Mocedá Xuventú Asturianista refuga la instalación de la Semana Negra nel Campus de Viesques by asturnet 16 d'abril, 2009 La Xuventú Asturianista, organización dependiente del Partíu Asturianista (PAS) amosó estos díes el so apoyu a la Universidá dUviéu y a los estudiantes que se manifiesten en contra del asitiamientu de la Semana Negra nel Campus de Viesques, en Xixón. XA espresó al traviés dun comunicáu, el so apoyu a esto mozos, yá que camienten questa decisión del ayuntamientu ye una incongruencia incomprensible. Pa los asturianistes nun paez lóxico impedir facer botellón a los mozos y dempués organizar una romería destes dimensiones na rodiada del Campus. Per otru llau, pa la mocedá asturianista hai que censurar les respuestes que dan a los ciudadanos que critiquen leventu estos amigos tan afines (Señor Taibo y compañía) al PSOE ya IU. Na Xuventú recuerden tamién que lañu pasáu ficieron dendel PAS una crítica énte la que, según comuniquen se mos insultó dende la dirección del eventu. XA cree que cuando acabel gobiernu y la rede del PSOE ya IX, el so chiringuitu y el so negociu va cayer y Taibo con él. Amás, entruguen a Jordán Suárez, presidente del Conseyu de la Mocedá de Xixón y miembru del PSOE, ¿ónde ta en llugar de defender los intereses de la mocedá?, yá que, según dicen ta supuestamente pa lluchar polos intereses de la mocedá xixonesa universitaria. Piden a Suárez que se defina o abandonel so puestu. 16 d'abril, 2009 0 FacebookTwitterPinterestEmail
Mocedá El Conseyu de la Moceda del Principáu dAsturies estrena páxina web by asturnet 27 de febreru, 2009 El Conseyu de la Mocedá del Principáu dAsturies ta acabante estrena nueva páxina na rede. Una web cola que quieren nun quedar atrás nel mundu virtual. La páxina va presentar servicios nuevos como les páxines gratuites pasociaciones con más funcionalidaes o la nueva plataforma de e-learning. La páxina tovía ta completándose, y anque esiste la opción descoyer vela nasturianu o en castellán, la versión en llingua asturiana tovía nun ta activada. Los responsables de la web piden a los usuarios que manden les sos suxerencies al corréu lletrónicu webmaster@cmpa.es . Páxina web del CMPA 27 de febreru, 2009 0 FacebookTwitterPinterestEmail
Mocedá UNA-Mocedá propón al gobiernu asturianu un plan anticrisis específicu pa la mocedá by asturnet 3 de febreru, 2009 El voceru d’UNA-Mocedá, estaya de mocedá de la federación de partiíos Unidá Nacionalista Asturiana (UNA), Belarmino Álvarez, fexo pública la intención de la organización de mocedá nacionalista de solicitar al gobiernu asturianu un plan anticrisis específicu pa la mocedá. Esta decisión ta fundamentada “nos alarmantes datos de tolos organismos públicos, que dexen constancia de la perda sistemática de persones moces n’Asturies y nel mercáu llaboral” lo que constitúi “ún de los principales problemes pa la viabilidá económica d’Asturies y que s’agravará cola actual crisis económica si’l gobiernu asturianu sigue negando l’éxodu de les moces y mozos asturianos”. Dende la organización moza nacionalista, insistese en que tolos informes del INE (Institutu Nacional d’Estadística d’España) y SADEI (Sociedá Asturiana d’Estudios Económicos) nun dan llugar a duldes sobre la gravedá del problema yá que según l’INE ente 1998 y 2008 Asturies perdió 42.749 y con una espeutativa de perder 17.500 habitantes nos próximos 10 años. Esa perda de población amás supondrá una perda del 25,05 % de los trabayadores ente 20 y 24 años pal periodu 2007 y 2012, según el SADEI. El plan anticrisis pa la mocedá ha centrase en dos aspeutos la vivienda y l’emplegu. Nel tema de la vivienda, pa Belarmino Álvarez “el problema principal ye la Conseyería de Vivienda, yá que la principal preocupación de Noemí Martín ye garantizar el preciu de les viviendes a los constructores” yá que según el voceru nacionalista “Asturies ye una de les fasteres del estáu onde más baxó l’actividá de la construcción y al empar menos baxaron los precios de compra y alquiler”, lo que namás tien esplicación na política de subsidios encubiertos que ta llevando a cabu’l gobiernu asturianu a favor de los constructores, afirmen dende UNA-Mocedá. Dende UNA-Mocedá esiximos que los 30 millones d’euros destinaos a subvencionar a los constructores s’empleguen p’avalar a les moces y mozos y aida-yos a financiar l’accesu a una vivienda digna, por mera dignidá política del PSOE ya IU han acabar con “el socialismu de los ricos” afirmó Belarmino Álvarez. La otra exa del plan ha ser l’emplegu, pero “non planes d’emplegu que se basen en puestos llaborales subvencionaos empobinaos a la mera rotación de desemplegaos y asina baxar les llistes del paru” sinón en “apostar poles pequeñes y medianes empreses qu’apuesten pol capital humanu asturianu con trabayos remuneraos acordies cola formación de les moces y mozos” y acabar coles subvenciones a les empreses “qu’utilicen a la mocedá como mano d’obra barata aprovechándose amás de les subvenciones pa la so contratación”. Pa UNA-Mocedá, les obligaciones del gobiernu asturianu han de se centrar en torgar esta mena d’abusos que n’ocasiones “comete la propia Alministración Pública”. UNA-Mocedá insta al gobiernu asturianu a que nun mire pa otru llau y asuma de frente’l problema de la despoblación y perda de les persones más moces dientro del mercáu llaboral. Si’l gobiernu nun fai nada a favor de la mocedá demientres lo que dure la crisis económica, la sangría poblacional “agravaráse y dificultará de forma estraordinaria’l futuru desendolque económicu d’Asturies, lo que ye intolerable dafechu”. 3 de febreru, 2009 0 FacebookTwitterPinterestEmail