va cuntar cola presentación del actor Javier Veiga y la música del cuartetu del compositor y guitarrista nortemericanu James Taylor. A esta edición del certame van presentase 18 títulos a la competición oficial de llargometraxes y 16 a la de curtios. Precisamente nel concursu de curtios participa l’asturianu Alberto Rodríguez, ganador del Premiu Nuevos Realizadores 2006 cola obra “Darío y Verónica”. Web del festival 16 de payares, 2007 0 FacebookTwitterPinterestEmail
Cine Continuen les Xornaes Culturales de les Mocedaes Socialistes cola película “Una lección de amor” de Bergman by asturnet 14 de payares, 2007 Esti miercoles a partir de les 19:30 hores la biblioteca de la Casa del Pueblu d’Uvieu, na cai Jovellanos (nº19, 2º pisu) les Mocedaes Socialistes d’Uvieu van proyectar la película d’Ingmar Bergman “Una lección de amor”, dientro del programa de xeres que se tan desendolcando con motivu de la cellebracion de les xornaes culturales JOVETENSE 07. “Una lección de amor” ye la historia d’un xinecólogu casáu, David, y la so muyer Marianne. Tres 15 años de casaos David, tien una aventura con una xoven y Marianne abandona al medicu pa vivir con un exnoviu. David decide dempues volver cola so esposay xuntos nel tren que va hacia Copenhague alcuerdense de les escenes de la so vida en pareya. 14 de payares, 2007 0 FacebookTwitterPinterestEmail
Cine El centru Cajastur d’Uviéu acueye la esibición de la película “Conversaciones col mi xardineru” by asturnet 13 de payares, 2007 La Obra Social y Cultural de Cajastur va proyectar esti martes nel so centru n’Uvieu la película del directo frances Jean Becker “Conversaciones col mi xardineru”. Esti mini ciclu entamó’l llunes nel Centru Cultural Cajastur de Mieres (Jerónimo Ibrán, 10) ya mañana va treslladase al cine Felguerosu de Sama. La entrade ye a partir de les 20:00 hores y llibre hasta enllenar la sala nos dos pases. “Conversaciones col mi xardineru” (Dialogue Avec Mon Jardinier) ye la historia de la relación ente un pintorya vieyu y l’hme que-y cuida del xardín de la so casa. El xardineru resulta ser un antiguu compañeru de colexu, un home plenu de xacíu que va face-y descubrir al pintor una nueva manera de mirar la vida. 13 de payares, 2007 0 FacebookTwitterPinterestEmail
Cine Dellos bares d’Uviéu esiben los curtios del festival itinerante “La boca del Lobo” by asturnet 13 de payares, 2007 Dende’l 11 y hasta el 16 de payares los llocales pertenecientes a l’asociación Oviedo Nosepara acueyen al octavu certame itinerante de curtiometraxes “La boca del lobo”, que ñació va 10 años en Madrid, del que van esibise los 70 curtios que participaron na edición de 2006 del festival. La entrada va ser llibre en tolos pases nos llocales de la asociación, ente los que tan La Calleja de la Ciega, Flamin’, La Caja Negra, El Olivar, Kin cafe &Lounge y El Clandestino. Esta ye la primer vuelta na que les obres d’esti prestixosu festival visiten el Principáu y pa la ocasión los responsables de Oviedo Nosepara llograron traer pal públicu ovetense los 70 curtios que participaren na final del añu 2006. A esa edición del festival presentáronse más de 700 trabayos de directores españoles e internacionales de paises como Paraguay, Egipto, Italia, Polonia o Arxentina ente otres nacionalidaes. Los seis llocales que pertenecen a la asociación tan esibiendo los curtios en sesiones de dos hores poles tardes y nueches d’esti mes de payares. Los horarios d’esibición son los siguientes: En La calleja de la Ciega a les 21:00; en El Clandestino de llunes a vienres a les 21:00 y los domingos a les 20:00; en el Flamin’ a les 20:30; en La Caja Negra a les 18:00 y a les 23:00: en El Olivar a les 19:00; y nel Kin a les 19:30 hores. 13 de payares, 2007 0 FacebookTwitterPinterestEmail
Cine El ciclu de cine sobre los Marx ufre esta nueche “Un día nes carreres” by asturnet 12 de payares, 2007 “Un día nes carreres” ye la película que los responsables del ciclu de cine “El mundiu de Groucho Marx”, empobináu a repasar la trayectoria cinematográfica de los famosos cómicos, van proyectar esti llunes nel Teatru Filarmónica d’Uvieu a partir de les 20:30 hores con entrada de baldre y llibre hasta llenar la sala. Nesta comedia de 1937 Groucho ye un veterinario que se fai pasarpor doctor p’ayudar a la propietaria d’un hospital en quiebra. Pa xuntar toles perres que faen falta pa salver el centru Groucho, xunco con Chico y Harpo deciden apostar nes carreres de caballos. Ye una de les obres más esitoses del grupu de cómicos y cunta cola dirección del habitual Sam Wood y l’actueción de la eterna Margaret Dummont. 12 de payares, 2007 0 FacebookTwitterPinterestEmail
Cine El conflictu de Naval Gijón va tar representáu nel Festival de Cine de Xixón en dos películes by asturnet 12 de payares, 2007 El conflictu llaboral de Naval Gijón va tar representáu na edición d’esti añu del Festival de Cine de Xixón que acoyerá la villa xixonesa del 22 de payares al 1 d’avientu al travies de dos películes. “El astillero (Perdonen las molestias)” d’Alejandro Zapico y “Cándido y Morala, ni un paso atrás” de Ruth Arias van averase a la llucha de los trabayadores del astilleru. “El astillero” ye un llargometraxe del cineasta Alejandro Zapico embaxo un guión de Lola Salvador y que cunta cola participación de Fernando León. Esta cinta averase a la llucha obrera dende’l día a día de los protagonistes del conflictu. Esti trabayu ta producíu pol fotoperiodista ganador d’un premiu Pulitzer, Javier Bauluz. “Cándido y Morala, ni un pasu atrás” de Ruth Arias ye un reportaxe fotoperiodístico sobre los dos sindicalistes encarcelaos y cunta coles imáxenes del cámara Borja Medio. Los dos títulos van esibise dientro de la sección “Esbilla”. 12 de payares, 2007 0 FacebookTwitterPinterestEmail
Cine El ciclu de la FNAC “Masters of Horror” acueye la obra “Jennifer” de Dario Argento by asturnet 8 de payares, 2007 Esti xueves a les 19:00 hores continua nel Forum de la FNAC de Siero el ciclu de cince de terror empobináu a esibir la serie “Masters of Horror”. Esta esbilla de capítulos emitiose en 2005 nel canal Showtime y cunta ente los directores que participaren na realización de los capitulos con ilustres del xeneru como Tobe Hopper, Dario Argento, Joe Dante o John Carpenter. La proyeccíon d’esta tarde va ser l’episodiu “Jennifer” de Dario Argento. En “Jennifer” el maestru del terror italianu adapta un famosu cómic de los años setenta pa componer nel qu’un policia caltien una obsesiva relación con una escultural pero desfigurada xoven a la que salva de morrer asesinada. El ciclu fina esti vienres con “El ejercito de los muertos” de Joe Dante. 8 de payares, 2007 0 FacebookTwitterPinterestEmail
Cine El film”Media Luna” presenta le realidá d’Irak esta nueche n’Uviéu by asturnet 6 de payares, 2007 El Centru Cultural Cajastur d’Uvieu (San francisco, 4) acueye esti martes a partir de les 20:00 hores la proyección de la película “Media Luna”: una cooprodución ente Irán, Irak, Austria y Francia con dirección y guión de Bahman Ghobadi. La entrada al pase ye de baldre y llibre hasta completar l’aforu. “Media Luna” afonda ne realidá d’Irak al travies de la historia d’un músicu, Mamo,que decide ufrir un conciertu nel Kurdistán iraquí. Pal recital necesita la voz celestial d’una muyer, Hesho, que vive refuzada na montaña xunto a más de mil muyeres exiliaes. 6 de payares, 2007 0 FacebookTwitterPinterestEmail