Noreña lleva la música tradicional a les cais del conceyu

22 mayu 08:08 2009 Imprimir

La Conceyalía de Cultura del Ayuntamientu de Noreña, cola collaboración de la Escuela de Música Tradicional de Noreña entamen unes Xornaes de Música na cai col nome de “Noreña pola Música d’Asturies”. Les xornaes van celebrase los sábados nel Quioscu la música y otros llugares de la villa, y van entamar esta fin de selmana, dedicando’l día a l’asturianada.

La xornada va entamar a les 10:30 hores con una Alborada, na que pareyes de tambor y gaita van percorrer la Villa. Una hora más tarde, na Casa Cultura, va celebrase una charra-aderique sobre l’Asturianada, dirixida a toles persones que quieran conocer meyor esti xéneru musical asturianu, cola presencia d’Anabel Santiago.

A les 13:30hores, nel Quioscu la Música, va celebrase’l “Festival d’Asturianada” nel que van intervenir Anabel Santiago, Jorge Tuya, Mariluz Cristobal Caunedo, Francisco Martín Holgado, el gaiteru Valentín Fuente y el presentador Mannuel Rosete.

  Categories:
Loading Facebook Comments ...